潮興魚蛋粉 (已結業)

灣仔食lunch太貴，貴到有啲驚。今日要 “食平啲”，黎到潮興，都係大概$40一碗魚蛋粉牛腩河等，係灣仔黎講算平架啦！叫左個牛腩牛丸河，有大概6小件牛腩配2粒牛丸，牛腩帶了2/5既肥糕 ，咬落軟身無渣無痴牙，炆得夠淋，唯牛腩細件，唔多夠喉。牛丸好有咬口，夠彈，咬落仲有汁，可次可以encore。叫多杯凍杏霜，可惜太多冰，成杯淡如水，dislike！同事叫左個蕃茄豬扒煙肉飯，佢話出奇地好味，豬扒多淋。另一同事就叫蓮藕排骨飯就過咸了。不過$48一個飯包杯豆漿其實係灣仔黎講已係食平啲之選！

雖然已經有90幾萬個食評，都要寫下潮興系灣仔出曬名好食，是夜都專登去食碗粉先去屯門區。入到店，1點幾都好多人，而且仲有鬼佬添！ 其實本人唔食牛肉，亦唔鐘意食，不過自從有一次老公比左一小舊我試過之後就覺得呢間整得好好食噢！一坐下就點左個崩沙腩米粉牛腩肥瘦均勻，好柔軟，湯底唔鹹清清地另外再叫左半斤($50)馳名魚蛋同手打牛丸外賣，第二日煮來食- 真系勁好食，尤其是個牛丸！ 魚蛋當然系唔錯，食得出同其他鋪頭系吾同，有魚味，好小粉，又彈牙，有誠意！

入唔到口你睇相就知……牛肚係咁既咩d菜老到咁點食入口……浪費金錢……公道d講……轉角有同一間……完全ok都係收左至食呢間……估唔到lai嘢anyway, its up to u guys to try.

由細到大都鍾意食牛什, 牛什麵, 牛什河, 牛什粗呀...大過左發現原來有牛什飯, 哈哈哈, 立即成為最愛之一係灣仔做左幾年野, 食過汕頭街既鳳城, 唔錯反而差唔多週圍都係既潮興就今日先第一次幫襯午飯時間外賣返公司食牛什飯配紫菜湯, $37肺, 腸, 膀都唔差, 幾入味係個牛肚唔係金錢肚呢度失色少少個紫菜都幾鮮甜, 不過鳳城果邊個紫菜湯就有埋魚片另外個飯底唔係大陸米, 呢個好緊要... heehee

最近胃口麻麻，諗住食啲湯湯水水野。黎左呢間好耐冇黎過既粉麵檔。幾乎每次黎呢度，都係食坑腩，事關呢度啲腩確係有一手。今次都冇例外都係食坑腩，唯一唔同既，係我今次食米粉，都係個句，走青！坑腩依然靚，雖然都仲係好夠冧，但比起以前冇咁鬆化，有啲失望。米粉有點硬，或者係我食慣河粉既關係，有啲食唔慣。但總括黎講，呢度既坑腩粉麵的確唔差，下次黎，都係叫返河粉開心啲！

很久無去潮興·一間吃魚蛋粉唔錯的店·店内裝修一般但闊落乾淨·叫了一碗蛋河·葱放在匙羹上·河粉份量不多·下午茶就夠·當午餐份量是不足·河粉吃到尾也是條條分明·不會一pat pat·粉質唔錯·滑溜·湯底標示是鯊魚骨煲成·淡了一點·但尚算清甜·最重要是無味精·(因為過後沒有口渴)·魚蛋軟彈有魚味·是靓魚蛋·又不會過鹹·不過價不便宜·二十八元·

I was quite looking forward to this but it turned out to be a disappointment.★☆★☆★☆★☆★☆★☆★☆★☆★☆★☆★☆★Thick noodles in soy sauce:There was generous amounts of iceburg lettuce which was good but it just tasted of oil so after I soaked it in the boiling hot soup that was given, the lettuce tasted much better.The noodles however were not as good as I was expecting, the alkaline taste was so strong that it was really bitter.★☆★☆★☆★☆★☆★☆★☆★☆★☆★☆★☆★Chili oilutside the shop they had big chinese character

四年一度世界杯,真係攪到日夜癲倒,訓完一個小時,又要出發.由於食友之一攪活動,可以去佐治吧睇波,見仲有少少時間,先行醫肚.潮興魚蛋從網上睇,都有幾間同名店舖,未知是否同一老闆.不過潮式粉麵有一個最好處,就係夠快.牛什米配油菜 : 牛什米內有膀肺肚腸四大類,已經是大路做法,不過滷得夠稔但味太輕,就算淋上米粉的什汁都起不了太大作用,不看價錢,以牛什米來說是不合格,其實另加六蚊有一碟菜又幾化算,份量當然比較少,但都可以接受,如果在附近找潮式粉麵檔,還有幾間可選,不必再來.

喝了不少酒，打道回府前，想吃碗湯河，隨便行了進這裡。 這裡雖然以魚旦掛帥，但眼見其牛雜也不差，正枇叫牛雜河之際，卻發現坑腩河也只賣$24蚊，又轉軑要了這個。 坑腩是連點筋膜的，對辦。吃起上來口感軟熟，油脂甘香，很不錯。河粉是粗疊疊的，不太爽滑，可幸湯夠熱，加上肉質不錯的坑腩，三兩下手勢就吃完了。 幾抵食的。

今日同老婆去食，我嗌左牛腩河，牛腩應該有7、8塊，我一用筷子夾起，全部都係超級無敵肥，因為未食，叫佢俾們d瘦的，個女人話ok，點知個切腩佬話：唔早d講！跟住就唔俾啦！d腩肉嚇q死，成五塊都係肥到呢。

尋日咁o岩個朋友提議咪又去下囉~€ 點知食返話出名既魚旦同墨魚丸, 味道唔同哂。真係差左好多，只係叫做可以入得口同話飽肚囉~隔離果間雲南米線都好味過佢。之後睇下個師傅，原來又轉左，唔怪得啦~事後我同d同事講開，原來只有有亞視張相同有個潮字logo果間先係正宗~呢間係佢以前d合伙人開，所以整d野都係唔同味道。 咁以後要認清楚d。是次d野唔難食，只係失望~

寫食評實在很講技巧，為免寫完之后再次不被登出，唯有用溫文的字眼。。上次叫了牛腩‘‘魚面‘‘，炸魚皮，豆漿，牛腩‘‘魚面‘‘。。很咸啊。。要叫豆漿飲。。豆漿有些不明的沉澱物。。可能是燕窩都未定。。但本人唔食燕窩。。炸魚皮。。太硬了。。哎喲。。那位待應真風趣，竟能模仿到小弟叫豆漿時的口齒不清。。太可愛了。。不過，我想下次我會試下第二間，多Ｄ比較都好。。openrice 萬歲！！

檸蜜要加錢但冇檸檬, 問佢點解O蜜冇檸檬佢仲理直氣壯咁話依道係咁.. 叫魚蛋河D河粉又少得可憐..咁嘅野一定以後都唔去!

2007年11月16日，潮興。呢間比較落D，唔使背對背。墨丸米（20元）：有墨魚味，OK啦。但細粒又比牛雜粉貴2元。加5元有碟菜，都算抵食啦。