灣景餐廳

營業中

休息中

喺海洋公園玩得耐所以去咗食嘢今次揀咗食海南雞飯只可以話只係飽肚佢啲雞一啲都唔係海南雞好鞋味道唔係話差只係我唔會覺得係海南雞飯如果當係一個普通既雞飯食咁樣我國家係合格

係主題樂園食嘢預咗唔平每樣野around$150左右睇相都覺得食物外貌唔錯但到去counter揀野食就知似碟頭飯外貌係碟頭飯食落都係碟頭飯全部野整好曬所以食物都唔會係熱辣辣比較失望😓😓😓

好耐無黎過海洋公園食,今次黎食返。以主題公園黎講呢個價錢算係咁。重點份量又夠。又好食。環境舒適，坐得又舒服。仲可以慢慢咁欣賞海景🤩。休息夠再出去玩過。 補充體力好地方。

以為打完風會涼爽啲點知比平時更加熱去到OP簡直熱到溶即刻搵間餐廳坐低抖抖見到cable car 站旁邊呢間環境好正180 度全海景😻😻即刻心心眼坐低點左餐休息一陣我哋叫左鮮蝦蕃茄意粉同三文魚飯D蝦好爽🦐蕃茄汁都好味🤤唔會太酸意粉軟硬程度適中三文魚飯三文魚超大件🐟D汁似燒汁總結：好味👍🏻👍🏻

話你知！喺海洋公園一玩就係成日，點少得咗美食伴住？噢，唔好話我唔提你，我係「海景餐廳」試咗碟牛肉炒河，佢哋個牛肉嘅嫩滑度仲要有少少彈牙feel👏🏻，河粉滑到出奇，食落口香卜卜，加嗮醬油同洋蔥，真係層次分明！煙三文魚意粉就更加勁，個意粉煮得啱啱好，唔過熟，啱哂食！煙三文魚片又香又滑，同埋充滿咗煙燻嘅香氣，嗜魚之人嘅天堂嚟嘅！ 再講吓果盤，呢個簡直係打卡位！多款水果新鮮得嚟，爽口得嚟，酸甜得嚟，擺盤又靚，彩虹般繽紛，食得開心又開懷。最尾食嗰啖朱古力雪糕，濃郁得黎又唔會太甜膩，完美做個結👌🏼。總括黎講，呢度嘅菜式係真材實料，份量十足，仲啱晒分享。無論係同屋企大細嚟，定係親朋好友聚舊，海景餐廳都算係個唔錯選擇。下次你去海洋公園，記得試吓喇，可能會畀呢度嘅菜單驚喜到你！🥳🍽🍨

去海洋公園玩，食午餐想快靚正之外，最好望埋海景坐低休息吓。午餐時段非常多人，特別要求等窗口位，都等了半小時。小朋友最喜歡兒童餐，有意粉有薯條有炸雞塊仲有啫喱。值得推薦三文魚飯同埋牛腩飯，都係好食嘅。

難得夾到一日入主題樂園玩，明知天氣唔多好都照出咗門，入園睇咗一輪企鵝海豹，開始大雨了，望下APPS即刻拎飛行去纜車站隔離好好彩去到就有位，坐低唔夠5分鐘風雲色變，坐窗邊睇住風景慢慢食好了入得嚟玩食嘢都預左唔會平，以有得坐低慢慢食嚟講，呢間價錢算合理，一個飯或意粉大約$150，兒童餐有埋H牌雪糕，都係$158﹗自助形式，入座拎餐牌埋位睇，之後自己去檯位類似IKEA咁取餐再畀錢西西里鮮蝦蕃茄意粉 $148熱住上檯，意粉份量男人都會夠飽，西西里汁就…茄汁囉，正常可入口嘅，不得不說，D蝦好大隻，仲有好多隻添﹗兒童餐 $158個餐盒外形好得意﹗係海洋列車呀﹗推開上面個蓋就見到食物，唔好睇好似好少，個盒好深架，同埋D意粉都好夠熱，不過汁就少D。薯條雞寶都唔會焗到冧晒，仲有好多啫喱糖呀﹗有張單食到尾自己再去拎雪糕，75ML裝H牌雪糕，都有三四款口味可以選擇食足成個鐘，停雨了可以繼續行程啦

