瀛鮮-日泰韓中潮川風味放題 (已結業)

又到食蟹季節又點會客氣😚市面買又貴，重點要安全當然要找間自己友在听返来呢間野轉左股東，點都好有老友在，費事理你，開餐老友安排刺身馬上到十幾分鐘蟹到好味！靚出边食蟹，边等、边出去自助吧攞野食，小食都幾特別，食到咁上下，又可叫鐵板燒、燒到攰又可以叫天婦羅、女仕唔燒又可以叫蒸氣火鍋，還有啤酒、飲品任飲、甜品任食！呢餐飯加環境衛生，我們一班决定比90分，原来只有85分，因為個老友搞 facebook讚好有湯今送，又有劉德華演唱會飛抽獎

自己係蟹迷，但係今年未食過大閘蟹😭😭，連好多大酒樓都冇。 知道佐敦有大閘蟹放題，就即刻同朋友衝嚟食😆。 大閘蟹係季節性，12月中就應該冇架喇，所以嚟之前記住打個電話睇吓仲有冇得食，以免失望。 所以話呢，早食早享受，快啲去食啦！先唔理咁多，入坐之後就即刻叫左四隻大閘蟹（因為熱先好食，唔好一次過叫晒呀），大約15分鐘就黎到了！🥰 唔算係好大隻，但一打開裏面滿滿蟹膏，正呀！7點後入坐，每位$388，食120分鐘。 但係我用咗100分鐘食咗四隻蟹，朋友就食咗六隻蟹，拆蟹太費時了。 好在呢度超好，今日有九成客滿，因為仲有枱，客人都可以繼續食，唔駛限住時間。 我同朋友食下野傾吓偈，最終係食咗四個鐘呀，哇哈哈，超級抵！出邊有好多飲品任攞，最貼心係呢度有薑茶，食完蟹飲就最啱。睇一睇order紙，真係好多選擇吓。 有壽司、刺身、海鮮、蔬菜、天婦羅、泰式料理、肉類，連和牛都有。讚好面書送嘅天麻燉湯，有豬展同雞肉等，好飲！出邊亦有海鮮攞，最愛係大白蜆，大大隻又鮮甜，未見過放題有！燒烤爐上面有燒烤紙，感覺冇咁易燶。甜品有唔少，雪糕之外仲有呢個甜品櫃，右下角嘅係榴槤糯米糍，食榴槤嘅就一定要試啦。場內仲有現場表演

本人都支持左呢個集團幾年，由以前既日泰郎到板燒郎。到今時今日既瀛鮮，佢轉左名，以為有咩新鮮感，點知道，比以前更差，這就是「新鮮感」！1. 取消左熟食食過日泰郎、板燒郎既客人會知道，以前好多泰、港既料理，例如「飛天炒通菜」、「咖喱蟹」、「鮑魚生菜」等等，就算唔食生嘢，都可以食熟食。但佢依家得返刺身、壽司、天婦羅同生肉燒烤。2. 漏單情況非常嚴重、上菜慢本人一開頭order既壽司、燒烤蝦完全無來，就算再order都無，而且刺身、生肉上菜時間需要30分鐘！但是客人唔多，也坐不滿半場，相比起以前日泰郎，一坐低，畫曬飛，15分鐘就出曬幾款菜式比你食住先。雖同一間集團，但真係相差好遠⋯3. 含隱藏收費、疑違反商品說明條例檯面上係有好多醬料同紙巾供享用，但要知道，紙巾係要收費！（無論你用唔用都好）入座時沒有講過話有額外收費，收費表上也沒有寫，所以要小心，最好問清楚仲有無其他需要收費既項目（因從未食過一間放題要收紙巾費用，而當時職員也好串答我話：點解唔洗收費？）其實唔係為拗而拗，而係如果你寫清楚既話，我係好願意比，但係呃呃騙騙咁收，我就好唔情願！4. 重點：食物唔乾淨食完之後，我同友人返到屋企，成晚肚

