潮州冷美食坊

營業中

休息中

之前都食左幾次 感覺唔錯 所以今日中午同事3人行 堂食 牛河份量變少左都算 仲要好多炒燶 不過平都算數見到同事叫左個 中式豬排餐 見到D汁 多到好似湯咁又稀 肉得果3塊 其他全部配菜其實一送到張枱都知咩料 同果位同事相望一眼 大家都低頭不語一切盡在不言中係得個腩仔飯保持到個水準跟住埋單走人 因為3個人都無散紙諗住叫姐姐分開比 戲肉到 姐姐話唔可以分開比 叫我地埋左張單 先找散比我地分(分別54+54+42)姐係比左$200  找返$50 試問50蚊 點找比兩個人? 我手持$100 想姐姐找5張$20比我好找返比同事 點知姐姐收完錢就係神仙 耍手擰頭話已經找左 呢度唔唱錢我當堂火都黎大聲講左句 $50點找比兩個人 你咁X聰明GE? 就走左利申 第一次開AC 寫食評 平時都做野港九新界四處去搵茶餐廳食 係呢間 格咁衰扮高級野 

呢篇野得真係想打好多粗口 但驚open rice 唔比我過 請大家自行想像 有啲長 都希望大家睇哂今日10點諗住同女朋友去呢間嘢食晚餐 一入到去坐低舉左好耐手都冇人理 扮睇唔到 個場係冇乜人 跟住有個白髮中年攣毛男人 好似係高級小小嘅 問我要啲咩 我話一個炒烏冬加凍檸茶少甜跟住等左25分鐘嘢飲嘢食都未到我哋就問嗰個侍應叫佢幫我地睇睇 跟住佢好串咁講：你叫左嫁啦嘛？叫左就得啦 過左一陣 佢終於比左張單我地 個入單時間係岩岩 我真係燥左 佢仲要只係入左個炒烏冬 入漏左凍檸水走甜 我就同佢講 入漏左杯凍檸水走甜 跟住佢就無講野去入單 張單出到黎 係正常凍檸水 無走甜果下我真係好燥 我同佢講 呢杯凍檸水係走甜？ 佢好串咁應番我：吓？你要走甜啊？ 講到好似我無同佢講咁 理直氣壯咁 我鬧咗佢一句：落x左廿幾分鐘單 都未入張單呢間野味道普通 但食到我好x燥 錯3次 大佬 佢都唔係新仔啦 一兩次 都可以話佢唔小心 錯成咁 邊個忍到？ 我食既途中 佢係我地個位後面抹塊版 係咁震我張櫈 係好x震果種奉勸各位唔好試呢間野 以上爲真實事件

同同事一齊去食lunch 環境衛生一般般 不過茶餐廳都係咁但d野食真係太咸食完真係環飲好多水先得食第味道其實都還可以 早知咁咸不如食炸魚配豬扒包但同事話燒味飯好正 可以下次試下

黎食個晏晝快飯，午市鯇魚飯，咁啱俾正個係魚頭🤪🤪🤪。味道普通啦，不過太多飯，起碼兩碗半。。。我就嗌左鯇魚片粥，都唔錯，好綿好滑，大大碗，一定夠飽😂😂。都多料，好味。不過應該有落味精，食完會口渴🤪🤪。

坑口其實都好多野食，食慣商場餐廳，就試下坑口小店啦😊 呢間茶餐廳位置都幾好，附近又有學校又有屋苑，我諗食lunch要等位🤔 雖然我食夜晚，本身無乜人，但坐坐下竟然滿座🤥茶餐廳一般都係快食，食碟頭飯，燒味飯，快靚正嘛😎😎 但我今次叫咗地魚蠔仔粥 😍 因為我見到蠔仔粥張相好靚 😍滿心期待既蠔仔粥到喇😎 說好澎湃蠔仔呢？豪仔畀啲湯浸住晒😅 雖然蠔仔唔算多，但都尚算肥嘟嘟。而對芫荽冇愛好嘅我，就辛苦咗啲， 因為廚師好似芫茜唔使錢咁，放咗好多😥😥😥 粥底普通，味道有少少鹹🤠 算合格

