為食龍 (已結業)

呢間日本餐廳係用恐龍做主題，好多地方都好igable🤣特別係佢哋嘅腐皮壽司！腐皮壽司🍣蔥吞拿魚拖羅蓉 ($35）🍣蟹膏甜蝦（$36)🍣黑松露帶子($38）🍣柚子左口魚(＄35）🍣辣味三文魚（$35）其實同平時食嘅壽司冇乜太大分別，不過size大啲同包咗腐皮甜甜地又幾夾幾好食～個人覺得必試辣味三文魚！好惹味！日式鰻魚蛋包飯 超大條鰻魚(˶‾᷄ ⁻̫ ‾᷅˵)差唔多成隻碟咁長！鰻魚汁甜甜哋加埋滑身嘅炒蛋超好食(￣∇￣)送飯一流！兩個人share啱啱好～Overall幾有特色嘅餐廳～可以一試

今日Black Friday 約左朋友喺中環食lunch, 過左大館後，見到有間Hungry Dion, 之前想食Dinner，但 book 位都好難， 咁啱今日經過， 轉食午餐都好啦。Lunch Set炙燒醬油左口魚丼定食三文魚油金魚溫泉蛋刺身丼炙燒醬油左口魚丼定食, 輕輕炙燒過嘅左口魚非常香口， 魚肉嫩滑， 左口魚充滿魚油香味， 加上粒粒黑滋麻， 配上獨特醬油， 非常可口。三文魚油金魚溫泉蛋刺身丼， 超級新鮮嘅三文魚同油金魚， 厚切， 新鮮甜美， 入口鮮甜美味， 刺身嫩滑。

位於中環嘅為食龍係以恐龍作主題嘅日本餐廳，而佢哋嘅環境佈置令人有置身熱帶森林之中，好多地方都好值得打卡影相。食物方面佢哋嘅腐皮壽司非常出名，大大件之外仲爆哂餡。腐皮壽司：炙燒沙律甜蝦：甜蝦經過炙燒，香味更加突出，配埋沙律嘅酸酸甜甜，更突顯甜蝦嘅鮮味。蟹膏甜蝦：鮮甜無比，蟹膏同甜蝦都極為鮮味，而且甜蝦口感彈牙，令人好驚豔嘅壽司。牛油蒜香赤蝦：牛油味未食到經已聞到好香，而赤蝦嘅鮮甜同牛油味好夾。蔥吞拿魚拖羅蓉：喺腐皮入面有滿滿嘅拖羅蓉，喺表面就有幾粒嘅吞拿魚，拖羅油香甚濃，而且口感豐富。炙燒洋蔥忌廉帶子：經過炙燒嘅帶子，配埋香味十足流洋蔥忌廉，口感夠哂Creamy。飯團：飯團叫咗兩款分別係蟹味濃郁嘅蟹膏蟹籽，同埋有滿滿咸香味嘅醬油忌廉芝士，兩款嘅飯團外面燒得外脆，而入面嘅飯好軟熟，前者仲帶有蟹籽，令口感更加豐富，而後者嘅味道同飯團好夾，兩款各有特色。免治雞肉軟骨棒伴日本雞蛋(兩串）：免治雞肉軟骨口感豐富，加埋蛋味濃郁嘅日本雞蛋，入口更加順滑之餘，仲為雞肉棒多添一份蛋香。

