炙和味日本料理 (悅來坊) (已結業)

朋友生日 就決定食放題同佢慶祝見呢間新開 我地又未試過 就試試佢都幾多人呀 好彩book左位～刺身 正正常常 但啲蝦唔太推薦 鮑魚片好食我同朋友都覺得灸燒壽司唔錯的 大家可以點黎試下～炸榴連炸彈真係次次放題都叫 好味呀😹滿滿榴槤餡不過佢啲芝士年糕就一般 無其他果啲咁好食 無咁多芝士 唔知係咪來貨唔同公司呢😹甜品有榴槤糯米糍 幾好食 食左4-5粒😍佢仲有啲自家製特色飲品 同朋友試咗幾款 都一般🥲椰汁斑蘭算ok,大家都可以試下

屋企人突然想食日本野，臨時搵到呢間，睇食評和相片覺得幾好，所以走去試一次，環境雖然有點舊，但衛生情況理想，食物和飲品種類多，120分鐘唔夠時間選擇😂，食物好食，上菜快，店員服務態度良好，值得一試👍🏻

今天去悅來酒店的炙和味食午市放題12點到3點，連埋加1每位294元。飲品有荔枝西柚梳打，藍色夢幻梳打，火龍果梳打，黑糖天珠奶茶。荔枝西柚梳打比較好飲，其他就打卡一流，味道奇奇怪怪。←_←壽司刺身款式多，味道不錯，很新鮮。喜歡有個芝士蟹柳壽司，很好吃。炸物也不錯，現炸很脆口，有個什麼炸的波波入口即溶。還有不同口味的拉麵烏冬炒飯等，本來想試海鮮鍋，可惜吃得太飽了(๑‾᷅^‾᷅๑) 。最喜歡蟹蓋，炸蝦天婦羅，芝士扇貝。還叫了鰻魚，清酒煮蜆，都不錯。感覺他們的海鮮都挺新鮮。上菜非常快，就是服務員非常忙碌，有時都找不到人。環境也不錯，值得再來一次。

今次係第二次嚟灸和味食日式放題，上一次已經係五月嘅時候，今次加咗少少價同埋因為係七點後食所以係$298+10%。呢度嘅主打刺身的確唔錯我哋叫咗拖羅、八爪魚、帶子、馬刀貝、甜蝦、鮑魚片等等，佢哋嘅刺身好新鮮同埋都好厚切所以上次食過之後都想返嚟再食過。之後仲叫咗南瓜、番薯、蟹柳天婦羅，再叫埋燒牛脷、羊扒，特別推薦呢度嘅海膽帶子壽司，啲帶子非常厚肉好好味，另外一個推介就係燒雞泡魚乾暖暖地又幾香好好味！佢哋有好多飲品選擇，可以揀珍珠奶茶、爆珠特飲或者係椰青水，仲可以揀一款Häagen-Dazs或者係movenpick嘅雪糕，性價比不錯！

行過悅來坊見到有新野-日式放題，興起就試下，日式放題緊係試刺身先啦，我就覺得刺身麻麻地，雪都未溶就比客人食，刺身蝦就唔建議食，帶子就可以，反而燒烤串燒同天婦羅又不錯，羊架都不錯，可以試下，前菜冷盤都夠份量，如叫拉麵烏冬類別，就要唸清楚，堅係一大碗份量，唔好唸住放題比一小碗，叫左就飽晒唔洗食其他，但味道都ok.大致都不錯，惟刺身真係好失望，如改善下質量，就真係大件夾低食，就無乜漏單，三佰幾蚊一個人，都接受到

📍 炙和味日本料理 (悅來坊) (荃灣)荃灣荃華街3號悅來坊地庫B119A號舖👀琴日同fd慶祝生日，就穩左呢間放題食，開頭睇距open rice見距選擇眾多，所以就呢間！D staff嘅服務態度幾好😆野食方面都ok多野食，好多特飲個d，但係食物質素就一般般，刺身中規中矩，壽司有d係好食，但唔明點解個飯係暖嘅，有d奇怪😂炸物都ok好食！同埋甜品都多，不過甜品味道都係中規中矩，整體黎講就期望過高🤣🤣🤣

