瀛川日本料理 (已結業)

在銅鑼灣的鬧市，放題選擇越黎越小了，經過黃金廣場樓下，見到姐姐派傳單就入去試下新野啦呢間放題無分時段，任何時間入坐起計2小時。入到去Waitress 即時提供tablet點菜，唔使寫紙好環保，沒有出現漏單情況。咁岩平日去，食客唔係好多，坐位相隔位置闊落，唔好太迫。飲品都係要點的，不用自己出去拎，幾方便，有特別的飲品提供 : 西瓜，香蕉及芒果沙冰，但味道一般般。先黎個刺身，質素不錯喔!油甘魚同三文魚都好鮮同肥美，連頭甜蝦亦好鮮甜。蟹粥粥底幾綿，但縑無乜蟹味。壽司都整得幾精緻喔，海膽軍艦既海膽份量比得都算大方。熟食既味道都可以的，最特別可以用tablet自選炒菜材料，有得選擇咩菜，要唔要辣，用咩醬炒等等，可以自由選擇自己鐘意既口味! 重點係確保即叫即炒。炸物 : 夠熱! 味道正常。飯外甜品: 要自行去雪櫃取，有韓國入口的雪條。有時食下d唔係連鎖式既放題都幾有驚喜架!

三文魚刺身不是我喜歡的厚切，勝在新鮮。冰沙真的差強人意，我只想說千萬不要點。我個人認為這家餐廳的優勢是生食，無論是刺身還是壽司水準都不錯。熟食的話很一般，天婦羅蝦還是可以的。好多放題店的羊架都做的挺好吃的，這家就不行。不推薦。燒烤，是鐵板牛肉炒金針菇等，大辣真的挺辣的，就是不好吃。IPAD點單確實方便，要多一份得多點一下，感覺也會降低浪費。挺好的。其實價格還算偏貴。

是咁的，我琴晚同fd收左工去銅鑼灣食野，諗住搵間放題食，去到黃金廣場上到到大X屋太爆，又攰，惟有落幾層去瀛川食，我相信好多食客都係咁，如果唔係見到openrice有14個正評，我一定唔會行入去。點知一坐低惡夢就開始了…..其實一睇已覺得選擇好少，但唔緊要，好食咪得。我地就開始食刺身啦，點知十居其九都唔多新鮮，係三文魚、劍魚叫好少少。之後開始叫熟食，丫我個fd見我叫串燒點解到左可以冇煙，問我d野熱唔熱，我話係呀都好凍下。我叫左d應該唔會有伏既野---雞翼，但完全係怪，我個fd一食就話，隻雞翼既味好有層次，隻雞翼上面既汁同d雞皮同d肉既味係可以完全分開的，肉冇味，雞皮同上面層汁係分開，完全冇煮到入味。之後叫左個所謂鐵板燒，諗住會有鐵板上，大家注意：係碟上的！所以都係唔熱，我叫左個鐵板set，幅相明明有牛肉，結果原來佢所有「鐵板set」都用有牛肉個set張相，所以俾佢fake左。好啦我叫個個係帶子set，諗住都正常丫，點知我咬落去，已忍唔住抱頭大叫 「好難食呀!!!!!!!!!!!!!!!!!!!!!!!!! 」…我講唔出有幾難食，惟有俾個fd試，其實佢全晚都冇點食過野落肚，好多食一啖就lu

刺身非常新鮮肥美有三文魚油甘魚 第二次冇咁新鮮劍魚腩 第一次叫左十幾塊 到五塊 搞到要分幾次叫幽靈魚子帶子蝦 非常新鮮甜美完全冇甩頭甩骨情況象拔蚌 有d唔新鮮墨魚丸好多好多好多粉鹽燒壽司寧願唔要鹽好過又唔係靚鹽其實燒得岩岩好嘥料！花之戀壽司唔夠沙律醬但係放題有得食花之戀我已經好感恩肥美三文魚真係好好食竟然仲有海膽軍艦都非常足料仲有芝士蟹籽軍艦都美味非常多種沙律可以選擇可惜只有一種好食就係煙三文魚凱撒沙律其他 沙律汁非常怪味燒牛舌燒雞軟骨可以過關但炸雞軟骨就非常難食厚粉無味please take it off the menu鍋物只係味噌湯加超級多水的淡口貨不堪入口清酒亦都係1比99比例 以水沖淡雖然我講到咁不堪但係我會返去食但係只食生野服務非常好

