火山石石鍋手打烏冬專門店 (已結業)

天氣開始熱喇，所以唔怕食湯烏冬……呢間餐廳經過過好多次，終於入左去試。我本人好鍾意食蕃茄湯底既麵/粉，見到有蕃茄湯底系列，當然要試下啦個湯底又真係唔錯喎!食落係好fresh既感覺，唔會係用茄膏溝水做成既湯底，絕對可以當湯飲晒佢!雞扒都煎得幾香，都唔錯!另一個係地獄黑豚烏冬，個地獄湯底唔算好辣，應該好多食開辣既人都handle到，黑豚就無咩特別，fair啦!小食就叫左個汁燒雞翼，上枱既時候熱辣辣，而且燒得幾入味。呢間餐廳既食物整體黎講都OK，但性價比我個人認為低左少少，如果價錢再便宜一點會更好!

之前黎食過呢間石頭鍋烏冬。覺得都幾好味。今次經過，見無咩人。就再入去試下喇！叫左個 蕃茄打手烏冬，配燒汁雞扒。熱辣辣咁上菜。小心唔好掂到個石頭鍋，好辣手的！😱每次都好擔心上菜唔小心會成個遲落身度。咁就慘。講番個烏冬。覺得比以前好似退步左。蕃茄味唔夠濃，反而仲覺得有點甜……搞到個烏冬唔係幾好味。而塊雞扒好細，得4舊。食落都係普普通通咁。另外仲叫左生牛肉蛋，豬骨濃湯手打烏冬……😌呢個個湯底就普普通通。唔係會好濃。生牛肉都唔錯。比起之前黎食，價錢貴左。味道好似退步左。所以有點失望 😧😧

話說火山石其實都幾耐吓，約5年前已同朋友食過今晚突然諗起石鍋烏冬就決定重臨舊地，緬懷吓過去到店時已經係晚上9點幾，但居然仲見到有人等位，有冇咁誇啊？一條冷被安排坐係最入嘅檯湯底有唔少選擇嘅，除咗豬骨湯，仲有蕃茄湯、咖哩湯。我揀咗黑豚豬骨湯烏冬冇錯，烏冬嚟到嘅時候仲翻滾梗嘅。可惜水準一般，先講湯底，冇味嘅😶，其實我真係好怕冇味嘅豬骨湯😶再嚟黑豚。。我完全唔覺得有黑豚味⁉️有食過黑豚嘅朋友好清楚，黑豚號味道有幾鮮嘅，well，呢到我覺得係普通豬肉，唔係黑豚重點係，雖然個湯底冇乜味，但我晚上回家係極口乾，直至我第朝起身情況仍然持續，咁你明喇但整體而言，碗烏冬都可以合格嘅

落大雨是旦係條街度搵間就入左去，今次第一次幫襯，午市唔知係咪落雨關係加上我一位一入就有位，但要搭枱，午市menu ：因為想食飽d放棄左叫出名既石鍋烏冬(*午市套餐烏冬係碗上，要加$3先係石鍋)，最終叫左炸蝦汁燒牛肉飯$45，等左唔係好耐就有得食，賣相ok，食落都唔差，應該係日本米，汁燒牛肉散左d加左菜同洋蔥一齊煮我幾滿意佢夠味但又唔太多汁，唔會浸到碗飯濕晒👍同枱個女仔叫左個雞扒石鍋烏冬，個烏冬賣相都幾吸引，下次會考慮試下

HK Munchies! - Kazan SekiHidden in the Ladies market (Fa Yuen Street) of Mong Kok is a little shop called Kazan Seki and if my memory serves me correctly this shop has been around for over a decade.They specialise in stone pot udon and they offer a variety of different choices with 5 broths to choose from (pork stock, curry stock, tomato stock, hot stock and Kelp & Bonito stock).In addition there are various snacks you can choose from.As the udon arrives the staff reminds you to be careful of th

旺角嘅大街名店美食 相信很多人已經食過！ 今日介紹喺旺角嘅橫街， 這間以手打烏冬為棋號既小店！ 店內裝修一般，有少許日本 擺設！也正正是簡約的美！今次叫左個照燒雞烏冬， 雞的照燒汁不錯，也很濃味！ 而烏冬的質感也剛剛好！ 石鍋也夠熱！ 而最令人驚喜的是， 員工服務夠細心，值得一提！

無下次，好唔抵食，負皮，都不足以表達不滿！垃圾😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡

火山石是我早年經常光顧的食肆之一，喜歡熱騰騰的食物、喜歡豚骨湯、喜歡彈牙的烏冬、亦喜歡特式的黑胡麻豬扒。可惜價格越來越貴，簡單的吃個簡單晚餐，黑胡麻豬扒烏冬加一杯飲品便要百多元。每餐均吃在外的我，餐飲消費用實在不菲。星期六下午黎到旺角覓食，心思思又想吃黑胡麻豬扒烏冬，看看餐牌，$88配熱飲再加一，一百大元。晚上會吃放題，選擇便宜一點的吧。正好有下午茶，價格相宜。選了照燒雞翼石鍋手打烏冬。先來的是熱奶茶，一上枱就傻了眼，只得六七成滿，是近年遇上最小杯的奶茶，而味道亦不夠香濃:再來是照燒雞翼，三隻，份量略小。味道不錯，外層有點脆口:再等了大約十分鐘，才上烏冬，雞翼已凍了。石鍋夠熱，整個湯底也是熱騰騰的，特別美味。 烏冬一如以往的十分彈牙，配上嫩滑雞蛋和溫室豆苗埋單$51，價錢十分合理。但飲品可以加一點點嗎? 太吝嗇了吧!

