潮龍園

營業中

休息中

今日一點去食午餐唔知想食咩，經過荃灣見到一間粉麵店好多人等位，咁應該好味，就排隊，一個人好快就有位。雖然座位有啲迫，不過食物水準不錯。四寶麵配凍檸茶四寶麵有招牌魚蛋，爽口👍🏻有魚皮鮫， 一般墨魚丸同貢丸，真心，好味，彈牙最重要係個湯底有胡椒同蒜香味值得再去食多次。見隔離枱牛雜麵，對面位 崩沙腩麵全部都好吸引，下次一定要試晒佢特別之處係有客人叫蝦棗麵，我都未食過，下次都要試埋，整體來講食物質素係好嘅，只係座位太迫，下次唔好食飯時間去，早啲或者晏啲去，唔使等位又唔使迫人。😊

#chuchu食在荃灣📍 潮龍園又去食糧尾恩物！平靚正！流水式客人，姐姐真係未停過手，仲要好多外賣單！💡 門口位都有生雲吞水餃魚蛋嗰啲賣，凍冰冰可以買翻屋企打邊爐！—————————————————————❣️牛肚粗 $34牛什係呢度嘅名物，🐷媽見到隔離姨姨食就話要一樣！牛肚有金錢肚同草肚，好嫩容易咬，啖啖都有牛香！湯底仲會有腩汁！.❣️韮菜餃炸醬麵 $30+$8炸醬麵，撈下撈下，個汁唔會太咸，有啲肉絲！有碗湯跟，有兩粒韮菜餃都放係到，個皮都幾滑，韮菜餡都幾多！個湯底有好香嘅胡椒味，可以暖下胃！.❣️生菜 $12一碟菜先$12真係抵到爛！不過嗰日冇通菜，應該唔當做！有生菜、菜心、芥蘭，🐷就唔鐘意食蠔油，所以轉左腩汁！.❣️飲品 +$8凍熱飲品一律+8蚊！.💬 因為小店撘枱就一定架喇，不過唔洗擔心都會有翻塊夾版嘅！—————————————————————不專業評分👅好味指數: 7/10 💰性價比: 9/10👍🏻推薦: 8/10 —————————————————————🏡地址: 潮龍園 (荃灣)荃灣荃灣街市街47號地舖👉🏻太子元朗藍田都有分店！🕑營業時間: 07:00-01:00

崩沙腩麵 ($48) + 牛筋米 ($33) + 腐乳通菜 ($12/叫粉麵加配價) + 凍檸檬茶 ($8/叫粉麵加配價) ★－:+:－:+:－:+:－:+:－:+:－:+:－:+:－:+:－★​之前嚟過一次，今晚路過再食😀先講地點佢係方便嘅，喺正巴士總站前，其次收凌晨一點，夜歸元朗友醫肚有着落💙上次叫崩沙腩但賣哂改食牛腩，今晚有崩沙腩，梗叫啦！普通牛腩$33，崩沙腩$48，一分錢一分貨永遠定律嚟，貴$15蚊嘅差別係崩沙腩牛味濃好多，腩中帶筋，筋肉軟腍，入口冇渣，幾好；五香味適中，食完一個鐘都唔洗追水飲，講份量$48亦交足貨😀朋友碗牛筋米正常發揮，冇特別好特別差；通菜爽冇渣，腐乳落得大方，OK的👌🏻

🔸 五香牛雜河   $34荃灣街市街有間好出名嘅潮汕小店，有正宗潮州手打牛丸同埋 鮮甜蝦棗蝦棗賣，所以特登走入去荃灣打算外賣返做餸，買完 想到潮州美食就肚餓，入去食碗下午茶粉麵。食一大碗美味嘅牛雜河都 只係三十幾蚊，抵食夾大件😚  牛雜樣樣畀齊，做得香口惹味又唔會好咸。味道：7/10性價比：7/10🔸 崩沙牛腩河   $48崩沙牛腩係牛肉中比較肥嘅腩肉部位，呢間潮州舖將啲崩沙腩炆得好淋，而且好有牛腩味好肥美，唔會為咗食牛腩就咬得好辛苦，而且啲牛腩本身已經醃得有味唔使再填蘸啲乜嘢都已經幾好食。河粉就係正宗潮州河粉，幼幼哋厚厚哋，好滑好爽口，可惜就沒有提供魚露蘸，不過亦都可以填蘸呢度啲辣椒油，都幾勁辣。味道：7/10性價比：7/10

