影片
以上資料只供參考, 請與餐廳確認詳情
食評 (8)
話說果日心血來潮想食燒肉放題，點知上ＯＲ先知黃金果間宮Ｘ裝修緊…（好彩有事先睇咗）搵呀搵，搵極都搵唔到有第２間啱心水…正當我諗住放棄嘅時候，男人突然手多「禁」我部ＰＡＤ，就入咗呢間潮燒～因為本身ＯＲ上無寫明係燒肉放題，所以我無留意到呢間，直至男人是旦揀而入咗去睇…睇到有人寫＄１２８＋１先知係放題…打電話去問，先知原來佢唔係新開，卻一啲都唔貴！！ 呢間店嘅前身係好多人用泥「試膽」嘅壽司店，唔洗講都知點解啦？所以自從讀完書，該店又愈來愈多「事」之後我都無再行果頭了～對上一次就係響對面食自助餐，不過朋友揸車，一落樓就轉彎行咗去，根本無留意到…不過真係覺得好彩有去，因為又可以介紹一家唔錯嘅店俾大家了～該店店內環境算係幾乾淨，而且最值得讚嘅係佢嘅抽風唔錯！當然啦～我哋果日食，晚餐時間都係得８枱左右，唔係全場爆滿～味道自然較少…但係張張枱、個個都燒，店內味道都唔係好厲害，算幾好！其實潮燒真係平靚正～價錢唔貴，嘢食種類唔少，而且質素亦唔錯～不過亦有有待改善嘅地方：建議客人就座之後先俾碗筷，否則啲嘢黏滿哂塵俾邊個用？刺身係送的～幾ＯＫ！不過其他我無試…熟食方面，田螺真係要一試！非常新奇有趣！亦好好味！另外就係我至愛嘅薄餅～又夠熱又脆～～不過我覺得炸嘢就一般了～（我自己唔「好」）（自己燒）燒物嘅選擇唔算少，份量亦ＯＫ！叫嘅都有到齊～不過肉嘅話，其實分唔到邊樣打邊樣…食落感覺亦差唔多…其實店員曾推介過兩三樣，例如下圖有骨果隻肉，不過我又忘記叫乜了…佢推介得好好，確實係特別好味的！大家可以又去問吓呀～抽風幾好，食完之後個身都唔會太大味～個爐可以免費換一次，不過之後就唔知要加幾錢了～～請各位記得叫佢嘅甜品哦～～尤其泡芙，男人同我都追加了！！（似「宜家」果種，裡面食落似雪糕嘅感覺）其他我覺得ＧＯＯＤ的，不過男人覺得一般～～（因為佢已被泡芙擄）潮燒俾我嘅感覺就係衛生、整潔，而且食得飽你啦～而且佢平日係做餐廳，所以食物種類同其他店有少少分別（熟食），亦可以試試～最後要講嘅係服務，店員態度唔錯，反應亦快，不過成日覺得有人望住自己咁…錯覺？
繼續閱讀
之前團購食過呢度,野食同服務都唔錯!今日去完OP,早一日就決定黎呢度食野,試埋佢個任食!$128+1真係好抵,灣仔區又有咁多野食ge放題!去到冇咩人,早知唔book都得,可能係平日兼佢唔係旺ge地方!即刻狂點野食,咩肉都點D!網燒感覺好似冇咩油,而且佢呢度抽風好似唔錯咁!叫左D芝心丸,不過入面唔係芝士@@仲有個咩芝士麫包卷,D fd唔係好知點燒...佢果兩種雞翼都好好食,我地encall左幾次,D骨挑開左,好易就食到,而且幾入味!牛肉果D比較大件,女士唔係好鍾意,男仔都ok一件半件,太多會好膩,細件D會好D!一串串ge有洋蔥有牛果個唔錯,幾健康ge感覺,都幾好味!最鍾意食佢個朱頸肉,唔韌之餘賣相都好好,我encall左好幾次,食左好多!必食呀!多春魚唔會好易黐住底,唔似其他韓燒咁易散晒,讚呀!其實太多肉都會好滯,所以佢呢度都好似其他同類店舖咁,有D其他熟食!炸蝦同炸魚都唔錯,不過一定要趁熱食!仲有田螺,本身令人好開心,但係佢伴埋D酥餅感覺有D怪,挖返舊田螺出黎食就唔錯!有得燒菠蘿,都幾甜!除此之外有前菜,如凱撒沙律等,呢個試過就一般啦,D麫包粒唔係咁脆!仲有中西湯,西湯今日係粟米湯,都算唔錯,一人飲左一個!飲品方面值得讚,唔只汽水,仲有凍檸茶叨,朱古力等等!朱古力比較淡,唔係好得,不過凍檸茶相當唔錯,係甜左少少!仲有甜品,不過我冇咩位試啦!上次食果個水果fruit tart好食但冇晒,朋友食果D甜品就話偏甜!不過始終呢度唔係食呢D野,不能要求太高!呢度咁ge價錢有咁多種唔同野食仲要質素唔差,而且服務真係好,你要咩都會比,上菜又算快,係有少少漏單啦,不過整體都真係好食得過播!點解會冇咩人黎食ga呢?!下次會再黎呀! keep住呢個價呀!
