潮食閣 (已結業)

之前見到出左告急post 所以特登支持下 見到有新野喎見到有飯又有小食價錢又唔貴～小朋友重叫我一定一定要加腸仔外賣反到屋企蟹鉗都重係好好食 雞翼重係好脆潮食閣出名炸物 真係好好食🤣牛肉飯因為牛肉賣哂 所以轉左雞球 都好食呀！個汁都好食 大家又有多個選擇啦

以前系度買過幾次野都無咩特別，食物味道系幾好，但系今次買野食真系幾失望。之前幾次想買炸鮮奶都賣嗮所以今次再去問下有無。買炸鮮奶 ($26/7)過左10分鐘同我講差2粒，話補2粒芝士球比我 ($8/3粒)計返炸鮮奶 ($3.7/1)，5粒$18.5即系佢應該要補返$7.5比我啊芝士球2粒加埋先$5.3，再收我$1外賣錢，都虧左$3比佢，都算啦((佢同我整粒鮮奶球細到粒點甘,計1粒...支持黃店都唔系甘噶，入面鋪頭嘅員工甘搞法，真系唔系黃店都唔會再幫襯。

🎗5/8開始多次罷市，為羈押手足煮私飯每月蝕兩萬，名副其實黃到金，真係做到「不忘」🙇🏻‍♀️舖頭主要賣小食，多數都係炸物，但佢都有賣飯類 e.g. 原隻軟殼蟹芝士咖喱飯，我想掃街所以就冇食到飯揀咗小食🤓 /🍡 鹽燒串燒拼盤 $35/6串 🙌🏻可自選雞皮、雞腎同雞肉，我揀咗每樣兩串😗 味道有點淡～ 串燒上面雖然有鹽，但都太唔夠味🤪 不過呢個價錢都幾抵，出面一串串燒起碼都$10 up🤨 下次再試其他小食😗

//#黃店地圖系列間野叫：潮食閣邊度黎：葵芳葵富路7號葵涌廣場3樓TOP世界3069-T23-T25號舖🌝：主動申請為懲教所還押人士的私飯供應商 參與罷工 設連儂牆 不接受支付寶 微信支付 八達通付款 提供物資支援▪原隻軟殼蟹芝士咖喱飯 $488分一睇個排頭就知佢勁 原隻軟殼蟹上 有少量蟹膏 性價比極高 咖喱都無hea你 相比日式咖喱更香濃 薯仔炆到入曬味 汁同飯量都剛剛好 個飯攞走返屋企食 凍左都一樣掂 做得手足飯堂果然非泛泛之輩  芝士就唔見 可能漏左定加埋入咖喱度(?)▪炸饅頭(加配) $7/1個7.5分外皮炸得香脆 饅頭本身偏甜 加上倒到好似唔洗錢咁嘅煉奶 啱曬嗜甜人士 係7蚊一個就稍為貴左啲 不過照支持

今日黎到葵廣掃街，黎到呢間好多人排隊既潮食閣，雖然店鋪細細，但條隊好長🤩🤩簡單黎講呢間野主要食炸野，咩都炸一餐，但佢又炸得幾好食😍😍因為比較夜，所以好多野都比人食曬😢😢最終叫左邪惡火焰芝士雞翼同炸鮮奶💪🏻💪🏻邪惡火焰芝士燒雞翼 $26 芝士好厚好大舊，雞翼燒到好香好脆，芝士味入曬落隻雞翼度，好食👍🏻👍🏻👍🏻招牌炸鮮奶 $26同一般炸鮮奶唔同，粒鮮奶比較固體，唔係太流心，但就因為咁，佢奶味好重，好好食，值得一試👍🏻👍🏻整體黎講幾高質，抵食👍🏻👍🏻

到葵芳當然要搵小食店食啦， 今日行到上去有咁多間小食店真係唔知點揀好， 見到呢間個招牌下面有一幅大嘅相， 影住超級邪惡芝士拉絲， 作為見到芝士就會超級瘋狂嘅我當然要試下， 雖然話都要等一陣先至整好， 但係當條腸仔想到手嘅時候 真係好開心。 雖然話個外貌唔算太特別， 十幾蚊食條腸仔咪好貴？但當你一咬落去嘅時候就知道點解佢賣呢個價錢， 條芝士拉斯拉極都拉唔完， 冇心理準備真係會食到好狼狽㗎， 個人建議唔好淨係叫一條， 因為一定會反食第二條

