炑八韓烤 (已結業)

好耐冇食過韓燒啦尤其是係蛋邊果隻， 炑八有好多分店但今次都係第一次食。 可能係平日夜晚，唔洗點等位有得入嚕 尤魚同大蝦都好好食，一上枱望落都幾新鮮，size都唔細添，食左尤魚覺得幾有尤味唔似冰鮮果啲得雪藏味，個蝦都ok ，唔係梅嘅肉。不過燒得耐左搞到有點um,但個味道係好食嘅。 今餐另一個亮點就係生蟹。我唔識食蟹，見佢蟹膏咁多，就已經覺得正，雖然話係生蟹，但食落係唔會腥嘅，有少少剌身嘅感覺，加上佢嘅醬油葉過，都幾野味，唔係得生蟹味仲有啲醬酒香味 但全餐我最愛嘅還是個蛋邊，仲要落埋韓國年糕，年糕溶溶地同蛋溶合埋一齊，我地特登燒耐啲等個蛋燶啲香啲，加埋年糕正到飛起啊！

【2015 年 8 月】我班為食朋友見到這間想試好耐的韓燒店有團購即刻訂了份 ... 六人燒肉冷面餐還心急到即刻約齊腳即晚開餐在九龍城通常食泰菜，這晚少有的在九龍城食韓燒安排的坐位是有屏風隔開的角落位啱哂我們呢班口水多過浪花的吹水怪邊食邊高談闊論 ... 唔怕嘈到人任食的 ... 自家製韓式前菜 ... 兩款辣的泡菜和芽菜，兩款唔辣的昆布和蘿蔔片我鍾意微辣帶香濃麻油香的辣芽菜還有好開胃的酸蘿蔔片，夾塊酸蘿蔔及燒肉一起食無咁膩的 跟套餐的沙律 我們食團購餐，都可以用優惠價食醬油蟹 ... 梗系點一份喇!!!醬油蟹附白飯和海帶湯這隻醬油蟹是由仁川總店以特製醬油加新鮮蔬果和香料醃製兩天，空運嚟的至鍾意食蟹蓋，韓式食法是加點飯在蟹蓋將蟹膏、醬油和白飯拌勻後一起食，醬油的咸香和蟹的鮮味，好好味人蔘雞湯又是以優惠價另點的 ... 雞肉嫩滑，湯頭鮮甜，蔘味不太濃團購餐的炑八水冷麵 ... 酸酸甜甜好開胃團購餐的牛仔骨、大八爪魚、秘制雞肉、牛肋肉和護心肉 ... 每碟的份量都唔少烤爐邊有三隔，有辣椒、泡菜煎蛋和粟米芝士 ... 任食任加的烤肉同時烤蛋、煎辣椒和粟米芝士烤到蛋漿底部微微焦脆，上面的軟綿

外出食飯已成為港人慶祝某某事情的特定節目之一本人早已查看各前輩食評 炑八是眾多餐廳 食評不錯的一間因此本人大膽做出行動 團購了四人午市套餐早幾日電話預訂了11月1日12時 我們一行三大一B準時到達餐 但接待處沒人接待 於是直接推門進去 一男一女正在閒談的侍應 見到我們進來 立喊"歡迎光臨"韓語隨即安排我們入坐四人卡位 但座位燈光非常暗 於是要求調坐窗口(有自然光) 本人覺得夠光才舒適點好餐後 不專業的中年女待應就拿著蛋槳和泡菜倒在爐的圍邊"但沒開著爐"本有三格圍爐 她倒了一格蛋槳和泡菜後 就因BB不食辣 另一格只倒入蛋槳第三格呢?就空著了 套餐明明包了任食芝士粟米 我要求她加芝士粟米 她說團購不包這個 約十分鐘後 其他菜就陸續送上 送了一碟"秘制雞肉"後 這不專業女待應(一直都是她在招待) 又要取回這雞肉 但很快又送來差不多的雞肉 為何 好了! 我們自己開爐暖下爐先 先吃熟食-韓式炒年糕 微辣帶少許甜 卷狀年榚太硬 不是我口味一邊吃一邊期待其他待應既出現 終於等到另一位貌似經理的女待應出現(Causal製服一樣 只是這位女待腰間沒帶圍裙)我攞出菜單問佢 套餐明明有任食芝士 為何你

原本來9龍城打算食泰國菜，行過見到呢間韓燒75折，比他吸引左，又未食過呢間，只知太子有1間分店，但都無試，去到有幾張枱，d冷氣好鬼大，好凍，著2件衫都凍到震，他呢到d護心肉都幾好食，前菜好多，都系可以添加的，成張單折左300幾，某d野飲買1送1，下次去食要著多件衫去haha

