潮發餐廳菜館

營業中

休息中

星期一同男朋友放假入左長洲玩 見個天差唔多落雨就走左入呢間野到食 見佢任簡兩個餸138送多碟炒菜 價錢ok就坐低左 簡左兩個餸 分別係椒鹽瀨尿蝦 同埋 避風塘炒蟹 兩碟餸都好快上到枱 點知一睇碟瀨尿蝦已經發現出事有3/4隻 比師傅炒到甩頭都算 隻隻都好細隻 最大隻果隻都係粗身螢光筆咁既長度 又冇肉食 又唔係新鮮 都算 有個椒鹽味道搭救當送飯 最嬲係果碟避風塘炒蟹！！D肉係梅！！食得出係好乾好鞋同埋唔知擺左幾耐 感上仲慘過食低級酒店果種凍蟹腳 成餐飯係得碟蝦醬炒通菜正常 間大排檔名話就話係海鮮先係主打 但對住果兩碟所謂海鮮 真係多謝夾盛惠 自己落街市買黎白烚 我諗都好食過佢 真係以後唔會再幫襯 收到openrice 比我既email話：由於食評含嚴重指控 / 投訴(d肉完全係梅)，所以我們必須提醒閣下需要承擔因食評內容失實而導致的任何法律責任。我要聲明我以上講既野係事實 並冇任何誹榜成份，有睇開呢間餐廳既食評/食過既人都知 我講既都係事實！

不要被門外招客的阿姐騙到，以為價平，還送你湯，炒菜，免茶和加一。起餸快，只因食物一早煮好，差。食材極不新鮮，海鮮質素低劣，差。唯一可取就只有碟炒菜，匆匆扒過白飯便走頭，埋單要218元，真係呻笨。千祈唔好上當.....!

見有bb同行，搵間冷氣的食，行過被截話咁早食可免費送清菜，就安排入面食(正常應該有冷氣)，位置逼都算，越坐越熱，落單唔夠10分鐘就出晒d野食…鑊氣冇乜都算，又唔熱……速速食完就埋單，埋單時同sell我地果個講，出面仲涼過入面，又話人多係咁，我地話根本冇開冷氣，又話長洲係咁，冷氣壞冇人整…我一定唔會再幫襯!!

海鮮超級唔新鮮 蟹好擺明係死蟹 瀨尿蝦入邊肉都係灰色。因為個蟹已經識左兩三夠就唔好意思退 就退左個瀨尿蝦 但係服務態度勁差！！！超級沒素質！千其唔好來。比個女既激到嘔血。。但係個年紀大小小既阿姨就比較講道理。

唯一可以食得下架就係腐乳炒通菜 原本我地係點左滑蛋魚柳 結果廚房搞錯 俾左滑蛋蝦仁⋯兼且蝦仁滑蛋尼個菜 明顯食出落左好多味精😥 尼到就已經無曬心情食野啦☹ 個椒鹽鮮魷 都麻麻地 不過138三個菜 都算ok架啦

第一道菜，扇貝比手指公大一點點，已經失望左。第二道菜，避風塘少蜆，已經好想立馬就走，蜆，細得可憐，上面的炸蒜hea 到其實可以唔放。第三道菜，西檸雞，賣相超級樣衰。真心唔值318 蚊4道菜。超級失望。

今日同男朋友黎個快閃長洲，夜晚就揀咗呢間食海鮮。其實本身係諗住試返之前果間，不過又要排隊等位…呢間冇人排，同埋諗住比個機會試第二間丫嘛…點知真係出事啦…😦叫咗5款菜式$250，豉椒蟶子，薑蔥炒蟹，西蘭花炒鮮魷，水煮花蜆，蒜蓉開邊蝦。除咗開邊蝦同西蘭花炒鮮魷要等一陣先到，其他都黎得好快。我覺得啲野食係整定，翻煮就出得，除咗西蘭花同開邊蝦係熱嘅，其他都係暖暖地…一啲鑊氣都冇😧豉椒蟶子，分量OK,冇沙，豉汁味OK…不過唔熱嘅…如果唔點豉汁食就冇咩味lo...😅薑蔥炒蟹，呢碟係所有菜式入面最伏嘅一碟…唔熱，冇鑊氣…覺得佢係整咗一大盆裝一碟出黎咁…啲茨汁凍咗變咗一舊舊…啲蟹肉好霉，冇味，散嘅，唔知食緊咩…😑但好好彩，食到最後4份1舊係食倒有鮮味，唔散，唔霉的😂西蘭花炒鮮魷，幾好味，不過不失，起碼食倒佢係炒過同熱嘅👍水煮花蜆，味道OK嘅，冇沙，不過都係覺得佢係煮好一大盆裝出黎…唔熱lo...😑最後係蒜容蒸開邊蝦…只蝦一開二，相對分量唔多，有啲未去蝦腸，蒜容還蒜容，蝦還蝦…如果唔連蒜蓉食…係冇咩味…不過都可以接受，因為係熱嘅。水魚做一次就夠，如果想食快餐海鮮可以揀呢度，一定快，但唔代表靚同正。我知一