🍽 為食龍 Hungry Dino ~~~~~~~~~~~~~~~~~~~~~~~~~~~~~~ 一直想試為食龍嘅腐皮壽司，今日趁lunch time時間黎見識下🍽 餐廳有兩層，無論地下定上層甚至樓梯都有好多打卡位，周圍都有好多恐龍同好似森林咁，有啲似入左侏儸紀公園🦖帶位入座嘅時候仲有恐龍牌寫住枱號添，好Cute呀🤩 🟡 腐皮御饍＋ 迷你吞拿魚腩茸卷 （Set B）（$178）🍣👉 凍食前菜似魚糕，薄薄彈牙易入口，加左少少蔥花，增加香味👉 五件腐皮壽司嘅餡都多到脤爆，腐皮完全唔會喧賓奪主 👍🏻👍🏻🔸️ 明太子芝士蛋黃三文魚 ～ 明太子同芝士既配搭，提升左味道既層次，腐皮唔會蓋過刺身既味 🔸️ 蔥吞拿魚拖羅蓉 ~ 有吞拿魚蓉係底，再舖上吞拿魚粒係面，兩種形態既吞拿魚，不但豐富左口感，亦增加吞拿魚既風味🔸️ 柚子胡椒油甘魚蓉 ～ 油甘魚味好濃，油甘魚控會好鐘意，配上少少柚子味有清新嘅感覺🔸️ 炙燒北寄貝沙律 ～ 正正常常嘅北寄貝沙律🔸️ 蟹膏厚燒玉子 ～ 大大舊蟹膏舖上面，玉子亦厚身蛋味濃，偏向濃味嘅壽司 🟡 炙燒醬油左口魚丼定食（$168）🐟🍱👉 有兩層左口魚，份量十足‼️👉 魚肉新鮮，有爽口彈牙

今日朋友推介呢一間日式餐廳🌟，主要以恐龍為主題真係好特別所以即刻試下🤣，而且店員亦都有介紹呢度仲有各種酒精飲品提供，下次收工都可以黎飲返杯😝.腐皮御鱔+迷你吞拿魚腩茸卷 $178梗係要試下呢度最招牌嘅腐皮御鱔啦😎，我就揀左B餐，賣相方面已經好驚艷，每一件都係爆餡咁豐富😜，特別鍾意明太子芝士蛋黃三文魚，味道特別濃郁😝。蟹膏厚燒玉子都好正，估唔到蟹膏嘅鮮味同玉子嘅甜味都好搭配😍.炙燒醬油左口魚丼定食 $168左口魚自己一向都好鍾意❤️，而且加左醬油味道更加出，特別出色嘅一點係左口魚真係超級肥美😜，魚油食落好惹味，而且份量方面都好充足🔥

呢間環境同野食都玩味十足😜 裝修係恐龍主題🦖，隨處可見恐龍嘅畫同擺設，而且仲將環境佈置到好似置身於森林一樣🤩 係幾特別嘅一間日本餐廳～之前都想黎試呢間嘅腐皮壽司好耐，見到有好多唔同嘅combination🤩 腐皮壽司件件都好大件好足料，味道甜甜地幾特別！望落唔算叫咗好多，但已經夠飽😙腐皮壽司方面叫左：✨柚子左口魚 $35左口魚有脂香😚上面有啲柚子汁中和返，好味👍🏻👍🏻✨牛油蒜香赤蝦 $36牛油味好重，赤蝦爽口～✨明太子芝士蛋黃三文魚 $36呢個食落會比較creamy🤓✨炙燒洋蔥忌廉帶子 $36帶子都幾大件，味道鮮甜😍✨蔥吞拿魚拖羅蓉 $35下面有滿滿嘅拖羅蓉，上面有少少吞拿魚粒～ 拖羅夠肥美，正呀😇✨辣味三文魚 $35呢個都真係幾辣，唔食得辣嘅話叫其他好啲😆✨夏威夷肥仔 (半份) $78面頭有芝士、沙律醬、蟹籽、蔥花等，燒得好香，一啖擺落口好邪惡😈✨炙蟹膏厚燒玉子 $34✨蜜糖芥末炸雞🍗 $89每一件炸雞都沾滿濃郁嘅蜜糖芥末醬🥰炸雞超級香脆，雞肉嫩滑有肉汁，呢個炸雞仲好食過啲韓國餐廳！🤤🤤🔥餐廳仲可以提供酒精飲品，一邊飲酒一邊食炸雞😎