一入門見到咁多明星相，放题？？？老板訂左間房及加拿大象拔蚌刺身，好正爽，鮮甜，刀工都要一讚，外表又靓。一边鐵板烧日本穀飼牛，好有牛味，其他海鮮亦很新鮮，還可以任叫任食後来得知原来咁多野食都人糸每人258+88升级，象拔蚌徐外，老板再加龍蝦，又有專人帮你在外面用机烧，又有日式刺身，天婦羅炸物facebook又有黑蒜燉一湯送及劉德华演唱会抽奖，又多玩法，呢餐真喺好好食。服務90分以上。

今晚來是食大閘蟹！經理安排蟹未到前刺身1盆，多謝服務好，蟹好快送到大約20分鐘，有糕，第二輪亦係約20分鐘，0k合格，刺身新鮮，原來老友認識人送左個海鹽焗海鮮，好鮮味，不咸，還有見到明星，最後FB讃好有黑蒜蟲草湯送及劉德華演唱會飛抽獎，後得知原來此店老闆是拍電影的，難怪有演唱會飛，想買都買唔到，好味！謝謝

不管每次能叫多少,叫完又叫,我是消費者,但呢間店不錯,沒有人黑面,蟹都算上得快,款式種類多,但我今日只係為了蟹来的今日D蟹都有9成,收貨！當然會有一兩隻唔靚食了约20隻,夠數,下次一定會來幫襯其他放题,呢間店都幾有禮貌

呢間放题好多款式食，今日話明食大閘蟹放题，當然唔客气，一坐低有餐廳安排刺身船，數分钟到了，服务不錯，環境舒服光淨，有现场Live聽！飲品都算多，自助小食區—D都不簡單，多款及不求其，直覺話我知應該今餐有食神！蟹到了，好靓爆糕！！！馬上再叫！！！约20分钟又来！指定動作，自己都唔知食左多少隻？回本了！！！另外眼見自己老友又點泰式.天婦羅、鐵板燒、原来仲可以蒸氣火锅！點食？大家都覺得好很飽！！！甜品都係自助亦多款式，但食唔落了！特别—讚這店服务水凖ok的很好！！！！！還有Facebook讚好分享有靓燉湯送及劉德華演唱会飞抽奖！！！！！！！！

入冬前大閘蟹放題一聽到有大閘蟹放題立即雙眼發光約埋班死黨一齊去食去到估唔到有咁多嘢食有日式、泰式、韓式，梗係乜都試吓啦 不過第一件事梗係叫大閘蟹先我一個人食咗四隻已經飽飽雖然size不是很大但總算過足口癮有冇靚蟹膏就睇你好唔好彩啦四隻有兩隻蟹膏都好靚全部都係公嚟嘅 呢間野有齊日式、泰式、韓式啱晒唔同口味嘅朋友一齊食不過我覺得最搞笑係竟然有Live Band，成晚都唱懷舊金曲帶爸爸媽媽來一定好啱聽日式有刺身，都算新鮮爽口 泰式係最有驚喜泰式生蝦一定要試，新鮮爽口彈牙 炒雜菜就更加冇得頂，小小辣幾野味 韓式有燒肉，最啱食肉獸嘅朋友 飲品種類都算多 而且仲有無限量供應嘅雪糕幾百蚊乜都有得食，都幾抵呀

板烧郎轉名後第一次來食，野食依舊都保持得很好，最特別多咗好多海鮮，現在還有大閘蟹放題，又有香辣雞煲、水煮魚、羊腩煲都任你選，我選了香辣雞煲拼羊腩煲，香辣雞夠辣好味羊腩就so咗D都尚可，现在有Live音樂，還有歌手唱歌，真得意！呢度老闆都幾有新意，服務都仍oK，環境好似比以前多點日本Feel，其實本人有個見意，甜品希望改一改，吾好又系榴槤糯米糍得嘛？最後推介大家一個天麻龍躉湯，需要讚好和分享就有啦！仍繼續之持💪💪💪💪💪💪

訂左位9：00等约8分鐘,算OK,好多人！全埸爆晒！入到去有現埸歌手唱歌,不太吵,唱緊英文歌,經理講左一輪野：幫我們先安排頭輪大閘蟹、约20分鐘,等代期間再安排一㗎刺身船好唔好？當然好！刺身约幾分鐘到了,份量也不小,好味新鲜！合格話口未完,蟹到了,睇落不算太細有糕正！馬上自己再叫第二輪,约20分鐘又到,其他朋友再開始點天婦羅、燒物,又機燒、又鐵板燒！都幾多野玩！其他食物大家覺得都不错,沒有點追單,食得好飽好滿足！特別一提呢間店服務很好,facebook有劉德華演唱會飛抽獎🤩又送壯陽燉湯,好搞笑,還會在台上講野前問下大家會不會追單？追蟹！氣氛很好！

