炑八韓烤 (已結業)

本身book好嘅spa因為遊行所以被取消😤😤😤所以就去下稍為平靜嘅新世紀廣場行下街食個飯~屬於炸雞餐內嘅紫菜包飯，質素大概可以理解為贈品咁，放得入口但有好大進步空間，紫菜潮左，淋的，飯雪得太耐，有啲硬有啲似小學拎去school picnic嗰啲自家製壽司咁啦🤣點左牛面肉套餐，附贈3式前菜，泡菜做得不錯，唔好懷疑，後面嗰碟紅紅地有啲葱咁就係牛面肉😂不過又有飯又有配菜又有爐邊蛋咁，算啦，食下菜先有健康人生🤭btw好似全枱人都食燒肉餐先有粟米芝士岀奇好食嘅炸雞，已處理，無骨嘅，適合我咁嘅懶惰之人💩一如既往都要點個湯~大醬湯其實我係冇飲過嘅，意想不到嘅好飲，裡面帶有好似薯仔湯嘅澱粉感，估計係面豉帶黎嘅，湯料有蜆仔、豆腐、洋蔥、菇等，下飯一流啊❤️其實仲點左韓式炒粉絲...不過賣相太核突，冇影相，一pat咁，黏糊糊，好難食，千萬不要點!!!

位於moko mall food court入面既炑八烤肉，lunch set烤肉抵食。由5款烤肉set($88-128)，有牛/豬/雞肉，包前菜，生菜籃，白飯，無限refill爐邊蛋。而飯set($48-68)，免加一。亦可以加$10有飲品，大杯抵飲。亦有炸雞餐(半份$68/一份$128)，有原味/甜辣(?)，無骨/有骨一樣價錢，底下有薯條，亦配有一杯飲品。甜辣口味唔算辣，炸雞放左一陣先食，都依然外皮脆，而且肉唔"鞋"，仲有超級10件，抵食。點左3款烤肉set，牛五花($98)多汁，而且肉厚，易燒。黑毛豬set($98)既豬頭肉，及護心肉亦係厚，所以可以慢慢燒，唔駛成日睇火。而汁燒牛肉($88)因為牛肉係薄身，所以燒個陣要小心，不過尼個部位既肉就油脂及肉既比例一半一半左右，有豐富既牛肉脂肪味。前菜開始個陣上得好慢，而且燒肉醮既醬汁、碗、烤肉用既夾及剪刀，要問侍應先俾。食哂先記起，我地點左3個烤肉set，但只係俾左一碗白飯，二個生菜籃，不過冇特別追問侍應，因為都食飽。不過，叫侍應添前菜添爐邊蛋都好樂意，亦算快。整體，lunch食烤肉抵過dinner食。

今日嚟炑八唔係嚟燒烤，反而想去試吓食佢其他野。Order咗一份烤五花肉飯同一份年糕，再加杯荔枝梳打。五花肉嘅肉雖然有啲硬，但味道上嘅配搭幾好。年糕我覺得一般，而且價錢都唔平。反而，杯荔枝梳打幾Refreshing，可以試試~

今日，經過新世紀Moko廣場，喺food court見到有間炑八韓烤，就入去吃個午餐，叫咗兩個午餐，一個炑八牛肉拌麵，同一個牛骨清湯配紫菜飯，牛肋骨好腥，食落有漂白水浸毛巾嘅味道，直接吐咗出來！！另外，個炑八牛肉拌麵都勁難食，D面好淋，牛肉勁少，得幾條。其實勉強都算，最激氣係牛肋骨！腥到呢，好想嘔！所以諗住同侍應反映下，舉手叫人，侍應直行直過完全當我透明，侍應態度極差，又話牛肋骨味道係咁的！唔再幫襯。中伏！

炑八，聽朋友講講得多，但自己從來未幫襯過。今次終於「的」起心肝，無視熱氣，let's go! 晚上6:30的炑八，不需要等位，馬上可以入座 雖然是吃晚餐， 但不禁都要說一句:早到的鳥兒有蟲吃一入座侍應馬上奉上沙律、蔬菜、前菜。 燒烤爐亦已倒好蛋液， 隨時開爐便可以吃了。豆腐海鮮鍋， 非常好評! 看外觀以為會很辣，但卻一點也不會，味道很好。我自己都refill了幾次。拼盤內容十分豐富， 有海鮮有肉類， 豬肉厚切， 肥瘦適中因我不吃牛肉，所以牛就沒辦法給評價了。蒜泥中蝦，肉質彈牙! 好的燒烤手勢都需要有優質的食材配合。凍飲! 第二轉refill蛋液，味道太好，食完又食。甜品， 是我最喜歡的紅豆抹茶雪糕😋