朋友九龍城新屋入伙，又一個飲食兄弟準備收監做樓奴，而家市區買層樓真係唔講得笑，下下呎價萬萬聲，以後食好野又小一個partner !探完「監」喺附近找獵物，Search Openrice 見此店9：30後有75折，兼且合大堆人，於是投票通過！七大兩細坐喺類似包廂位置，私穩度高，見到餐牌套餐幾抵食（但無75折優惠），所以叫左兩份肉類及海鮮套餐，另外散叫左幾款海鮮，樓奴朋友癹現menu𥚃印有生日優惠，咁啱另一朋友女友人呢個禮拜生日，店員有善查核身份證後，免費送上生日優惠，包括一支人蔘清酒，一碟豬心肉，還有一碗飯後紅豆牛奶雪花冰，唔洗錢仲唔止一樣，純正香港人既我當然覺得好意外！食物新鮮，泡菜芽菜任嗌，店員有禮有笑容，抵讚，以後攪生日有多一個好食點！

 同朋友一行四人打算去試下新野，見最近流行韓式燒烤，見網上的照片，芝士栗米同KIMCHI蛋圍邊，實在好吸引，所以去試一試。因為朋友放工較遲，所以八時才入坐，到後見顧客並不多，仲有好多吉枱呢！等朋友的時候，枱面已放了KIMCHI，還可以添食的，要讚一讚，D KIMCHI好好食！！好了人齊，見有四人套餐，＄868，有豬有牛有雞，所以即管叫了個4人餐唔洗煩。食物黎到，肉類就只有這些，牛肋骨一條還未有切開，要自已剪開的，可能都係gimick 吧！舊豬腩肉咁大舊，好似好難燒，但店員強調要原條燒呢！好吧！真係有D難囉！之後有個朋友唔聽話，切開個豬腩肉一小舊，一小舊，結果搞到肉質好乾，其實D牛同豬都無調味料，入口好淡，又無肉味！牛肋骨又有根的，一D都唔吸引。好在D圍邊芝士都好香口，都好食肉的份量唔多，一人兩件好快就食晒，另外套餐包紫菜湯，石頭鍋飯，薄餅，炒年糕，講真全部都無咩特別味道，要靠枱面D麵豉醬調一調味，真係有D失望。最後都試一試呢道出名的冰，但係朱古力同綠茶都無了，於是叫了個OREO冰，但係都係不過不失。值得一提就係D侍應服務態度，經常應咗就算，每樣要求，例如添加KIMCHI，追ORDER，

Happy Friday! 梗係最岩搵好野食！原來呢間係富臨集團旗下，不過d裝修好韓國feel~兩個人自私吃 1·半強制性前菜：呢碟沙津要$20蚊，大家如果唔要可以出聲～2·二人餐豪華版：原來以為唔夠食，原來都飽死  **五花腩同埋大蝦必吃 *** 蛋，芝士，生菜都可以無限refill!（不過人太多waiter們都冇唔得閒可以成日refill)4.熔岩芝士海鮮飯： 其實麻麻，不叫也罷！Overall: 小貴，可以考慮降少少價！服務態度其實真心唔差！

六月的梅雨越下越大，連人的膽子也一同壯了。相約兩位大前輩，G先生和C小姐一起來到了位於九龍城的炑八韓燒，能得兩位指點請教，實在給足了面子，深感榮幸。富臨集團在香港的炑八韓燒弄得有聲有色，把炑八成功地打進了年青人的市場，分店幾乎遍布了港九各區，由醬油蟹到爐邊燒，都把韓燒的另一面帶進了香港。這家位於九龍城的新舖，地方偏遠了點，新開張不久亦較少人，但同樣地，寧靜、舒適寬敞便來得相當實在了。現在韓燒的品質，比起當時的學生年代，實在是好多了，饞嘴的人越來越多，有求便有供，很實在。白蘿蔔、豆芽、泡菜、木耳很特別地，她不像其他韓燒店那樣提供十多款各色各樣的前菜，而只有這四樣。但不難發現的是，這四樣幾乎都是香港人在前菜吃得最多的小吃。這樣簡而化之，反而不會造成太多的浪費，而且每一樣都做得很爽朗。作為前菜，她選擇了精而捨棄了量，抉擇很大膽。爈邊蛋／爐邊芝士點完餐後，店員已經為我們的鐵鍋添上了泡菜蛋邊和粟米芝士，待一會就已經可以開動，爐邊的熱力剛好不會熱焦了芝士和蛋的內部，一拉就是非常邪惡的芝士，最好是能免費任添，不過我們也只是加了蛋一次，否則膽固醇一定直線飆漲（其實吃不吃都飆，坐下就顧不了這麼多。）牛肉

