潮興海鮮酒家

營業中

休息中

友人介紹來這間酒家吃小菜，什麼菜式都合胃口的我亦不妨到來一試。六點半到也不算太多枱客，不用等位。這間餐廳擁四個鋪位，應該時常都滿座。地方大不過環境是預期的，不怎麼整潔。我們一行四人點了四個餸，最好味的算是肉碎蒸水蛋，可惜忘了拍照，一下子吃完了。水蛋味道很好，而且很滑，餸飯一流。滷水雜併，真的是每樣有一點，豬腩肉，豬腸，墨魚，雞腎，豆腐，芽菜，鵝腸等。滷水併盤的靈魂是滷水汁，但這個汁不夠香，味淡。西檸雞脆口但略嫌乾身，甜酸味算適中。每件雞的size太大，可再分開一半。啫啫通菜煲，蝦醬味香濃，但不夠鑊氣。我覺得菜式款式多，還是可以再來試試其他菜式。

嚐過奢侈豪華的九重鮮，偶爾也想嚐一下地道的街邊攤。來到荃灣的三坡坊，隨意找了最旺場的一間，然後找位子坐下。兩個人的晚餐非常簡單，一碟鵝片，一條大眼雞，再加白飯，別無其他。從小媽咪習慣煲大眼雞蕃茄豆腐湯，近年大眼雞越來越貴，印象中也很久沒有機會喝這個湯了，唯有吃一條潮式大眼雞來止渴。大的$200，也沒有女士手臂長，小的要$180，不過已經售罄。躺在面前的一條，眼睛夠凸，皮夠紅，用粗鹽醃製洗淨後，仍然留有粗鹽的痕跡，蒸熟後放入雪櫃雪兩天，便成這個模樣。因為醃漬過，結實的肉質已有鹹味，再蘸普寧豆醬的話要輕手一點。男友喜歡鹵水鵝片，滿滿的一碟，實際是墊了許多巨型花生和豆腐片，真正的鵝片不過12片。鵝片連皮大大片，油脂加鹵水味令人直豎拇指，不過還是師傅刀工厲害，切得夠薄，才能令客人視覺開心之餘，又可以幫店方省下成本哦。

 一定唔會再去！ 一碟蒜蓉蝦要＄320？餐牌明明寫148？好彩老公眼利睇下張落菜單，跟住問個夥計講，點解咁貴嘅？個夥計話啲蝦好大隻喎所以會貴啲，如果逐兩計，係咪應該問下我地要唔要呢？仲有＄78碟豉油王鵝腸，淡如無味，真係差差差！都唔知點解咁多人去，啲夥計行嚟行去都唔會理人，起碼叫三次至得閒啋你。唉，話哂都係客仔吖！總之，never again!

由香車街街街市一路走至三坡坊，足足花了十多分鐘，街頭熱力迫人，我倆大汗淋漓。穿着幽暗的小巷，迎來柳暗花明......終於來到三坡坊了!依舊人氣鼎沸，大排檔、小廚、火鍋、打冷......一如以往熱鬧的美食街。真不知光顧那一間才好了，走了N里路遠渡而來，一定要選最好的才甘心。  被這規模不少的打冷店吸引過去，除了鋪面大外，客人也多，很有氣氛，飄來的食物香氣也誘人。老公很愛潮州打冷，地踎格局也是男人最愛，二話不說就選了它。選坐了一張大圓桌，店面明亮光潔，一點也不糟蹋。一大壺滾熱紅茶，加一膠盤子，怕髒就自己清洗食具吧!我在看餐牌的當兒，老公便一個箭步去挑選游水靚海鮮了。通常大排檔都有海鮮魚缸，是日鮮貨都在那兒任你挑選，每天都總有驚喜。  也許是剛下班關係，老公總是特別亢奮，點了一籃子美食，已沒有再點菜的餘地了，我只有施施然等食了。  吃打冷的好處是甚麼? 就是快!凍大眼雞($150)即時奉上，保証夜歸人一定不會餓壞。  這大眼雞魚身肥美，啖啖肉的，看眼睛便知十分新鮮。凍過的大眼雞魚身更緊實，大眼雞魚身肥美，不用蘸普寧豆醬已很夠味了。  隨後上桌的是鹽焗奄仔(時價$100)新鮮的海鮮從不需要花巧

