影片
港鐵銅鑼灣站 C 出口
繼續閱讀
電話號碼
28916928
62099831 (WhatsApp)
96901733 (WhatsApp)
開飯介紹
以放題形式供應多款日、泰料理，而主打的日本菜餐單分為冬、夏兩季，並以時令食材入饌；裝修則糅合西日元素，簡約時尚。
繼續閱讀
營業時間
今日營業
12:00 - 15:00
16:00 - 00:00
星期一至日
12:00 - 15:00
16:00 - 00:00
以上資料只供參考, 請與餐廳確認詳情
有關獎賞計劃
相關文章
數得出名嘅日式放題基本都食過曬，今次又試下新野，位於銅鑼灣京都廣場嘅「瀛豐放題料理專門店」，係銅鑼灣站C出口斜對面，位置非常就腳。閒日晚市正價時段$259，今次仲加左$148升級放題，除左可任飲生啤及任食海膽帶子，最重要係升級海鮮拼盤仲有魚子醬，今次真係學劉德華話齋，一人一罐啊!自取嘅前菜有十多款，麻辣魚皮爽脆香辣，海蜇爽口彈牙，等緊刺身嘅同時食少少都唔錯。基本嘅刺身都有十餘款，每款嗌左四件試下，普遍都幾新鮮：厚切三文魚腩魚油豐富，非常香滑；油甘魚同樣厚切，油花甘香，魚肉爽滑；珍寶赤蝦勁大隻，肉質爽彈，味道鮮甜；其他刺身仲有馬刀貝、赤貝、北寄貝、八爪魚等等。再黎一個升級刺身海鮮拼盤，除左高貴嘅魚子醬外，仲有磯煮鮑魚、松葉蟹腳、象拔蚌及翡翠螺等等。魚子醬帶咸香，口感香滑，除左鮮味外，仲有種Creamy嘅奶油味道，非常獨特，好食！磯煮鮑魚爽口彈牙之餘，其實都夠軟腍入味；松葉蟹腳鮮甜多汁，肉質夠結實，足夠新鮮。松葉蟹肉、蟹味噌及蟹子壽司飯，味道鮮甜，有啲甲羅燒嘅感覺。升級Menu仲有海膽帶子，原粒帶子夾住鮮甜海膽，大滿足!其他料理仲有泰式串燒、燒蠔、一品料理、辣酒花螺等等，淨係食刺身我都食到半飽，其他野我都只係食左少少。
繼續閱讀
🥢刺身拼盤，嚟到嘅時候仲有乾冰嘅效果！非常適合打卡！我哋叫咗幾種唔同嘅魚類，再加埋赤蝦！三文魚腩非常好食，而且食得出非常新鮮，亦都冇腥味！希靈魚亦都唔錯！我同朋友都非常鍾意食佢嘅赤蝦，好新鮮大大隻. 食落去嘅時候覺得非常鮮味，淨係食呢一樣都回本！真係好！🥢我哋仲加咗升級刺身！有另一個海鮮嘅拼盤！有譏笑鮑魚長腳蟹馬刀貝仲有魚子醬.！魚子醬都非常好食，鹹鹹地我幾鍾意呢一個口感！馬刀貝亦都非常爽脆加埋少少芥辣嘅效果，令到佢嘅味道更加突出！鮑魚就非常大隻，而且厚身非常有口感！鍾意食鮑魚嘅朋友不能夠錯過！長腳蟹亦都非常好食，肉身非常好！唔會話好腥！整體刺身嘅質素非常好，淨係食頭盤都好飽！正！🍺加咗呢一個升級之後仲可以任飲出邊嘅啤酒！有兩款唔同嘅生啤酒我就選擇咗1664！充滿果香甜甜地非常好飲！🥘熟食方面餐廳係屬於偏向泰式嘅方向！鍾意食佢嘅燒羊腩！第一次係識到呢一個方法烹調嘅羊腩！外身脆脆地幾好食！忍唔住叫多咗幾次！🥘另外都有叫佢嘅串燒，燒帶子亦都非常好食，由於係即刻叫即刻做嘅關係，所以都係熱辣辣！再加埋少少蒜蓉同埋香蔥，令到成個口感更加好食！我都叫咗炒大硯，非常有鑊氣同埋有風味，大大隻硯，非常好味！🥤除咗啤酒之外，亦都有好多種唔同款式嘅飲品，我就應該飲咗韓國嘅芒果汁！都覺得唔錯！🍦雪糕就主打香港品牌有好多種唔同嘅味道，亦都有韓國榴槤雪條