係九龍城食晏，試傳聞好好食既熔岩炒飯，唔講甘多，即刻上去食下～中午時分，好多位剩，坐的好舒服。先叫左杯野飲降降溫。柚子蜜好清甜，唔似其他甘死甜，好👍午餐叫個燒牛肉set lunch 先～都幾好味，食得出佢既醃料好入味，唔似其他你會食到出面有味、但入面係雪藏味既情況。以$60蚊黎講係好值的～同埋佢個汁甜甜的，送飯一流👍👍炒年糕。每去每一間韓國餐廳都必叫。但正如照片一樣，顏色好淺，味道唔夠，口感ok，可以不叫！重點黎啦！！！我開頭見到，嘩，未免太多太多芝士了罷😱😱服務員會幫你倒蛋漿同撈埋一齊，但可能我期望太高，以為會咋咋聲，（好似鐵板甘😆），但竟然係無聲，太平淡了😩味道方面，唔夠熱，但芝士既味道好出，不過都真係好漏，呢個飯無餸，但要$128，其實都幾貴，或者下次去韓國試多次比較下先得。

前陣子吃過幾次令我滿意的韓燒後，竟令我有對韓燒興趣大增，今次決定試新的韓燒餐廳 - 炑八。跟其他韓燒餐廳的裝修沒有太大分別，而餐廳面積蠻大的，更有類似獨立房間讓大班朋友有私人空間。不過他們的爐跟其他店有些分別，就是旁邊一邊放滿芝士，另一邊放了蛋漿，慢慢隨著燒烤爐的熱力，蛋漿就熟了，雞蛋質感蠻滑溜，而且加有泡菜蠻惹味的，重點是無限量添加的，這個設計不錯呀。而前菜也是沒想到的竟然有一大碗沙律菜，份量十足。每次點凍飲的原因都是相同：天氣太熱，我非常需要一杯凍飲。點了菠蘿梳打，有菠蘿粒增加口感的確不錯，但如果換上新鮮菠蘿會更好，而且冰塊好像多了點。醬油蟹(連紫菜飯及海帶湯)自從吃過一次醬油蟹之後我就愛上了，每次到韓國餐廳也要點。這款醬油蟹體積不算大，蟹肉肉質嫩滑，但份量比較小。相反蟹膏則得我歡心，橙黃色的蟹膏甘香鮮甜，口感軟滑，再配上白飯同吃，鹹鮮味濃，沒有腥味，而且還有一碗熱騰騰的海帶湯，不錯。大蝦體型巨大的鮮蝦，蝦肉爽口彈牙，而且充滿蝦膏，不用點醬汁已經吃到蝦肉的鮮甜美味。牛肉雜錦拼盤每次看到牛肉總是忍不住點，不過個人覺得這碟份量對兩個人來說似乎大了一點，我們吃畢之後完全吃不下其他食物，建

晌「開飯喇」查一查，韓式餐廳接近400間，當中主打做韓燒有近1/3，無正式統計過，只喺從朋友、雜誌所聽聞，粗略估計，每個月大概有2-3間韓式餐廳新開業。近日，就同朋友嚟到九龍城嘅「炑八」嘆韓烤，喺近排擴展得幾快嘅韓烤餐廳。雖然小弟有睇吓韓劇，但對韓文一竅不通。餐牌內頁有一段文字介紹「炑八」，頗引起小弟傻笑，「炑八」（먹방）嘅韓文發音為「meokbang」，意思睇番張餐牌內頁就知，識小弟嘅朋友都知我一向撐廣東話（寫文更盡量唔會又中又英），如果以廣東話讀番嗰兩個韓文字，同「茂炳」個音幾相近，所以，今晚難得兩位朋友陪小弟依個「茂炳」嚟食韓燒，真喺賞心悅「炑」。餐廳地方頗大，枱與枱之間都幾有距離感，感覺闊落，有4人圓枱，有4人卡位，亦有可組合成嘅大長枱，人多人少嚟都可以坐埋一齊。而抽油煙喺採用上抽式，效果還算不俗，至少食完都唔會覺得一頭「煙」。因為是晚閒日，客人唔多，所以，揀坐卡位，有得挨，自在好多。蘿蔔、泡菜、大豆芽、木耳（免費）食韓國嘢，其一大特色就喺前菜，就算未點餐都一定會送上多款前菜，「炑八」都唔例外，先上嘅4款前菜，包括：大豆芽、木耳、蘿蔔片及韓式泡菜，幾款前菜都各有個性，做得唔錯，