4條佬去食放題，日式刺身新鮮好味、炸物、壽司亦可以，泰式醬汁好味👍大閘蟹頭輪到了，每人2隻，蟹身鮮甜、有蟹味、多糕、唔水，唔錯應該係4兩下蟹，第二輪都算快，識人仲比多D，謝！鐡板燒肉：牛肉靚、牛舌正，當晚Facebook讚好分享仲有黑蒜蟲草花燉雞，好好味！還有劉徳華演唱會抽獎券😮

從來未試過食放題食到中途走，去之前已經唔係抱住好高期望，點知野食質數低到一個點😒。刺身、燒物我都廢事講，今次去主力諗住食大閘蟹，去到侍應哥哥話會每人先黎两隻，我同老公等咗半個鐘有多，催咗幾次先黎第一round,由於餐廳職員話d蟹要即蒸，每次入單需時約20分鐘，我地都理解，所以趕緊再落單，催咗N咁多次，又半個鐘後先再黎d蟹，但聲稱即蒸嘅蟹係中間個身係微暖，而d蟹腳係冰嘅，職員話解釋話可能吹過冷氣，所以咁喎，我同老公都擔心d蟹唔熟，最後我哋餐飯除左等同一肚氣之外，我地冇乜食過野亦未夠鐘就走喇!😤😡如果大家想去食，真係諗清楚，廢事俾幾佰蚊食蟹，最後食到炒蝦拆蟹!!

因為老公鍾意食海鮮，尤其係蟹。所以見到呢間放提有大閘蟹又有熟食可以俾幼兒食，先會想去試吓。不過食物好一般，刺身唔新鮮。上蟹上都好慢，次次係每一次order完之後都一定要追先有，仲要限定每次每人只可以order 2隻，又規定要食完先可以再叫，結果搞到兩個鐘先食到12隻。個人認為，要回本就係唔可能嘅事囉。而且啲BB櫈又非常非常咁汚糟，係見到會反胃咁汚糟，最後我係寧願自己攬住bb俾佢坐大人櫈都唔想佢坐張bb櫈，費事有機會摸到！不過，都有一樣可以讚，啲員工服務態度幾好！

前晚兩個人11:30去到灜鮮，坐到12點職員走過黎話1230 last order，12:10就會收甜品櫃，訂台個陣冇講過，入座都冇講，職員解釋話一向都係12:30 last order，然後可以慢慢坐到兩點咁喎。姐係坐低8個字已經冇甜品，然後一個鐘就cut囇單😅另外，訂座送既鵝肝話冇，訂座既9折優惠價又話冇，話佢地冇收到話我地訂左座呢樣個樣，然後又要check我一大輪電話Facebook Msg，見到我地真係有facebook訂枱，最後好似勉為其難咁豪番個9折比我地。但係12:20都頌有新枱入，唔通佢地又係1230截單？最後我地1230已經埋單走左，因為都已經冇引😅😅如果入座前講清楚我都照入既咁就係我自願，依家好似呃我入去，叫完第一輪食物先話我知半個鐘後截單😅,食物不新鮮，環境污糟

即日用whatsapp訂8pm枱，一行三人由一名男士帶領入座，坐低即時對我們講已安排大閘蟹，不用另外點，之後侍應立即放低工具和浙醋給我們食蟹用。我和朋友呆了便問大閘蟹和普通放題的分別？ (因為門口冇寫價錢，枱面餐牌寫$259) 那位男士說大閘蟹加$100，我們說不用加大閘蟹。他立即黑臉對我們說"普通放題要轉另一張枱" 我們便被帶去一張比剛才细一半的枱，心想已經來到食下啦。另外枱面餐牌有一款免費四選一食品(好像是有鮑魚) 當詢問時又話優惠已完………朋友細心留意原來餐廳是跟之前果間同一集團，只是換了名。是否之前那間太多投訴，以為改了名就可以？