炉端金 (已結業)

呢間野其實早兩年都已經有留意，因為$268/298食足5小時係堅抵玩，唔洗趕住食趕住走！環境裝修都好和風，乾淨又企理，燒肉嘅一定係呢類卡座開單後就自動送上，睇落好似好靚😅 食落兩回事！最好食係西冷同豬腩，肉眼係無肥位，牛仔骨係韌到咬唔開，我第一次食到咁差嘅牛仔骨，酒樓都咬得爛啲肉其他都係薄到燒完變肉乾刺身款式多，而且新鮮，處理手法係好嘅三文魚 - 濃味又滑油甘魚 - 無血絲，正常味道帶少少草青味希靈魚 - 唔會過酸帶子 - 本身原隻係大嘅，不過直切就少見甜蝦 - 鮮甜creamy虎蝦 - 爽，不過甜度低馬刀貝 - 爽甜唔腥墨魚 - 好味creamy壽司飽肚我就唔叫咁多喇酒精類Free Flow Plan有兩款，$68就普通款，$98就多部分比較貴啲嘅，另有Cocktail添。我就揀$98，佢嘅Cava汽酒幾香微甜，紅酒就有啲疑惑，杯杯個味都好相似，而且第一杯Pinot Noir 直頭係開樽太耐變左味不過$98任飲5小時都係抵玩嘅！燒肉部分都係食扇貝，蝦同豬頸肉，好味雞軟骨串燒燒得好香脆，雞嘅油份都燒到接近冇晒天婦羅好食上枱熱辣辣仲有好多款雪糕，緊係食H牌啦甜品自助，朱古力慕絲同芝士餅

未食過甘垃圾既放題 價錢平吾係佢既藉口 真心吾會介紹朋友去 燒肉冇舊肉係咬得開 一定吾係我燒問題 係佢真係咬吾開 可能佢d蔬菜係最好食😂刺身每件細細件 驚死厚切多少少 最大問題係果件帶子刺身 本身原粒吾係大架啦 佢仲要切開5件 問你死未 我就一次過夾佢5件 先有dd口感 但冇鮮味 我朋友仲食到有沙 其他熟食 最好食係雞翼🤣🤣但俾呢個價錢食雞翼 吾值囉飲品得幾款 最基本既汽水得zero 茶就有龍井烏龍茶 礦泉水…數埋8-10款左右 甜品就算啦 吾值一提 雪糕hagan daz兩款 其他本地雪糕成餐飯都吾知有咩值得多叫

今日中午一行四人到炉端金食燒肉放題，看OpenRice 食評得知應該每枱也會上一盤燒肉拼盤，但店員並沒有上給我們。隨後約半小時左右見店員問每枱客人有沒有上過拼盤，我見幾枱客人也和我們一樣說沒有，店員亦一一記錄在紙上，可惜到我們2點多離開拼盤一直仍然沒上。上菜速度極慢，又漏單，串燒爐一度出現問題又不主動告訴客人，好讓客人呆等到直到我追菜才告知。怪不得給你三小時用餐時間，原來係餐廳跟本搞唔掂，食物又好一般，燒肉真的不建議吃，尤其是牛肉好似食擦子膠一樣！天婦羅秋葵、秋葵硬到咬唔開，我見網上食評讚不絕口⋯⋯便滿心歡喜去試，怎料⋯倘若我這一千元在其他店舖吃飯應該可以開開心心捧住個肚走，而不是一肚氣。我冇心機影啲食物，因為實在太普通！

一行十一人與家人慶生選了尖沙咀“炉端金”開餐，限聚令下分左三張檯坐。餐廳以全卡位設計，晚市放題可以由5pm食到10pm。今次我們選了燒肉放題，可惜肉嘅質素比較一般，無肉味、好硬咬唔到.......日式放題食物反而有驚喜,種類多，壽司及刺身相當新鮮，賣相不錯。炸物及熟食選擇亦多，味道及質素都令人滿意。罐裝冰凍飲品放在餐廳中心位置任取。果汁、汽水、清涼飲品都有。甜品方面，餐廳有大約6款小杯裝的一口甜品可供自取，另外亦可order Haagen Dazs雪糕及韓國甜筒。👍手機自助下單形式夠方便。👎有漏單情況，7點幾繁忙時間漏單最為嚴重，追左3次雞亦及一杯雪糕的漏單，最後等左1小時先送到。星期五至日💰成人收費💰日式放題$268+燒肉放題$308+埋單三千幾蚊，唔值！