中午同朋友係荃灣搵食，黎到呢間店內環境唔錯的日式餐廳。豬軟骨拉麵🍜豬骨湯味濃，但比較鹹，餸菜方面嘅配料比較豐富，豬軟骨非常稔，所以好入味，同埋沙律份量合適，仲有兩個卷，我覺得一個人吃已經好飽。三文魚炒飯呢個就一般般啦，炒飯上到枱不是熱辣辣的感覺，算是微溫，飯上面都幾多蟹子，而炒飯入面三文魚份量比例適中，有粟米粒，感覺就比較港式啦，味道都可以接受。配菜有一小份沙律菜同一碗仔麵豉湯，味道都係正正常常咁。

荃灣區這間第1次吃.食材好驚喜最值得刺身件件超厚鮮帶子、油甘魚、三文魚、阿根廷紅蝦、大甜蝦、吞拿魚、北寄貝、馬刀貝、希靈魚……大甜蝦真的很鮮甜.而且真大件。阿根廷紅蝦大隻粗身.蝦頭膏比較多。論鮮甜大甜蝦勝！天婦羅都很大件.多春魚原條炸海膽壽司和手卷也是任食的唯一問題紫菜不夠脆身.所以不建議選手卷。比較喜歡三文魚籽壽司,火灸蝶魚壽司，火灸帶子壽司，火灸三文魚壽司，海膽壽司炸榴槤波波必吃.外脆內軟年糕包著榴槤非常好味！沒有肥膩感。燒羊架好吃，但特別在燒全熟，但口感仍軟臥不乾醃得很入味。串燒雞軟骨都香脆爽口喜歡。燒牛舌水準不穩定.第1次軟臥好吃；第2次就太乾咬不開吉列廣島蠔顏色比較深.味道無問題。焗蟹蓋普通可以不試芝麻雞翼正常燒雞泡魚乾是非常好吃.追加了5次最難得這放題有很多不同酒生啤最為難忘.值得一飲泡泡豐盛.酒有花香味道特飲火龍果不錯有爆珠珠班蘭椰汁都特別清新每人最後可以選1個H字雪條或M字雪糕。而且食足2個小時比較舒服。

朋友話好耐冇食放題...咁就上openrice度搵下荃灣有咩新放題...咁就搵到炙和味...假日$308加一...唔算平...但勝在即日book位都仲位~第一轉當然叫左刺身先喇~餐廳出食物速度都算快~剌身種類都算多，而且新鮮，冇結冰既...壽司方面..可能當晚都算滿座...煮唔切飯~D壽司飯有D暖...款式都算多~手卷得3款...但味道尚可~前菜同沙律果D都係一般,,,天婦羅炸粉唔會太厚...不過炸蝦就有D假...因為太爽口....串燒食完先醒起冇影相...味道唔錯錯...唔會太鹹...料理都幾多選擇...不過我地就冇試晒...比較特別係清酒煮蜆變成清酒豉油汁...幾得意...總括黎講...用平日價錢黎食應該會開心D...

今日同朋友一齊去食日式放題晚餐，去到時不需要等位就可以入座。我們首先叫了一些刺身，一些料理，一些天婦羅。餐廳出食物速度非常快，我們叫了不久就已經有得食。剌身種類都算多，而且新鮮，味道鮮甜。料理都有幾多選擇，如燒牛舌同雞軟骨都有得叫。味道調得不錯，不會太鹹。天婦羅有多春魚，又有蟹柳。炸粉不會太厚，令到口感更佳，因為沒有太厚的粉包裹食物，可以突出食物的口感。我們還叫了火炙壽司和手卷，火炙壽司燒過後，魚的油香味得以散發，而且由於出餐速度快，壽司仍有餘温。整體而言，味道不錯，而且出餐快。120分鐘放題食得非常飽，而且價錢都合理。