依間野最早係由屋企人食完介紹既，食過極上大乜乜個啲，失望到訓係地，唯獨依間真係食過再黎。今次食5：30個場。好啦，首先講佢有個新科技，比個Pad你，你點幾多又可以無紙化，而且唔怕漏單，因為有埋時間，你幾點落，無叫既黎到都可以聲大大。不過個軟件有啲蠢，顯示唔到黎左味，不過可以計住自己叫左幾多，食左幾多都係好事，唔會係甘叫。不過我覺得佢用依個Pad都係方便佢地控制入貨同消耗，都算唔錯。我不嬲先禮後兵，首先佢啲刺身係極力推介既，有我好鐘意食既甜蝦(唔係細細隻既甘蝦)馬刀貝，有赤貝，象拔蚌(切長身嫁)，原粒帶子仔，玉子(係，佢放係刺身),仲有䲞魚,鮑片。三文魚都新鮮厚切。講真刺身已經值好多分。依加仲有埋塊Pad，唔會好似其他個啲咩都比埋你。第二樣要讚既，當然係天婦羅，食過中環協成行松X，佢個度都唔錯，不過已經執左，唯有轉黎依度。依度係鮮炸，熱既，個漿又薄。佢竟然仲有香蕉天婦羅，不過無興趣。第三樣，I am sorry 係要半打半打上既海膽軍艦，都係個句，好過極乜大乜，不過依加見佢份量少左少少。第四，仲有佢個炙熱壽司，三文魚燒完有分加。值得一提有雪糕同三隻味雪條同糯米糍。唯一要彈係幾樣野，第一，

去開會展果邊做野, 又想食放題, 就去左銅鑼灣瀛川。我地七點九左右入到餐廳，餐廳入面已經坐左大概3分2既客人, 可能未到黃金時間。但座位稍嫌坐得有點擠迫。 一坐低諗住好似出面D放題咁，拎D紙睇下有咩食。點知搵左好耐都搵唔到，問一問侍應先知道原來佢地呢度係用tablet黎落單，唔洗寫紙。既環保又唔洗特登搵個侍應過黎比落單紙佢。平時放題搵人收紙等好耐, 電子落單呢樣抵讚!!!睇下食物既種類, 刺身,壽司,軍艦,一品料理, 煮物, 天婦羅等大路既選擇都有。不過每一個種類既選擇都不算多。食放題第一樣食既梗係刺身，叫左三文魚,吞拿魚,甜蝦,同帶子。 三文魚睇個樣都知道非常肥美,咬落去充滿魚油香味!! 好食。 有頭甜蝦非常大隻而且味道好鮮甜。 但係吞拿魚真係同出面大部分放題一樣，有雪味同有D鞋!!! 帶子就不過不失。呢度令我驚喜既就係有海膽軍艦任食!!!!! 我地兩個都非常鍾意食海膽，即刻就叫左6舊海膽軍艦黎滿足一下。可惜海膽唔甜, 但唔腥。因為味道唔係特別好, 所以食左一次就算。放題任食都唔會預好好, 不過如果可以改善呢樣就更好喇!之後叫左d壽司系列, 有創意壽司: 黑松露帶子同黑松露油甘魚壽司

話說中午係尖咀食左一間中伏既韓燒, 心情唔多好!!! 食到真係想爆嘈!之後同女朋友轉場去左銅記行街~~未到6點已經好肚餓, 又唔知食咩好!! 女朋友話上次同朋友食左間日本放題幾好食, 心諗女朋友又推介, 唔知會唔會又中招, 不過佢死話今次係佢食過, 一定無事, 咁我唯有多次機會佢!呢間放題係黃金廣場上面, 基本成層都係餐廳, 上到去唔算多人, 心裡面都有D驚驚地! 不過食完之後真心讚, 依度款式同一般放題差唔多, 但勝在你叫咩都好食! 最好既係依度好似高級餐廳咁用Ipad落單, 有相睇, 睇啱就點, 落單唔洗下下搵侍應, 落完單好快就有野到, 上菜速度極之快!! 一陣間就成枱都係野食!刺身多款，好新鮮，三文魚新鮮, 凍冰冰, 厚身肥美, 甜蝦連埋個頭, 算大隻, 晶瑩剔透, 鮮味;帶子切粒, 入口有點淡淡海水味! 榮螺超好食, 第一次食榮螺, 好有咬口之餘而且味道很重, 很有食緊糖心鮑魚既感覺, 十分推介!! 如果唔切到細細舊, 大粒D就更加好!! 海膽真係好好味! 有點甘甜而且又係任點!!飯唔多, 食多幾件就回本!!天婦羅上枱熱辣辣, 唔多粉, 你仲可以好清楚見到隻蝦, 燒物就相對無

