瀧本日式料理

營業中

休息中

見到有幾個食評話麻麻哋，食物好難食，咁我就試下睇下係咪真係咁差，結果真係冇令我失望，真係好難食！揀咗HK$5xx一位，可以任食生蠔同拖羅。 環境係okay，算係闊落，但食物質素真係可以用差來形容。 啲熱食基本上好多都overcooked，鵝肝唔似鵝肝，燒鯖魚同清酒煮蜆啲肉硬得滯，串燒就無味。 相比之下，刺身好少少，個樣望上去幾鮮，但唔知點解食落去冇咩味。 全場最好食嘅就係Häagen-Dazs雪糕同Sapporo生啤。

星期五晚突然心血來潮想食個放題，本來打算去大喜屋，諗住walkin試下有冇位，但等lift大堂太多人就放棄左，跟住落到去樓下有間瀧本放題派傳單，一睇openrice個評價就認真麻麻。所以上去睇下多唔多人再作決定，上到去都坐左8成位，咁就俾次機會佢啦，我地揀左B餐，即係有得任食埋生蠔、toro同海膽。先講環境其實都好乾淨，廁所比起其他放題店都整潔同埋新淨。食物方面真係一如食評所講，真係好難食，大部分食物都係冇味，刺身要靠醬油加味，加錢叫既toro，生蠔（新鮮程度正常既）都係冇乜味，海膽就普普通通。串燒要靠7味粉調味，唯一拍得住其他放題既野食係燒乳鴿同雞翼…..啤酒有Suntory黑白啤呢樣係算最好服務態度方面都ok,我地過左order時間都俾我地用紙order。佢地有一位阿姐好積極收空左既店，有碟刺身未食完，佢用左隻帶住執野既手套揭開刺身盤碟上面既大葉，先發現未食完。😂😂😂😂整體黎講就算300蚊都唔會去，而家仲要5xx

星期日嚟食晚市最貴嗰款$528+10%正價兩個鐘，用QR code落單但點餐時間只有1.5個鐘。生蠔食咗1 round已經冇晒，不過食唔食都罷，食落唔似係新鮮開嘅生蠔，無乜鮮味。拖羅勁多筋，咬都咬唔開、薄切池魚真係超薄、海膽啲味怪怪哋好難食！其餘嘅刺身、壽司都係一般平價貨，唔知食咗乜嘢？南瓜天婦羅勁厚粉漿、鹽燒牛舌靭都飛起，用刀叉切咗都差啲哽死，其他熟食完全冇興趣再試！叫做食得落肚就只有Haagen Dazs雪糕，嗰晚有vanilla/strawberry 兩款味道。其實揾咗咁多人嚟推，講到幾正幾抵都冇用！好似我哋呢啲用真金白銀俾錢嚟食嘅，一次就冇回頭，亦都唔會再俾機會去幫襯，唯有當自己黑仔跌咗錢兼嘥咗兩個鐘時間🤯‼️

和朋友聚會首選當然是放題啦，這家放題是高級日式料理店，刺身，壽司，手卷 都是每天新鮮製作，還有鍋物等，超多款式！分別2個套餐：A經典刺身 B極致海鮮盛宴，喜歡拖羅榴蓮的朋友B套餐無限量提供‼️還有自助區，種類多達25種以上，啤酒梅酒任喝。居然還有麻辣雞煲，小龍蝦，酸菜魚等，十分特別~壽司刺身非常鮮甜，配搭品質也不錯，比如說花之戀，鵝肝多士，黑松露劍魚腩，魚子醬鮮帶子等。吃了很多🤣味道不錯🤣 甜品當然少不了冰淇淋！哈根達斯任吃，非常重要哈哈哈 很滿足😌但是沒有巧克力有點失望🥲環境也不錯，也比較寬敞，上菜和收拾桌子也很快，最重要的是自助區非常乾淨 加分！聽說包間也不設低消，如果一班朋友聚會是不錯的選擇。

人生第一次食嘢可以難食到嘔又貴又難食冇一樣野係我覺得可以形容為食物最好食係可口可樂宣傳就天下無敵，食落就難食到極佢仲要唔平，仲貴過大喜屋食爭鮮壽司都好食過佢人哋都真係俾好嘢你食呢間食咗第一口都已經想走我食完落街真係嘔唔好再俾我見到呢間嘢見一次鬧一次盡快執咗佢啦唔好害人害物破壞放假心情

剛好路經此地，難得係飲食業市道慘淡情況下竟然見到有放題店新開張， 同朋友抱住獵奇嘅心態入去試試。 店舖裝潢主打後現代大灣區風格，同內地二三星酒店共享早餐大堂設計如出一徹。 食物水準方便出品保持得非常平均， 無論刺身、壽司、熟食、一品料理 甚至乎自助餐吧，所有食物可以做得到我難以理解嘅味道。 至於作為酒鬼嘅我打開雪櫃十分驚訝，竟然見到雪花同金威啤酒， 勾起陣陣佳寶凍肉的回憶。 服務員全部都係講普通話， 提供咗我一小時國語練習聽說的體驗，十分划算！食咗第一輪胃部開始不勝負荷， 同朋友兩個人即刻埋單，仲要加埋一總共承惠$77X....

