2
1
0
| 餐廳: | 潮食坊 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
港鐵寶琳站 A1 出口, 步行約7分鐘
繼續閱讀
電話號碼
36793886
營業時間
今日營業
10:00 - 22:00
星期一至日
10:00 - 22:00
以上資料只供參考, 請與餐廳確認詳情
今日上朋友屋企食飯,佢叫我去街市幫佢買D調味料,行到入去,見原來都幾多野食,買完要買既野,又未夠鐘上去,無理由唔搵個地方坐吓阿見到哩間店有我的最愛之一蠔餅,就咁就被吸引左入去啦~蠔餅麻麻地,唔脆既口感似食既餅干咁~炸坑腩河粉哩個有驚喜D坑腩夠淋,被薄薄既脆漿包住,點埋D甜酸汁,真係好好食阿
繼續閱讀
店舖位處寶琳街市內，所以食客大多都喺附近嘅街坊，下午兩點幾入到去，每枱都有食客，睇黎生意都算唔錯！店舖名稱有個潮字，一睇都知喺食潮州嘢，睇餐牌果然喺，除咗潮州粉麵之外，還有打冷及小菜套餐。今次叫咗碗牛雜麵同牛腩麵，諗住想加碟油菜 ，但見餐牌寫要加23元，當堂嚇咗一跳，似乎太貴了，即刻打消咗念頭！牛什麵牛什份量都算多，湯底就唔喺好夠味，麵底就唔喺生麵，感覺喺全蛋麵，所以好一般，除咗牛腸炆得唔夠淋之外，其他如牛肺、金錢肚、牛膀同牛肚都夠淋。牛腩麵嘅牛腩份量唔喺好多，牛腩有好多肥膏但都夠淋同有牛肉味！
繼續閱讀
普普通通嘅餐廳，食物一啲都唔普通。1）炸牛坑腩，皮脆肉冧又入味。2）蠔仔餅，脆得嚟又唔會太油膩。3）蔥爆牛肉，牛肉厚切又多汁，一啲都唔韌。大大碟，價錢又合理，適合一家人。
繼續閱讀
好耐冇食過蠔餅，喺網上搵到呢間，既然係屋企附近，不如去試一試。就算冒着生命危險經過強制檢測嘅新都城，都要闖一闖...小店位於街市入面，但環境比想像中企理，坐得都幾舒服。我哋叫咗一個炸蠔餅同炒麵share。蠔餅一上到黎，心諗: 好似好好味喎! 正當我流晒口水，開始分嚟食，老闆娘就過嚟話呢個蠔餅唔得，整過份俾你。佢即刻收咗份蠔餅，然後我地十個黑人問號，食咗咁多年，蠔餅都係咁樣，究竟係咩唔得呢。謎底終於解開，原來真正嘅蠔餅應該係咁嘅樣。顏色都爭幾遠，難怪老闆娘一睇就話唔得。原來我食咁多年嘅蠔餅，都係overcook。食落去非常鬆脆，有少少似日本天婦羅嘅感覺，蠔亦非常新鮮同足料， 完全超晒班。本來諗住兩樣嘢應該唔夠飽，點知蠔餅夠晒飽肚，非常滿足。應該唔會再去北角嗰間潮XX啦。本身跟餐得一杯奶茶，個哥仔見我哋個蠔餅要再炸過，等耐左，送多咗杯奶茶俾我哋，埋單仲有九折。 個種人情味，同溫暖，同對食物質素嘅堅持，差不多要流淚了。呢度嘅蠔餅，應該係我一生人食過最好食。下次想食，一定會再嚟!
繼續閱讀
自將軍澳寶琳街市重新裝修，在一角的平民飯堂，有不同飯麵至小炒打冷，最適合麻甩的我，偶然會小炒加啤酒。小店經營質素不錯，有時晚飯懶煮，又或者唔知想食什麼。都會來這裡。如果送酒菜餚：炸牛坑腩、雞煲、硯仔炒肉碎，都是經常翻炒。又或者牛筋飯都係吾家至愛。我和娘都喜歡食牛筋，很難得在這區發現。小店經營，默默地做，低調高手，價錢實恵。街坊或跨區都可以支持一下。無論外賣堂食都是不錯的選擇，放鬆心情吹吹水的平民飯堂。
繼續閱讀