潮牛腩

營業中

休息中

騸牯牛肉麵，唔係牛腩麵，有牛肉味，夠滑，真係唔同，店員話係打邊爐嘅靚牛肉做牛肉麵，又真係幾好食，而且限量，每日買曬就冇，有下次再來食👍，店舖光猛，地方都幾企理。

外賣筋腩飯$60，加凍檸茶加$5，中午一點外賣，落單唔知伙記定老細，叫完野食諗緊叫咩野飲，就趕住出單外賣人唔多，等約10分鐘。番到公司食外賣仲熱，但牛腩得4、5舊，牛筋約3舊，以咁嘅價錢計份量少，牛腩偏廋，湯底胡椒味重，牛味一般。整體價格偏貴，無下次。

朋友介紹話呢間個清湯腩唔鍇，今日去灣仔做嘢，就順便試吓，賣牛腩來講，地方算企理，店員都幾有禮貌，叫咗碗牛坑腩河粉，份量夠，腩夠入味湯清甜，真心唔錯，看到隔離枱嘅咖喱牛腩飯都幾得咁，下次再來試下👍😋

食開尖沙咀店，今次試下灣仔地鋪店，點咗牛坑腩河 + 凍檸茶，盛惠$103，價錢同尖沙咀店差唔多，牛腩質素差左十萬八千里，牛腩肉柴，少脂肪相間，睇圖就知道質素有幾差下，好激氣

牛腩超級肥，成碗得個4、5舊之餘，仲要舊舊都係脂肪，肉的部份佔1成都冇，怕怕😵。其實點解咁都可以serve比d客食既？湯底都好普通，頗淡，冇咩味。唔講唔知係用牛淆既湯。職員態度傲慢，落order時有壓力，要遂個人遂個叫，唔準用英文（但明明餐牌係用英文付號），要叫返食物中文全名，最好係menu指埋比佢睇添！ 食物未黎前都仲有d期待，心諗能夠請d咁有澳牛feel既伙記，食物應該會有返d水準哇。。。。結果，落差太大了！有少少比門口d明星相欺騙了。🙄總結：＄56食左碗淨河 （牛腩太肥，真係入唔到口），一次便夠了🤑

上次食完屯門新仙一吐氣爽腩河，今次食番碗好味嘅爽腩伊，開心番晒，不過伊麵略為腍咗D，唔啱我口味，價錢算貴，間唔中食下都可以。杯凍檸茶比較遜色，所以連相都無post。

真心好食既牛腩，其實本身唔算中意食。但食得出佢真係真材實料。湯底濃得黎唔會口喝，會再去食。有試埋豬蹄筋，第一次聽亦第一次食，感覺好骨膠元 XD建議叫埋餃子黎食，9菜唔錯

剛剛食完嘢作為牛腩粉嘅地方一啲都唔平，基本上都要六七十蚊，但作為招牌之一嘅牛脷，竟然黑邊，毛都未抆咁，冇打咗個突味道都還好啦，價錢偏貴，雖然好近公司，但未必會再黎。。。

$94 得兩舊肉。收這個價就唔好咁孤寒啦。我都願意$94蚊食碗河粉，圖片顯示起碼有5舊肉我才叫的。唔怪之得，中午食飯時間都無咩人。價錢做唔到，可以再加價 。例如$128⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

湯底鮮甜，可以感受食材嘅原味，真係最難得珍貴。鬧市causeway bay都有隱藏著地道港式風味，必試經典牛坑腩。牛坑腩粗麵炆得非常軟腍，而且每一啖都有骨膠原。肥瘦分佈均勻，根位同肉質入口即溶。清湯牛腩湯底清甜，能夠飲到牛骨濃郁嘅香味。牛腩偏瘦，肉質實淨。咖喱魚蛋唔係街頭嘅普通魚蛋，而係選用咗潮州嘅魚蛋，所以特別彈牙，而且每一粒大小不一，證明是手工製作。而且咖哩汁都好香，薯仔軟糯，簡單之餘都好好味。

Been a while since I've had some beef brisket, tried this beef brisket place in wanchai. Ordered both their limited cuts - 爽腩 - skirtsteak? vermicelli and 坑腩 - bonelessshortrib? curry with rice. (I just googled the English haha not sure if it's right) The skirt steak is identified from the two crunchy sides sandwiching the meat in the middle that gives it it's signature crunchy texture, 爽腩 kinda translates into crunchy brisket in Chinese. The other is known for its deeper beef flavours so I had

清湯牛爽腩河 $90清湯崩沙腩河 $90餐廳選用左騸牯牛 聽個名覺得好似好pro咁🤓牛味好濃 肉質好滑 膠質都好足夠😝個湯係熬左18個鐘嘅牛骨湯 清甜又唔會覺得漏😚蘿蔔好腍 又吸收埋湯嘅精華 河粉非常之滑口😋ps牛坑腩/爽腩/崩沙腩都係限量供應 有興趣記得早d去😉咖哩牛丸 $42咖哩魚蛋就食得多 牛丸真係第1次 估唔到又幾夾😯牛丸好彈牙又有牛味 咖喱汁又夠哂惹味😜炸魚皮 $28份量都幾多 脆卜卜 配湯河食幾好😁

呢間位於灣仔、由電影🎥老闆開嘅清湯腩專門店新開無耐，店內除咗普通牛腩🐮外，更有一系列牛坑腩🐂、牛爽腩🐂同崩沙腩🐂每日限量發售。點解咁矜貴款款都限量發售？原因係因為佢哋嘅牛係用上騸牯牛。網上💻搵資料先知騸牯牛係已經閹割咗嘅牛，呢款牛嘅脂肪會比較多，而且肉味更濃，想食靚牛就真係要早啲嚟喇！😅清湯牛坑腩河粉($90)，先嚟要讚一讚呢度嘅湯底，濃郁而且清甜，飲完一啲都唔會覺得口渴👍🏽。主菜牛坑腩果然肉質幼嫩，肉味濃郁🤤，如果你想重口味啲，不坊叫碗咖喱魚蛋，加少少咖喱汁一齊食，味道會更惹味！😋食後感：講真，呢個價錢屬於中上價，不過質素又係幾唔錯，如果份量再多啲就更好，附近返工嘅人都值得嚟一試嘅！🙂

Beef brisket noodles are one of my go to comfort foods, but a good bowl is hard to find in HK. I used to go to On Lee Noodle in Shau Kee Wan until I moved too far to make it a regular treat.Until now - on recommendation of a foodie friend I visited the newly opened In Beef潮牛腩in Wanchai. The seating was unpretentious yet comfortable, bright and clean. The service was friendly and professional. Yet what really stood out was the food - each dish we ordered was impeccable. It’s obvious the chef has

雖然市道唔太理想，不過亦無損食店開業，剛剛上星期位於灣仔嘅粉麵店正進行試業階段，主打售賣「🐮新鮮騸牯牛」，相信識食嘅都知道每日嘅來貨量係超級限定，真係晏左嚟都食唔到，賣晒就好㗎喇😏。除咗超限量嘅爽腩、坑腩、崩沙腩之外，仲有咖喱🍛同其他麵食，總有一款啱食😋———————————————————————————🍜清湯牛爽腩/牛坑腩河粉（$90）💬湯底熬製18個鐘，保證無添加味精，每日限量發售，午市時間「崩沙腩」已沽清。新鮮騸牯牛嘅坑腩同爽腩都好腍滑，而且好有牛味，膠質亦好夠，蘸少少🤏辣椒油🌶️，不錯😋