🦖環境:見到個大招牌嘅玻璃門就係入口，入到去會俾個鎖匙扣寫上咗枱號，之後行一層樓梯就到，樓底高加上玻璃窗感覺好闊落，裝修森系Q版恐龍為主，有不少打卡位。🍴食物:[👍🏻牛油蜆肉湯烏冬伴芝麻雞翼 $128]蜆肉大粒厚肉，烏冬吸盡了牛油蜆同醬油湯底，知味滿分。芝麻雞翼另上，炸到脆卜卜，肉嫩多汁正！[👍🏻腐皮御饎+迷你吞拿魚腩茸卷A $178]揀咗A，用腐皮包住餡料，整體會多咗腐皮帶來嘅微甜，感覺就好似食梗腐皮包住嘅飯糰，相當有飽足感，推薦柚子左口魚，明太子厚燒玉子。[👍🏻迷你蟹肉忌廉薯餅 +$38]外皮酥脆，內裏有蟹肉加香滑忌廉，食落口感軟滑並不油膩。🤖服務:當日平日大約1點半多去到，午餐餐牌都有2款賣曬，最好係門口問問。用餐時間1.5小時晚餐餐牌更多選擇，仲有清酒梅酒啤酒飲，連甜品都有，豐富好多。📍為食龍 (中環)📍中環些利街2-4號LL Tower地舖及1樓

中環soho區一向多野食，平時lunch 好少行過黎，其實呢邊超多好野食，而且經行人天橋過嚟，又吾怕落雨，又吾會曬到，而且人流冇咁多，比較容易搵到位慢慢享受下午餐時間。呢間叫hungry dino 🦖，個名夠晒可愛，餐廳裝修好配合到個名，周圍都係恐龍擺設，如果帶小朋友黎食，一定好開心，有好多位都可以打卡影相。餐廳出名腐皮壽司，lunch set可以叫到，$178，有分兩款set，叫左其中一款有帶子，帶子超大粒。另外，個左口魚定食$168，左口魚舖滿左成個丼，足足有兩層左口魚，份量超多，左口魚入口即溶，推薦推薦。

建議如果番工lunch hour 去就預多啲時間 等正餐等咗多過半個鐘 等tiramisu 等咗五個字仲要係唔多人既情況下。。。。。 不過嘢食係好味環境係靚嘅適合放假或者唔趕時間嘅時候食

有特式嘅日式餐廳， 食物唔錯， 店流氣氛一流， 播嘅日本歌好好聽， 係一間值得去試下嘅餐廳。炸雞 10/10 👍 好好味！！！ 炸雞同個 sauce 好夾， 加上炸得好脆， 黎得絕對要試下。腐皮壽司 7/10其實唔太差， 唯一問題係腐皮味太出， 所以無論叫三文魚， 吞拿魚都好， 味道冇太大分別。 同埋腐皮好飽頭， 所以建議食三四舊就夠， 可以試下其他食物。 不過都要講多次， 其實幾好味嘅。芝士sauce壽司 9/10芝士味好出， 同壽司出其地夾， 建議都點d試下。飲品 7/10飲品方面， 個人覺得外觀好靚， 不過飲就正正常常， 冇驚喜， 不過唔係差。

呢一間位於中環嘅日式餐廳一直都好出名好有特色🌟，而且亦都有提供各類酒精飲品，見lunch時段都好受歡迎要等位，就即刻去試下啦🥳.呢度裝修方面同樣好有特色😍，主要圍繞恐龍嘅主題，都有好多相關嘅裝飾，用黎打卡都啱曬😆.腐皮御鱔 + 迷你吞拿魚腩茸卷 $178一場黎到就當然要試佢地最招牌嘅腐皮壽司啦🔥.B餐：明太子蛋黃三文魚、蔥吞拿魚拖羅蓉、柚子胡椒油甘魚蓉、炙燒北寄貝沙律、蟹膏厚燒玉子.每一款都好精美同好足料😎，雖然只係5件，但係食完都好飽，我自己幾鍾意柚子胡椒油甘魚蓉❤️，油甘魚好肥美，而且柚子同胡椒嘅配搭幾出色，明太子蛋黃三文魚都好正，味道方面更加濃郁惹味🤤

