炎田家 (已結業)

周末晚上，我撲到一家烤魚店，人流湧湧，氣氛勁爽。飯局一開始，就點咗生猛草鯇魚（大邊）來個大滿足，準備嚟個暖笠笠嘅享受🐟。肥嘟嘟嘅魚一上枱，熱辣辣嘅香氣四溢，迎面撲鼻。嗌少辣嘅，但湯底𩶘辣得嚟唔失原味，每嚼一口魚肉，都彈牙得滯，鮮味直達心靈深處。手工餃子呢部分，就有啲江湖味道。木耳豬肉餃跟韮菜豬肉餃，咀嚼之間，感覺到食材嘅新鮮同心機。肉餡肥而不膩，啖啖肉嘅飽滿口感，撲噏得嚟好過癮。串燒環節，雞軟骨好入味、羊肉串孜然香氣十足，份量足料又唔過咸，串串係傾偈嘅好夥伴🍢。順口滑溜嘅鮮魚湯浸娃娃菜，同前面嘅辣相比，真係溫和得嚟又解辣，清新食材嘅本味，喝落感覺舒心曬。今晚食嘅每道菜，都讓我感受到廚師嘅誠意同味力。即使唔係食評家，都要大讚兩句，對咗味唔洗多語，單係呢份熱辣嘅心思，已經令人感到暖笠笠。下次來，記得要提早少少，打好位置，等唔使等位咁辛苦喇！👍

拜完神 好想食碗酸菜魚米線入去既時候已經冇人坐冇睇餐牌就叫左碗米線魚係味道係ok 分量都ok但米線少到呢…….仲要湯係冇味 差不多係水既味道😅酸菜一D 味都冇 似烚多d😅其實問我自己 我係食緊乜食完碗野 = 冇食過仲好肚餓lor😑搞到我返屋企再買野食68蚊一碗咁既酸菜魚米線 真心 真係唔會有下次我其實好少上黎評論 張相既碗米線都食完因為唔會點影相放上黎評論但我今次真心覺得 真係好唔掂👎👎👎👎👎👎👎👎👎👎

服務員奇怪我只叫特色小食--涼拌海蜇頭... 他說要等10分鐘, 讓我在店內等. 因人客不多, 所以等了3分鐘就有. 價錢和附近的新舊食肆1樣. 外賣盒收了$2大洋. 用了厚盒, 其實薄盒都okay. 可能只有一個尺寸. 買了的時候覺得有點少, 但回家放在碟上又覺得份量不少. 其實1件很大件, 佔了半碟的份, 很好吃, 有口感.除了燒肉店, 也很難找到海蜇賣, 而且是海蜇頭!! 當然, 有些台式拌這拌那都有賣, 而且較便宜, 但味道就很參差.

哩間簡直係我既飯堂😂由我朋友介唔左俾我，我就成日去食😂酸菜魚米線好好味！唔係太辣又好有味😋😋哩排糧尾就食豬潤瘦肉米線！好平！48蚊D料又勁多！可能有成20舊不過豬潤瘦肉米線個湯底無咩味酸菜魚好食好多！

天氣開始轉凍 路過見到門口大大隻字寫住烤魚😝忍唔住入咗去食烤魚有分幾種 有鯇魚 鱸魚同清江魚總共有12種唔同既味道選擇 有辣椒豆角 蒜香豆鼓 老壇酸菜等我哋總共4個人食 就嗌咗清冮魚（全條HK$358)食 配炎田家雲貴香辣小辣上面鋪滿京蔥 芽菜 酸菜 豆芽 蓮藕同士豆片 好味之如夠曬睇頭😋😋😋撥開配菜之後 就見到多肉的清冮魚肉食落嫩滑 就算一路煮都保持住鮮嫩 而且一啲都唔腥另外我哋都加咗配菜 加咗牛栢葉 金菇 同打邊爐必備嘅響鈴 響鈴吸收曬湯汁嘅辣同鮮 真係特別好味🫶🏻另外個姨姨推介咗我哋食涼拌粉皮 個汁酸酸辣辣 真係好開胃 食完一個忍唔住嗌多個食😂不過總括而言啲份量有啲細 我哋5個人食完仲係有啲肚餓 價錢嚟講都唔算特別平 最後4個人埋單$555