繼續閱讀
午市定食$58起，好多選擇，都唔少打工仔嚟食，而放題有刺身、壽司、燒物、炸物，更特別係泰式料理，日泰應該冇人不愛，平日放假食足三個鐘$209，老實講我會話性價比正常，但必定要留意佢個升級優惠加多$148，連埋加一總共$400都唔使，有埋任食海膽帶子、超打卡，海鮮拼盤包埋原盒魚子醬、Sapporo同1664生啤任飲，再跟個時令任食，今期做緊爆膏奄仔蟹，膏同肉都極鮮甜！鍾意食蟹同海膽嘅人就算酒量不高都輕鬆回本😁 再叫吓泰式主食有特色得來又唔使太生冷，大推泰式燒羊腩同炭燒豬頸肉，記得食澳洲Bulla乳酪雪條勁正！順帶一提，午市放題到三點，店員2:30逐枱過嚟溫馨提示，說話係師傅2:30落場，可以叫定多啲嘢慢慢食慢慢坐，聽得勁舒服，呢啲先係服務態度🫶🏻
繼續閱讀
瀛豐放題位於銅鑼灣，下午放題都唔會好貴。最吸引🤩我眼球👀的是$148升級，到底為什麼呢？！💯❤️🔥清蒸奄仔蟹任食！🫶🏻🎉魚子醬、海鮮刺身拼盤☺️😎海膽帶子三文魚腩刺身盤海膽帶子🦀奄仔蟹清蒸烹調方式一定是最鮮味的。超多蟹膏，啖啖肉。本身侍感開左少少殻，好易開；一疏疏蟹肉咁食，好新鮮，味道👅清甜。極品海鮮拼（配魚子醬）：依個併盤內所有食物都賣相精緻，仲好架勢！2盒細既魚子醬，平常唔係一盒咁買來食，好好味🤤。蟹腳好鮮甜。海鮮熟食🍲：麻辣小龍蝦、辣酒煮花螺、泰式燒生蠔🦪、泰式燒元貝、辣椒膏炒蜆好多款式，樣樣都幾好味🤤，而且即煮溫度夠熱。推介生蠔及元貝，泰式煮法更惹味。原條穴子壽司🍣、三文魚火炙壽司、和牛火炙壽司、芝士鰻魚卷賣相精緻，三文魚及和牛經火炙後帶出油脂。冬陰公蝦湯、香茜三文魚湯熱湯濕濕地好開胃🤤推介冬陰公蝦湯比外面泰國餐廳更好味
繼續閱讀
想一次過食勻港、泰、日料理不妨到訪呢間位於銅鑼灣嘅放題店，兩小時無限任食冷盤前菜、刺身、手握壽司、軍艦、火炙、卷物、手卷、沙律、涼菜、天婦羅、炸物、燒物、泰式料理、粉麵飯、湯等，適合約一大班朋友仔嚟Happy。升級套餐更可以品嘗到極品海鮮、海膽帶子、奄仔蟹同啤酒。賣相吸引，打卡一流，食材新鮮，已解凍，入口鮮甜可口，個人最鍾意奄仔蟹，膏多肉嫩，甘香唔膩，絕對係回本之選、魚子醬鹹中帶鮮，一盒一啖超級奢侈🥱食物款色眾多，印象深刻嘅包括三文魚火炙、火炙芝士魚生船，醬多肉滑、蟹籽沙律，幫助解膩、炸榴槤波波、芝士年糕、椒鹽九肚魚，全部即叫即整，新鮮熱辣辣，外脆內軟，咬落爆漿、燒元貝，大粒又Juicy，食埋甜品就Perfect了。
繼續閱讀