濠景茶餐廳

營業中

休息中

🍚濠景茶餐廳 西營盤德輔道西143-145號地舖Randomly入咗呢間茶餐廳輕食個tea☕️牆上面黐住好多懷舊嘅海報 播住八九十年代嘅金曲🎤堂食都比較迫 食物質素正正常常𓌉◯𓇋 法蘭西多士 $32西多士炸得啱啱好, 金黃香脆嘅外皮, 加上牛油 糖漿, 雖然邪惡但好好食, 間唔中食吓, 心情都好啲.𓌉◯𓇋 鮮牛肉蛋飯 $42滑捋捋嘅鮮牛肉, 配半熟嘅蛋白, 口感好特別. 飯量下午茶嚟講都好足夠.𓌉◯𓇋 熱菜蜜 (+$2)𓌉◯𓇋 凍齋啡 (+$3)approx. $40/ppl食物🤰 ♥ ♥ ♥ ♡ ♡環境🤰 ♥ ♥ ♥ ♡ ♡性價比🤰 ♥ ♥ ♥ ♡ ♡

下午茶雙併麵餐，叫左鮑片肉丁麵，重要‼️肉丁得3粒，重要‼️肉丁得3粒重要‼️肉丁得3粒，肉丁份量小得過份，麵淋冇味道，完全唔推薦呢間餐廳。盛惠$37對唔起個價錢。千祈唔好幫襯

今日叫左個西炒飯外賣，唔知間餐廳係咪用晒啲茄汁既關係…… 西炒飯居然冇茄汁架，咁大間餐廳，用晒咪去買囉，唔買不特止，仲索性唔落添。都唔緊要，你同我講聲，比個心理準備我嘛…… 搞到我以為以前啲西炒飯係錯版

今日，早餐揀左位於西營盤既濠景，呢間望落去唔算大間，但原來都可以坐成50人又唔覺得迫，都算難得。 地方算乾淨， 大部分夥記都好有禮貌。 伙記見到我一入餐廳，就即刻好醒目咁行埋嚟我度落單。 值得一讚。燒汁雞扒、火腿、太陽蛋配多士同凍檸茶係我今日嘅早餐。 雞扒……乾柴、無乜雞汁、加左個我唔識得形容嘅雞汁( 似豉油加喼汁)。火腿煎香咗，唔知點解都唔熱。太陽蛋反而煎得幾靚。 另外，可惜兩塊多士不過唔夠牛油。 凍檸茶甜得滯同無乜茶味。。 而且今日呢個餐要成35蚊，唔算特別平。

叫下午茶餐，明明寫住特飲加4蚊，叫左杯凍檸樂加左我7蚊，問佢問題又串，其他夥計擺低食物又"喂"人, 極冇禮貌，野食又唔係好食，而且好咸，另外又聽到隔離枱話啲野好咸，叫熱檸水變叫熱檸茶，唔會再幫襯

叫左一个牛肉米线，一个星洲米，一个干牛河。牛肉米线咸到喊，星洲炒米内面的炒虾仁同炒蛋已经窿，米线仲有d硬。男店员相对比较犀利，望住佢准备问佢问题，佢就好串问做乜呀。下次不会帮衬。

由於本人很愛吃焗豬扒飯，有陣時去到一些茶餐廳或一些西餐廳都會選擇叫焗豬扒飯來試試，而西環這間濠景茶餐廳焗豬扒飯的確很有質素，一個月總會食一兩次過下口癮。大概10分鐘左右就會上餐，賣相看起來不算是非常好好，可能沒有芝士陪襯的關係，豬扒的份量也算很多有兩大塊，炒飯底就梗係走唔甩啦，豬扒方面亦很淋身，薄薄的，輕輕一切就可以，至於汁方面是混合洋蔥加番茄的，而相對洋蔥味比茄汁味較重，撈飯一流！至於價錢方面大概＄50連飲品。另外推介的是下午茶的煉奶牛油火腿多士，有機會經過這裏的朋友一定要試試！

