炯記餐室

營業中

休息中

琴日下晝大約十二點半，左右同屋企人兩個人去食嘢，屋企人自助斟水放多咗隻杯喺枱跟住有位帶眼鏡著黑衫既所謂經理：佢問我要唔要個杯態度極差，如果你唔要嘅話自己執反好啦，其實客人係去食嘢嘅，你間舖頭啲人倒返轉頭叫客人自己執返好啲用具，其實係咪有問題呢？同佢理論，佢仲大大聲鬧我，依間長沙灣炯記可以咁樣對待之客人，你個經理仲態度好差同我地講：五要就自己執左佢啦！自己既嘢咁樣講嘢下？不如我做埋你鋪頭既嘢？甘你岀反份糧比我啦！個店鋪經理仲罵我無理取鬧叫我吾滿意就吾好黎幫襯佢已經唔係第一次！亦都唔係淨係鬧我仲有試過鬧過其他客人仲有前幾個月我家人手機壞左叫個經理落單佢仲大大聲：話做緊嘢丫 等陣啦跟住等等等等再叫佢落單佢仲惡過我地做客人既？佢都吾系第一次””大家留意下，帶眼鏡，黑衫黑褲個位員工囉

鋪頭門口掛着特價下午茶廣告,但進店後卻沒有此優惠,這樣的營銷手法實在欠缺誠信。食物雖然也只屬一般水準,但服務態度更讓人失望。作為消費者,我們理應得到值得的消費體驗,可惜這家店無法滿足我的需求。下次我恐怕不會再光顧。😡

網上下單要求左多士烘底返到屋企食左少少先發現無烘影左相，我都知我食左半，只打算要求退返一蚊比我。去到店員話比左圖片師傅睇，答我‘已經烘左'我覺得非常莫名奇妙，因為我之前都食過烘底嘅三文治，完全唔係咁唔知好嬲定好笑

平時好小打食評 但為左唔好有更加多人中伏 決定都要出聲 入面有位著便服既女店員態度真係其差 事源係我scan完個qr code睇緊menu 見到前面有位 就問可唔可以調上去 因為我冇架車仔我原本既位置係會擋住條通道 當時服務員叫我拎埋個qr code過去佢話佢電腦掛我轉枱 我就理解為係用反同一個code我就無重新scan個code 繼續喺嗰個頁面下單 點知食物上枱時去左舊有位置時 嗰位便服女職員就發爛渣話要重新scan過張qr code 下單 首先我作為客人我唔會知你公司操作 何況只係好小事 都不解點解可以燥客人底？上餐後份海蜇味道好奇怪懷疑變質 就請店員試試 我已經細細聲講 點知佢又一次大大聲 喺度話自己食物無問題 佢地d海蜇係禁 其實冷盤變質 食左係會肚痛 做飲食可以做到禁求其不負責任 我真係大開眼界 食物味道又普通 出名手撕雞都係唔好食平時經過都無諗住食 嗰日純粹好肚餓求其揀 點知就伏左諗住拿拿臨食晒就走 期間都可以有小插曲見到有位女士入店想叫外賣 佢問嗰位便服女店員有無xxx餐 女客人見店員無應再問一次 點知嗰位便服女店員好大聲話：你見唔見到我忙緊呀？我忙緊點答你呀 係禁問

燒鵝沒有肉,只得肥膏,鵝皮,骨..開頭以為淨係一兩件係咁！點知全碟8成燒鵝都係咁..將心比己,如果要切燒鵝比自己食,都唔會切到咁啦..五十蚊個餐,得個白飯係ok..嚴重差劣！工作態度極差！求其到咁！聞所未聞！諗住同侍應講聲,佢會幫我解決,本來佢換返碟正常比我,咁我就算喇..點知佢居然,佢拎返4粒肉碎比我！真係頂！即係叫我食廚餘？真係好嘔心呀！個乞衣咩！係咪玩野呀！點食呀！真係唔明點解,個廚房切肉嗰個,唔覺得咁樣係有問題..做侍應拎返幾粒肉粒出嚟,嗰個又唔覺得有問題..係咪真係返工返到冇知覺呢？定係工作太悠閒發緊夢？嘔心到咁..真係哽唔落囉..完全感覺到自己不被尊重！我不是客人,我只係閒人..明明上網見到D相,燒味係好靚..先上去試試..但現實變成食廚餘嘅感覺..以後不會幫襯！未必係呢間公司老闆嘅問題,而係員工服務態度差劣！工作態度差劣！一D同理心都冇,點做服務行業呀！一間店舖租咁貴,請你呢班垃圾..連咁簡單嘅工作都做唔好..真係無言..

