炑八韓烤 (已結業)

我一向很少食韓國料理，這次也是朋友帶我去吃。我點了一個牛肉蓋飯，雖然很想快啲食到，但上菜的速度不是很快。等左一陣終於梨左个飯，望落去啲飯同啲肉唔係太多，有點失望。但一食落去，就發覺食極都好似唔完，完全係兩個人嘅份量，我食到一半就食唔落了。啲牛肉好嫩。而啲飯吃食落去似係珍珠米，粒粒分明。再加埋一隻流心蛋，撈喺啲飯度超好食！❤❤如果是朋友一齊去的話，食量較少的朋友們可以跟自己的朋友分享个餐。$48呢个價錢真心好抵，而且又夠好食👍👍

今日一到晚飯時間又未去買餸唔知想食咩，心血來潮想食韓燒，就立即搜尋附近有什麼韓燒好食！就揀咗這一間位於九龍城嘅韓燒連鎖店，平時見得多不過一時三刻真係諗唔係都未食過！位置好好方便泊車即時想去即時都有位，今日係星期日六點鐘晚上！入到去發現原來地方超級大，因為原先係酒樓來的！不過人就好少，食完都坐唔到三份一散叫左嘢食先來一份沙律，沙律份量都夠，蔬菜都好新鮮叫咗一份他們招牌牛肋骨，上菜顏色不錯，不過味道就真係差咗一點，牛味一啲都不香濃，口感好鞋，也不入味，同出邊食開嘅韓燒真係有好大段距離厚切五花腩，本身只有小小鹽同黑椒調味，未到就冇乜，靠點汁，不過肉嘅脂肪比例都均勻！可惜都係冇乜豬味叫咗一個他們限定的八爪魚生蠔湯，嘥錢！因為極度無味，好似滾水煲湯咁樣，可能係飲佢啲鮮味吧！一啲都唔平，要成＄88，我哋仲加多一隻大八爪魚 $108，係唔係睇到張相都想食呀！價錢就合理因為都好大姐，不過味道就一般，甜味多個辣味，不過係新鮮嘅不過都唔明點解可以開咁多連鎖店，整體價錢唔覺得特別平，但係味道真係幾差，冇可能再去食

今日同老婆懶懶地唔想周圍去就去左附近一間係九龍城都幾出名既韓燒店進行晚餐我們選擇左既有1. 1++韓牛貝身肉2. 頂級五花腩3. 秘製醬汁牛肋條4. 薄切牛舌5. 醬油蟹6. 菠蘿梳打&青檸檬梳打------------------------------1++韓牛貝身肉肉味好濃 好正 唔乾唔（鞋）配上蔥花吊味一絕------------------------------頂級五花腩 侍應適心教導煮法同食法服務好好 肉既品質亦都係中上先燒上方脂肪至白脆金黃然後再燒另外三面至甘香最後再燒兩面至肉身7成熟備用再用剪刀逐一剪下所喜歡的大細以方便燒熟再進食不錯 大家可以一試------------------------------牛肋條味道唔錯 剪開自己喜愛的尺寸再燒味道佳 配上燒肉汁 洋蔥 蔥花進食哇說不出的好味道------------------------------薄切牛舌亦都係我老婆最愛味道好好 多種食法 任何口味人士也適合點菜------------------------------醬油蟹本人的口味不喜歡因為醬油味太重 蟹膏又好似唔知點咁但一切都係唔岩我口味 唔關食物質素事交

鬼叫我為食咩，放假都特登出嚟食個晏，因為平時返工都冇時間好好咁坐低食返個平價燒肉，今日我向你推介嘅就係呢一個燒肉午餐！我今日叫咗個雜錦燒肉，裏面包含咗三款肉，包括雞肉牛肉同豬肉，仲有少少菇同埋南瓜片，平時夜晚食呢個份量嘅晚餐燒肉就唔係呢個價錢啦，應該貴好多！所以我會建議大家下晝嚟食個豐富嘅午餐！另外我加左＄18叫咗個蟹膏飯，裏邊有一大堆嘅蟹膏同埋蟹柳蟹子，蟹膏嘅味道好香濃，但係唔係個個都會接受到，因為都有啲鯹，不過我喜歡啊！更值得一提嘅就係佢會係側邊擺咗厚厚嘅芝士加粟米粒，另一邊就會加左一啲嘅蛋漿同埋泡菜，蛋漿就係無限添加嘅，但係我一個人食實在覺得太豐富了，已經好飽，沒有再次加到蛋漿了！如果大家有時間又想慢慢嘆嘅我會推介大家下午你度食燒肉啊！大家依度食午餐唔收＋1 㗎，仲有生菜附上！t