為何標题是有点尷尬呢👉原先買了生日蛋糕為一位好友預祝生日，怎料她很不喜歡的，頓時令我有点兒尷尬喔！ 慶幸她也會跟我們一班好友拍照留念（需没有切過及品嘗呢）.不得不提這《炉端金》在尖沙咀容易找，環境不錯，樓底也比較高，感覺舒暢。首先我們点了刺身，有三文魚，希靈鱼，北寄貝，帆立貝等等，很新鮮，值得推介。跟著也有很多炸品：有芝士味的，有芋頭味的，又有腸腸呢！我自己喜歡腸仔，炸得剛好，又有錫很做手柄仔，很可愛！😉它們的牛仔粒也相當好味，至於鍋品：豆腐蔬菜鍋及牛肉鍋熱騰騰，正。不過，它們的羊架很細（在電子食譜上很難找，最後近走之前才找到小小羊架呢）；還有美中不足是，它們沒有湯水篇呢，我喜歡有熱湯的喔。不過，它們有很多凍飲品及滋味雪糕及甜筒，我的朋友吃得開心。總體而言，嘗算不錯呢。

無論係賣相定係品質，都係非常之差。我個friend話同漢和差唔多，簡直係侮辱咗漢和啲肉非常之鞋，我直頭咬唔開甜蝦冇甜味，完全唔知佢點做到好難做到一間舖所有嘢都唔好食，無論係凍天婦羅，刺身，燒肉，都係難食。嬲到食緊嘅時候，知道計緊時都唔想食，用段時間寫食評好過啦，希望大家唔好再中伏真係有啲嬲。係得啲罐裝飲品可以飲得落，間鋪嘅裝修係好靚，值得呢個價錢但係大約$300每位，一個午餐嘅任食燒肉 俾啲咁差嘅肉，係好冇良心。

一上菜 滿心歡喜，食落嚇死人，壽司暖嘅？！😱唔想晒，最後用飲品沖落肚。No more🤢🤢🤢希望下晝唔會肚仔痛 😵‍💫最後仲要有烏蠅係咁飛黎飛去 😨😰😰

今日中午即興約食飯，有人想食燒肉，有人又想食放題，所以最後喺openrice搵到呢一間，打咗幾次去book位都冇人聽，原來五點鐘先開門夠鐘打去book 位，點知燒肉full 左，得返日式放題，咁冇辦法啦，即興食飯5pm book0745pm 嘅位,上網搵第二間，打去book都要時間，仲要未必有位，所以得返日式放題都照去其實個位置都幾方便，仲要係地舖，入到去環境都幾舒服，同旺角又嘈又迫嗰啲放題係兩個世界起碼四個人坐低，正常講嘢嘅聲量都傾到計都係一樣要scan QR code 落單（呢個都係一般正常操作）,不過佢嘅選擇其實唔係好多，不過最基本嘅嘢都齊，落幾多真係到幾多，冇漏過單刺身質素新鮮，希靈魚特別爽口，炸雞翼都好出色，都有幾款口味可以選擇，Haagen dazs雪糕都係可以任食，每位288蚊，下次早啲預約試埋個燒肉

呢間野係我生前最難食嘅放題雖然價錢吾係好貴，我已經無要求，以為會係尖沙咀食嘅放題會同旺角果啲會有少少差別，但係我真係好失望。另我覺得食茶餐廳仲好過佢。同朋友選左燒肉放題首先刺身件件都好細，例如帶子好似切條嘅形狀（本身已經好細）⋯甜蝦係梅嘅⋯油甘魚一夾就分體，其他就吾多講⋯辣味凍螺肉食凍未溶雪，食落有沙冰⋯以為熱食實無死，叫左辣酒煮蜆，味道係韓色醬加水煮，淨得辣⋯燒肉完全都吾掂，切肉大小不一得好離譜，一啲超厚， 一啲超簿（同一款肉） 我真係覺得好伏，好吾憤氣，呢個係我第一次寫嘅負評，真心可以吾使試。以上都係我嘅真心體驗。再唸起食旺角果啲仲好過佢。