今晚同老婆大人睇完戲，去左女人街搵食。因為天氣凍左，我地決定去食碗熱辣辣嘅烏冬。八點半去到等左15分鐘左右就有位坐，好快我地就點左兩款豚骨湯烏冬同一份炸餃子。湯底其實無咩豚骨味，烏冬好彈牙，扺讚！豚肉都幾入味，不過得四舊仔，比較孤寒。其實全靠個照燒汁，又係得四小舊，雞肉質地普通。炸得都尚算香脆，有少許肉汁，配以餃子汁提升不少肉味。價錢又相議。總括黎講質素尚可，最緊要個湯食到尾都保持到溫度。價錢亦比尖沙咀赫德道嗰間好出名嘅烏冬店平。店內亦有其他湯底選擇，下次試其他湯底再評。

✨厚切豚肉手打烏冬✨$58(7/10) 天氣涼涼地就梗系要去滾啦❄️呢個烏冬上枱時滾下滾下，睇見都好温暖呀🔥呢款系豚骨湯，湯底都幾濃郁🙂而且唔會太過鹹，吾會飲味精咁~ 烏冬都算係幾滑身，而且帶點煙軔😝好味，感覺上有啲似用咗讚岐烏冬！而厚切豚肉就好似五花腩咁，肥肉比較多，不過就夠入味😊鍾意食烏冬嘅朋友仔可以去試吓佢仲有幾款湯底揀架，好似昆布同木魚湯........溫馨提示：☺️午餐去食，價錢比較經濟

早幾日到了通菜街這家火山石石鍋烏冬吃tea，點了一客上級牛肉石鍋手打烏冬試試，下午茶價錢比午市和晚市便宜不少，＄39就可以了（凍飲另加＄3），他們有3種湯底：豚骨，辛辣，醬油木魚，我當日想嚐辣就點了辛辣！上枱時石鍋中的湯還在沸騰，湯底幾香，只有微微辣，牛肉質量不差，烏冬彈牙煙韌，配菜也有不少，不少粟米和菜苗在鍋裡。這個熱騰騰的烏冬在天冷的天氣下真係幾正！不過可能因為是肥牛的關係，吃吃下湯底變得好油膩，直情明顯有一層油浮面。。可能不點牛肉會好點吧。

唔想做生意就拉閘吧~下午茶時間２;30至5;30…五點到店內裡還有其它客人食緊野！同我講話沒有下午茶?唔做你生意?以上經驗已經不止一次？態度極差!大把選擇不一定只選擇這間火山石石鍋手打烏冬專門店真起火

隔咗幾個月後再嚟哩度食下午茶，豚骨湯比以前淡，豬軟骨又細舊咗，雖然唔難食，但食物質數相對之前差咗。服務方面，有個女侍應叫佢攞牙纖俾我，聽到都係無攞俾我，要我另外再叫另一個男侍應先俾到牙纖我！竹戈到埋單果陣仲匪夷所思，果個女侍應竟然叫我自己出去埋單，果刻我都好詫異，平時埋單係唔駛自己行出去，我以為佢哋改咗埋單方式，點知一問男侍應之下，原來係無改過！哩啲咩服務態度?如果係熟客唔係應該要提供更好服務留住佢嘅咩?反而不提供應有服務給我，以後唔會再幫襯！一間餐態廳嘅質數除咗食物，服務都好重要。

細細個既時候，當你有事想搵人傾訴，你會發現身邊有好多兄弟/姊妹陪你。但當你長大成人既時候，仲會有幾多個可以係你有事既時候，第一時間出黎陪你呢？如果有⋯請珍惜呢d人，因為 真係好難得嫁好~入番正題~ 今日屈小姐約左個朋友食飯，呢個兩日突然天氣轉凍，最岩就係打邊爐不過，2個女仔食唔到咁多野⋯⋯所以屈小姐就揀左呢間石鍋烏冬！食完真係暖笠笠嫁屈小姐揀左 ： 蕃茄濃湯石鍋海鮮烏冬 （3.5星）- 蕃茄濃湯雖然係有蕃茄肉，但個味道食得出唔止淨係由鮮茄整出黎，應該有加蕃茄味道既調味料既- 海鮮有青口X2，蠔，帶子，蟹柳同蝦。青口同帶子都係急凍，冇乜味既，不過尚算爽口！蝦雖然細隻，但幾彈牙！蟹柳都食得一絲絲，唔錯！反而蠔就有d腥⋯　- 烏冬好味好滑，但比較淋身而屈小姐既朋友就揀左：豚骨濃湯石鍋吉列鰻魚烏冬 （4星）- 豚骨湯都好濃，豬骨味好重，比蕃茄湯濃味啲- 吉列鰻魚係重點！估唔到又幾好食喎！外面炸到好脆，而且粉皮夠薄！入面鰻魚仲係彈口鰻魚肉既質感！味道仲係保留到蒲燒鰻魚既味，而餐廳仲會主動分開上嫁另外，大家食既時候要小心石鍋既高溫呀！佢一路食仲一路滾緊嫁，食到尾d烏冬同湯都仲熱辣辣，加上一路滾緊既

朋友推介食火山石午餐。午餐抵過晚餐。選擇都很多。芝麻雞翼木魚湯石鍋烏冬*芝麻雞翼夠香口 但炸得over左少少 外面硬左d 裡面肉質都OK. 手打烏冬好食 QQ得黎唔會太硬 而且用石鍋盛住 食到尾都會熱。木魚湯好清甜 唔會太咸。但朋友既豚骨湯惹味d 好香口。環境就比較擠迫 服務一般。