現時餐廳已經不需要人手下單，私人落單按錯熱檸茶，未上台想改回凍檸茶，女服務員竟說收正價，態度極不友善，店員態度根本不差你一台客（真實），餐廳味道不是特別，鵝油撈麵也不健康，所以香港宜家食野都已經流水化，沒什麼特色，服務態度極差，究竟如何孕育出如此餐廳巨獸利申:本人一共去兩次，最近係因為無位所以逼住去，本人亦無態度不佳，兩公婆只想食完走人

炯記冰室長沙灣門口好細，入邊座位同枱都係白色，睇落乾淨企理，叫咗叉燒蛋包飯同麻辣手撕雞撈出前一丁，兩杯凍檸茶，麻辣手撕雞算係辣，出前一丁正常，有一pack薑蔥喺度，叉燒蛋包飯個蛋係冇味，啲汁都唔夠味，叉燒普普通通，份量唔少， $48算好平

裝修幾靚，高級茶餐廳，但係衛生希望可以再提高少少，又或者係太忙，但係辦法總比困難多。黎個鹽焗手撕鷄飯先！53蚊加配送靚湯，手撕鷄肉好滑，好香麻油味，咸香，如果可以加d芫荽同多d青瓜仔就好了，不過餐廳有自己既烹飪方式啦，我自己口味漬，不過手撕鷄係要推薦既，好餸飯，靚湯都好好飲。係！唔記得叫少d芝麻，唔中意芝麻！

一坐低，店員收左上手份餐，不過冇抹枱。唔係太污糟都可以忍🙄不過該店衛生意識極低🙈老公晚餐叫左麻辣手撕雞飯及小食海蜇，我就叫左腸粉。老公每樣食咗兩啖，之後店員話出錯餐，出左半隻手撕雞。本來出於好心，想加錢要左碟手斯雞，點知話半隻手斯雞係冇餐。如要就當散叫（散叫半隻手撕雞 $68)，要逐樣加錢（飯、飲品及小食），好似想呃人錢咁。😑😑最終食過既手斯雞，番左廚房，之後點處理就唔知😰😰😰😰手撕雞 。一般海蜇 。勁腥，有after腥👎🏻👎🏻腸粉 。滑，有彈性👍🏻雖然價錢平，但味道一般，服務一般，冇下次。

晚餐嚟食飯叫左燒味雙拼例牌(轉雞脾)$98上錯燒味雙拼飯，叫侍應退返再上結果個廚師只係走左飯(叉燒重有飯粒)，份量完全無加過，但燒味例牌係貴$35架…明呃錢…冇咗飯同湯反而仲貴咗？！要求半肥瘦叉，結果俾全瘦…聽到佢地同廚房傾計，話唔夠叉燒…其實無嘅咪出聲同客傾下囉，唔係求其出啲野俾個客就算數野食味道偏重口味，無咩特別我哋坐低嘅時間係8:30pm, 但係餐牌上大部分嘅燒味已經冇得7788聽到侍應不停同其他客人講冇呢樣冇嗰樣，可唔可以轉其他嘢聽到出餐俾其他外賣客又漏老火湯，好彩個客留意到。另一個客就落咗單，等咗陣，先講話冇個味餸成間餐廳亂過鬼…

元州商場都幾多野食，是日揀左黎炯記食，見佢環境幾好野食又啱食。雖然係食手撕雞、叉燒、燒鴨等燒味野，但店內高樓底，木紋系裝修，感覺幾時尚😆餐牌有午餐、下午茶或多人套餐揀，睇黎睇去覺得二人餐最抵，咩都有啲可試多幾樣野食。落完單，五分鐘內啲野食已經齊晒，勁高效率😆⭐老火湯紅蘿蔔節瓜豬骨湯，清甜唔油，上枱時仲係熱辣辣，正。⭐麻辣雞腎爽脆有口感，少少辣幾惹味。⭐酸辣雲耳酸酸地好開胃🤤⭐麻辣手撕雞叫了多芝麻都覺得唔係好多芝麻咋喎😆哈哈，手撕雞幾鮮味，雞肉嫩滑，開頭唔覺，但越食越辣，夠刺激正呀！⭐冬菇豬手冬菇同豬手都炆得入味，冬菇吸滿醬汁好甜美，豬手咬落彈牙，好有骨膠原嘅感覺😆⭐郊外油菜加了鵝油的菜心更甜美👍⭐鵝油撈麵麵條有咬口，鵝油香口不膩，越食越好味👍⭐凍檸茶 & 雙檸七跟餐叫凍飲或特飲都唔使加錢，好抵呀。個餐係$198就實收$198，無其他雜費或加一，好味又飽肚，勁抵食🤤