潮食閣以賣炸物為主：炸雞炸鮮奶炸饅頭炸熱狗棒乜都炸得一餐😂，我哋試咗佢個銷量排行榜 No. 1 嘅極邪惡芝士拉絲棒，又係即叫即炸，食嘅時候千祈唔好心急，如果唔係條脷一定會畀極熱嘅芝士辣親。叫得做 “拉絲”，此小食肯定玩味大於一切，店家亦以此為 gimmick，叫人挑戰下到底可以拉到幾長。我哋呢啲老人家，當然認為食味才是重點，幸好芝士同香腸都係我嘅最愛，配埋出面炸得脆脆嘅粉漿同埋淋上嘅千島醬，成條棒係幾好食嘅，如果炸得稍稍冇咁燶就更加理想。

落order即叫即整，雖然等得比較耐， 但好嘢就係要等先有㗎嘛😜食物- 韓式炸雞即叫即炸，熱辣辣好香口！ 未食齋文已經流曬口水！ 佢嘅炸衣算薄，唔厚，而且醃得好入味，有辣味又夠晒惹味！ 5會有冰鮮味🤔會回頭！ 而且唔會炸得太耐， 雞肉唔係好柴👍🏽👍🏽👍🏽 但可能係外賣 拎返屋企食，過咗黃金食嘅時候，所以唔係好juicy，但都OK. 個人覺得好味過出面賣得中, 高價位嘅美式或韓式炸雞。 佢火侯同時間都掌握得幾好。 而且廿幾蚊 都幾大兜起碼都有20幾粒！大分夠抵食對得住個價。會encore- 照燒雞扒漢堡包呢個正常味道啦，算係抵食有送薯格。 雖然30蚊但個包都幾大個， 但雞扒冇去皮☹️不過雞扒係唔柴，算係juicy 但係因為拎咗返屋企食， 個包啲汁流曬落張紙同包側邊度，食5到 且令到個包底好淋。有2塊芝士，大方過出面，不過冇蕃茄。 30蚊個漢堡包 算係咁，夠大份又唔伏仲送薯格絕對抵食。- 薯格 好香，而且拎到返屋企食都仲係微暖，外脆內軟又夠味，好味過kfc！ 如果係即叫即食 一定更加香口好味！除咗等得比較耐之外，嘢食方面都幾好。尤其係個炸雞同薯格，真係超香，聞到🤤🤤🤤 漢堡包就一般啦，普普通

黎到葵廣一定要幫襯3樓既TOP世界，個到既小食種類非常多😍！行行下就見到潮食閣，舖頭貼滿一張張炸到金黃香脆嘅食物相。👆🏽呢到既No.1炸物係「極邪惡芝士拉絲棒」標榜住要幾長拉到幾長😛😛😛咁我又買黎試下可以拉到幾長！👆🏽仲有多款醬汁比你慢慢揀，個人覺得千島醬同炸物係最夾既！😎👆🏽炸漿比例十分好，薄薄既炸漿包住芝士同腸仔並炸得金黃香脆🤩🤩🤩腸仔尾部整成可愛🐙八爪魚形狀，面頭淋上千島醬。🤤🤤🤤👆🏽極邪惡芝士拉絲棒果然無令到我失望，芝士拉絲真係拉到好長❗️係好長❗️前半part芝士拉絲既煙韌口感，之後就炸得酥脆既腸仔，夾埋千島醬令惹味度更加提升🤤🤤🤤！

#中意嘅請分享請點讚🍻----------#黃店 💛💛參與罷工+葵廣電梯落廣告比人做連儂牆+店內有文宣+2-3/9學生免費任食+免費派“解毒散”-黎緊想繼續介紹黃店，但人手有限，有黃店推介可以inbox我，要大大力推薦比更多人去懲罰佢！！！----------🧀芝士薯波 $205粒薯波外表好脆，唔會太乾身，估唔到加埋練奶係咁夾。呢度有好多唔同嘅小食，點都有一款岩你🤔----------🔎潮食閣🚩葵芳葵富路7號葵涌廣場3樓TOP世界3069-T23-T25號舖

