影片
港鐵康城站 C1 出口, 步行約1分鐘
繼續閱讀
營業時間
*最後落單時間: 21:30
星期一至日
11:30 - 22:00
以上資料只供參考, 請與餐廳確認詳情
食家推介
今日去左康城呢邊唔算好多餐廳大多係連鎖店難怪俾人叫美食沙漠最後揀左《炙宴》食日本野價錢合理選擇都幾多我地揀左幸せの二重丼每個餐都有兩款主食好豐富而且好適合我呢啲三心兩意嘅人🤭宮崎和牛丼配熱烏冬雖然有兩款主食但每款個份量都唔會特別少👍宮崎和牛果然美味又香又軟🤤醬汁甜甜地好好送飯沖繩豬肉煎餃皮薄新鮮熱辣入面仲有肉汁咋👍角切魚生飯配冷烏冬非常適合夏天食成個套餐都好清爽其實連鎖店所以成為連鎖店都有⼀定實力嘅喺康城想食好啲炙宴會係好選擇！
繼續閱讀
同大少入康城上堂，咁難得入康城就當然要睇下有咩好餐廳，行過先俾佢地門口嘅飛天豬吸引，然後見到個「幸せの二重丼」定食覺得又幾吸引，所以就決定入去食個日式雙重味覺餐。「幸せの二重丼」定食就即係一個定食有丼飯同烏冬兩款主食，而且仲有埋沙律、味噌湯、沖繩豬肉煎餃、甜品同埋飲品，夠豐富得嚟價錢都唔貴，絕對係性價比高之選。大少就叫左個 宮崎和牛丼 配 烏冬，宮崎和牛肉片厚薄均勻，而且燒得好香口， 入口夠腍身之餘仲好重牛味，配埋甜甜地嘅燒肉醬汁，真係送飯一流。另一個主食清清地唔會太鹹嘅鰹魚昆布湯，再加埋彈牙嘅烏冬，真係唔錯哦。我就來一客 角切魚生丼配冷烏冬，雖然係角切魚生，但材料都好新鮮，三文魚、吞拿魚、帶子、三文魚籽、青瓜粒及玉子，賣相十分吸引。而配搭嘅冷烏冬入口煙靭，所以話絕對係夏日必食之選。另外，配菜嘅味噌湯、沖繩豬肉煎餃同埋黃豆粉蕨餅都冇閃失，好味又啱我口味。
繼續閱讀
我地幫襯過好多次，尤其鍾意食佢既和牛丼。今晚好想食和牛丼，叫老公買外賣返嚟，但今次經驗非常失望😞。開蓋時唔覺有咩問題，食食下就發現佢唔係以前一塊塊既和牛，變左一條條既牛柳c? 個汁同之前味道都完全唔一樣，好唔開心？ 好嬲點解一間和食餐廳好味既「和牛丼」變左一碗好似茶記出既劣質牛柳c飯？我唔知道佢係做生意唔老實定點？ 如果佢係賣晒或者冇晒和牛既，就應該老實同客人講咯！ 唔係係度混水摸魚？ 為左賺錢，攞 d頭頭尾尾剩餘既低品質食物比客人實屬不智？ 仲要係「昆」我地呢d 常客街坊🤬？
繼續閱讀
平日都叫開佢地個燒豚肉飯，今次試下佢地推出幸福2重DON既定食，價錢由$98至$158不等～🍱先介紹下我地叫佐個定食。我地叫佐月見豬腩肉及黑咖哩炸雞芝士飯以及角切魚生飯～🍤🍗首先係月見豬腩肉及黑咖哩炸雞芝士飯，🍲講真一碗飯已經係好飽，何況係兩碗飯，仲包埋沙律、味噌湯、餃子、生雞蛋、野飲同同甜品，超級豐富～之前未試過黑咖喱，味道同平時黃色嘅咖哩差唔多，而月見豬腩肉同平時食嘅燒豚肉一樣咁好味～至於角切魚生飯，🍣魚生都新鮮嘅，而家好足料。店員比我地改有湯烏冬～烏冬感覺煙靭～感覺好食過魚生飯添🙉
繼續閱讀
呢間日式丼飯專門店最近出咗「#幸せの二重丼」定食，一個定食可以食到兩款主食，有丼飯同烏冬，仲包埋沙律、味噌湯、餃子、甜品同飲品，夠晒豐富價錢只係由$98起，最貴嗰款先$158，百幾蚊食到宮崎和牛 CP值好高✨宮崎和牛丼 配 烏冬(熱)宮崎和牛燒得香口，油脂豐富入口即溶配埋甜甜地嘅燒肉醬汁，送飯一流日本米飯口感黏糯好好食，果然係丼飯專門店👍🏻烏冬食落滑溜，鰹魚昆布湯底清淡唔會太鹹✨角切魚生飯 配 烏冬(凍)天氣熱想食啲凍嘢揀呢個定食就啱晒角切魚生飯色彩繽紛賣相好靚而且好足料，有齊三文魚、吞拿魚、帆立貝、三文魚籽、玉子同青瓜帶點微溫醋飯酸度啱啱好，好開胃凍烏冬食落口感煙韌
繼續閱讀