成班麻甩毒L打完波有咩好做? 當然係補充體力吹水講波經! 由維園行過黎銅記食返個宵夜, 人生一樂也, 係地下見派傳單人頭費加埋一二百蚊有找的放題, 二話不說就上左黎, 人唔算太多可能平日, 個經理好識做俾左間獨立房我地!點個最細既落單, 我地成班就走左去廁所洗返個靚臉, 出到黎唔好講笑, 巳經成枱都係野食, 做到野!! 基本上佢餐牌上所有可以點既都俾我地點灑, 應該無漏單, 我地大口大口吸入, 佢地就不停收野再上菜!我記得刺身係唔錯, 好新鮮, 無雪味, 三文魚肥厚甜, 吞拿魚入口即溶, 赤貝爽口, 甜蝦雖然細隻但彈牙, 係希靈魚爭D, 好粉! 天婦羅都不錯, 炸粉不多, 不太油, 係蝦本身細隻, 唔太多肉食, 炸蠔唔腥, 外脆內滑, 配埋個豬扒醬, 香口惹味, 雞軟骨都好香口, 羊架厚肉多汁;一口牛都好重牛味, 入口即溶, 不過切得太細, 如果大粒D, 口感應該更好! 燒蝦很香不會乾身, 啖啖肉! 牛肉鍋好足料, 豆腐嫩滑, 肥牛好滑, 甜鼓油湯底不會甜, 重點係夠熱, 配飯一流! 芝士年糕，年糕好軟身，包住溶左的芝士，好食! 得閒都要豪一豪, 男人不是只有豆腐火腩飯的浪漫, 都可以

對於有選擇困難症的我們, 揀食咩係一件好困難的事, 叫左呢樣又覺得好似個樣好D, 所以放題就最啱我地啦! 因為咩都唔洗諗, 要乜有乜 , 可以亂點都唔覺得有問題, 今次揀呢間放題, 一來貪佢地點方便, 一出地鐵就係, 而且無分時段, 仲可以任飲清酒, 啤酒! 啱灑鐘意飲酒當飲水既我地! 食完覺得都幾多特別野食, 絕對係有選擇困難症既好地點, 最緊要價錢唔貴, $250有找, 值得推介!頭一ROUND當然係亂點刺身壽司, 三文魚刺身、白玉拖羅刺身、希靈魚、大八爪魚，赤背等等,上枱美觀, 拍得住高檔日本餐廳, 一D都唔似係放題出品, 放在冰盆上凍凍地食更加鮮甜, 而且全部都肉質豐厚, 特別是紅蝦刺身, 肉質不霉有光澤蝦頭又充滿著蝦膏, 帶子刺身已徹底給解凍，並沒硬身，也沒雪味，味道鮮甜味亦creamy, 口感鮮嫩，咬兩口已滑進喉嚨, 壽司推介海膽, 鮮味十足, 帶點海水味, 口感滑, 最重要係件件都很少飯, 不會易吃飽! 壽司拼盤追加入兩次都給我們暴風吸入了! 我們太利害簡直是大口怪!! 唯一不足是我地發覺蝦膏味道有點怪, 不知道是否變壞了, 因為帶點酸! 所以我地都揀走它才吃, 幸好我們

收到朋友的介紹，瀛川午市套餐7折優惠，所以特意去試一試！不需等位，餐廳環境不錯，打開餐牌，午市選擇很多，日式拉麵、和風定食、魚生刺身餐、壽司餐，價錢由$6X-$12X，我最後選擇了刺身餐試試!WOW! 套餐非常豐富，沙津不錯，新鮮蔬菜配上胡麻醬，感覺清新，味噌湯味道濃郁，蒸蛋質感軟滑，最重點當然係碟刺身啦，份量非常足，三文魚、吞拿魚、帶子、甜蝦，海膽都有，每款都有4片，喜出望外，而且肉質非常新鮮甜美，海膽入口即溶，海水味重，好味!! 性價比非常高，不收加一，再有7折，埋單不用$90! 超值，值得再去。

朋友介紹話食過不錯。BOOK好晚上7點幾來放題, 貪佢唔限時段, 入座起計兩小時任食, 唔洗就住時間去, 算係比一般放題方便, 是次有一個朋友生日仲有優惠, CHECK左身份証就免左佢人頭費, 仲即時送左份禮物, 都幾有心思!入面既裝修都幾ok，d位又唔細，坐得幾舒服, 食物都能有一定的高水準。一睇個menu，發現佢地有好多唔同款式既野食，淨係壽司都有十幾廿款。先食刺身是常識吧，刺身好新鮮又甜，除左三文魚，甜蝦玉子，角螺，仲有吞拿魚腩，油甘魚，真鯛刺身，仲有帶子刺身等等，花多眼亂，每樣黎幾份, 全部都幾新鮮而且肉沒有雪藏的水味, 帶子也是既甜又滑, 甜蝦更鮮甜，肉質有彈牙, 仲好多蝦膏枝豆就正正常常我們散叫了好多串燒，多到不能盡評, 燒蝦新鮮彈牙, 燒雞軟骨香脆可口, 燒冬菇入面仲有好多汁, 正。一品料理點了個牛肉鍋，牛肉很香，慢慢用熱湯把蛋浸熟後顯得份外的香滑，味道甜甜的，很《和民》的味道, 很好味!埋單連加一都係二百幾蚊，以呢個質素程度既放題黎講，好抵食，以後一定會再幫襯