 例湯竟然浮左一隻烏蠅 ，係熟嘅 🧐。話畀老細知竟然當若無其事😕 。最激氣係， 另外個夥記畀個另外一碗嚟仲兇我話「係咪唔要呀?」吓😟， 間餐廳嘢食污糟仲要態度差 。 blacklist👎🏿。

東港城行完街有d肚餓，係商場兜左一圈都唔太岩食，最後決定行去住宅區搵間茶記食港式下午茶。 熱氣野就最岩我，一於揀呢個炸雞脾、薯餅配什果沙律餐 ($34)，跟餐連野飲，加$2轉凍飲。 炸雞脾同薯餅都炸起冇耐，熱辣辣好香脆，雞脾亦有肉汁，雞皮仲好脆添！ 好少茶餐會配薯餅，呢個組合真係岩哂我心水，食完好滿足。什果沙律都係用罐頭沙律，我鐘意佢加左青瓜粒，沙律醬又過量地多，好開胃清新。 店內大部分都係街坊客，阿姐態度幾親切，座位亦光猛乾淨，唔錯。

搭小巴入西貢露營前想快食個早餐，就係朋友屋企附近食左個街坊常去、就腳既茶餐廳。雖然店名似打冷，但餐牌完全冇潮洲野，以炒粉麵、碟頭飯或扒餐為主。 唔想食咁飽，揀左個樣樣有d既常餐。常餐可選通粉、意粉、公仔麵或出前一丁、烏冬 (+$2)，配叉燒、五香肉丁、回鍋肉、榨菜肉絲、雪菜肉絲或沙爹牛肉，仲有奄列 (餐肉、火腿、煙肉或腸仔)、麵包 (特脆豬仔包或厚多士) 同飲品。我揀左五香肉丁出前一丁、腸仔奄列、特脆豬仔包同熱華田。 五香肉丁比想像中多，啖啖肉配上熬辣辣既丁麵好滿足，略嫌丁麵煮淋左少少。腸仔奄列我本來以為會有兩條另上既煎腸仔，但原來係腸仔切片製成奄列，食落滑溜有蛋汁，腸仔亦厚切足料。 特脆豬仔包搽滿牛油，包皮焗到好似酥皮咁脆，香口鬆脆帶蒜香，雖然未焗到成舊都鬆化，仍然食到麵包軟熟既質地，但我都收貨。其實我好怕食完成個茶餐要飲返杯攤凍左既熱飲，好鐘意呢度既熱飲杯好保溫，食完返轉頭飲華田仲係滾燙，成件事好滿足。出餐唔算好快，落單後等左10分鐘先有野食。 食物份量偏多，女仔一定食唔哂，其實我已經叫左餐牌睇落最輕量既餐喇，如果有普通奄列餐唔配麵就更加好，但勝在抵食大份又味道唔錯。坐左係中間既大

一個人的浪漫-粟米肉粒飯呢區最有水準的茶餐廳，同埋價錢合理的街坊價，每憑午餐都會有好多工友來食，雖然無服務可言，但因為好食，所以我都成日過來食。晚上無晚餐，只有小菜套餐，只要在餐牌上任點，半價跟飲品。粟米肉片飯，食返細細個的味道，現在的粟米汁通常是白汁肉粒那款，呢度係透明的粟米汁配肉片。

遷就以前幫佢補習，而家考DSE既小弟就響佢樓下食就算。叫餸食飯套餐有例湯或飲品送，叫左幾個小菜一齊食。例湯有冬瓜雞腳食湯渣，海味雜菜煲普普通通冇乜海味得幾舊魷魚，菜就多，有啲清淡。椒鹽鮮魷炸得好脆好多粉，魷魚都幾厚肉香口野。西芹魚柳唔包粉都大舊但唔多。蠔餅炸到呢，唔夠鬆脆，餅軟身冇乜蠔，🙄話係推介⋯⋯價錢平，茶餐廳預左地方迫，但出出入入呀姐成日堆啲碗車，食一陣就要人借借仲西西地面，食都食得唔安落。

