炳記牛牛 (已結業)

呢間野我都去過兩三次，每次見我飯都唔同，今次就叫做啲巴汁雞片焗飯，我都唔明點解要巴汁。再加杯凍奶茶。啲飯就唔係好大碟，啲巴汁比較鹹，試落明顯係白汁溝都唔知啲乜嘢落去，就變成巴汁，啲汁真係都幾多味精味。就眼望落去，的雞扒切晒片，唔多件，味道都算可以接受，啲雞扒口感一般，一般油膩。杯奶茶，幾甜嘅，但好多冰。整體來講，呢間野既餐飯味道都可以接受，但勝在夠平

我和女兒在店外看餐牌內容好像多元化，店面也有多枱人客，就吸引我和女兒入內一試，原來中伏啦！食物一般普通，“雞翼餃子”小食的味道和市面上吃到的不同，怪怪又軟軟，肥膩又無味。女兒的“芝士三文魚焗飯”也毫無特色，芝士不足，三文魚有先煎過尚可，但白汁毫無味道，就如普通茶餐廰質素一様。我點的常餐真係"平常"啦，味道太淡，湯底如白開水一様。而且常餐加要飲料需要補四元！另向店員可否要一杯水，她們會回應“啊”就没有下文，第二次問另一人，又没有給我水，只見她們常在櫃面談笑。我再試問另一店員她也說有，我告訴她要一杯水已說了第三次啦！她竟在店內和其他店員大聲說我叫了三次水，嘻嘻哈哈的又再講了多次。幾個人服務態度極差無品，餐廳普通我都唔會點批評，但這店員工服務態度真叫人另眼相看！我以後都Blacklist 了！

這間又是一抵食的平民餐之選$35加錢連飲品，這杯好像是椰子汁之類的特飲，不太記得了。咖哩豬扖焗飯，也算色香味俱全，炒飯底，酥軟的豬扒配合調得適中美味的汁，再加上焗得金黃的芝士，看見就令人流口水個炒飯底份量少了些，不過看過其他食家的焗飯食評相片後，我發現款款焗飯都是份量差不多地少

今日行經旺角辦事，順便在附近食埋飯先。，選址亦是女人街附近，而近期亦多了次數在這裡用餐。之前曾造訪過深水埗炳記牛牛，原來在旺角亦有分店。為免浪費時間，就選擇推門入內，食番個簡簡單單的午餐。雖然炳記沒有華麗的裝潢，也是一間普普通通的茶記，但是勝在有位，不用等候，食完可即走人。看過餐牌，有小食和焗飯，還有多款飲品。選擇好食物後，可以在點餐上剔上想吃的食物，交給店員便可，可謂方便。炳記鴛鴦焗飯裡的鴛鴦，是指雞扒與豬扒，兩者份量不多，各自只有兩小塊，醬汁是自家製，與一般茄汁與白汁不同，食落無乜特別。雞扒與豬扒雖小和各有兩塊，卻與一般茶記做的差不多味道。熱奶茶最重要的是茶香味醇，富有茶的味道，不刻意下糖，讓茶味突出。無心插柳的一餐飯，不太特別和較簡單，只是讓自己有個休閒空檔。

I ordered a bake pork cutlet with tomato sauce. It arrived within 15 minutes. There were only 5 small pieces of pork cutlet with some onion, celery and carrot. To be honest, the pork cutlet was quite yummy but very small portion. It was seasoned prefectly and the mixed vegetables tasted pretty nice with the tomato sauce. The mixed vegetables were quite crunchy.

要說到女人街的抵食之選，只要你是在旺角一帶的常客，不管你喜歡不喜歡吃，也相信沒有人未聽過炳記牛牛呢間可謂集合了快靚正嘅要素，趕時間要食快餐，最好就係揀呢間嘞^^當然，嚟得女人街，你唔可能要求佢好食到可以媲美西餐廳，所以稍為降一降低要求就自然會覺得好滿足每次一坐低，眾位阿姐侍應自不然會有一個埋你身，自動自覺放低點餐紙。今日筆者得自己一個，當然迅即落Order，務求可以快速食完，快啲結束自己一個毒自食Lunch嘅尷尬啦！尤其有時對面搭檯搭著對情侶喺度卿卿我我嘅話，真係好攞命咖！好彩炳記牛牛啲阿姐非常醒水，落完Order就即刻遞上餐具同飲品當主菜嚟到時就可以即刻進食今日點嘅係是日午餐《洋蔥雞扒意粉》搭杯熱華田。雞扒份量略少但係幾鬆軟，意粉就乾身，但撈埋汁食就不成問題只要你係想又平又快咁食個飽飯，炳記牛牛就係最佳的選擇，成個Lunch都只係$30，冇加一 午膳時間唔多人，如果晚餐時份就可能要等一等位嘞

今日約左朋友起旺角行街，諗住起附近搵間平平地既餐廳，就去左搵牛牛，諗番起上次食牛牛都唔知係幾多年之前既事了。每次來到例排都叫雪糕蘋果綠茶,雪糕係士多啤梨味,仍然咁正~!以前必叫卡邦尼海鮮焗飯,因為好正,不過今次轉轉口味,要左三文魚焗飯,熟既三文魚,味道都ok,焗飯味道雖然香口,不過冇之前咁濃郁,同份量明顯少左,不過冇計啦通脹..!個價好似冇乜點變,一個set(焗飯+餐飲)都幾$35-40幾到,算幾抵~!