老友請食飯殺入荃灣佢帶路去呢間人頭湧湧光猛大餔就無晒位惟有入左隔離細果間點知發覺入錯左「煙格」嘈到拆樓咁最過癮食到尾竟然可以「停電」真系極品到爆叫左條鹽焗烏頭$150幾好味亦夠大條一個菜紅d雞紅都好入味紅腸墨魚就一般個煎蠔餅就差可能d蠔仔有腳走要搵至有又硬又唔夠脆好似整好放左好耐咁再叫多個麻辣豬耳送下酒不過就唔夠辣又唔夠爽淋到好似浸左好耐咁根本系唔得其實食客食煙都好有問題點知系職員一齊系有冷氣室內食真系服左佢好老實唔會有下次

老婆腹大便便, 突然想食小炒, 知道三坡坊有幾間, 就去試下。最右手面嗰間之前試過, 不過不失, 但見冇乜人, 而潮興差唔多坐滿晒, 又光猛, 諗住應該都唔差啦。去到唔使等, 有位直入, 一坐落去, 而經feel 到枱底有嘢咬, 唔知係蚤定蚊, 諗住扯高張長到落地嘅枱布, 伙記行過又係到要放番落嚟, 算數!睇咗menu, 老婆想食椒鹽鮮尤, 發覺menu 有「椒鹽鮮尤」 同 「椒鹽煎鮮尤」, 價錢都唔同, 都好奇想試下「椒鹽煎鮮尤」。好喇, 到點菜, 知道呢D 小炒地方, 人多伙記多但好鬼忙, 都知道要叫三四五六次先會幫你點菜, 點咗三樣, 再問下: 「椒鹽鮮尤」 同 「椒鹽煎鮮尤」有乜分別。個伙記, 串串貢咁話, 我地呢度冇「椒鹽煎鮮尤」, 「椒鹽煎鮮尤」即係「椒鹽鮮尤」。我嘅刻拎個menu 佢睇, 我話明同價錢都唔同。佢停咗一陣話:咁係佢寫錯啫!.......算數, 叫咗下面幾樣1. 椒絲腐乳通菜2. 沙窩魚頭煲3. 沙爹肥牛粉絲煲4. 椒鹽鮮尤五分鐘後, 理應嚟嘅「椒絲腐乳通菜」, 一食落口, 好鬼鯹! 好重生水味! 跟住發覺, 好似冇腐乳嘅, 再check 番個價錢 (因為正常

本打算開開心心同屋企人食個打冷，主要就沖着田磥同大眼雞去食，經過依頭見有好多間，間間都有人出尼兜客，問佢有咩食就話乜都有，講得出都有得食，於是我地就再問有無田磥啦，佢就又話乜都有。入到去，嗌田螺，無田螺，嗌大眼雞無大眼雞，又話乜都有？為拉客就可以誇大其詞架啦咩？都算，最後我地叫左個滷水什綿，又乾又吾新鮮，帶子豆腐啲油多到嚇死人，食油定食豆腐？花螺又細又少，系得碟凍烏頭可以入下眼，四個送食左四百幾蚊勁貴，大家要去食真系要三思！！！

四個人去三坡坊食飯。其中兩個朋友嚟過，一個記得食過邊間一個唔記得，記得嗰間喺OPENRICE有3個負評1個好評，所以唔揀。見到這間潮興，無任何食評無任何食評。然後我說話：「既然無食評，一於我哋去開創啦！」於是選擇了這間了。佢應該有三四個舖位，我哋坐喺最近遠間舖頭的門外的。人都好多呀，行快一步拎到最後的一張檯。四個人叫咗六樣菜，碟碟都幾大碟。再叫埋兩靚仔(飯)兩靚女(粥)真心覺得美味，可以睇吓相片的簡單描述。埋單連埋嘢飲每位都係HKD$130，抵啦最緊要，環境服務都真係好的。食大牌擋打冷，首選啦！