起初以為「潮食閣」係葵涌廣場food corner的名字，但原來係一間非常出名的炸物名店。鋪面貼滿餐牌和相片，款式多到眼花繚亂，最後我信口碑，點了乜都有的「特色小食拼盤」、以及銷量No. 1的「極邪惡芝士拉絲棒」！即叫即炸，幸好當時人不算多，等了十多分鐘店員就送上熱辣辣的美食，她還善意提我們要先嘆拉絲棒，因為芝士凍了的話就沒有拉絲了。果然，一咬下去，就有好似pizza廣告的拉絲效果，內裡的流心芝士亦很juicy！小食拼盤有薯格、蟹鉗和香腸等，完全是小學開party個個爭住吃的美食，咬一啖童年回憶立刻返晒嚟，好味！另外，小店貼了「黃藍是政見，黑白是良知」文宣，難得有小店敢發聲，要大大力支持，加油！

呢個年頭想暢所欲言真係好難🥺講錯兩句就會俾人杯葛😭 好感謝呢個香港仲有 #良心小店 #葵芳美食 真係好難得💪🏼💪🏼呢間小店主打都係一啲即炸小食熱辣辣好香脆 🤤我叫咗雞翼🍟🍗脆薯格真係潮食閣好好味呀 又平又好食啲醬仲可以自己揀添 我揀左honey mustard 🤤😋💁🏻‍♀️點解獵狗會話佢係良心小店❤️因為佢講得出 💛💙黃藍是政見 🖤黑白是良知☺️💪🏼唔知咁樣9月2號同9月3號😚出咗一個免費任食比學生🥰優惠2日🥰 學生優惠免費食 仲要係兩日啊☺️各位學生哥記得去試試啦👯‍♀️👯‍♂️而我地大個仔大個女有能力一定要比錢購買支持💪🏼📍潮食閣 Yummy Corner 📌地址: 葵芳葵富路7號葵涌廣場3樓TOP世界3069-T23-T25號舖PS: 獵狗係8月買8月食#葵芳商場 #支持小店 #支持學生 #良知 #黑白是良知 #freedomHK #frightforhongkong #freeHK #香港加油

21/8買左韓式炸雞粒（第一張相），跟之前16/8買過一次（第二張相），明顯分量少一半，但個價錢冇平到，仲係收我$29/盒。餐牌完全沒有提及分量的不同，收錢男職員也沒有提及。當我見到今次份雞粒少左一半，當然問個企係櫃面的阿姐點解少左一大半，同我上次買的好唔同，佢竟然堅持話係個盒大左，所以視覺上唔同左。大家巴打絲打幫幫眼，兩盒雞分量有冇明顯分別？今次雞粒大得十三粒，上次起碼廿幾粒。今次完全食唔飽，而且性價比極低，非常唔抵食！最重要係，這間店舖張開眼睛講大話，欺騙食客，死都堅持話分量冇少到，係視覺問題，非常不老實！大家咪再去幫襯比人搵笨啦！

來到葵芳廣場除左買平衫， 就梗係要上3樓搵食，試下最新最潮既美食，今次揀左黎間潮食閣，我就根據銷量排行榜買左第1位 & 第2位美食。極邪惡芝士拉絲棒$18前半條是香濃芝士，可輕易拉出拉絲，後半條是八爪魚香腸配千島醬， 惹味非常。招牌炸鮮奶 $26即叫即炸，一客有7粒炸鮮奶， 外脆內細滑， 點上練奶/朱古力醬增添美味。

又到了老地方逛街，一於去炸物天堂-潮食閣。雖然口腔內生了飛滋，但仍然禁不住去點了炸物套餐。這間雜物天堂能夠將所有食物變成好味的炸物。今次根據排行榜點了頭兩位來吃，分別是極邪惡芝士拉絲棒和招牌炸鮮奶。芝士拉絲棒都不用多介紹，就是一條非常濃郁芝士的香腸棒，能夠同時享受芝士的邪惡和香腸的味道，這個配搭非常不錯。招牌炸鮮奶雖然不是什麼原創的食物，但能夠炸得出色都不是一件易事。外脆內軟，即點即炸的，都是這個炸鮮奶的特色，配上自選的醬汁，更是一絕。