Hungry Dino - 特色腐皮壽司今日介紹一間位於中環區嘅日本菜餐廳，轉㗎多款特色嘅腐皮壽司，有傳統既口味，亦有創新的口味，多達數十款嘅款式，總有一款可以滿足你嘅味蕾。特色腐皮壽司 芝士蟹籽厚燒玉子 $29炙燒蟹膏厚燒玉子 $34蟹膏甜蝦$36牛油蒜香赤蝦 $36炙燒洋蔥忌廉帶子 $36黑松露帶子 $38炙燒北寄貝沙律 $29柚子左口魚 $35當中最鍾意蟹膏甜蝦，份量超多嘅鮮甜蟹膏加3隻甜蝦，雙重鮮甜嘅極致。另外就係牛油蒜香赤蝦，超濃郁嘅牛油香味加上爽口彈牙嘅赤蝦。西雅圖鬼妹 $80另外就是特色卷物，這款特別的名字其實是火炙牛油果三文魚腩，火辣辣嘅火炙壽司。

午餐來了這間餐廳，設計裝修特別，下午兩點，人不是很多，看一看午餐Menu選擇都多，今日唔想食生冷食物，點了蜆肉烏冬定食，味道不錯，用料足，蜆肉夠多，整個套餐的配菜也十分美味。不過餐廳入口比較難搵，第一個感覺就係餐廳個窗好污糟，十分礙眼！

呢幾排科學館好興恐龍展🦕🦖今次同朋友除咗過嚟睇恐龍擺設之外，一次過叫咗兩個呢間餐廳最出色嘅腐皮御饍套餐，一次過試晒佢10款腐皮招牌菜式🥰好colorful🌈 套餐附有前菜，海苔同埋油浸腐皮卷都好好食。其中最鍾意食嘅係好滑溜溜嘅柚子左口魚，同好有口感嘅葱吞拿魚拖羅蓉 🍣腐皮卷。雖然每個套餐只係得五粒腐皮卷，但係女仔來講，都好夠飽꧁☬小編食左咩☬꧂✅腐皮御饍： 蟹膏三文魚子，和風汁帶子，灸燒蟹沙律，明太子燒玉子，柚子左口魚，明太子芝士蛋黃三文魚，葱吞拿魚拖羅蓉，柚子胡椒油甘魚蓉，灸燒北寄貝沙律，蟹膏厚燒玉子(◔◡◔) ♥ 人均傷害💰： $200

先講好聽話：呢間出名食腐皮壽司嘅餐廳，成功進駐曾經兵家必爭的SOHO（冇錯，係曾經哦）。兩層樓底高、周圍都係恐龍幾得意嘅。好。好聽嘅說話講完。少少感想：60幾蚊一細細杯「白玉奶蓋烏龍」，呆左。莫非上面嗰三粒小丸子（咪即係麵粉粒）每粒值10蚊？但食落就知雪藏太耐，又硬又乾，即係食麵粉囉。。。下面係一層餅碎。而所謂嘅烏龍茶，就係奶加大量冰水，俗稱奶水。難飲過我喺香港飲過嘅任何任何任何一間珍珠奶茶店，仲要係得返正常出面一半嘅Size！腐皮壽司，30幾蚊一件。放喺銅鑼灣可能學生會鍾意食。但係喺中環，食飯嘅人budget高，又多高質餐廳選擇，請問selling point 是什麼??鰻魚蛋炒飯。不過不失。埋單八百幾，四個人。不忿。