潮窩 (已結業)

以前少行黃埔，自從地鐵通車通就相對多啲行這區，這店主打手功火鍋。我和朋友叫了濃湯花膠湯底，半隻雞份量，滾起飲了幾碗，味濃郁！椒鹽九肚魚酥脆香口，椒鹽更加惹味，送酒一流。手切安格斯牛小排薄薄一片灼起可食，純肉冇渣食得暢快。紫菜響鈴放湯一秒即撈起，響鈴吸晒湯汁變軟身，反而紫菜味不足，令響鈴變得單調。皇帝菜又叫做「茼蒿」，坊間傳言，「茼蒿」在古代是宮廷佳肴，只有皇上才有資格品嘗，所以又稱皇帝菜。此菜具有調胃健脾、降壓補腦等效用，所以見到有皇帝菜就叫來吃，清甜。食到尾聲，餐廳還送上菊花雪梨水，清甜潤肺，夠窩心。

經過黃埔見到這間私房火鍋，環境又不錯就來試試了。.餐廳座位闊綽舒適，有雞煲食都唔見大油煙，通風系統有落功夫。.但想健康啲就點了濃湯花膠雞煲翅湯底。然後就上了一大盤醬料，值得稱讚是竟然有薑蓉！加分。👍🏻.湯底奶黃色，一睇就知是精華濃湯，完全不油膩，味道濃郁，好重骨膠原，我們直頭當湯咁飲，好彩個湯份量夠多仲可以加。而且煲過的雞都嫩滑，還有花膠、娃娃菜等，真材實料冬天食實在滋補。.美國雪花肥牛，份量都多，色澤紋理均勻，食落嫩滑有牛味，屬高質肥牛。.芥末墨魚丸，雖然只有4粒，但食得出好足料，而且真係爆汁，幾特別。.鮮蝦雲吞大大粒，皮薄餡靚。.我們還點了餐廳推介的萵筍，清甜爽口。而且飲品仲有泰國鮮椰青選擇。.值得一提是這裏的服務十分好，經常會看看你有什麼需要。👍🏻

潮窩今日約左個好耐冇見既朋友食飯，咁就緊係要搵間環境舒適既火鍋店，慢慢食，慢慢傾啦😛。招牌卜卜蜆鍋$188卜卜蜆隻隻都好新鮮飽滿而且冇沙😋 湯底有濃濃既蒜香味，超級鮮甜，唔會太咸/太淡，可以直接當湯飲！而且之後既食材基本唔洗點醬料都已經好夠味～。安格斯牛肉粒$128一上菜見牛肉粒既色澤紅潤，油花分布均勻，就知冇叫錯，果然入口肉質鮮嫩多汁，肉味濃郁🐮。韮菜餃拼雲吞$68每隻都皮薄餡多；韮菜餃鮮味多汁，而雲吞入面包住大大隻既鮮蝦🦐絕對係誠意十足既手工餃！。士多啤梨墨魚丸$58見到呢個組合好似幾得意就叫黎試下🤣墨魚丸入面既士多啤梨果醬略嫌太少，只能食到淡淡既士多啤梨味，不過勝在墨魚丸爽滑彈牙補救。潮式炸紫菜金菇$58紫菜金菇炸得香脆可口，令人食唔停口！。自家製竹蔗水$58竹蔗水非常足料，清甜解渴，令人想一飲再飲火鍋同竹蔗水果然係perfect match👍🏻-地址: 潮窩 (紅磡)紅磡必嘉街112號紅磡灣中心地下20號舖