茶餐廳的沙律，一向都是罐頭貨色。可以的話，寧要炸薯條。可惜，薯條賣晒，只好改要酥炸雞中翼沙律$30，再加一熱飲品。一客三隻的酥炸雞中翼，大小均一，炸得金黃色脆。咬一口，皮脆肉嫩，調味也不錯，頗為香口入味，合格有餘。沙律，除清爽的青瓜粒和薯仔粒外，其餘都是罐頭貨色，如椰果、菠蘿、桃子等，不鮮美，且甜膩，不愛也﹗熱檸水入口清香醒神，沒有苦澀味。

每逢去西營盤覆診，我都會黎呢到食野，平時如果黎食早餐或下午茶，都會食吉列魚柳餐，因為又新鮮又嫩滑，大件夾抵食。不過今次轉天氣，乾燥得黎口乾乾，想食濕濕地既野，於是就試下泡飯啦！我：泡飯入面有咩綠色野架？店員：有蔥同埋芫茜。我：咁走晒綠色野啦！店員：好呀，全走綠色。# # # # # # # # # # # # #隔一陣，店員過黎問我…店員：咁你食唔食洋蔥同青椒架？我：唔食架！店員：好！咁你食唔食青菜架？我：食架！結果碗泡飯入面有三大條菜心，兩條紅蘿蔔，擺到靚一靚。呢間茶餐廳好注重均衡飲食，而且牛柳粒好香口好好味！

這天在中山公園游水前先到濠景醫肚。濠景在西區有地利，因在巴士站旁，但本身很少光顧。點了早餐，蕃茄湯鮑片通粉。很喜歡這裡的蕃茄湯，好濃好重蕃茄味，而且好健康；通粉煮得剛好，就算泡在蕃茄湯裡很久也很有咬感；鮑片口感十足，夠嚼勁，但奈何沒有味道。奶茶奶味太重，可能是下了太多奶，蓋了茶味，不太合格。

第一次試濠景的早餐, 雖然明明是在網上外賣紙看見應付HK$23, 但去到他們堅持是HK$25, 因時間關係沒說一句話便付錢算了。我點的是芝士腸+太陽旦+米粉, 蕃茄湯底, 飲「金牌奶茶」, 本來習慣喝的是咖啡, 但由於在外賣紙上看見他們標明「金牌奶茶」, 於是決定一試。結果, 讓我好失望了....金牌奶茶就是奶精+淡茶, 不香不濃, 幾乎沒有味, 比麥當奴的濃滑奶茶還茶, 什麼金牌哦@_@主食芝士腸+太陽旦+米粉(蕃茄湯底), 不過不失, 蕃茄湯底不特別, 都是茄膏開出的湯底, 獨沽一味地茄膏味。可幸是米粉頗幼, 是我喜愛的類型, 否則我會很惱自己付了HK$25換來這樣的一個不好吃的早餐

西環呢區都幾多茶餐廳, 我比較喜歡食呢間濠景茶餐廳!首先講講地點方面,在馬會旁邊,而門口又對正巴士站,真係好方便!再講講D食物質素,我好欣賞呢間茶餐廳D咖哩同埋瑞士雞翼!咖哩香濃又滑! 味道適中,相比起隔離街個2間茶餐廳D咖哩真係好味得多!另外,瑞士雞翼真係好正! 下午茶時間仲有得叫瑞士汁雞翼煎蛋飯, 包杯熱飲!佢D瑞士汁真係好好味,撈埋D飯食真係一流! D雞翼比起出面個D SIZE大隻! 而且仲好入味! 真係幾抵食! 唔錯!環境方面,有裝修,有3部大電視都算係咁,都坐得幾舒服,個感覺上都幾乾淨企理。