知道肥仔最鍾意食燒腩仔， 就帶佢嚟我最鍾意食嘅呢間性價比極其高嘅自家製明爐燒味！呢度嘅燒肉全部係燒腩， 選用咗最靚嘅部位 （即係嗰種皮-肥肉-肉-肥肉-肉嘅部位）， 燒到豬皮又脆又金黃。正因為係最靚嘅腩仔部分，肥瘦均勻， 油脂分佈好靚，肉都唔會嚡口。醃製得夠味，內肉唔太鹹。佢食完話有利苑既質素， 但係利苑就會切走咗內肉。 最最最重要嘅分別就係利苑百幾蚊得嗰幾件燒腩，呢到50蚊有好多餸嘅燒腩鹹蛋飯，仲連湯同嘢飲。份量好大，兩個人都夠食。 湯就真係比較多味精啦，但呢度嘅奶茶茶香奶滑，沖得都好唔錯嫁！食完呢個咁滿足嘅肥仔午餐之後，我哋兩個就去咗做gym... 扮下嘢都要減返啲卡路里嘅。 做完幾個鐘頭gym，焗完桑拿，沖埋個靚涼...快活不知時日過，原來十點幾啦！周圍餐廳都關左門， 決定又再返嚟潮州冷食埋野先走。 晚餐時份我又有另外一啲foodie推介。 另一樣極推介餸菜係燒汁茄子牛仔骨煲。 佢食完話個燒汁真係不得了， 隱世茶餐廳呀！個沙嗲肥牛粉絲煲就一般般啦， 不過肥仔鍾意食肥牛，就有得佢叫啦😉 見到佢咁鍾意食我推介嘅嘢食，原來都會有幸福既感覺嫁<3 食完之後去左公園傾計...邊個咁

做功課做到肚餓,落街食個宵夜上次晚上十一點泥食想食粥, 想食生滾雞粥, 或者魚腩粥呀姐話依兩樣距地最好賣一早都已經賣唒上次最後叫左豬潤粥個粥底好好味!加配埋熱騰騰跪口油炸鬼! 十一點半去到茶餐廳都仲有五六枱客食緊今次又係依D時間都應該冇以上既粥諗左陣呀姐行埋泥話"我唔係吹你,但廚房就收爐啦,我唔係吹你"今晚決定食飯!男朋友叫左個男人的浪漫 - 豆腐火腩飯而我就食涼瓜排骨等左五分鐘兩個即叫即整既飯出爐!多飯多料味道適中, 唔太咸汁望落好似好多但用泥撈飯好好好! 食完都走佬

今日喺坑口附近搵早餐食， 見到安寧花園呢間茶餐廳 ，好多人，入到去好驚無位坐，好彩見到有人啱啱走， 坐低叫咗個沙爹牛肉公仔麵， 配多士， 餐肉煎蛋 ，熱華田。 先呢一個沙爹牛肉公仔麵， 沙爹牛肉比較特別， 煮到好林好入味 ，都算幾多， 而且公仔麵係爽口嘅 ，唔會太淋 ，最驚喜係佢塊午餐肉 ，我從來未係出面食過有咁厚嘅午餐肉，午餐肉成1cm厚，其他嘢亦都唔錯， 可以再嚟。

During the weekend, I like to come to this place for a quick breakfast, today, I found that all of their food is super super oily with a layer of oil covering their egg, sausages, rice noodle. Though the taste is not bad, I wish next time they can use less oil with better service. 

今日入去坑口打波，路經此店，見冷氣很夠，就入去試一下，大约5:00，人客不多，環境清潔，坐得也舒服义雞飯一碟，有湯，$42，凍0茶另+$7，望落去就唔多吸引，但食落就好味喎，义燒多肉汁，雞滑，但覺有D貴。干抄牛河下午茶餐，凍0茶，$36+2，又係賣相唔多好，但牛肉好味，可以接受。肉片抄麵下午茶餐，凍0菜蜜，$36+3，杯0蜜很好，但抄麵就唔多掂，可以接受既。整體都好既，食物合格，環境合格，冷氣正，飲品就很好。3人埋單$126，可以啊! 會再來义燒肉片抄麵