好耐、好耐、好耐、冇去海洋公園.趁住呢個復活節假期嘅最後一天.阿女叫我哋一齊去玩.由屯門出發坐港鐵去海洋公園都係50分鐘車程.去到海洋公園嘅感覺和以前截然不同.有好多機動遊戲和海洋生物.復活節假期都以為有好多人. 又唔係好多喎.所以行得好舒服.到咗午餐嘅時候. 我哋用app揾位. 入到餐廳地方好大. 又有 無敵大海景 . 呢度係自己去買嘢食 ,然後攞番埋位.我哋叫咗四個套餐. 兒童套餐、台灣牛肉湯米線、咖哩雞飯、 吉列豬扒飯. 套餐加30元. 有樽裝飲品和 Haagen-Dazs 迷你雪糕一杯(75毫升).非常抵食.

-我買了紅酒牛肉飯。如果買埋雪糕和冷飲會抵d. 天氣凍，冇買-如果坐正窗口位，有風景看的話，很美好-個牛肉飯對我來說，味道有點可怕。但分量很大，絕對飽肚。-有牛味，是外國牛肉嗰種牛味；醬汁甜甜地，不太鹹；伴有配菜，看起來更有食慾。-職員態度很好.盡責-冬天或夏天來，這裡的環境會更吸引

#chuchu食在黃竹坑📍 灣景餐廳嗰日去海洋公園，🐷張飛就包埋lunch，就去咗呢間餐廳食，纜車一出左手邊就係，好方便！景超靚，咁啱嗰日好好天，望住藍天大海個人都開心啲🥰野食就正正常常啦，價錢主題樂園算抵！下次入嚟都可以試下，又唔會太貴！—————————————————————❣️ 印度咖哩雞配絲苗白飯 $148一拎起已經好香，係印度嗰種咖哩，食落辣辣地好惹味，撈飯超好食，雞唔會話超級嚡！.❣️ 照燒三文魚配絲苗白飯 $158大份到唔會食得曬，三文魚好腥！雖然🐷仔話冇乜野，但🐷覺得腥到唔想食，個汁又cover唔到🫠.❣粟米忌廉湯 呢碗湯幾好飲！好多粟米！好濃唔會好味精！—————————————————————不專業評分👅好味指數:6/10💰性價比:7/10👍🏻推薦:6/10—————————————————————🏡地址: 灣景餐廳 (黃竹坑)黃竹坑海洋公園高峰樂園纜車出口下層—————————————————————#chuchu食港式—————————————————————Follow🐷 @chuchu_hkfoodietag埋你啲朋友仔like下我啲po♥️需要你的支持喔🥺🙆🏻

我地坐到最入有好大玻璃窗景睇到纜車🚡淨係個景觀已經好鍾意❤️坐低左一陣慢慢去睇下食咩好🤭我揀左紅酒會牛肉飯，味道都唔錯☺️爸爸揀咗咖喱雞飯，食落辣辣地好開胃😋我兩個仔仔揀左兒童餐😆兒童餐有香腸、薯條、雞寶、白汁蘑菇雞絲意粉 🤩好多款野食，甜品有啫喱同Häagen-Dazs迷你雪糕杯😋小朋友見到實好開心好滿足☺️