早幾日約咗朋友去紅磡交收就順便約埋打個邊爐。 經過呢間餐廳， 見唔使等位就衝入去！ 望到張點菜紙， 見佢個鍋底都有好多選擇， 樣樣都好想食， 最後決定叫咗「濃湯花膠雞鍋」， 火鍋配料點咗手切安格斯牛小排、響鈴、芝士牛肉餃、菜， 另外叫咗潮式炸紫菜金菇同埋涼拌黃金皮蛋做小食。 花膠雞湯好足料， 花膠好爽口彈牙仲要大大嚿。 牛小排亦係高級貨色，另外牛肉餃就好有韓式嘅風味。所以食材都係高質新鮮貨色！ 而小食炸紫菜同埋金菇用嚟送走簡直一流，但味道就有小小咸。餐廳唔算太大，但人亦唔算多，好適合同朋友慢慢嘆、慢慢傾。

成日去打邊爐唔係食雞煲就係麻辣火鍋， 今日跟朋友去一間佢聲稱好好食嘅潮窩試吓！ 兩條友入到去獲安排坐四人梳化位， 好闊落舒適。 首先點咗一個大濃湯花膠雞鍋， 跟住侍應姐姐就拎咗一個調味盤嚟俾我哋自己混醬， 雖然個蔥油係廚師特製，但係自己都偏向食辣，所以都係混返辣椒豉油一定冇失手。 個花膠雞鍋等咗一陣就上檯， 望到個樣都知一定要飲晒成個湯先開始打邊爐。 個湯底勁濃， 雞又滑仲唔多骨， 花膠一食就知係正野、大大嚿（唔似去任食火鍋個種平價花膠）。 飲完個湯都已經好飽， 所以都冇點太多火鍋配料 （泡椒雞腳、炸魚皮、四寶丸， 芝士牛肉餃同埋西洋菜）。 中上價錢但火鍋材料新鮮和湯底都十分高質， 個人認為物有所值， 絕對會再幫襯！

店內環境佳，比一般火鍋店更高尚，裝潢設計時尚富格調，燈光柔和有氣氛，軟座卡位佔九成，很有私人空間感，相當舒適。濃湯花膠雞鍋很大鍋，嚐了一口已覺驚喜，完全是濃郁的老火雞湯，令人不禁一喝再喝。湯底火喉十足，雞味香濃之餘，也很足料，雞件肉質嫩滑，還有軟滑的花膠，吸收雞湯精華更顯美味。美國雪花肥牛賣相精緻，像藝術品般，雪花分佈均勻，色澤很紅潤，肉嫩味濃。士多啤梨墨魚丸甚具創意！口感極彈牙，一咬開便大噴士多啤梨醬，味道香甜，令墨魚丸加添一份清新感，有驚喜！松茸帶子餃拼雲吞，每隻都包得十分飽滿，皮薄餡靚，餡料豐富得來味道亦佳！潮式炸紫菜金菇甚具特色，紫菜和金菇皆意想不到地炸得極之香脆，卻不會有油益味，好香口又惹味，是個出色下酒菜。椰青水充滿清新椰子味，甜度適中，飲落有清熱解渴感，最適合吃火鍋時幫助消滯消油膩。

公幹完坐火車回到紅磡，決定食埋飯才回家。係火車站行去黃埔，經過潮窩，見佢有餐牌係門口，就望下，見有鷄煲，就入去試下，因同事鍾意食辣。坐下先叫了個酥炸花生鷄軟骨，非常香口酥脆，送啤酒一流。跟住叫了同事喜愛的鷄煲，上枱香噴噴，靚女侍應話要煮一陣才可以食，煮熟後香味更利害，一食鷄肉好嫩滑。食完鷄就加湯打邊爐。打邊爐點少得肥牛，西洋菜，即包韭菜餃，靚女還介紹了紫菜嚮鈴，芥未墨魚丸，爆汁芝心魚卷，所有食物非常新鮮。

