潮庭 (已結業)

(1/8/08)一行七人的lunch。步入店,以為去左怡和潮江春,那極似西餐廳的裝潢、紅色透明水杯、餐巾圈、人手不足,都有潮江春的影子。美心攪咁多類同店,吸引人試「新野」,抵佢發o既。可惜這店,首先想叫個人落單都難,就算有侍應經過,佢地o既視線都唔會留意客人既情況。搵到人叫俾本甜品menu,都要叫四次,善忘到咁!!?沙律蝦角、芋蓉春卷、义燒包、山竹牛肉、欖角四季豆餃、什麼米粉(好似餃咁樣)、蝦餃、千層馬拉糕x2。點心水準無驚喜,每籠平均要$30!!太極飯,一邊是菠菜汁；一邊是白汁,兩者充滿草菇和雞肉,簡單說,同白汁雞飯無分別,about$88。潮州炒魚麵,portion極小,芹菜多過魚麵,三四個唔食芹菜的同事們,完全唔會夾。「甜品」反沙芋$68,做法與九龍城食到的好唔同,佢用砂糖焗出硬硬的外殼,包住綿綿的芋頭,一咬,糖殼與芋頭會分開,朕糖味好似食糖蓮子咁!此食法,我好唔buy。大家一致通過, 同潮江春價錢差唔多,味道好味過佢,份量又夠,「潮庭」不會再來。

Jul 4, 2008 LUNCH高檔, 貴氣, 精緻, 矜貴!!朋友介紹, 今天跟同事試一試．　身為５０％潮州人，我幾有要求！！店子裝修高檔，耀目的水晶燈式及典雅的西式餐具，摩登又優雅．令一向給人一種平民，草根感覺的潮州菜脫離了傳統的影子，難得的矜貴！！　高背椅，水晶燈，日本名牌Nikko的骨瓷．．．反而覺得自己有點失禮．滷水鵝，潮州粥，炒粉絲．．．　舊菜新做，經改良後味道卻有點失真．不是不好，卻失去原來的家鄉情懷．．．　直到一味反沙芋．．．你未試過，　好難同你講．．．一字既之曰：SHUN!!

今日約咗三個舊同事食晏...滷水鵝拼海蜇: 滷水鵝好一般, 但朋友就話好好食(可能因為我屋企係潮州人?), 海蜇OK啦, 淋咗D, 唔爽口太極炒飯: 好味, 炒飯乾身煎筍粿: 個皮煎到脆脆地, 香口, 個涵唔似係筍喎..蝦餃: 幾好食仲有一個好似叫乜乜四蔬(有雲腿): 都可以啦, 塊雲腿幾好食水晶包:　我冇食到, 見個皮好似好煙靱..芒果蘆薈果凍: 好好味, 清清甜甜, 唯一係面頭嗰D好似麥提芯個心的粒粒同個果凍D味好唔夾間嘢D裝修都幾靚, 一D都唔似一間潮式酒樓, 如果要坐得舒服咁都可以, 不過我都係中意樓下紫玉蘭多D!

lunch同成班同事過來食，好食夾抵，不錯的選擇

十個人要個套餐,係出面的酒樓已經好夠食,我地驚唔夠,仲要多幾個點心,以為可以食飽有餘,點知份量全部好細,菜得幾條,肉俾得果少少,差的唔夠分,總之個個都食唔飽!仲要唔平喎!都唔知有無搞錯! 菠蘿叉燒包已經算係唔錯既一味…我地成個部門的人,都一致決定唔會再黎!環境係唔錯,但係又貴又唔係特別好食,有鬼用咩!

星期天一行人去飲茶,叫左好多點心:菠蘿叉燒包,燒賣,蝦餃,菜苗餃.一褒唔知咩魚,糯米卷...etc - 總聒來講不俗, 但係食完勁口乾,味道亦偏鹹...服務真係不得不提: 有某女侍應"Zxxe"收碟,竟然叫客人將D空既蒸籠遞比拒- 叫拒唔該收噤d碟(因為唔夠位擺其他野食)﹐拒就聽完轉頭就走﹐跟住無左件事。最離譜係拎住個盤係客人頭上面擾嚷而過! 仲為左懶行多幾步繞過將檯而係個客同埋塊鏡中間強行而過﹐整都個客個頭! 再繼而同個客講:唔該你借借丫.. - 真係得人驚既service! - 但係戴眼鏡男部長/經理就好好人同埋helpful!同埋食甜品﹐個杏仁茶完全唔夠熱,要全部拎返入個廚房再褒熱....裝修華麗﹐環境舒適﹐好有potential...可惜service好lare hea - 如無改進,永無回頭。

同事仔highly recommend呢度食,so lunch一定要試一下,一入到去個環境真係好好,d枱枱櫈櫈&餐具set到如同一間高級酒店的中菜廳,可惜樓底略嫌低咗d,所以lunch hour full house都幾噪,但係就坐得好舒服^^荔蓉春卷- 脆卜卜好味,d荔蓉仲軟綿綿tim方魚肉碎粥- 麻麻地,可能因為凍咗涼拌雞絲海蜇- 雞絲幾嫩幾滑,唔會"鞋恰恰",加埋d酸薑一齊食,好正...潮州粉果- 4個好似人地d蝦餃皇size嘅粉果,個皮好煙靭,好有咬口,d餡好juice...正滷水蛋拼鵝片- 無食到d鵝片,但見到同事仔食到無停口,滷水蛋就一般,唔係特別好食,墊底嘅滷水豆腐就好滑本來對呢度真係十分滿意的,但係因為個部長落錯單攪到好掃興,初頭係個女侍應幫我地落單的,落緊嘅時間個男部長話幫佢,跟住個女侍應就走開咗(當時係一點鐘),過咗廿分鐘有個傳菜亞姐走埋嚟問我地有無叫春卷&方魚肉碎粥(個荔蓉春卷係暖的&方魚肉碎粥係唔熱的),我地已經心知不妙,即時同個男侍應講,佢就話搵人幫我地跟,但係見佢手忙腳亂咁,都無叫人follow到,之後就同個男部長講(幫我地落單的),佢就話ok(當時係已經係

I went there with 8 colleagues last night, had 3 cold dishes, 8 main dishes and 10 desserts. Food was ok, atmoshpere was nice, service was good, ultensils were specially designed, a typical Maxims' restaurant. But for the price and the amount of food that we ate, i think i will go again next time.

那晚有朋友生日，一行九人去此店吃晚飯。點了的食品包括：蠔仔餅、麵包雞(推薦菜式)、四式拼盤、野菌乳酪、例湯、菜等等。其中做得最好的，並不是面包雞，反而是拼盤中的海蔘，用日本山葵抄，很醒胃。而做得最差的，反而是推薦菜式麵包雞....那菜上桌時，有點像西菜的酥皮湯，但不是酥皮而是麵包，那麵包質感頗"實"，既不鬆軟也不甘脆。把麵包"蓋"打開，看到裡面的東西...哇.....感覺像咖喱汁，有油浮面那種，最離譜的是，這個菜，麵面比雞多，裡面的雞，真的沒多少，面對一砵的咖喱汁狀物，大家只能用公筷"打撈"，看看是否有幸"撈"到雞。總括而言，店的裝潢華麗，單看門面你會以為很貴，但埋單落樓，也不過每人150元左右。不過我們是全女班，叫的也只是普通菜式，沒有叫甚麼飽蔘翅肚。以服務、價格、食物質素而言，覺得是一家ok的食肆。