潮州巷 (已結業)

又約了某食友來比料，來了潮州巷，原意是去陳勤記吃蠔仔粥及鵝片，誰不知不知是結業或是沒有開，見這裡一副打冷舖的樣子，又問過個阿姐有春菜吃，就坐低叫菜先。又要講野又要趕返公司開會，時間有限，就拿拿林叫了碟鵝片併生腸、杬角肉碎炒芥蘭及潮州炒麵線。食友來到，食物也陸續上檯，驚見炒芥蘭原來是像碟頭飯般切細粒而非一條條，跟落單時說的不同，同店方理論一番不果﹝詳見下列話﹞，唯有照食。鵝片嫩滑，吃落也算不俗，不過鹵水味不夠濃，鵝片的話，還是陳勤記好。生腸完全是欺場之作，用疏打粉漂得過份，吃落還異常的「喇」喉，也懶得再去跟煮的去談，不吃就算；杬角肉碎芥蘭非常的鹹，絕對是配碟頭飯的，真的越吃越火；炒麵線乾身又香口，不錯，三味之中，只有這味算有點水準。埋單一百一十二蚊，在熟食中心來說，是不便宜的價錢。我說過不會再來，不因為價錢，而是因為以下的對話：我：「又說芥蘭是一條條的，何解造碟是一粒粒的？」店方：「啊！幫你切了粒嗎？」虧得她可以扮驚訝。我：「唔係下馬？呢D明顯係碟頭飯的啊！」店方：「係呀！咁呢碟野有無問題呀？」碟野無問題，而係間店有問題，我當然以後也再不會來。

早幾日行開去中環，本來想去桃花園食，但原來又給人包場了，之後想起這裏，就過來看看。見到有幾間選擇，最後決定了來這裏試；我們叫了一個蠔仔肉碎粥(細)、香煎倉魚和蒜茸唐生菜。蠔仔肉碎粥(細) - 蠔仔都幾大隻，但沒有什麼鮮味，粥像泡飯多一點，飯一粒粒都唔腍，應真麻麻。香煎倉魚- 倉魚唔新鮮，雖然外皮好脆，但肉質腍腍的，可以不要。蒜茸唐生菜- 唐生菜竟然係最好的一味，真係想唔到。價錢真係幾平，但相信都唔會再食這間。