已經第3次來來顧，每次都會點冬蔭公火窩湯底，湯底夠晒濃同香，打邊爐之前都會飲兩碗湯先。牛肉（安格斯牛小排）好高質，又夠大碟，而且入口即溶，配上冬蔭公湯底，不用調味料已經夠晒入味，要encore 先得，仲要加埋爽口鵝腸打邊爐，無得頂。卜卜蜆勁多蒜，蜆肉新鮮，打邊爐食海鮮不妨試卜卜蒜湯底，保留海鮮味。辣子雞皮加雞軟骨，份量十足，香口脆皮，辣度適中，佐酒一流，食到停唔到口～驚喜推介：士多啤梨墨魚丸，第一次試很有新鮮感，士多啤梨同墨魚丸出奇地夾，一口咬有新鮮士多啤梨醬流出，火鍋迷必試。

🥰火鍋季節.一嚐卜卜蜆鍋🥢·🥘招牌卜卜蜆鍋（$168）湯底濃濃蒜香味🥰蜆肉新鮮鮮甜👍🏻·🐮手切安格斯牛小排（$338）色澤粉嫩脂肪平均.質素相當高！！！極推薦🥰·🦑手打墨魚丸（$48）所有丸類都係my favvvv😋彈牙😆·🥟手工韭菜餃（$58）皮薄餡料足💞·🍺($32) 朋友表示打邊爐必須啤啤佢·🥃自家製銀菊露. 清甜下火😍··📍潮窩紅磡必嘉街112號紅磡灣中心地下20號鋪

本身就好鍾意椰子同竹笙見到鮮椰青竹笙雞諗都唔諗就嗌咗一滾起就勁香我覺得好味過大陸間四季椰x囉！！單點咗個椒鹽九肚魚哩度開邊炸同普通喺出面食好唔同炸得十分香脆！嗌咗新出嘅士多啤梨墨魚丸😂😂我怕熱諗住咬一啖先食點知一下子爆漿射到我部手機一條直線。。。咁都比佢諗到 估唔到幾夾！好味😋怕清淡加啲醬仲嗌咗兩款手工餃芝士牛肉同松茸帶子餃子皮索晒個湯真係好香！包住牛肉粒 好足料！松茸餃亦同我地湯底好夾夠晒養生！無肉不歡嘅我地仲嗌咗牛柳粒😋滾耐咗少少都唔會韌 正！我地仲嗌咗jar竹庶水 見到晒紅蘿蔔竹庶馬蹄 真材實料！我最鍾意哩度係夠清靜兩個人坐卡位好舒服地方闊落食完唔會成身邊爐味下次帶埋屋企人嚟食！

天寒地凍最啱就一定係打邊爐啦，今日過開紅磡，見到呢間有得食卜卜蜆又有邊爐，一於試下餐廳整體感覺很乾淨企理，很花心思裝修，比到一個很舒服的環境食客用餐，就算係裝醬料的器皿都好精緻我地先點咗個招牌卜卜蜆鍋，蜆的份量頗多，而且都幾大隻，食落鮮甜，食得出都很新鮮而且個湯底都好香，有很多蒜蓉，令到啲蜆更好食，正打邊爐又點小得牛肉？我地點咗份手切安格斯牛小排，呢個真心有驚喜，啲脂肪很平均很清晰，涮20-30秒已經ok，牛肉味很香很濃，不得了另外，我地都點咗墨魚丸、芝心魚卷、炸魚皮同蒿荀：- 炸魚皮份量幾多，浸3秒左右吸到很多湯，但仲有些脆- 芝心魚卷入面啲芝士勁香- 墨魚丸好彈牙，正呀另外呢度飲品都正，我地點咗個椰青同蘋果醋，不是很多餐廳可飲到

