潮軒打冷小菜粉麵 (已結業)

好好彩一入到去, 唔使等幾耐就有位, 雖然坐得迫,但食得大排檔類既風味野已經預左,唔使o係出面坐冇冷氣已經好好喇! lee度除左食潮州野仲有好多款中式小菜選擇，4個人食左唔少野，有鹵水鵝片, 大腸拼生腸, 蠔餅, 蠔仔粥, 粟米斑塊等鹵水鵝片好好味, 啖啖肉,好入味, 唔un, d花生都非常入味! 大腸拼生腸好大碟,生腸好爽脆! 蠔餅幾多蠔仔下, 有張底紙隔住d油, 整體其實唔算好油, ok! 至於蠔仔粥就麻麻喇, 多米少蠔, 得7-8粒, 配料又唔多, 似食味精湯撈飯, 失望! 粟米斑塊就普通貨色, 份量多取勝!夾埋汽水白飯, 埋單都係200零蚊, 4個人真係好抵食呀, 會再去試下其他潮州野!

突然想打冷, 近近地行左過河畔, 見到呢間令舍多人, 諗住唔會差得去邊啦,只希望係普普通通，始終佢只係起向屋苑既飯店，做啲街坊自由行生意， 點知......2個人叫3樣野, 可以全部都剩番一半分別係 枱枱都叫既 蠔餅 ($38) , 黃金中蝦 ($48) , 生腸拚墨魚 ($50) + 支啤酒蠔餅：明明我睇住佢炸架wor,　上枱仲熱烘烘的，點知一咬，淋既，一啲都唔脆，又多油ｗｏｒ，免為其難地食左半碟就收手黃金中蝦：３碟中最差，成舊野都係一舊粉團，上到枱已經唔脆，蝦肉又唔爽，一半都冇食到，仲要超咸添生腸拚墨魚生腸明明應該鮮橙色，佢係黑橙色，俾人打瘀左咁，墨魚就普通啦，不過不失總結：埋單＄１５１，唔會有下次，寧願食番樓下菜餐廳，叫個小菜食都好味過佢

跟家人外出到河畔覓食, 這處食肆林立, 有很多不同菜系選擇, 在毫無頭緒下, 就憑店內最多人幫襯的就去這間的原則, 結果就來到「新潮軒潮州粉麵打冷」, 周日晚上七時, 店內人頭湧湧, 幸好還有一張枱, 否則便要到室外於大熱天時下吃飯!! 我們一共點了四款菜式, 包括有:韮菜豬紅 ($25): 雖然非第一次食, 但每次吃的都是水準之作。煎蠔仔餅 ($35): 光顧潮州打冷店必點菜式, 這間也做得不錯。見門外的廚子不停地製作蠔仔餅, 受食客歡迎程度, 可見一班。咕嚕龍鳳蝦球 ($48): 廚師推介, 類似生炒排骨的小菜, 只是將排骨換成蝦球, 酸酸味味, 十分開胃。XO 西芹蠔鱔球 ($58): 家人點的, 因本人對鱔興趣不大, 故沒有品嚐!!四個小菜, 加白飯及白粥, 合共 $196, 價格不算太貴, 大家都捧肚子離開。 其實潮式打冷還有很多款式, 本人對大腸及滷水有興趣, 下次有機會要試試。

由於係酒店附近, 有好多大陸客晚上係度開餐, d枱放晒出黎係好熱鬧, 不過太誇張, 全條行人路都霸住哂, 地下又糟又冇位行, 而且都唔仲意同d大陸人一齊吃, 所以街坊住客多數會行過兩步去新旺記, 同樣吃打冷, 但乾淨斯文好多. 不過近幾個月加左$, 就多左黎lee間, 外賣好d!雖然佢做好多遊客生意, 不過一d都唔會有呃秤既感覺. 味道同份量通常都交足功課:1/ 必食蠔餅 (細) $35好大碟的, 見師父係店出面即叫即炸,d油仲好以落雨咁滴, 好油啊呀! 不過d油都係係件餅出面, 唔係同d餅混埋一舊, 唔會一pat pat咁, 好多邊都乾乾地2/ 滷水拼盤 $58有豬腸, 豬耳, 豬頸肉, 豬乜( 好長橡筋咁), 豬乜乜(五蚊銀爽口圓管壯), 豬乜乜乜, sorry真係唔知係邊部份, 紅腸, 豆卜, 芽菜, 好豐富!3/ 海鮮大雜燴飯 $38有街巿味燒肉, 白菜, 蝦, 怪味生粉汁, 吃過呻笨3人都夠食, 我地兩個食到反肚

好耐之前嚟過幾次, 當時覺得不錯的的, 今日再食, 完全兩回事囉!!!兩個人食, 叫咗三個餸煎牙帶, 九菜豬紅, 蠔仔粥煎牙帶最難食, 咸到發苦, 仲要唔熱o既, 擺明放到一段時間全碟都係頭頭尾尾, 得一舊係肉啲肉好散, 又咸, 唔知以為自己食緊煎梅香咸魚個九菜豬紅, 個味係ok的, 但勁少九菜豬紅份量ok, 但好易散同唔好味蠔仔粥個味都ok, 但太少蠔仔, 我記得以前食都唔係咁似食莞茜肉碎粥多過蠔仔肉碎粥2個人埋單$90, 嘢食完全唔ok囉, 呢間嘢由今日起可以blacklist, 唔駛再嚟

三十多度的天氣~戶外同室內的座位~正常人都會揀室內吧~我們慶幸等到一張枱~枱的位置係喺門口第二張~一坐落~開始唔對路~天呀~一陣吹冷氣~一陣又有門外的熱風~加上廚房間中又吹d鑊氣出嚟~真係多謝晒......之前食過1,2次~都不俗的~(估唔到原來一直都冇人打呢間的食評law~)今次有人宴客~叫了一枱都係~唔洗諗咁多~一個鹵水拼盤先~ 起碼係5,6種的拼盤~乜都可以食到d~鹵肉係最入味之選~(單叫我會推介豬頭皮~豬耳仔~)方魚肉碎粥唔係唔好味~但真係唔太特別~只係打冷必食之選~ 咸菜我覺得咸菜係一定要食的東西~~~~呢一間的~酸甜咸均ok~椒鹽三寶~咸到阿媽都唔認得~但雞軟骨~係大大件~入口不油~ok的~土尤都爽又好味~鮮尤很軟呢~~仲有腰果配搭~好味係好味~但真係好咸呀!!!!! 墨魚片~因為拼盤內冇的~朋友想食而叫~冇乜特別~雜菜煲~明顯地過左火位~太冧了~蠔餅~同廟街的當然係有一段距離~但勝在料多~油抑味唔太重~下次來~再熱都好~都一定要坐戶外!!!!!(今次因為狂叫~所以先會咁貴~哈哈~)

閒時想打冷，食開新旺記既我地今次試下呢間新潮軒﹗先未講食物，坐低姐姐已經熱情地招呼我地，任我地坐又茶又水奉上，先一讚﹗其實並不餓，只係晚飯不可不吃，所以叫左個墨魚紅腸同埋魚湯蝦乾浸娃娃菜便算﹗墨魚紅腸都幾大碟，至愛墨魚彈牙有咬口，送啤酒是一流，紅腸夠多蘸辣椒醬夠惹味﹗工友想食菜所以叫娃娃菜，魚湯幾鮮甜，蝦乾亦多夾來吃夠惹味，清清地既一個小菜﹗最近迷上黑啤，原來以前好憎飲既健力士係咁滑同埋濃郁好味，麥香比甘苦更一流﹗