毫不起眼的小店，但店內都好多人，平時唔食魚的我都好想試下烤魚係咩嘢點左個鱸魚，食得出係新鮮，酸辣口味剛剛好，魚肉煮內左都唔會太老，配菜中蓮藕好好味，其他睇個人喜歡，不過總體價錢偏貴…

之前經過見到佢有魚湯湯底嘅麵食，因為鍾意魚湯所以諗住試吓外賣叫咗紫菜四寶麵紫菜量都ok個四寶除咗粒牛丸，其他3粒唔肯定自己食緊咩(色水、形狀幾粒都好似)魚湯，目測唔太似(個湯個樣比較似清湯，啡色的)食落冇魚湯味，亦都唔知係咩湯底嚟撇開係唔係魚湯，就咁單純一碗麵嚟講，都唔太好食我知錯了，下次唔會喺呢種舖頭嗌魚湯麵食

好味酸菜魚炎田家，每次經過都好想試！好似好正d酸菜魚，今日終於約到朋友一齊！成間店好滿座，好彩walk in 都有位，只係等左一陣。即刻叫左個招牌酸菜魚，好大一盤，份量十足，仲叫左d配菜，有響鈴，有菇類，菜，魚腐，串燒同粉皮！原條清江魚酸菜小辣：條魚好大條，配菜又多，酸酸辣辣，好惹味！蓮藕，薯仔，芽菜，酸菜，魚又煎到好香！食完魚加入其他配菜，魚腐好好食，響鈴都唔錯！涼拌粉皮，酸酸辣辣，好好味又開胃！秘製烤牛柳粒：好正！惹味！最後叫左杯大杯裝金桔檸檬，配合埋酸菜魚，好夾！下次再利過！

天氣涼，係時候打邊爐食烤魚啦😝呢間烤魚第一次食，朋友住附近介紹話新開無耐，正宗又好食。平日晚上入座都要等位🙈都幾好生意。.烤魚分幾種，鯇魚、鱸魚、桂花、清江…等，因為得兩個人食，食唔晒咁大條，所以叫左「生猛草鯇魚（大邊）$218」配炎田家雲貴香辣少辣😋，餐廳先將鯇魚輕輕煎熟，再放上烤盤，令魚肉更鮮嫩彈牙，另外，鯇魚嘅細骨唔算太多，啖啖肉真係好滿足。至於湯底用咗大量辣椒、花椒同香料，越食越辣。烤魚可以加配料當打邊爐咁，但由於越食越辣，所以就無再叫配料🙈。.手工餃子🥟木耳豬肉餃$38韮菜豬肉餃$38呢度都幾特色就係除左烤魚仲有其他野食，好似我就幾欣賞個手工餃，皮唔係好薄個種，但好有咬口，木耳豬肉餃個人覺得比韮菜豬肉好食，比較爽身，同埋菜與肉既比例剛剛好。.串燒🍡羊肉串$20/串雞軟骨$16/串串燒每樣最少叫2串，呢間烤魚店除左餃子仲有串燒食，岩晒啲乜都想食少少既人。兩種串燒都好香孜然味，唔會太咸，亦好大串。.🍴鮮魚湯浸娃娃菜$39最後勁想介紹佢個魚湯🤣但叫得太遲，因為食食下太辣想解辣，店員介紹我地叫個魚湯米線/菜，米線就食唔落啦，叫左個菜，點知大碗到…… 講返個魚湯，好清甜無味精，好好明，

