潮州人

營業中

休息中

潮州人📍鰂魚涌英皇道937號地舖*･゜ﾟ･*:.｡..｡.:*･'･*:.｡. .｡.:*･゜ﾟ･*返工已經咁辛苦、有時放飯都真係唔想食咁頹今日介紹1間出名花膠湯米粉既小店、如果個日返工1肚氣、可以去補補佢回下血回下魔😹🍜清酒大蜆花膠湯米粉 $77貪心既我想試2個餸所以叫左雙拼😹 湯底唔係味精、清甜食完唔會口乾花膠好大塊唔係薄切切、燜得淋夠入味、唔腥大蜆冇沙清甜、但唔太夠酒味、鍾意酒味既朋友們可以叫醉雞翼～🍜手切肥牛湯米粉 $69朋友配潮洲肥牛米～比大家望下個樣

雖然餐廳名叫潮洲人，但就唔係主打潮洲菜式，而係想傳承店主父親作為潮洲人刻苦耐勞嘅精神，餐廳招牌就係花膠扒湯米粉等菜式🍲。.養顏花膠湯飯/湯米粉 (大) $66見到咁大份花膠喺面頭都流晒口水呀！ 👩🏻當日就想食飯，於是改咗做湯飯。花膠扒都有三、四塊，燜得好入味同軟腍，花膠入面嘅骨膠原令到佢嘅口感好漿口，撈湯飯食都幾唔錯，不過就無咩配料，剩係食花膠就有少少單調，想試多啲其他菜式嘅朋友就可以試下雙併。.另外見朋友就叫咗個花膠撈米，其實都有附送一碗湯，朋友話如果就咁撈就有啲鹹，所以佢不斷加湯入面撈米，最後就差唔多變成湯米😂，大家可以參考下。

今日行過見到呢間「潮州人」，新嘗試😋平時見lunch time 都多人排，入面唔算有好多枱，都要等一陣。見佢有幾款好似係特別推介，叫左個第一眼就見到嘅花膠米粉😍大碗HKD$66，如果怕太多，可以叫細碗👍🏻米粉底可以轉菜底，啱晒唔同需要嘅大家😛其實睇到都知，花膠唔少㗎，大概有3大片，都夠食🤔主要要讚佢嘅花膠好淋好入味，配翻本身清清地嘅米粉真係一流🤤雖然睇落簡單，但食落好滿足㗎🤭佢哋仲有其他選擇㗎，例如蜆、蠔、牛肉、雞肉等等，可以試吓😌

叫咗花膠蜆米粉，細既已經好足料夠曬女仔食！湯底非常清甜，加埋花膠d蠔油汁，絕對夠味, 建議原味食一陣先加辣椒油再食😙另外都叫左醉雞翼同溏心醉蛋，自己覺得調味啱啱好酒味都好夠，可以直接飲d汁都覺得無問題呀！再加上大量蔥花，I like it Lunch早少少去唔洗排隊☝🏻

又到星期一， 心情梗係差。鰂魚涌午餐時間搵食都幾難。 雖然天氣好熱都博一博行去潮洲人食個靚lunch。大約12:45去到，竟然唔使等位就有得坐。記得上次黎都好爆下，可能因為岩岩開張無耐。今日黎到見到唔使等位都有啲驚訝。上次食咗「蠔米」今次轉食清酒大蜆米， 再加個魚皮同同事開心share。魚皮細細碟，但兩個人share 岩岩好。大米粉分量都幾多，男同事食晒，女同事食淨啲啲。 蜆唔算多但好好味， 不過下次食都食返「蠔米」出色啲：）聽到店員話唔食米粉可以改配飯或菜底，都算friendly。搵返上次「蠔米」既相一齊出埋先🤣

早幾年，公司附近有一間食花膠湯水餃嘅食店， 而且價錢親民，小妹大愛。 可惜……幾年後，終於開返間食花膠湯米粉嘅食店 👏👏 花膠喎❤❤ 食咗靚喎❤❤ 唔係唔去呀養顏花膠湯米粉 $57 細/$66 大 ~ 我叫左碗細，都有兩嚿花膠 😋😋😋 個湯好清甜，花膠炆得又淋又入味， 美中不足就係個米粉嘅質地太硬身。醉雞腎 ( 忘記價錢 ) ~ 值得試 👍 酒味濃，同米粉嘅清甜好夾Lunch時間一定要搭正12pm就離開公司，遲五分鐘都排長龍㗎 🙈🙈

早幾日行過鰂魚涌 見到英皇道開左間以花膠米粉招徠既餐廳 —潮州人，招牌同鋪面都裝修得幾有睇頭😼，又見到門口逼曬人等位，就決定今日lunch去試一試🤪1. 養顏花膠湯米粉 (大) $66 + 醉雞翼 ($8) (3.2/5)一場嚟到無理由唔食佢既招牌花膠既，但得花膠就好似無咩肉食唔夠滿足，所以就叫左雙併醉雞翼🥴 味道方面，花膠夠淋，唔會食到漿住個嘴仔，同埋都夠入蠔油海鮮汁巴味👍🏻另外，🐓醉雞翼水準都唔差，酒味重到食緊個時我驚自己會醉🙊 而米粉呢，都幾爽滑，唔會淋啤啤咁🍜2. 清酒大蜆湯米粉 (大) $60 + 醉雞翼 ($8) (3/5)清酒大蜆湯米粉我個人覺得就比花膠湯米線遜色😿蜆無餐單圖片咁大隻，而且唔係好食得出清酒味，海鮮鮮味都唔係太足夠😥 而湯底係同花膠湯米線同一個湯底嚟，有少少金華火腿湯既味但唔係太特別😶‍🌫️地點:係鰂魚涌英皇道馬路地鋪，搭巴宜往筲箕灣方向都會經過，地點方便😊環境:係街出面睇個鋪面同鋪裡面坐滿客人係的確似有大師傅水準😝，但坐入去先知道逼了，全部兩人枱拍埋做六人枱，基本上兩個人食就一定要搭枱☹️價錢:價錢方面就真係希望店主調整下.....😵一碗雙併都坐底$70起，但