荃灣潮龍園喺荃灣街市隔離，位置方便， 夜晚八點幾去到都好多人喺入面食 。我哋叫咗崩沙牛腩48蚊同 柱侯牛腩34蚊，想睇下有咩分別，另外仲叫咗份腐乳通菜同嘢飲。腐乳通菜先到，原來係通菜苗黎，細細棵好新鮮，而且份量好足，腐乳又好食。👍🏻崩沙牛腩麵d牛十分軟熟，牛味十足，肥瘦適中，再加埋腩汁真係超級好食！而個麵質好有彈性，好食！柱侯牛腩河就比較有咬口，都好有牛味，而個河粉的份量都十分多，食完超飽！滿足！飲品叫左豆漿同檸檬茶，豆漿係枝裝的，而檸檬茶大大杯，好飲👍🏻

荃灣係高密度人口嘅地區, 租唔會太平, 但竟然比我搵到間$30-$40就食到嘅潮州米粉店, 仲要好好味又大份, 感動! 崩沙牛腩米食牛腩米最緊要食過滿足感, 而崩沙牛腩係普通牛腩嘅進階版, 平時喺銅鑼灣灣仔食嘅話都要$70-80, 份量都係偏小, 呢間舖有成6舊大大份, 入口即溶好好味. 蔥花夠香湯底濃爽滑牛筋米牛筋好林, 好有骨膠原感, 湯底蔥花配搭一樣, 都值得推介

4點半左右到潮龍園下午茶， 人唔太多，大約六成滿。 都唔想阻到人， 一坐低即刻落單。 大約一分鐘飲品先上， 三分鐘之內碗麵就上。對面食客食完走人，待應正常抹枱清潔。 過多一分鐘， 再過嚟清潔一次。 再多兩分鐘，再清潔一次。 最離譜係在我碗麵上面抹夾板，太嘔心了。 我諗緊碗麵食唔食好呢？ 我同佢講， 我三分鐘之內會走， 麻煩佢轉頭先再黎。 遵守承諾， 我在店舖裏面逗留少於十分鐘，立刻走。 我想問，幾分鐘之內食完一碗麵加一杯飲品， 都要畀人咁樣講趕走。 喺唔喺店舖嘅應有態度呢？明白客人快D走，翻枱嘅重要。 但下午茶時間， 大把空枱，客人只係食左幾分鐘，盛為50蚊的光速食麵體驗。

我最近去了荃灣的潮龍園，我選了牛肚牛腩米，牛腩軟腍入味，牛肚有金錢肚及草肚，每一口都充滿了牛肉的鮮香。湯底裡面還帶著腩汁，使得整道菜更加豐富。胡椒的香氣讓人一口接一口。朋友選了的是墨丸韭菜餃河。墨丸彈牙，口感獨特，完美融合了墨魚的鮮味和彈性。韭菜餃則充滿了豐富的味道，與墨丸搭配得天衣無縫。河粉嫩滑，湯底帶有胡椒的香氣，讓整個河粉更加惹味。潮龍園的香脆魚皮也是一道值得一試的菜品。魚皮薄脆，一口咬下去即化於口，給人一種獨特的口感享受。每一片魚皮都散發著鮮美的魚香，讓人難以抗拒。最後是他們的腐乳通菜。翠綠的通菜爽口宜人，口感清脆。腐乳的味道與通菜完美結合，帶來一種獨特的風味。這道菜不僅美味，也讓人感受到潮州菜的獨特魅力。

#搞串個pantry喺 #荃灣 嘅舊樓🏛️之中，收埋咗好多街坊餐廳🥢。我哋今次就去咗一間 #粉麵舖 🍜試下啦。舖頭最主打就係潮汕牛丸🥩，最特別係在於佢嘅製作方法🧑🏻‍🍳。師傅會用人手🔪，將新鮮牛肉打成彈牙嘅牛丸☄️。🐮五香牛什河($34)湯底嘅牛腩汁🥘好濃郁，亦都有脂肪嘅邪惡感覺🤤。牛雜都煮得夠諗，口感唔錯🫦。金錢肚💰腍得嚟有啲咬口，而且亦都吸收咗腩汁🍜嘅味道。🎏雙拼爽滑牛丸、黃金魚角河($42)牛丸味道好濃☄️，牛味好香🐄，而且咬落爽口彈牙，真係唔錯😋。黃金魚角🐟口感同樣都好彈牙，而且魚嘅味道好濃郁💕，比起平時打邊爐♨️用嗰啲魚片頭更加惹味😆。