我已經嚟過呢間餐廳無數次了，今次我真係忍唔住要為佢哋寫下食評啊！因為佢哋真係平靚正之選，我每星期都會食一次佢地嘅午餐！佢哋嘅午餐有＄48起， 又唔收＋1 ,簡直超值啦！我就特登影埋佢個餐牌俾你地睇睇！有好多款選擇架！佢哋仲有前菜俾你㗎 ，例如有泡菜！魚蛋芽菜等等！ 我每次帶朋友嚟食個個都讚，話係好介紹！以我好多時都係食牛架，佢個牛肋骨正到冇朋友！啲蘿蔔又好好食！之前天氣得八度，食完個人暖返哂！不過以我們食咁多次嚟計，我會勸大家叫嘢食嘅時候唔好轉左佢係粉絲啊，因為冇咁好食，食飯有少少飯焦會仲正啲！

天氣轉冷就同幾個朋友食返個韓燒〜之前都聽過炑八韓烤有好多分店的，但聽講呢間等位快d，所以都特登過去！我地三個人叫咗厚切五花腩 ，特級牛肋骨， 芝士泡菜飯。芝士泡菜飯係勁好食！一定要食！此外，圍爐蛋槳泡菜及芝士係任食的！好快就會有員工幫我fill up!

午飯時間要搵一間可以俾十幾個同事一齊食, 又唔使點等位嘅餐廳真係好難, 即時上open rice 搜尋一間係附近而又有口碑嘅食肆, 終於揀左呢間韓國烤肉店, 去到唔使等位, 可即時入坐, 入面園林設計, 好似置身森林, 環境整潔, 地方寛敞, 坐得舒適 前菜有4小碟雞扒蛋包飯$38 雞肉,蛋, 洋蒽, 份量多, 男人都夠食, 醬汁甜甜地加埋隻流心蛋韓式大醬湯配飯$42 有幾隻蜆, 豆腐, 味道清清淡淡, 不錯柑桔特飲+$6 柑桔味濃, 酸酸甜甜

本來去九龍城食韓燒。點知前日食完唔想再食。行緊聞到燒肉味就上左去啦每樣價錢都唔平 最抵食係呢個餐 加埋一 5百幾，不過明明係豬既餐黎 但係竟然。牛，雞。蝦係好味過個幾件豬香草雞。食完想再食牛小肩(好似係) 正最新鮮係d蝦 竟然係蝦食得出鮮味應該未必會再食。下次去九龍城。都係正正經經食番泰菜

天氣轉冷，當然要食返個韓烤，暖一暖先來一杯香芒橙汁HKD38賣相又幾吸引，想將半個橙都食埋香甜微酸好飲今次食薄切特大韓牛牛扒HKD168一攤開真係勁大塊可選配鹽/蛋黃/泡菜個人選了蛋黃，因為其餘兩款配料都已經有由於薄切,燒一燒已可食，牛味濃烈，口感完全沒有過韌，又好香配上蛋黃同吃更香，而且炑八所用的係頂級韓牛係1++果然不同另外還點了鱈魚扒牛肉餐HKD508套餐包括厚切上等鹽牛舌韓國大蝦:蝦肥大肉牛，肉質好彈牙，味好鮮條切特級牛五花肉:肉好有口感味道入味霜降牛小排柚子鱈魚扒卡邦尼煙肉年糕雜菜套餐十分豐富單看未吃已夠吸引，簡直牛牛大雜燴，好新鮮先燒鱈魚扒，魚肉好嫩滑鮮甜，柚子味香濃其餘的都好新鮮好正卡邦尼煙肉年糕好香濃醬汁好杰身濃郁年糕好入味好香濃，加上粉絲，口感更是豐富，飽肚感非常炑八的食物一向都新鮮豐富又夠味道，而且份量好多，定價合理，加上地點方便，因此我都十分愛跟朋友及家人來品味品味！