今晚第一次幫襯，行過九龍城見新店開張，又有一碟牛笑面送，所以就試試！點了一客醬油蟹，因為見到張相好得！上菜見到勁細隻($199），份量同張相差幾倍！另外點了一客牛肋骨($218)！未試過食咁靱的牛肋骨，而且冇牛肉鮮味！價錢一D都唔值！因為份量少，再叫有牛肉石頭窩飯，味道可以！兩人食了近六百元，唔會再幫襯！

真係好心癢好想去韓國旅行~可惜暫時呢排都冇得去住, 唯有係香港食韓國菜頂下癮先啦!!!早前落九龍城搵食；突然韓燒癮起就發現【炑八韓烤】係九龍城開左新分店''*咁就入去止下韓燒癮啦~~這裡地方很寬敞又乾淨~而且仲設有好多卡位, 可以更舒適地韓燒一番!!同樣地用上韓式的抽風系統, 不會有煙包圍住及油煙味''*先來的是數款前菜, 有泡菜, 酸蘿蔔, 凍豆腐, 洋蔥等等~~除了沙律盤外, 全部前菜都可以 REFILL 的''*更有生菜可以包埋燒肉來吃!!仲發現佢地推出了新菜單, 加入了現時大熱的芝士溶岩飯''*不過今次真係韓燒癮太利害, 我們就點了烤肉餐啦~~另外仲有海鮮烤肉餐可以選擇添!!更新推出了數款特飲~~左邊的就是菠蘿特飲, 右邊的是柑桔梳打''*這就是二人份的烤肉套餐, 份量都好多好豐富''*三個人食都應該夠食丫~~~~包括：❤ 炑八牛肋骨❤ 豬皮❤ 炑八豬腩肉❤ 醬油牛仔骨❤ 大蝦❤ 特製雞肉❤ 牛臉肉❤ 炑八牛筋同樣附送邊爐泡菜蛋及粟米芝士''*這兩款配菜每次都吃很多, 而且仲可以添加的喔!!!另外特別推薦這套餐內的豬腩肉；可見燒完出黎一層肉一層肥膏, 油香充足又唔太肥膩, 好正

聽朋友介紹炑八韓烤好似幾好食 於是就抱住一試既心態去食啦一去到見無咩顧客 就先入為主以為無咩特別可能無咩人啦 就可以比我地坐係廂房咁就開始嗌野食啦 大概叫左牛肋骨 醬油蟹 多春魚等等飮品方面就叫左杯柚子檸檬梳打 都算大杯抵飲前菜就有啲泡菜開下胃口 味道都唔錯食物都算快到 大約1,2個字啦最估唔到原來有服務員幫手燒，都幾細心喎加上燒既時候個服務員又會教你一啲燒既小知識，而且態度又好，服務態度一流都因為咁，燒出黎既牛肋骨可囗好味，加上每件牛肋骨又大又多肉，食落口感都唔錯，另外周圍仲有啲芝士配料，可謂錦上添花，最後加上個宇冶金時冰沫做甜品，雖然就唔係有咩特別，但食完啲咁熱既野，有個凍野食下平衡下，都算ok la,价錢方面就$128都算可接受啦，總括黎講都算值得一食架

係九龍城行緊 咁岩附近有一間韓燒 就決定走入去食午餐一入去見到無顧客 以為自己中左伏我地坐係廂房 可以𣈱談 自己都幾鐘意嗰設計 睇完餐牌 樣樣都好想試 不過我地得三個人 就叫左兩份海鮮烤肉餐 午肋骨 泡菜芝士炒飯 自己仲嗌左杯士多啤梨梳打杯野嗰外相都算對板 個人認為比較甜 不過都值得一試食物好快就嚟到 大約10~15mins最正都係呢個烤肉餐 啲大蝦挑曬啲內臟 員工好熟手咁剝曬啲殼 仲全程幫我地剪細一件件同燒其他食物 值得一讚牛肋骨食落吾太油膩仲要大大舊無乜骨 吾曬點任何醬 夠入味! 雖然有少少貴($128) 但對於身為「牛魔王」既我當然不能錯過睇職員倒芝士嗰時已經聞到香噴噴 食落真係不得了 我自己吾係太鐘意泡菜好酸既味道cheese同泡菜相輔相成黏黏地又幾有層次宇治金時𣲙沫可以話係錦上添花 味道就無乜特別 但賣相真係一流 為今餐劃上完美句號自己實在有太多野想試 價錢尚可接受 職員一流既服務 加上無乜可以挑剔既食物 我認為算係香港較為出色既韓燒