當日一早已經入園玩，大約10半左右。算人少了，所以都不用怎麼排隊就可以玩到近乎3-4個山下的遊戲設施，然後直接搭一程纜車一出就左手邊就是這間餐廳。當時12點半左右，人流不算太多，不過都需要等半小時左右先有位置坐。觀看下菜單發現又不算太貴。我們叫了好幾個餐，不過只是只有2個菜色。雖說這飯看起來比較頹，但是價錢還算適當，相對於上山一個麥當勞套餐就賣到90多來說。130-150一個餐已經很划算。另外這飯的分量也算很足夠，平時飯量到1-2碗的我來說，這分量飯還是有吃剩下。首先說一下紅酒繪牛肉🐮。因為加入很多紅酒所以牛肉不會太過了，味道卻剛剛好。牛肉不算煮得太過火🔥，剛剛好火候煮得，不會太硬，反而鬆軟。但是我個人對於節瓜這些一般，但是也算有瓜菜的味道，不會太乾，也不會無味，算正常吧！我因為我這🍅番茄芝士蝦意粉，就很滿意，我試了一口多，大概覺得還不錯，番茄汁不會太酸，野剛剛好，也許加得太多的芝士所以有些膩，下次還是不要太多了。

炎炎的夏日，喺海洋公園食午餐，室內有冷氣嘅餐廳必定係首選！灣景餐廳啱啱好喺纜車站附近，地點方便，而且側邊仲有個大大嘅海景，餐廳入邊有冰涼的冷氣，今次食午餐就嚟試吓先！紅酒燴牛肉飯，牛肉煮得入味，肉質鬆軟，分量多！同時配左紅蘿蔔同翠玉瓜，營養均勻健康。醬汁就咁配飯都好食，整體來講幾好味！芝士火雞片沙律，當熱到無胃口食嘢嘅時候，呢個沙律會係幾開胃嘅選擇，沙律醬甜甜酸酸，配沙律菜唔會食到滯，火雞片同芝士片都凍凍的，係夏天一個唔錯嘅選擇。本身對蛋糕唔算有好高嘅期望，但呢個黑森林蛋糕係竟然出奇地好食！蛋糕有濃濃嘅朱古力味，但唔會太甜，仲有啲好靚嘅水果做伴碟，就咁睇落去接近有酒店嘅質素，食完主菜後食返件蛋糕都幾開心。

價錢都係120-160左右但不包括野飲，係主題公園食正餐價錢都算係咁，不過就唔好太過期待都有幾咁好食，都係普普通通食得飽咁😂外觀就似頹飯咁，味道都係正常，唔係話超級好食，但係又唔算係難食咁😂😂不過以個景黎講都係幾好，前題係坐係WINDOW SEAT😜如果好似我地咁坐係入邊，咁就無乜感覺啦～紅酒燴牛肉飯👍🏻👍🏻👍🏻雖然佢係寫紅酒燴牛肉，但係我同朋友都食唔出有紅酒味😂不過牛內肉其實係牛腩黎，我就比較中意啦～同埋牛腩都煮到好淋，相信小朋友都可以咬得到！仲會有D蔬菜係度，咁就係飯菜肉都有一齊，咁就都幾平衡啦吉列豬扒飯👍🏻👍🏻外觀係靚既！但係吉列豬扒真係勁乾，完全無JUICY既感覺😂不過佢另外有茄汁係側邊，都會好D既～另外吉列豬扒飯都會D蔬菜係度，咁就都會均衡D。不過當時既餸就唔係話好熱，都係暖暖地，介意者就要留意返～另外，因為我地係用團體飛所以呢餐張飛就包埋個餐既，仲會有埋野飲送貼埋一個布丁！包餐黎講都算過得去，起碼都會食得飽～等位就大概半個鐘到，我地係大約1320左右攞飛，到大概是1350左右就有位，LUNCH TIME黎講都算幾快，因為我地可以係呢段時間去附近行下，好過就咁企係度～而且張飛

海洋公園，兒時快樂既回憶。雖然入到黎啲野食係貴啲，不過玩到餓都總要搵野食。在欖車傍邊有兩間餐廳，天時鼠熱，梗係搵間有冷氣架啦。呢度黎過幾次，原則上每次都係食呢間。開頭好似自助餐咁揀野食，在龍尾埋單。我食三文魚套餐，大份到差啲食吾落。朋友叫左份兒童餐，個碗係架列車黎，淨係睇架車仔都真係幾開心，相信係小朋友見到都極度興奮。