潮得起牛雜腩粉麵皇

營業中

休息中

其實野食真係唔差 老闆呀 點解你要無喇喇將個米粉轉新竹米粉呀好唔夾 好難食 一直都幫襯開 搞到依家唔敢再嗌 本身以為你地米粉冇貨 再嗌下一次都係一樣用新竹米粉 隔一個月再嗌結果都係一樣好難食😫😫😫希望可以轉返普通米粉🥹我係好鐘意食你地d牛雜嫁係個新竹米粉有問題囉

今日好想食牛腩，平時見到都幾多人食呢間，就行入嚟試一試，夜晚時間都要等一陣位，大概五至10分鐘就可以入座。首先叫咗個牛腩飯，牛腩嘅份量比得好多，圖片都見到係一大碟，牛腩炆到好腍醃製入味，牛腩汁係食得出有五香汁，份量比得好足夠👍🏻紫菜湯包埋嘅紫菜湯，飲一啖暖笠笠，紫菜都比得唔少，唔會得幾條咁樣😂凍檸茶嗌咗凍檸茶少甜少冰，味道正常牛雜牛腩河牛雜入面有牛肚，牛腸，牛氣管，牛肺等等，不過牛腩河比嘅牛腩就冇牛腩飯嘅牛腩咁靚，冇咁腍，所以比較推介大家可以嚟試吓牛腩飯，啲牛腩真係好出色☺️

📍潮得起牛雜腩粉麵皇 (青衣)青衣青康路12號長康邨康貴樓地下10號舖==============================長康街市裝修後多了很多間新的食肆，除了牛雜麵還有吃飯和其他粉麵可以選擇😍==============================牛雜麵🐮牛雜非常入味，沒有怪味，唔韌，份量都算多，湯底好濃腩汁味👍🏻幼面鹼水味不太重，爽口彈牙辣椒油🌶️都非常出色好香但唔會死辣👍🏻

經過見店內外都唔少人，又將近食午飯時間，附近又唔太多選擇，決定入去試試。牛腩飯（$45）凍檸檬茶（+$7）牛腩同飯分開上，肉同飯份量幾多，而且仲有碗紫菜湯。牛腩肥瘦適中，肉質唔嚡唔痴牙，味道足唔過咸，仲有幾片生菜墊底。紫菜湯偏向少少咸但可以接受，蒜蔥芹都有齊，紫菜亦夠。凍檸檬茶用細嘅外賣紙杯，份量較少，唔夠喉，$7唔抵（豆漿都係$7支）。

難得在邨內開間粉麵店，邨內巿民反應熱烈，成個星期都多人光顧！我七日內兩度去食，首日幫襯時，牛腩、河粉賣晒，只食了紫菜四寶粉，唯湯底偏咸，味道不過不失，始終第一日經營，拿捏不準，情有可原。事隔六日，我又去食，點了牛三寶（牛肚、牛勪、牛腩）米線，分量十足，湯底正常，不咸，$47元一碗，食完都好夠飽！由於外賣單不少，現場食快啲！希望呢間店繼續努力，讓邨內巿民多個選擇🙏🏻🙏🏻😙