環境優美 刺身厚度適中食物不錯 職員友善好食甜品 飲料不錯 有熱飲適合一家大小享用 有特價時段優惠這家餐廳的裝潢和氣氛很棒。這個地方有種放鬆、悠閒的氛圍。那裡的服務很殷勤。

地點係銅鑼灣廣場，非常方便，環境都非常光猛，因為窗口都係落地玻璃，但係環境裝修就好一般。。。。刺身款式都係例牌：。赤蝦。甜蝦。三文魚。油甘魚。希靈魚。帶子。榮螺。象拔蚌。北寄貝大部分都係新鮮唔差，以新張質素係幾好醉鮑魚試一次就夠，酒味過重，零鮑魚味，如果佢用返醬油浸反而有特色得多！自助前菜：中華沙律、涼拌雞腎、藤椒魚皮、泰式鳳爪。全部都係現成貨，所以冇差燒鰻魚，熱辣辣上枱唔錯，質素幾好，肉就唔會爽，但係唔會太多汁太濕蒜蓉粉絲蒸扇貝扇貝肉細，粉絲仲多過肉，蒜蓉味夠香鴨肝多士鴨肝過熟，質地唔軟滑，反而好纖維化蒜蓉焗蠔質高蠔肉大隻又多汁，我自己估係B餐生蠔賣唔去，改做法，減輕另外叫貨成本同時去貨燒羊架肉被醃得過淋，外層香料又厚又粉，唔夠肉汁。。。炸物：吉列蠔、燒乳鴿吉列蠔有汁但肉細乳鴿算唔錯，皮唔脆，不過算肉嫩哈根大師任食，味道選擇少，只有雲呢拿同士多啤梨味。。。。。

🥢銅鑼灣最新$248起日式放題 任食蟹腳｜海膽｜榴槤｜鵝肝｜鮑魚｜烤生蠔🥢最近銅鑼灣新開咗一間好抵食嘅日式放題，地點認真方便，喺地鐵站2 分鐘路程就到，鍾意個環境坐得幾闊落，人多嘅時候仲可以包房，三間房間打通咗可以坐二十多人，啱晒成班開party, 價錢仲要好抵食，最平嘅時段二百幾蚊已經食到松葉蟹腳，鵝肝多士，海膽手卷 , D24榴槤蓉任食，燒烤串燒仲有幾好食，今次同大家睇下有乜必試嘅正嘢🥢刺身/壽司刺身盤可以任食松葉蟹腳，放題必食嘅海膽手卷，最鐘意提供甜蝦同埋大赤蝦，玻璃蝦3款，帆立貝都好鮮甜，三文魚，象拔蚌，赤貝，質素都唔錯，仲有火炙壽司同埋創壽司，款式太多一次過食唔曬🥢燒物/ 串燒燒烤串燒一定要食蒜蓉燒生蠔，鹽燒牛舌，同埋串燒鹽燒海蝦，醬燒鲭花魚，西京比目魚香草烤羊架，蒲燒鰻魚，燒菠蘿🥢一品料理 一品料理都有幾多嘢啱食，例如花雕醉鮑魚，鵝肝厚多士，蒜蓉粉絲蒸扇貝，清酒煮蜆，茶碗蒸，牛柳粒，此外仲有鍋物多款，例如牛肉壽喜燒，雜錦海鮮鍋，泡菜豆腐鍋，都可以試試🥢自助區有好多唔同嘅熟食，麻辣小龍蝦，酸菜魚，辣酒煮花螺，藥膳雞腳，仲有好多唔同嘅冷盤小食藤椒魚皮，螺肉等等，要數到最多人鍾意

難得平日補假好想食餐好🤪發現有間放題價錢好吸引～即刻call齊人試試😏生日4人同行1人半價🎂啤酒任飲有興趣記得bookmark🔖🔸回本系列🔸鵝肝多士、D24榴槤蓉、海膽手卷、焗生蠔、乳鴿· 鵝肝多士最驚喜🥰一定要叫· D24榴槤蓉喺自助區任嗶唔嬲 好顛😭🐠刺身 壽司三文魚、油甘魚、帶子、甜蝦、象拔蚌· 油甘魚 / 三文魚 / 帶子 都好食😍· 全部都好肥美、無根🍣壽司/ 卷物 / 手卷 · 黑松露劍魚腩壽司、花之戀都好推薦🫰🏻· 海膽手卷真係必食‼️味道都好鮮甜· 拖羅蓉卷 + 青龍卷 小朋友都好鍾意食～🍢燒物 ·雞軟骨、雞中翼、牛舌、海蝦· 以上四款都幾好食 無咩伏位·燒鰻魚同烤羊架係必叫🫶🏻又軟淋又juicy🍲一品料理· 清酒煮蜆、牛柳粒· 兩款都偏向重口味😎🍴自助區· 麻辣雞煲、小龍蝦、酸菜魚 都有· 4款唔同種類炸物 eg炸雞🍗煎餃子🥟· 是日靚湯 真心足料😂 7點左右已經成壺冇晒🍰甜品· 甜品櫃：布甸、奶凍、小蛋糕· 雪糕：Haagen-Dazs 、 多款雪條· 生果：西瓜🍉哈密瓜🍈