喺九龍城返工，當然要喺附近覓食，想食韓燒間二人餐唔錯呀！前菜同蛋，芝士都係任食架！表弟遲到😤我淨係食呢啲都食半飽咗！我哋order個牛肉餐!二人份量都好豐富呀！啲蝦係剝晒架啦！非常好!牛份量我哋就覺得唔夠架所以另外加多個燒牛肋骨！食肉獸！冇辦法呢個係套餐跟嘅粉！都係鍾意之前嗰個水冷麵！呢個泡菜蛋同芝士粟米係免費架！整體講呢間餐廳係唔錯嘅！卡位坐！空間夠大又唔會太嘈！開心心就食咗餐飯！七百幾蚊埋單！ok la

無無聊聊的星期五，本應在屋企沉睡中。突然收到親戚的邀請，說這間好好味，想帶我們去食下~ 反正又沒有什麼事做，又不用我們出錢，當然接受邀請啦！我們3人叫了這個一人份量的套餐。前菜︰昆布湯泡菜、芽菜、醬油昆布胡麻沙律配菜︰栗米芝士、泡菜滑蛋  (不可Refill)這些要等熟佐先可以進食，大約20-25分鐘。主菜︰迷你炑八紫菜流心蛋飯黑漆漆的飯有好重紫菜味，配合流心蛋一起食，會有幾重味道出現。 (圖片不見了)黑毛豬五花腩、特級牛五花肉如果大家有一定的烹調技巧，煎到它剛剛煮，那個味道一定不錯。但如果要把這道更升一層，需要用生菜包住肉和泡菜一起食，那肉的味道就不會太單調。飲料︰柚子檸檬水味道好淡，同水沒有分別。本人推薦同味的"柚子檸檬梳打"，味道較佳！

琴晚去咗炑八九龍城分店晚餐， 因為早去(6pm)所以鋪頭入面好少人, 一入到舖頭個感覺真係打個突, 一陣陣勁難聞嘅死老鼠味， 個地上面又有一達達嘅水漬， 檯面上預先擺好嘅鐵碗同埋鐵筷子仲有啲油漬 黐住。 我個人從來唔寫食評， 不過真係要將呢次咁吾好嘅經歷同大家分享， 一間連鎖餐廳衛生情況做到咁差， 點樣接受呀！！！！！

服務態度惡劣，d五花腩好大陣豬臭味，炸雞又多油，環境衛生唔好，一入到去就好大燒烤味，其他鋪都唔會有，食完埋單比錢後，等左好耐到我地走都唔找錢，雖然唔多但好唔爽，真係好唔抵

今日一家三口黎到九龍城，就試下呢間下午茶，黎到剛好下午茶時間14:30-17:00，地方很大，而且多卡位，相比其他分店，呢間坐得很舒適。或者是最後一日假期，只有六七張枱，所以卡位任揀下午茶餐$48起，免加一，我地選擇了牛肉蛋包飯（可惜飯唔夠熱，只有微暖），另外選擇了年糕炒粉絲（稍微多油，味道ok)。兩款都好大碟，份量十足。最值得讚係杯青檸梳打+$6可無限添加，比起某些泰國餐廳還好，值得一試

假期無所事事就去了九龍城搵食 大家都咩 idea，就去了坐得舒服的炑八韓烤嘆下午茶 估到到下午茶時段都好似平時咁 一坐下就有前菜食和昆布湯飲，不過只有一份，唔係任添任食的 下午茶餐的選擇都不少 ... 有 15 款 ... 咁多選擇，我的選擇困難症又發作喇 !!! 最後，點了 ... 炭燒豬肉紫菜包飯和韓式炒粉絲 炭燒豬肉紫菜包飯份量不少，裡面還有很多餡料 有很香炭燒豬肉，食落去爽脆的青瓜、牛蒡絲、紅蘿蔔和醃蘿蔔 再加埋煎雞和蟹柳口感和味道都好豐富 一向哈韓的囡囡點的韓式炒粉絲 用蕃薯粉做的韓式粉絲煙靭彈牙，裡面仲有很多豬肉片 加入了很多雜菜一起炒，食落去很口感爽脆又健康 每份下午茶餐都配一串韓式魚糕串 ... 好鍾意食這款韓國街頭小食 雖然不太食得辣，但好鍾意食辣辣的魚糕串，再呷幾啖魚糕湯 如果有埋浸住魚糕串的湯就好喇 !!! 下午茶餐不包飲品的，但是只要加 HK$6 就可以無限添飲 ... 特飲都可以的 我們就點了荔枝梳打和柑橘特飲 ** 以上分享是以我的喜好、口味和情況作出分享和感受，一試 / 合用與否請自行決定