餐廳環境似乎花了一些心思，粉色系牆身配白色枱，坐得鬆動、舒適，與其他茶餐廳好不同。🪿🐖🍜 煙燻燒鵝拼燒腩仔撈麵 (HK$72)．粗麵彈牙爽口，撈入荔枝柴燒鵝油和秘製豉油，每一口都是滿滿鵝香味道，幸好鵝油是動物油中比較健康因為熔點低和富含不飽和脂肪酸，所以食咗無咁大罪惡感🤭．燒腩仔有看得見的5層肥和肉，味道不錯，唯獨皮唔夠脆，涼咗所以腍咗．燒鵝，除咗面頭一件啖啖肉，好好味之外，其他都比較多肥多骨，無肉好食，有啲失望😞．奉送老火靚湯一碗，味道可以🍵 蕃石榴四季春烏龍茶 (跟餐 +$10)．店員很好，心知我想飲熱的，佢話呢款可以轉熱飲，少甜，味道不錯👌🏻

上次食過一次炯記 ，一直念念不忘✨難得又去開長沙灣，一於再encore‼️除咗長沙灣，北角同埋荃灣都有分店㗎。長沙灣分店裝修有啲似Cafe，簡潔明亮又乾淨👍🏻呢度主打有手撕雞/燒味，仲有鵝油撈麵，選擇都幾多㗎，仲好抵食😋先嚟一個鹽焗手撕雞拼腸粉，雞肉好滑，而且好入味，小食嚟講份量都幾多，女仔可能一份都已經食飽咗，最好同人開心share🥢除咗鹽焗，另外仲有麻辣揀㗎☺️鵝油撈粗都係呢度嘅招牌，味道好香濃，而且麵質好有彈性。自選雙拼揀咗切腩同冬菇，切腩即係牛腩，質地軟稔，同冬菇一樣都係主導好入味。朋友點咗個叉燒燒鴨飯，叉燒好鬆化，而燒鴨層皮脆脆地，勁香。整體成餐都好正啊，連埋兩杯飲品，加埋都係百幾蚊咋，超抵😆

炯記自選雙拼，🥰可以自己選擇真係好方便，而且雙拼一次過可以試兩款餸，🫶🏻更加有不同嘅滋味。嚟到當然要試下佢哋招牌嘅鵝油撈麵。.個麵好有光澤，🍜配上鵝油同醬汁，唔會太油膩。食起身粗身麵彈牙，好香口。😚我覺得會比幼麵更加好食，因為煙煙韌韌有口感。.豬手好厚，🐷好軟熟，食起身骨膠原非常豐富。切腩帶有肥的油脂，又唔會太過heavy，🐮食肉獸牛魔王最愛。惹味沙姜雞(半），🐥醬汁鹹香，沙薑味濃厚。

中秋食過荃灣果間念念不忘今日嚟到長沙灣見到有又入去食2人餐同荃灣分店有d唔一樣呢度多左雙拼燒味主食多左瀨粉老火湯無味精飲完唔口渴今次都係叫鹽焗手撕雞～朋友唔食得太辣冬菇可能賣晒～加多左件豬手大大舊～滿滿骨膠原呢間豬手偏向有咬口經過上次經驗驚食唔晒要左一碗鵝油撈麵兩份一碗飯（最後飯要打包太飽）菜呢邊有生菜菜芯揀麻辣雞腎辣得好過癮爽口彈牙呢邊酸辣雲耳相對無咁辣呢邊特飲多過荃灣店叫左杯菠蘿四季春烏龍茶少甜少冰蕃石榴四季春烏龍茶少甜少冰兩杯都係酸酸甜甜～茶味濃兩個女仔食2人餐記得帶盒打包上次兩公婆食都可以清碟細食人士可以3個人食再加小食