好耐無行開moko，個日經開先知原來food court多左炑八嘅副線 - 炑八 Taste!😍 3個女仔又想食韓燒但又驚食唔晒，見到炑八 Taste個menu就覺得真係好fittttt👭 因為佢有唔同嘅韓燒sets，肉嘅份量睇落又啱啱好咁喎，嘻嘻啱晒少人但又想試唔同味嘅我地🤟🏼 我地嗌左2個”Taste雜錦套餐”同埋一份”一頭黑毛豬套餐”，包晒前菜、生菜同迷你沙律🥗 仲有紫菜包飯同烤五花腩肉流心蛋拌飯跟添啊🤤🤤🍙🍳 不嬲都好鍾意炑八d肉醃得好入味，聽講好似係用韓國梨汁醃過🍐🇰🇷 食落係juicy嘅，又有咬口喎🤣 好欣賞鍋邊d蛋可以無限添加，又泡菜係入面架! 芝士控上身嘅我地仲加左芝士粟米🧀🌽 再加埋飯真係超級超級超級飽肚🙈 好抵食，我地真係托住肚岀去架🤰🏻🤰🏻🤰🏻

係附近返工所以時常落黎食lunch set,午市選擇多，五十幾蚊又有前菜送，坐位亦相當闊落，好岩一大班人食飯！前菜分別有泡菜、大豆芽、韓式辣魚蛋。每一樣都非常送飯，係主菜未黎之前，先填一填肚，而且仲係免費refill添韓式拌飯呢個伴飯既份量，直頭好似要我伴送咁，大到夠兩個人分，仲有埋豬肉及牛肉係入面，加埋7款蔬菜，好內冇食過咁足料！韓式伴飯當然唔少得個辣醬，帶甜味既辣醬加入伴飯，風味十足！午市只係$58，無加一，係moko入面算係相當抵食啦！

Restaurant seemed okay. Went in with the usual black face hk attitude of service. Ordered a tofu, but when i came, it came with a hint of smelly tofu to it. The soup base was sour and something was expired, I could tell. The waiter had a taste and explained "the chef was too heavy handed when adding the flavour".. Clearly a lie as the Waiter said to order something else rather than the chef will cook it again. Other than that, the rice in the stone pot was soggy also.. bad became worse.

約咗閨蜜飯聚，但得兩個都唔知食得乜，於是決定去美食廣場貪佢夠多選擇，兜咗個圈見呢間個餐牌有慢煮西冷牛肉拌飯於是就揀佢試吓餐牌坐低後我同朋友各自叫了韓式鰻魚拌飯及慢煮西冷牛肉拌飯慢煮西冷牛肉拌飯鰻魚肉厚肥美滿佈脂香，魚身燒得焦香配埋鰻魚汁食非常好味，入口溶化，再將溫泉蛋搗爛 混和飯及鰻魚汁一起食，蛋的香滑及鰻魚汁的甜美再夾一口鰻魚肉食落好有層次煮西冷牛肉拌飯落單時侍應好貼心提醒牛肉是慢煮只有三成熟，我話無問題，上枱時牛肉粉嫩嫩的頗生吓，介意食生肉的勿試，牛肉入口無羶味，夠淋滑，可能是西冷關喺，始終有筋有渣

炑八既lunch同下午茶抵食就一直都知, 不過夜晚就相對貴好多, 而咁岩聽講呢間係平價韓燒line, 行過見到晚市都沿用lunch餐牌, 最平$48有飯卷/拌飯, 包任添前菜泡菜, 飲品都係加$6,就一試啦。因為只有兩個人, 而最低消費要$180先可以開爐韓燒, 所以今次就隨便食2個飯就算, 要左1個人參雞湯配飯($82), 同牛油果烤肉拌飯($52)。前菜有3款, 泡菜無酸味, 魚蛋帶少辣, 芽菜偏淡, 不過個人鐘意食韓式前菜, 所以都refill左一次等左15-20分鐘人參雞就上枱, 睇個色水已經覺得唔對路, 湯底飲落似清雞湯, 非常健康因為好淡, 完全無人參味, 原隻春雞入面有少許燸米同紅棗, 不過成煲都係無味既,好失望。另外拌飯就相對好樣, 味道都唔錯, 有麻油既香, 上面既配菜都幾多, 唯一不足係牛油果唔夠熟, 唔夠香, 不過相比人參雞, 呢個份量多得黎又好味。雖然人參雞真係做得好差, 不過拌飯幫佢拉番少少分數, 而似乎燒肉價位都唔高, 下次會試燒肉同拌飯就算