太耐冇食過烤魚，心思思，今晚同朋友一齊嚟到炎田家過下口癮先😀😀炎田家雲貴香辣烤鯇魚（大邊）$218餐廳有十款不同風格選擇，先經烤焗鯇魚，魚皮香脆，魚肉嫩滑，加上特色配料：土豆🥔蓮藕，大豆芽，豆豉，京蔥，芹菜，辣椒🌶️，芫荽，香味扑鼻，一邊吃着一邊小火慢慢煮，越煮越入味，實在太過癮了😋😋羊肉串（2串）$40，雞軟骨（2串）$32，蜜汁雞中翼（2又）$22超級歡喜吃羊肉串，口感不柴，又嫩又香，燒得脆口的雞軟骨，口感豐富，簡單的調味已足夠，燒雞翼，甜甜哋，外皮香脆，肉質嫩滑，送啤酒一流🍻尖椒皮蛋$38最愛涼拌小食，皮蛋黃略帶凝心，跟綠椒香菜芝麻洋蔥一起吃，開胃美味😋😋木耳豬肉餃（8隻）$38有六款嘅手工餃子🥟，即叫即做，大約10分鐘，要耐心等候，餃子脹卜卜，餡料豐富😚😚鮮魚湯娃娃菜$39每餐都唔可以忽略蔬菜，保持營養均衡，喝一口鮮魚湯好美味，娃娃菜口感脆嫩😘😘

紅磡區有很多特色食店，而炎田家以烤魚最出名，今次點了酸菜魚加幾樣火鍋配料，味道幾正宗而價錢合理。 🥘生蜢草鯇魚配老壇酸菜湯底 -小邊份量 $168必點草鯇魚✨🐟 草鯇魚大細可按人數決定，點了小邊的份量原來都不少，食得出係新鮮魚嘅質素，肉厚而嫩滑。湯底有很多選擇，所點的老壇酸菜湯底濃郁🌶 配菜十足，包括花椒、辣椒、酸菜、京蔥、芫荽、蓮藕片、薯仔片等等，明爐煮熱後的魚和配菜特別入味。🥓安格斯肥牛 $78份量算多，肥瘦均衡，肉味濃，配搭酸魚湯底味道一流。 🥬響鈴 $30  +  娃娃菜 $20 份量多，響鈴有8條。娃娃菜在濃味湯底特別吸味，充滿酸辣口感，十分惹味。 🍢大漠羊肉串 ($20@)以濃郁的調味烤成，不會很辣，羊味重又唔羶，很有風味。 🐓 香辣雞中翼 ($22@)比起羊肉串較辣，同樣以濃郁的調味烤成，烤得唔會乾而皮脆，香口惹味。 🍺 藍妹啤酒 $33餐廳的酒類選擇多，食酸辣加啤酒，果然絕佳。

呢間烤魚口味有成10款咁多😮，除咗熱門嘅麻辣、酸菜口味，仲有蕃茄、豆豉等等，有辣有唔辣，辣度由BB辣去到魔鬼辣😈，梗有一款啱你心水🤪原條清江魚 小$328清江魚其實係指產於湖北省清江庫區嘅魚，以生長水域環境優良、肉質細嫩、無泥腥味而出名，所以拎嚟做烤魚就啱晒啦😙！基本上烤魚都係半烤半煮，原因係將烤出來嘅魚浸係湯汁當中可以令到外皮酥而魚肉又嫩😋老壇泡椒風味就係用滾油將花椒、大蒜、大蔥等等嘅配料爆香，再加入老壇泡椒一齊爆炒，將泡椒嘅酸辣清香味徹底咁提煉出嚟之後再淋係烤魚上面，令到魚肉入口嘅時候，泡椒嘅清香充滿晒你個口腔，回味無窮🤤烤魚配菜仲有芽菜，薯仔片，蓮藕片等等，吸味又爽口😆！另外我地仲叫左萵筍+$25，呢樣真係一定要叫，無論烤魚定打邊爐都咁正，食過番唔到轉頭，入味又爽脆😍川味口水雞 $68滿滿嘅紅油夠哂麻但又唔會好辣，雞肉嫩滑得黎又冇雪味👍🏻