平日都有同同事去灣仔、銅鑼灣食午餐, 昨日我地又去銅鑼灣食Lunch, 一上地鐵就見到好多人派傳單,其中見到有間叫瀛川嘅日本料理, 話午市定食免加一兼有7折優惠!! 本來以為只不過係宣傳手法, 不過都話即管試吓,睇吓有幾堅.上到去, 等左約五分鐘就有位, 見到食譜價錢都唔貴, 我叫左個剌新定食, 其他有啲叫左三色丼定食, 有啲叫左壽司定食. 估唔到午餐定食都有海膽刺身, 食落味道好甜, 非常鮮美, 帶子鮮甜, 牡丹蝦好大隻, 肉質彈牙、甜美, 樣樣都好新鮮, 呢個定食仲有蒸蛋, 沙律, 味噌湯, 最後仲有野飲...非常足枓.其他三色丼, 壽司定食都好足料, 好新鮮.食完埋單, 真係冇加一兼有七折, 每人都係幾十蚊落樓.係銅鑼灣食午餐, 相信呢間瀛川日本枓理都算非常抵食, 價錢公道, 食材新鮮, 正! 正! 

自助餐同放題是我們的愛好, 基本上香港的很多已試過, 今次黎這間應該算係新冒起, 名聲不大, 但質素服務中上,就算幾忙都會應下我, 加下茶, 加上都有張問卷問你有咩可以改善 唔錯 可以一試!刺身：好正，三文魚，油甘魚，帶子、北寄貝，螺片，鮑片、，唔止新鮮，無雪味, 擺盤仲幾靚，令人食得賞心悅目！壽司：海膽軍艦、紫菜脆, 海膽甜, 好正, 花之戀，尺寸唔大，一啖一件, 好味, 帶子壽司, 有黑松露係上面, 令帶子更鮮味, 味道更有層次豐富, 力推, 飯又唔多, 細細的, 可以食多D唔同款式鹽燒雞翼, 味道咸香，外皮脆卜卜, !野飲都多選擇, 有沙冰, 梳打, 唔似其他放題場只係得罐裝汽水, 奶茶咖啡, 所以我見枱枱都基本上叫好多杯飲品!! 放題就有這樣的好處吧!!甜品都有驚喜, 有綿綿冰食, 同甜品鋪既質素係一樣, 而且好大碗, 夠滑夠濃味, 不過得一款揀就係綠茶味, 而且要LIKE 佢個FB page先有得送, 一like送一個, 不過like 一like就送其實無咩損失! 今次食埋碗冰算是回本之作。

有fd介紹呢間放題，諗住黎試下去食生日飯"瀛川"聽都未聽過，入到去見到無咩客，開頭心諗會唔會伏伏地。。原來係正野 好啦我地訂左7位，已經有房坐，環境就幾唔錯ge野食真心覺得唔錯，相影得唔太多因為掛住食 ，甜蝦刺身好新鮮，仲有隻馬刀貝，爽口的，好特別可以一試，三文魚，油甘魚，劍魚都好厚切，好足料熟食尚算平均，最有驚喜係有冰沙飲，清酒啤酒都係任飲！！會回頭，值得推介

成班frd 約左同其中一位仁兄慶生，壽星仔話想食放題，大家都唸住豪"小小" 唧啦！結果俾我地book左呢間只需豪"小小"之餘(238位)，個壽星仔仲係free 唧添!!大家本來唸住"放題"都係果D野啦!最多咪環境好D...對食物唧質素都冇咩期望。估唔到竟然有驚喜!!首先，當然係例牌來大量刺身同壽司啦!!刺身厚身大件，而且仲好新鮮肥美!!尤其是係三文魚同劍魚腩!!!!!壽司方面，飯少料"多"，質素仲拍得住版長!!軍艦就細件左少少，不過咁就可以食多幾件，最讚唧係有"海膽軍艦"!!!我地仲叫左D串燒同炸物!!串燒牛舌同羊架都好香口，雖然D羊架唧肥肉多左少少，但係又唔係好羶，唔係好食得羶味唧我都食左成件。串燒整體來講係ok唧。炸物方面，可能係因為平時對炸物完全唔會有期望啦!!今次覺得有好大唧驚喜!!首先，必讚唧係"炸日式芝士年糕"，外皮少少脆，咬落軟棉棉温温地，D芝士仲有少少流出來咁!!!!!雖然已經食到最後，但都忍唔住食多左件!!另外，炸吉列蠔都好好味，外面好脆，裡面仲creamy 添!!!其他唧炸物，好似炸豆腐、炸餃子等等都唔錯。另外，因為我地用左個生日優惠，舖頭仲送在個公仔俾我地個壽星仔