繼續閱讀
傍晚6:30左右去到 可能未到食飯時間 店內空空如也 心諗中伏!不過本身買左團購 所以都要入去食門口見到原來佢做特價 任食由$188 去到$128早知唔買團購好過 ﹁_﹁不過都係小試牛刀 先試試好唔好味其實基本上同盛8果d 一樣食法 佢用既料都唔差 而且油煙唔大食物既賣相同味道都唔錯我食團購果個餐就淨係得小量沙律+餐湯+蒜蓉包任食沙律都帶酸 可以話開胃 但係都係好酸 叫左一次就冇叫蒜蓉包好味 丟落去燒燒d 牛油蒜蓉仲好味本身限時 120分鐘 不過由於閒日+新店問題 店內未坐滿人 所以同d fd 吹水全程大約3小時都冇俾人趕走侍應唔多 不過我覺得服務好好 可能唔忙啦 我仲同個姐姐有傾有講感覺比盛8好添短期內我都有意再幫襯
繼續閱讀
同事同阿頭又考起我了，又是一出公司門口才問我去那裡食飯。在這短時間可想出什麼? 重複又不是一件好食，之後我想起了當年的灣仔明將。帶同事去受罪，非也，灣仔的明將已結業多個月，現在該舖位已變成一家烤肉店，叫做潮燒。我們中午時段到來，每一張檯都有烤肉的setting，卻沒有見到有人在烤肉。而我們覺得，店方只給我們 set lunch 的 menu 而沒有單點的 a la carte，相信這店的中午只做套餐。另外，這店也看準了附迎多學校的商機，穿校服來或出示學生證，就會得到更多的折扣。所以，在我們仍未決定吃什麼的時候，連人也未有到齊的時候，店方已一人來了一碗濃香而又充滿胡椒黑椒香味的菜湯。濃香有豉味，可口。 燒鯖魚，貴價的鯖魚是中國入口，廉價的鯖魚也是中國入口，價錢貴平，只是睇下你係邊一度享用啫。同事分了少少給我，一吃之下魚肉未夠滑就是一分錢一分貨的原因，骨多不是問題，只是我不喜歡太多幼骨既魚仔。鐵板上夠香，餃子亦夠日式，感覺尚可。 炸魚柳條，飯是另上的，不然，這一個得個汁既套餐都唔知點食。汁像是熱的 Tartar Sauce，幸見魚柳條不是雪藏預製品，還可以算做可以。 焗咖喱牛脷飯，一看名字，大家都知道這是全場最沒可能出錯的食品。咖喱味雖然未稱得上香濃，但夠味道(豉油搭救)，微辣的咖喱令人容易接受，而且很香，很腍的牛脷，亦夠份量，食得飽。 食物一般，但地方卻是異常的舒適，老細看見燒牛肉的價錢不貴....我感受到愛吃烤肉的他....歡喜若狂起來。
繼續閱讀
食物不錯，但侍應服務一般 2012-09-17 19:47221.127.x.x其實食物以及服務態度都很不錯，老闆仲態度亦親切，夠鐘亦不趕人走，但唯獨有個女侍應，當我地黎搞事噤，全程看住我們用餐，埋單個陣仲鬼噤煩話我地過哂鐘，係老闆比你JA，“依依鵝鵝”，到最後仲狂話的地食淨噤多野要加錢呀，，，，，點點點我知食淨野係唔啱，但其實唔係好多囉。而且呢種服務態度好趕客，如果再去都要唸唸先囉！！
繼續閱讀