紅磡區都係美食天堂，大街小巷都揾到唔同風味既食肆。今日專程放工去食下烤魚，朋友之前去過炎田家，份量夠大之餘又可以配搭唔同風味。可以選青花椒、老壇泡椒、酸菜又或者我地揀既雲貴香辣。餐前叫左川味口水雞，雞肉沾上紅油涼伴，感覺鮮滑。唔好睇少佢，食食下都幾辣，飲返杯酸梅汁解辣降降温～羊肉烤串落少少孜然粉，外層乾身咬開肉香撲鼻，有少少羊膻香！原條深海桂花海鱸 整條花鱸魚跟烤盤長度差不多，側邊放左紅卜卜既濃湯，初嘗味道唔算太辣。伴料豐富，鋪滿紅紅綠綠既香菜同辣椒，仲有D芽莱同蓮藕薄片。魚皮薄身，外層煎封過。明爐火烤煮幾分鐘，見到湯汁冒煙就可以食啦～相比水煮魚菜式，呢份烤魚就多左份熱騰騰既感覺，特別鍾意入口超燙既食法，熱温將湯汁香辣既風味徹底帶進魚肉內層，不單止入味仲係口中飄散持久既香辣餘韻！撥開配料，魚肉超大片肉厚嫩白，質地緊緻有彈力，入口鮮滑。碎骨唔多啖啖肉，近魚鰭位有少少脆邊，肚位都冇腥味好新鮮，食完魚身兩邊都大半飽！辣湯加鴨血食幾有風味，薄薄地一片溜入口勁吸汁。加配既蝦卷幾爽彈，卷皮唔厚餡料足蝦味濃厚。蔬菜盤有娃娃菜、金菇入湯一樣正！

好耐冇食過烤魚，今日突然間好想食，咁啱黃埔附近有一間好似都幾好，就同朋友一齊嚟試吓 。首先店舖喺大馬路，都好易搵，店舖裝修企理整齊，衛生都OK，食都食得放心啲。店員向我哋推介左青江魚，因為係最少骨，於是我哋嗌左二人份$328，揀咗青花椒味，BB辣！烤魚都幾大條，而且肉質幾厚實，好肥美，都算好多肉，而且完全冇骨唔需要就住就住嚟食。個湯底好濃青花椒味，但係就略嫌有少少鹹，最好盡快食，由於我哋嗌左BB辣，所以都唔係好夠辣，如果鍾意食辣嘅朋友要嗌辣啲！另外，值得一讚係烤魚仲有其他嘅配料，包括蓮藕、土豆片、芽菜，朔左啲汁之後真係好正！其他配料就要加錢額外再嗌，難得食一次當然唔好嘥咗個湯底啦！我哋嗌左金菇、四寶丸、萵筍，全部質素都唔錯！最後就試咗佢嘅串燒《麻辣雞腎》，超級辣，我都有啲頂唔順，鍾意食辣嘅一定覺得好過癮，而且雞腎好爽口，都幾好味。 總括嚟講，想食烤魚又想過吓口癮嘅話可以試吓呢間。

放工相約好友係佢公司附近食烤魚......🐟🐟🐟生猛草鯇魚 (全條HK$328) 有清江魚，鱸魚，鯇魚等作選擇.....仲有辣椒豆角，蒜香豆鼓，老壇酸菜等.........12種唔同既味道選擇。真係十五十六👉👈最後，簡左草鯇魚配酸得黎帶點微辣的老壇酸菜風味。一條鯇魚，劏開2邊攤係個爐里面，表面更烤得金黃，視覺上夠晒壯觀，面就鋪滿京蒽，芽菜，酸菜，豆芽，生菜，蓮藕和土豆片等配菜.......最中意食蓮藕同賣土豆片，兩者都爽口清脆。撥開配菜，就見到厚身多肉的鯇魚肉，食落嫩滑，就算一路煮都保持住鮮嫩，而且一點也唔腥。另外，再加配了:土豆HK$20木耳HK$25 田園蔬菌拼盤HK$40 -有秀珍菇，娃娃菜，金針菇，豆卜四寶丸HK$40-貢丸香菇味濃，白魚蛋和墨魚丸爽口彈牙，牛筋丸牛味濃多汁食烤魚，緊係唔少得可樂，試賣最近新出既無糖可樂HK$13/罐，味道接近原味可樂，爽呀～