等左好久，菜都未齊！同埋好難食！一共叫了三個菜，蟶子，時蔬，炒蟹。等第一道菜蟶子大約等左一個鐘，蟶子食完大約半個鐘，第二個食蔬才端上檯，蟶子都是沙不算，食蔬亦都係好難食，食左一口就頂唔順冇再食過。炒蟹等到最後都未來，要求了大概十次才算退掉了事。不打算再來。

平日得閒都鐘意用圍食用圍玩今次黎到長洲，當然要試下呢到最出名既海鮮啦本身睇OPENRICE以為呢間潮發都應該麻麻地但俾一個熱情又靚既叫客小姐拉左入去試仲話唔好食退番錢俾我，既然講到咁就去試下啦，俾左個好開心好豐富好美味既晚餐給我呢到既套餐價真係好抵，份量又夠又好味道，仲會額外送個菜俾我地，真抵食！$118•兩個海鮮$158•三個海鮮$208•四個海鮮$258•五個海鮮

貪方便去咗這間最近碼頭的海鮮酒家，兩個人叫咗簡單3碟餸做午餐。青蒸盲鰽，肉質好痗，食唔落口；豉椒炒聖子，好咸冇鮮味；椒絲通菜，冇乜特別算是正常。唉，冇下次！😫

被遊說食便宜海鮮餐，果然便宜莫貪…1. 避風塘炒蜆完全無避風塘風味，蜆肉細小預左啦 2. 豉油皇炒蝦無乜豉油味，蝦仔細細又係預左啦3. 豉椒炒聖子嘩！呢款個外表真係極品，我完全無食過以上三款加送一炒菜，承為$158，真係平平平，但唔值值值無茶水，無加一 , 是我對這店的唯一欣賞。

炎炎夏日,和家人到長洲走走,曬到頭暈目眩。行到7時,肚子鼓了,到了潮發晚餐。因為看到隔離桌的菜色份量少,所以我們5個人叫了8個餸。-清蒸紅鮪魚小,但火候很好,魚肉嫩,可以一試-蒜容蒸蝦蝦有10隻左右,尚算新鮮,味道都可以-豉汁聖子好味,好新鮮,無沙,必試-生炒骨、姜葱蟹、粟米魚肚試、通菜鮮魷一般,可以不試以一分錢一分貨來說,這個價錢是ok!

同之前打食評的朋友都大致上一樣,有一個熱情海鮮姐姐走埋黎,講好多野....心諗間間都差不多,唔想行咁遠,就第一間啦.叫左三個餸,叫左豉椒炒聖子,蒜蓉蒸開邊蝦同埋豉汁蒸黃立倉.送碟油菜!等左不超過10分鐘,所野食到齊...先講豉椒炒聖子:所有野冇炒過的味道,聖子拖水撈埋一早打好的茨,快過快餐...                      出到黎台面成碟野凍冰冰..聖子同個汁的溫度相差太大,                      聖子暖暖的,但個汁就凍冰冰,諗起都反胃!!!!!到蒜蓉蒸開邊蝦:蝦只有5隻半,眼見的蒜蓉不多,摸摸隻碟又係凍冰冰的,                      碟野係蒸的但係隻碟凍的..我一放落口.......隻蝦都係凍的.                      蝦肉質是梅梅的,冇蝦味.除左個幔頭外,成隻蝦零味道.                      一心諗住去長洲食個蒜蓉蒸蝦,衰極都唔會咁掛!?   豉汁蒸黃立倉:講到黎條魚已經想講粗口,隻碟又係凍...魚又係梅身的..                      果個豉汁硬左痴住左係條魚度..成條

原本排最多笑臉果間，但真的等太耐。見呢間快就試下。7：00pm order, 瀨尿蝦賣哂！可能係公眾假期吧。椒鹽魷魚好咸！聖子有怪味！ 帶子放到入口但不算好味下次唔敢貪排少d隊了！

同朋友去長洲一日遊, 初頭無諗住係道食埋晚餐先走. 見咁多係沿海的食市, 諗住坐係seashore食飯又可以望下個海...咪留低食晚飯. 潮發係海傍路第一間. 都未到檔口就有個呀姐衝埋黎hardsell..個餐牌$118兩餸套餐, 個呀姐話送多碟菜比我地, 可能係平日要爭生意啦. 咁就比佢拉咗埋位..我地無上openrice看食評, 有d戰戰兢兢. 我地叫咗3個餸1) 青椒炒聖子 - 唔掂! 拿到埋來都唔熱!! 有無搞錯呀, 唔係即將炒ga 咩?? 我朋友話要同佢講, 我話算啦, 驚佢加料, 佢係外國返嚟就照要佢整返熱佢. 唔講凍定熱啦, d 聖子, 我覺得霉霉地囉, 因為最近係屋企附近食過, 殼多過肉囉..去圖..睇返2008 d 食評點解咁大碟, 我地果d縮晒水?? 2)豉椒蒸倉魚 魚就幾大條下, 唔知佢蒸得耐, d肉好實. 我朋友話好味..我就覺得可接受啦 去圖..3)蝦醬通菜 睇返之前d 食評, 完全無改進. 真係無蝦醬味呀!!! 菜幹唔熟呀..去圖.. 送多個菜就可以接受, 如果only 兩餸我會suggest你去第2間食, 魚同聖子我覺得仲差過西環食開間茶餐廳lor我