每次行過路過都比佢個門口吸引住，所以決定去試個set lunch，估唔到價錢又幾親民，平均六七十蚊就有，炸豬扒飯、拉麵、烏冬、丼飯等等，選擇都唔少，而且唔算多人又無限時，下次行開都會再去試其他。🥢什錦鍋燒烏冬 配 熱檸水 $68⭐️⭐️⭐️什錦鍋食材有一隻炸蝦天婦羅、兩件炸雞、雞蛋同冬菇各一，仲有超多紹菜，湯底非常清，一啲都唔油膩，媽咪話幾ok，另外烏冬份量稍多，多到食剩咗啲啲🥢日式牛肉鍋定食 配 凍檸茶 $62⭐️⭐️⭐️有好多牛肉、菜，仲有雞蛋、冬菇、金菇、豆腐......壽喜燒湯底味道都唔錯帶少少甜，不過牛肉就太瘦有啲鞋，成個鍋食晒食剩半碗飯二人共消費：$143

今次是見到有二人同行一人半價的優惠過來試的，人均253元。🥢刺身有13款可供選擇，但竟然冇吞拿魚。有用冰托住保持新鮮，可以慢慢食。👍刺身數量: 發現四塊或以下嘅刺身數量都啱嘅，但多過四塊嘅就每樣幫我cut緊兩塊, 例如三文魚油甘魚我哋每樣叫咗十件，佢就畀咗8件我哋，叫咗八件就畀六件，叫咗六件就畀四件，連啲甜蝦都冇嚟到。留單情況嚴重😡😡😡👎👎👎味道方面: 比較好味我就覺得有馬刀貝，都幾爽甜，其次就有三文魚，帶子都唔錯。👍刺身切得好薄，完全影響個口感。👎唔好味就有油甘魚了，油甘魚紅波波，血腥味又濃👎壽司方面: 卷物同炙燒壽司，壽司我哋就叫咗赤蝦，蒜蓉帶子，和牛，黑松露帶子，拖羅蓉同埋海膽壽司，但啲壽司一嚟到呢全部都好乾爭爭，完全唔吸引。👎唯一覺得好味就係黑松露帶子壽司，個帶子都算大隻嘅配埋個黑松露味都夾。👍但個海膽軍艦壽司个味好腥，完全唔建議大家叫。👎講完刺身壽司就講下燒肉啦~其實首先一坐低，每一臺都會畀一盆肉畀你，有曬唔同部位嘅喇，有豬腩肉，西冷，肉眼，果味牛仔骨，牛脷，和牛胸腹。大部份嘅牛肉啦都冇乜牛味, 同埋D肉都比較瘦, 所以口感都好un. 連應該油脂最豐厚嘅肉眼，都可以一啲脂肪都

朋友係間唔中要見下，係時候要約出嚟聚一聚！雖然依家有限聚令，最多都係4個人，但有時人少少傾計都方便d，於是我哋3個就約咗出嚟食飯吹下水！最後我哋決定揀食日式放題，但日式放題好多時都要限時，其實掛住食都唔係好傾到計。之但係比我搵到呢一間日式放題佢係無限時，你可以由5pm食到10pm，勁正！我哋平日放工後約食7pm或者7:30pm，都有2個半到3個鐘傾下計！去到間餐廳，佢裝修都幾靚，啲嘢都好新淨，枱與枱之間好夠空間，唔會好似平時嗰啲日式放題咁坐到密麻麻。佢仲安排咗個獨立卡位俾我哋三個，自成一國！講返嘢食先，咁我哋頭輪就嗌左啲刺身，串燒同炸物！刺身好新鮮，帶子，油甘魚，希靈魚，北寄貝，甜蝦果d都好好食！串燒都ok，但個燒蝦就好唔得，d肉梅嘅，其他免治雞串，雞軟骨，番薯，燒菠蘿果d都正常水平！炸物就不得了，上到枱非常熱，應該係啱啱炸起！最好食係一口芝士同忌廉蟹肉薯餅！我d朋友就叫咗啲壽司，全部都一啖size，勁好，唔會好快飽！見到啲軍艦壽司全部都係新鮮整，塊紫菜仲好脆！天婦羅都好出色，粉漿唔會太厚！天婦羅蝦同天婦羅鰻魚都非常好食！之後叫咗d鍋物，但佢好淡，要加啲鹽先好食😂最後食埋雪糕，仲要Ha