沒想到LUNCH TIME也能吃烤肉旺角MOKO的Food Court內，原來有炑八！！好味嘅烤肉店❤牛油果烤牛肉拌飯牛油果牛肉拌飯真的不得了，很足量，將溫泉蛋和牛肉蘿白紫菜碎拌勻，而且牛油果為拌飯加入一份清新口感，味道一流。酸甜解渴嘅士多啤梨梳打，好喝～！保留炑八的「傳統」，每枱的前菜和爐邊蛋都任食！加左$25加芝士粟米。牛肉～肉質軟嫩，醃得十分入味吖～十分滿意及滿足的一頓午餐！

今次點了春川炸雞，炑八牛肋骨煲配飯，雪濃牛骨配飯~坐下十分鐘侍應才有空理會我們，幫我們拿水，給我們上了這三個可以無限添加的小菜。分別是荳芽，泡菜和魚餅，味道正正常常啦，魚餅最好味，值得一讚是口感彈牙，有點甜甜的，大大塊，不會吝嗇份量。熱騰騰的好像很吸引呢，不過牛肋骨份量不多，只有三塊左右，唯味道不錯，牛肋骨肥瘦適中，醬汁不會過鹹，不過欠了些韓式風味，像一般燉排骨而已，裡面的白蘿蔔也挺清甜。至於白飯，上面灑了些紫菜碎，吃得出不是韓國米，只是普通白飯，沒有嚼勁，而且感覺像隔夜飯，是翻叮過的，少了種飯香味。這湯嘗起來像蘿蔔湯，有清甜蘿蔔香味。但，作為濃牛骨湯，喝不出一點牛骨味，是不合格的。如果餐牌寫的是蘿蔔湯的話，它就很ok啦哈哈哈湯裡頭放了許多葱，卻沒有葱味🤣牛骨份量一樣很少，只有三塊，而且很少肉，但裡面的牛筋不錯，軟腍。 白飯跟剛才一樣啦，不好吃的白飯。之前去韓國吃過橋村炸雞，簡直翻唔到轉頭。但在香港嘛，要求不能太高～炸雞略油膩，炸粉厚，雞肉不嫩，有些老。炸雞的調味粉是牛油蜜糖味，有點甜甜的，其實味道入口也不會太差，只是真的油了點，炸粉厚了些。薯條不夠香脆熱辣辣，偏軟身，份量幾多，而且薯

好耐無試過烤肉啦 好開心!!好彩等一陣就有位呢 耐唔耐係要滿足下烤肉癮呢~今次我地叫左三樣野食再加野飲落完野食坐低一陣 已經上左沙律同小菜仲有爐邊既泡菜蛋同芝士粟米食完仲可以叫侍應過嚟再fill㗎因為怕厚個隻燒太耐難控制時間所以點左薄切五花肉~唔錯唔錯!之後再上TASTE 雜錦拼又有護心肉又有牛臉肉岩曬想試下唔同肉既食客最後叫多個熟食烤豬肉流心蛋飯食完都好飽呀價錢又合理呢~雖然餐廳都有提供醬汁點野食 不過食物本身都好夠味就咁燒完就食得啦~

-雪濃湯😍（두부설렁탕）（$58）估唔到用咁嘅價錢可以食到雪濃湯，依個雪濃湯 有成3舊牛骨😍，仲有蘿蔔，軟骨😋，個湯底係奶白色，牛味十分濃郁，而且肉質軟腍，而且仲附上一大碗白飯🍚最正係仲會附送伴菜：魚糕🍢，芽菜😍，泡菜☺️-炒八爪魚飯🐙（매콤문어비빔밥）（$38）依個炒八爪魚飯係微辣的🌶，因為有秘製韓式的辣醬和配菜 加八爪魚香炒的，仲有個溫泉蛋😍越食越開胃😋最正係仲會附送伴菜：魚糕🍢，芽菜😍，泡菜☺️-想用平價食雪濃湯😋和 炒八爪魚飯🐙就去moko新世紀廣場食啦😍 個優惠去到 5月20日就完啦😆-

之前睇到ulifestyle定presslogic嗰d話炑八有個好抵$98嘅韓烤套餐，於是星期六晏晝黎左同男朋友食，不過最後覺得menu太吸引，叫左其他野食😂😂我地叫左個$128嘅韓烤set A，可以揀兩款肉同一個飯，另外加$8有杯飲品。蛋可以無限加添。因為兩個人都好大食，驚唔夠食，就叫多左個雪農湯，跟飯，有牛骨同牛筯。順帶一提，佢喺韓國算係湯飯嘅一種，要撈埋飯食的。我本身其實怕太湯嘅肉湯，呢個就幾好，夠鮮。總括而言，炑八份量一般啦，但質素係高嘅，好好食，所以都抵食，推介🤗