接近晚上9點，買了個外賣「魚蛋牛什河」打開碗蓋第一個驚喜係用「手打潮洲魚蛋」，第二個驚喜係牛什內有「沙瓜」，第三個驚喜係湯入面有魚鰭（魚湯似乎係地魚熬製）原本冇打算寫食評，所以冇預先影相食味與否乃個人口味，雖然應該係雪什，但呢個價錢有呢啲貨（沙瓜、地魚、潮洲魚蛋）算是抵食

🐃 尋晚食牛腩麵發現原來崩沙腩同普通腩都真係幾唔同，崩沙腩係一層一層有埋筋膜係肉之間，切得工整，甘香鬆化，配合蔥花同幼麵，好食。湯頭好味，唔算重味精，食完都冇口渴；個幼麵都好有質素，完全冇鹼水味又有嚼勁。另外驚喜之選係鮮蝦雲吞，非常新鮮大隻，係水準之上。加多碟腐乳通菜已經好飽，仲要好平。晚市好多人客，一齊搭枱食碗麵～Butterfly brisket is a special cut and tastes more premium because there are layers of membranes among the meat. It is more tender and succulent than the lean counterpart.

this brand is so powerful, dragon garden.they must hv faith in their food.lets try😏。hmmmmmm very standard quality. beef belly is pink color very tinder. i tried broken sand beef belly rice.portion is normal.bottom base a lot white carrot, pretending a lot.in chinese we call it "fake dog" 裝假狗"color of juice is deep, looks concentrate and salty but in fact a bit tasteless.i think they need add more flavour or put less water.i like the stronger taste of beef.very Normal, shortime wont come back by

ෆ 潮龍園 ෆ 有冇人同我一樣都好中意食潮州粉麵？💖今日突然好想食河粉🍜（又糧尾）就去咗呢間快靚正嘅餐廳🍴叫咗牛筋配墨魚丸河粉～墨魚丸好彈牙🫶🏻牛筋好軟淋!! 係滿滿嘅骨膠原🙈腩汁湯底濃郁 唔係死咸個隻味精味～朋友就試咗牛雜麵🍜真係足料又入味💓而且餐廳座位都好闊落真正平靚正嘅餐廳真係糧尾恩物🙈🙈ෆ 推介菜式 ෆ 牛雜麵牛筋配墨魚丸河粉ෆ 潮龍園 ෆ 荃灣荃灣街市街47號地舖#hkig #hkfoodie #foodiehk #foodiegram #foodiegraphy #foodlovers #foodstagram #happysharing #hkfood #foodphotography #foodie #hkfoodblogger #hkfoodstagram #momofoodie #香港美食 #美食 #吃貨 #相機食先

荃灣平靚正粉麵鮮蝦雲吞麵 $30大大粒鮮蝦雲吞，鄙薄餡靚加上新鮮蝦爽口彈牙，入口滋味無窮，再配上彈牙靚麵，整體都滿分！柱侯牛腩麵 $34牛腩份量好足料，腩汁勁濃厚配合埋湯底，真係精華所在，牛腩已經煮成好林滋滋好入味，口感一流肉質更加滲透出啖啖牛汁香濃回味無窮！腐乳通菜 +$12仲有得俾你揀下配菜，新鮮爽口嘅通菜加埋勁濃香嘅腐乳醬汁，呢一個配搭真心好味！紫菜湯 +$15最驚喜估唔到有紫菜湯叫，湯底鮮味剛剛好，再加入埋香口紫菜，一湯一紫菜，愈飲愈惹味！凍檸茶 +$8重有新鮮生料散買，可以買番屋企自己煮嚟食～潮龍園 (荃灣)荃灣荃灣街市街47號地舖

粉麵茶餐廳其實喺香港通街都係，呢間嘢就開正喺荃灣街市對面，平日見佢人頭湧湧好似好多街坊幫襯，今日第一次試下走入去食個下午茶。🔸 爽滑牛筋河/ $34 下午茶＋ $6 配凍飲牛筋有五大嚿，炆得好軟糯，一啲都唔韌 ，大大碗，一個女仔可能食唔曬😝味道：7/10性價比：7/10🔸 崩沙牛腩河 /$48 下午茶＋ $6 配凍飲崩沙牛腩選料都比較瘦，牛腩最緊要係入味夠淋，腩肉嘅脂肪含量好低，又含礦物質同埋豐富維他命，可以話營養豐富，難得嘅係口感都好淋，搵埋無牙嘅嫲嫲嚟食都食到。 味道：7/10性價比：6/10🔹環境舊式茶餐廳，潮州嘢食，開喺鬧市裏面，比較人多擁擠 下午茶有兩點到六點🤪🗣毋須加一服務費-人均消費：～$50-整體味道：7/10性價比：6/10