六月上旬(有雨)真想不到公眾假期還是逃不過開工的命運,於是早餐又要在正街一帶解決.上次經過濠景茶餐廳發現早餐有豬仔飽供應,在正街和德輔道西是唯一一間,所以今天就拉大隊來吃個早餐. 店子比想像中的細少,但總算有卡位坐.這裡除了豬仔飽外還有各式早餐選擇,思前想後,最終要了兩份多士和豬仔,我飲的則是熱鴛鴦(少奶).看來普偏茶檔的咖啡膽都偏酸,一減少花奶的份量就會變得酸到難以入口.這杯也不例外.唯一一杯少奶而又美味的鴛鴦,只能在西環的祥香園找到.只可惜今早實在無法鑽入西環尾吃早餐,所以只能在此喝這杯不太滿意的酸鴛鴦.再來就是奶醬豬仔飽.這並不難做得好,雖然個人偏好粗粒花生醬,貪其帶顆粒的質感有趣.不過只要飽本身烘得香脆,就算醬料是幼是粗,塗得多少也沒所謂.但當時面前的雖然醬多得慷慨,甚至多得可以浸死一隻螞蟻,但飽本身的質素真的不好,麵包很粗鞋,即使只是烘了少許已經'摻口',但邊邊位卻還是軟稔稔的,奇怪又不好吃.花生醬只是一味的甜膩但沒有香味,加上同樣是死甜的煉奶，真的好難吃.厚厚的多士也有同一個質地粗糙的問題,不難吃出用的是劣質貨.雖然說吃個早餐只是十多元,不過人地勝香園不也只是收十幾蚊一個脆

香港的茶記是梗有一間在左近的，是日到了比較陌生的地方吃早餐，在預先沒有特定目標之下，就胡亂的找了家茶記解決。是一所很街坊的茶記，裝修是最簡單的模式，但都總算有部掛牆的平面電視機，讓我朝早通過電視，邊吃東西，邊吸收一點資訊，都是廢話少說了，最後我在云云的早餐之中，選了很是簡單的三文治早餐，蛋牛治烘底加杯熱奶茶。先來的是蛋牛治烘底，烘過的麵包如一塊薄薄的多士，啡色如金黃的烘得非常美麗，麵包看起來烘得很好吃，可是吃起來只有外層脆，大部份厚度的麵包卻黏牙及韌韌的，感覺非常奇怪，至於那蛋牛餡，用的不是鮮牛肉，而是罐頭鹹牛肉，由於都是罐頭貨嘛，這款鹹牛肉一向都不錯，鹹美有油香，可是蛋就極少，蛋及牛肉的比例有點失衡，所以這份蛋牛治真是得個樣。最後當然要嘆番杯茶，茶用上印有黑白淡奶標記的厚身瓷杯盛着，喝起來都夠熱，但又未能算是太熱，看來都是茶溫夠而沒先坐熱奶的沖法，其實個人認為這個步驟真的是見仁見智，因為好像是年的金茶王都沒有先坐熱淡奶的，說回這杯奶茶的味道，奶茶有奶羶味，入口都滑而夠挺的，但就沒有茶味，所以當然是沒有茶香，看來又是普遍的通病，哎！算是胡亂吃過了點東西，雖未至於難吃，但就沒有一樣東西是

前日朝早去左西環做野, 因為來早左, 見有d肚餓, 於是就近揀左呢間茶餐廳食早餐.濠景的裝修以茶餐廳來說不錯, 而且還有不少電視.我見餐牌上有燒雞扒併火腿蛋早餐, 承惠港幣25元. 我就點了這個. 又因為我不喜歡吃火腿, 就跟那位阿姐說要將火腿改做蛋.過了一會, 早餐送上來. 一看, 還不錯, 不過, 我見雞扒竟然有三塊, 很少有!!! 後來我聽旁邊的阿姐講, 好似係唔小心搞錯, 致令我那份餐無端端upgrade左. 整份餐以多士及炒蛋最好, 多士剛烘起, 很新鮮, 也很脆. 炒蛋很滑, 雖然不是僅僅熟那種.雞扒雖然多, 但質地普通, 而且好像有一點位置未弄透. 仲有, 我又被騙了, 雞扒是炸熟的, 不是燒出來的(是我太天真吧~~)