途經此店，被貼在門口的「咖喱薯仔鷄翼飯」相片所吸引，看到店內有空枱便走進一試。另外叫了蕃茄焗豬扒飯+凍檸茶凍檸茶：三片極薄檸檬，而且完全沒有茶味，跟凍檸水沒分別😰我最期待的咖喱薯仔鷄翼飯終於來了，跟圖片有很大分別，飯和咖喱份量都很少，基本上是鷄件、薯仔分別煮熟再淋上咖喱汁😖鮮茄焗豬扒意粉：找了一會才找到一薄片蕃茄😅不知是豬柳還是豬扒，剪開了幾條上碟賣相好差😩完全沒有heart!自己走出去埋單仲要收我地加一服務費，離譜！！！😡

炳記牛牛都算係平既一間餐廳,而且又有焗飯食,都算係咁,都算幾旺下嫁不過,好彩幾個人,唔洗點等位,果晚七點幾黎到,一入到去就有位。坐低一陣,睇下menu就叫野食,黎得就當然要食焗飯,,一人一人一個焗飯,一杯飲品,我自己就揀焗豬扒飯,兩者味道都唔算太差,豬扒就唔算太厚,不過都幾鬆化,唔算入味,不過d芝士就真係好正,痴住d扒同飯,好香,起碼佢係即焗,唔會就咁加熱,依樣係可取既地方。不過個飯份量唔算多,大食既野未必食得飽嫁, 不過平平地食個焗飯都唔算差,加埋杯飲品,價錢就唔算太貴,不過奇就奇怪佢會有加一,不過都相差唔大,因為佢本來就唔係貴,下次黎就試下佢個牛魔王飯喇,好似唔錯咁。不過佢杯野飲都算係太杯,而且味道唔錯,起碼比快餐好,所以平平地都OK LA 

服務態度很差，一入來已即時感到員工不高興，而飲品無甜味，叫了兩杯野食，其中一杯奶荼無甜品，叫了一客牛柳粒意粉，沒有味道，叫了一客芝士焗三文魚焗飯，沒有味道，唯一優點是一個餐大約價錢為$28-$32

芝士焗三文魚飯$29豬扒焗意粉$29 (凍飲 +$2)(好食指數: 4.5/10)三文魚幾多汁，三文魚大大件又多飯，味道還好，好抵!豬扒意就好麻麻只可説只會食一次

女人街度好多食肆,炳記牛牛都算係OK平既一間,平日晚七點幾入到去坐低就嗌野食,兩個人一人一個焗飯,焗牛柳同焗豬扒,兩者味道都普通,豬扒我覺得美X既比較厚切,呢度可勝之處就係有多少芝士痴住同埋即焗囉,跟飯加飲品好似都要加錢,另外最唔明解係點解會有加一...其實佢真係似一間茶餐廳...

因為朋友知我食焗飯,提過這間餐廳,所以來試試。入到餐廳沒有漂亮的裝修,環境清潔都可接受。坐低睇了台上的餐牌一段時間後,姐姐先拿來點餐紙原來有更多選擇點了巴黎汁雞扒焗飯及凍檸茶...飲品好快就到了,飲了一啖......不太好,好淡同又唔凍唔熱咁焗飯也到了,很熱,應該係新鮮焗的....味道唔錯,幾好味.....價錢方面都算係平...不過原來有加一,這樣的餐廳要加一有點怪怪的感覺...不過都可一試。

炳記牛牛系由細食到大既餐廳 細細個已經食巴黎汁雞扒焗飯 食到而加xd 不過今次系第一次泥旺角食 之前一路都系系深水埗食 其實已經有一定既期望 因為食左好多次 但系已經一段日子無食過了 今日難得見到就入去食下喇。旺角間店既間格同深水埗差吾多 不過dinner時段好多人 我地都有搭台先有位 同埋將台吾大 坐得吾系好舒服〜其實雞明星扒餐個汁都系巴黎汁 基本上同焗飯無咩分別 但系無焗就比較滑 同埋無甘熱氣。雖然食過好多次 但系都覺得好好食 細細個d雞的確系多d既 但系甘多年泥都無點縮水 不過就真系加左價 保持水準〜我覺得都幾大碟 食得好飽架 不過$45吾系貴 都算抵食既 ps吾好太高要求 因為味道吾特別。

夜晚食咩好係旺角唔想等位當然要去女人街附近食肆逛下啦最後就入左黎炳記牛牛入到去人好多最尾搭枱坐低左今次二人行當然都要叫多啲野食啦!!!:chopstick睇下餐牌先好就叫依幾樣啦!!首先黎左嘅係講下沙律先啦食落同平時街食嘅冇咩分別一般嘅沙律味道適中不過不失至於杯珍珠奶茶香蕉奶味道幾特別不過奶茶味被蓋過飲落奶多過茶尚算ok!!!!之後嘅芝士焗年糕好甜呀!!!!!不過我就食慣甜野所以都幾鍾意如果唔鍾意甜嘅要諗過度過先好叫喇依一個十分推介五蚊一件食落又香又有好濃嘅青口味配料搭上去洽到好處總共叫左三件呀所以太好味喇!!!!牛魔王黎喇er......有啲似牛仔多啲塊扒太細喇不過就幾香不過不失或者應該叫番依度主打嘅焗飯最後嘅係芝士三文魚焗飯好好味焗飯焗到飯嘅軟硬度適中食落口充滿芝士同三文魚嘅香味另外三文魚食落感覺亦好有魚味相信用料十足依個大推介呀總體黎說非常好!!!