鰂魚涌有間用花膠做噱頭，同事話試就即管跟人嚟食，店舖地方唔大不過環境整潔。餐牌話主打住家老火湯同花膠扒湯米粉，我哋左拼右拼一齊食唔講錢，唔算貴。養顏花膠湯米粉$66(大)雙拼手切肥牛+$8加媽咪龍眼蔘蜜(樽)+12元甘香醉鮮蝦湯米粉$60(大)雙拼師父醉雞翼+$8溏心醉蛋$18下次可以再試金牌花膠撈米粉，仲有榴連雪糕，聽講開張唔耐，後記幾張相片，食店門面同埋老闆在餐牌嘅心底話。媽咪龍眼蔘蜜甜咗少少，不過平均分數再加埋氣氛舒服

最近在鰂魚涌麗池大廈那邊新開了一間花膠米粉店，呢個鋪位嘅前身係賣台式便當嘅好好便當。雖然佢叫做潮州人，但佢同潮州菜一啲關係都冇，難免會令人誤會去食潮州嘢。佢哋嘅主打係花膠米粉，但有啲貴，要$69一碗。今次我叫左佢哋另一個主打，牛坑腩米粉，另外雙拼左醉雞翼。除咗湯米，佢哋亦有撈米，但價錢再貴一點。佢哋嘅米粉係非常之幼，同埋非常之入味，可能因為佢哋嘅湯本身肴得比較有味啦，我個人就比較喜歡食佢哋嘅米粉，爽口之餘又唔覺太飽肚。佢嘅牛腩炆得好腍，醉雞翼好有酒嘅味道，整體嘅配搭都相當唔錯嘅。但有一個美中不足嘅地方，就係佢哋嘅米粉係非常之少，基本上你食幾啖就食完。店員會不停咁sell你叫加底，聲稱加底完後個米粉先至等於出邊街一碗車仔米既份量。以差唔多$70嘅價，食一碗「細蓉」份量嘅米粉，的確幾貴。下次有機會，再試埋佢個花膠米粉。

新開世火耐日頭 lunch hour 見到坐到爆晒，咁今日OT完收工就試試去啦。但係呢間嘢令我忍唔住要出post負皮佢！大家自己諗！💀一句講晒價錢貴囉！叫碗大嘅花賿米粉 但份量大嘅係米粉，賣$66只有一片薄薄花膠。係幾入味嘅，但成碗嘢只有一片花膠，湯，米粉。味道十二萬分單調。真心完全唔會再有興趣幫襯第二次。 最㷫係我食完仲有半碗湯未飲個店員問都唔問就收走咗。我O晒嘴。真心覺得呢個嘢好快會收皮😀！ 店舖新裝修目前就算乾淨企理嘅。

一直都冇留意原來潮州人上一手既台灣餐廳已經執咗笠。今日lunch time, 12:30pm左右見佢開左新既餐廳，即刻想試新野。一入到去都係比較迫，無辦法，地方淺窄，我地2位好彩地即刻有位，唔需要等。一定要試吓個推介，叫左個大既，係幾清，我個人好鍾意個湯底。個花膠都好淋，又好入味，配個米粉好夾，推薦菜就不錯，我覺得佢最好係生熟程度岩岩好，唔會太淋太硬，鮮甜既。不過我覺得份量可以大少少。呢個好值得叫，酒既味恰到好處！雞腎又淋，濃味得來同個米粉好夾！不過有個小投訴係，佢份量好不一，我見隔離枱個碟雞腎大過我哋個份都有3分1。同埋餐廳係講到明無水供應，只可以叫野飲，失色左d

鰂魚涌店啱啱開無耐，襯路過快啲嚟幫襯吓，嗰日（星期六，大概兩點幾）基本上係無人堂食，所以外賣都好快。『養顏花膠湯米粉（大）』$66原本以為（大）係全份都加大，原來（大）係加底嘅意思，早知要細就可以，唔使咁多米粉；片花膠真係好似鋸扒咁大，同埋都幾厚，佢係煮得淋身得嚟，但係仲有滿滿嘅膠質，同埋幾煙靭嘅。📍 潮州人 (鰂魚涌)鰂魚涌英皇道937號地舖。好味指數：🌕🌕🌕🌕🌑回味指數：🌕🌕🌕🌕🌑

前兩日見佢地新開張，今晚特登嚟咗試下。嚟到都見唔少人，揀咗二人套餐，$183。都幾有蔘味，偏甜。因為冇雞腎，所以俾咗藥膳醉雞翼！雞油娃娃菜第一碗嚟嘅花膠係厚身同埋大片d,米粉都多啲！第二碗米粉偏小，花膠亦都細塊d!總括來講，算係合格，味道OK，唔會好有驚喜。座位亦都唔算坐得好舒服～ 店員都係快手快腳。