天氣時凍時熱，就算打邊爐都要養生~係紅磡嘅潮窩， 坐得舒服又可以食得健康！呢度嘅特色湯底比較多，有麻辣又有養生湯品。叫左半份鮮椰青竹笙雞窩，上枱時已經見到好多椰肉同雞件，開火後仲聞到濃濃椰香！店家建議飲左個湯再打邊爐，湯頭非常清甜，雞件都好新鮮，唔覺唔覺就飲哂成個湯了！之後會再加打邊爐嘅湯底。飲完個湯都五成飽，所以叫左唔係好多野食，先黎椒鹽九肚魚同炸金菇紫菜，新鮮炸起好香口好鬆脆，用黎送酒一流！打邊爐配料方面就叫左安格斯牛柳粒、手打墨魚丸、餃子雙拼。安格斯牛柳粒油花分佈平均，食落唔膩仲有牛肉香。手打墨魚丸都有滿滿嘅墨魚粒係入面，食食下仲有驚喜餡料係入面！有興趣真係要試下～湯底用料足，食材新鮮而且饀料有驚喜，值得一試～

自從食過卜卜蜆就返唔到轉頭，今次試呢間嘅就更覺得特別，蒜味香但唔覺食到成口味，而且有啲脆米，可以當粥湯飲，食完就可以加湯打邊爐喇海鮮刺身就要早啲訂定留貨，呢個象拔蚌刺身幾鮮甜爽口，食淨嘅內臟仲放埋落鍋「增鮮」添。肉就一定走唔甩啦，牛肉拼盤已經唔錯，估唔到黑毛豬肉都幾濃味新鮮喎。小食必點紫菜響鈴，幾有質感。仲有萬惡嘅炸午餐肉！厚切大塊好惹味！朋友其實仲有叫丸、菜、雞煲等，不過真係食重要過影相，唔係好快冇。整體算唔錯，係房嘅空間感細啲。

一到左冬天季節，又係我熊貓四處覓食嘅時間，一向留意開我嘅人都知知熊貓成日打邊爐🍲。今次都唔例外同熊貓妹黎到紅磡食好野，聽朋友介紹依到主打新鮮食材，一於入黎試試去。話明叫私房火鍋，當然店內環境乾淨又有卡位而且坐得闊落，唔算太容易聽到隔離位傾計👍🏻湯底方面，先叫左個卜卜蜆鍋，啲蜆隻隻都夠哂大份量都算多，但冇沙同埋加左好多蒜蓉芫荽係入面，好鮮甜😋太早來到，未有太多客人，可以任揀位！不過一到七點就爆哂！韭菜餃皮簿，真係要小心放入湯，唔係好易整串皮，韭菜味亦好香，同肉比例剛剛好新鮮炸紫菜響鈴，食落唔會太油，但記得淥三秒就要拎番起最值得推介係依到嘅手打丸，我地叫左蝦丸同牛丸，食落真係好新鮮，咬落去仲有小小汁同有咬口好彈牙，真係冇得彈👍🏻依到整體黎講，食物服務同環境都好好，好岩下次約捚班熊貓朋友再黎encore

喺黃埔區發現到呢間幾好食既火鍋店。抱住試新嘢既心態試下，點知有驚喜。入內有唔少卡位坐，幾舒適寬倘。點嘢食之前店員已經俾咗一盤醬料同豉油俾我哋自行加配。湯底方面我哋叫咗濃湯花膠雞煲翅，唔想食辣，揀返個滋陰湯底。湯底好足料，裏面有好多嘢！花膠魚翅都有齊，仲有好多雞添，而且個湯頭係超級好飲，變咗係咁飲湯，有雞湯嘅清甜花膠嘅滋潤。美國雪花肥牛肥牛肥瘦均勻，好有牛香，切得厚薄剛好，一口一塊。黑松露牛丸+頂級貢丸黑松露喺丸裏面爆出嚟，同牛丸係幾夾，兩款丸都彈牙多汁，食個陣小心辣到口。紫菜響鈴好少見有得食紫菜響鈴，浸一浸湯口感煙韌，就咁食同樣好食，脆卜卜，有埋紫菜既響鈴更加好味。松茸帶子餃併雲吞餃同雲吞都幾大粒，好豐富，不過要一提，唔好滾得太耐真係會爆曬餡架！呢度服務都好好，店員有成日過嚟幫手加湯收碟睇你有咩需要。整體感覺都好好，可以推薦。