終於可以四人一枱啦😁😁，🤴🏻就約咗佢兩個同事Miss L 、Mr P連同我去食日式放題，依間日式食肆有分兩款，可以選擇食拉麵🍜套餐或者食放題，🤴🏻試過拉麵🍜唔錯！☺️☺️用QR code落單操作起嚟好簡單，款式選擇多🤗🤗同其他日式放題餐廳款式差不多，不過喺熊貓酒店位置比較偏僻冇咁多人，食完仲可以喺商場行一陣方便消化😆😆魚生方面三文魚同希靈魚都幾新鮮，拖羅好瘦唔好叫😕😕，鍾意佢壽司🍣唔會做到好大舊咁易飽😁😁炸物🍤做得唔錯款式又多，牛仔骨燒得好靚好好食😋😋叫咗幾杯特飲🥂，火龍果特飲比較好飲，其他都好一般般！😅😅今次食飯都係其次，能夠四人一枱食飯先至係重點😛😛，先夠開心🥳🥳

終於開返晚市，響OpenRice見到荃灣悅來坊開咗間新嘅日式放題就諗住去試吓，喺門口見到佢間鋪唔係好大，個樣有少少伏不過book咗就入去試吓啦！呢度係用QR code點餐嘅，晚市如果六點前入座每位係$268再加一，佢哋都有好多唔同嘅選擇包括刺身，壽司手卷，一品料理，拉麵烏冬，天婦羅，甜品等等。我哋一開始點咗唔同嘅刺身包括有三文魚、油甘魚、黃金螺、魷魚、北寄貝、馬刀貝，甜蝦同帶子等等….佢哋嘅刺身一上枱都非常之澎湃，而且魚生都好厚切，帶子亦都好鮮甜同埋厚肉。佢哋嘅飲品除咗一般嘅汽水之外，仲可以有其他特色飲品包括珍珠奶茶、番石榴汁、柚子梳打同咸檸七，仲包每人一款雪糕我哋就叫咗紅豆同芒果味嘅Häagen-Dazs，總括嚟講你呢個價錢啲食物嘅質素的確唔錯應該可以會再返嚟食😋

荃灣panda hotel mall 內日式放題新鮮中拖羅油金魚亞根廷紅蝦泰式蝦刺身炸物燒物多特飲品選擇，食物中規中矩，我覺得呢間好食，整體來講質數好舒服😀👍🏻

在疫情肆虐下，又冇晚市堂食，又只可二人一枱，食肆做生意真不易。這店新開張不久，有放題，也有定食，我哋一家四口分了兩枱試下定食。我叫了牛肉鍋，這個等左足足30分鐘才上枱。一看個鍋，感覺足料，湯色淡，但味道剛剛好，我個人認為好過鹹或太甜。 分了兩片肥牛予仔，但鍋亦有不少的肥牛。菜當然不少，但夠淋及入味。不過湯可能唔夠熱，隻蛋水汪汪，用湯淋極都一點不變。最後我放入飯撈罷了。阿仔叫了吉列豬扒拉麵，佢話麵粉皮不算太厚，但肉略略鞋一點。拉麵餐還有小碟沙律、兩件三文魚壽司，份量一定飽足。還叫了魚生飯，感覺很一般，本身一般質素的食店都會切頭切尾的魚生做這飯，但這裡的魚生粒真的很多根，口感麻麻。我哋加了其他壽司，雖然抵，但味道都一般。特別是飯粒，真的「粒粒」，亦不感醋味。老實說，純粹定食，還算僅僅合格。放題就不會試了。

星期六日及公眾假期$258一位，兩小時用餐。上菜速度算快，有漏單，店員會幫你換碟。部份刺身解凍時間不夠，令刺身很冰硬，其中馬刀貝和甜蝦值得一試。香芒加州卷，芒果新鮮；芝士鰻魚捲，鰻魚冇腥味；海膽帶子卷，只有很少海膽；枝豆煮得過熟，爆開了。三文魚籽炒飯，味道較淡，但夠熱。金菇肥牛卷，牛味甚濃。芝麻雞翼，香脆可口，唔覺油膩。燒鰻魚，鰻魚很腥；燒牛舌，牛舌很羶。飲品種類繁多，除了有冰櫃的汽水、樽裝飲品、啤酒外，還有手機落單的梅酒、特飲梳打等每台以人頭計算，可以選haagen dazs，dryer或movenpick雪糕或雪條一次。