去食lunch定食，入到去先後有2個職員同我地講我地自己出去拎野飲，跟手我地出去拎，之後幾個職員離遠係咁望住（啤？）我地討論。過多陣兩個職員行近張枱，不過唔係同我地講野，而係再近距離望我地再細細聲講野一陣（期間不斷回頭望我地張枱），跟手先再行埋嚟話我哋唔可以自己出去拎野飲（？）。明明係佢地職員溝通問題，拎番黎野飲都係定食提供嘅野飲，最重要係有冇必要多人望（啤住）討論再討論，250ml紙包綠茶真係咁珍貴？

一家人去銅鑼灣食日式放題，揀咗新開未食過嘅瀧本日式料理，因家人想食生蠔，於是就揀咗食B餐極致海鮮盛宴，每位$528，另加一。可惜生蠔剩餘嘅數量實在太少，平均分每人大約只有1隻、魚籽伴海膽刺身、薄切深海池魚，真係薄過張紙，食落無口感，亦無魚味、拖羅蓉三文魚籽杯，味道仲可以，至於熱食叫咗佛跳牆及鮑汁花膠海參，賣相及口感都一般。至於汁燒一口和牛，就真係又硬又韌，甜品叫咗抹茶紅豆雪糕牛角窩夫、黑白生啤、特飲，都覺得還可以。另外叫咗嘅甲羅燒，就無出現過。另外叫咗三文魚刺身，感覺無三文魚嘅味，口感好多冰味。不過鵝肝厚多士、蒜蓉粉絲蒸扇貝及鰻魚玉子燒就覺得口感及味道都唔錯。仲有自助餐區，榴槤蓉、甜品、泰式酸辣鳳爪、生果及Haagen-Dazs 雪糕... 等等。總結：服務及環境都唔錯，不過食物質素就好一般，所以我個入覺得唔抵食。

平安夜 諗住食餐好….結果我錯啦唔應該就是 試新野…如果自問對食嘢冇要求，歡迎過來進食一上來招呼真的一般刺身拼盤 一啲都唔得北寄貝 希靈魚 真心差最好食既食物 榮螺片，中華沙律，無骨鳳爪，翠玉瓜，解茶好飲 刺身點嘅豉油冇味！假蟹柳，天婦羅冇天婦羅汁！落單app非常簡潔 入來飲啤酒都ok 雪花，黑啤，嘉士伯等等甜品不可選供應商錯哂貪平選貨失敗之作，銅鑼灣咁多放題，咁嘅質素難以生存，做學生168價都可以勉強接受！環境不錯！有些原用之前烤肉店既裝修！差點忘記，2個湯 是吊出來嗎？ 好似未夠火候！

本身係網上睇到 賣哂廣告咁諗住就去試吓 點知中哂伏 簡直人間地獄食物 從來未試過拖羅系咁 食落口似食緊香口膠咁 蝦刺身，原來蝦個頭係黑色嘅 海膽陣味似屎水一樣 食落去想嘔 其他刺身好似紙一樣咁薄。天婦羅究竟點解可以做到外邊淋裏面硬？ 啲串燒似炸多過似係燒 仲有啲牛肉根本咬極都咬唔爛 鵝肝多士仲細過我塊手指甲 炸物都可以係凍嘅 成晚，我都唔知喺度食緊啲乜嘢？唯一正正常常就係嘢飲同甜品 兩個人埋單千幾蚊 俾錢買難受 今晚真係一個好好嘅體驗 永無下次！

銅鑼灣又新開左間日式放題，有超過百款刺身壽司、日式料理等美食，環境睇落好寬敞舒適，而且包房不設低消，好適合一大班朋友慶祝聚會🎈餐廳分別有兩個套餐，同樣任飲任食，我哋今次就試下A餐共有78款美食，刺身壽司、一品料理、炸物同串燒都有齊哂❤️刺身選擇都幾多，有三文魚、雪場蟹腳、甜蝦、帶子同象拔蚌等等，我本人就中意甜蝦、帶子同象拔蚌，每樣都好鮮甜，要ENCORE多幾次先得😝壽司同手卷款式都好多樣，有海膽手卷、花之戀等，特別係鵝肝多士好厚實又濃郁，真係必試👍🏻外面都有自助區，有前菜、沙律、生果、炸物同熱盤等熱盤就有酸菜魚、小龍蝦同麻辣雞煲等甜品都有任食Häagen-Dazs雪糕、雪條同蛋糕🍰整體都好豐富，真係食到好滿足🥰而家有開業優惠，直至12月20日前電話訂座或者網上訂座就有9折優惠❣️✨午市長者尊享88折優惠✨生日優惠（4人同行1人半價、8人同行一人免單）