<性格比高既無限時放題>呢間喺 tst 既炉端金 主打無限時放題 每位298 蚊 有 💡午市2 人同行一人價錢💡 有端爐燒 串燒 炸雞翼 揚物天婦羅 一品和食 壽司 卷物 刺身 小食 沙律 應有盡有 👍🏻 天婦羅 炸雞 鰻魚 秋葵 南瓜 香脆既靈芝菇 等等 整體個粉夠香脆 天婦羅同鰻魚唔錯👍🏻🔥串燒方面 羊肉燒得唔錯 幾煙韌彈牙 仲有雞軟骨 牛柳粒同海蝦 🐂🦐炸雞翼有好多款 🐥麻辣 芝麻 黑椒 芝麻比較整得香脆 黑椒同麻辣如果雞翼炸得香脆 d會更好 刺身方面都算幾新鮮 有三文魚 油甘魚 象拔蚌 希靈魚 藍青口 甜蝦 等等 🐟🦐 以任食黎講質素唔錯一品料理方面 地獄烏冬都幾香辣 烏冬麵係日本烏冬 十分爽口 仲有牛肉鍋個壽喜燒汁都唔錯 牛肉夠軟林 豆腐夠香滑 菜夠吸汁 🍜青酒煮蜆個蜆肉新鮮 個清酒汁如果整得濃 d更好 👍🏻最正係佢既端爐燒肉 肉味濃牛西冷 煙韌既牛胸腹 肥美牛肉眼 彈牙既牛仔骨🐂 另外牛舌同豬頸肉都十分唔錯🐷 韓風墨魚仔幾正 帶 d韓辣醬既墨魚仔 夠哂惹味 仲有蝦 冬菇 雞脾菇 帶子等等 都好多選擇Score 平均分 <7.9/10>T

本來以為叫個1人火鍋會快啲 (因為唔洗煮) 點知佢地同我講話要執🤯 心諗呢啲野唔係執定架咩😂我07分落單 24分先到仲要等佢滾🙈我諗個湯佢地無 pre heat過 😂等5分鐘都唔滾 目測得500cc 😂😂真係叫晒救命lunch time真係唔好去食 講完啲無謂野就講吓佢嘅食物質素先看下佢嘅份量其實都好多我諗住係好似吉邊嘅size 所以呢樣嘢我都幾impress整體除左大份 食物質素亦唔錯 一份入面有豬同牛 蝦唔會霉 雖然蜆同帶子偏細 但係唔會有沙同唔新鮮嘅味

是晚慶祝大老爺生日，第一次食這間食店，原因是貪佢全晚不需翻枱，食足四粒鐘。又位置尖沙咀，燒肉和日式放題。早早就訂枱六位，問左店員可以安排到卡位，中間用透明膠板間開嘛！失望！到場卻變成分開兩枱坐，話大枱已滿座？訂座時講好可安排嘛！一入場印象分已扣。接著未坐低，就發現蒼蠅周圍飛，嘩！大牌檔都很久沒有見過蒼蠅啦！大佬阿！廚房有都話啫，大堂座位仲要係尖沙咀喎，一路食一路撥蒼蠅？吾知以為係街邊食野咩！失望！食物質素方面，主打食燒肉，但竟然幾款牛都吾掂，唯一吃得落口的只有牛胸腹，但又薄又細塊，其他連咬都咬吾開。其他食物一般水平。失望！勉強讚賞的食材包括刺身，尚算新鮮的，壽司都算即制和精緻，Movenpick雪糕叫做回本必食。另一稱讚的是入單不用一兩分鐘已出到單，冇漏單啦！收碟都快手。整體評價，環境衞生吾合格，如果只吃放題就尚可，燒肉就吾掂，話晒老爺生日宴嘛！失望而回。