無極冰廳 (樂居樓)

營業中

休息中

餐廳鄰近灣仔地鐵站，行過黎都好方便。一入去就見到餐廳係有擺過心思裝修，設計時尚，燈光光猛，而且坐位闊落，坐得舒服☺️下晝黎到叫左兩個下午茶餐，乾炒牛河同一口花生醬西多士配沙律🥗雖然只係下午茶，個牛河係用大大隻碗裝住，估唔到份量有咁多。牛河炒得好有鑊氣，又唔會話好油膩，岩岩好。本身食落好夠味，我推薦落少少辣椒油一齊食，辣椒油唔算辣既，但可以令到個河粉更加香口！而牛肉一樣入味，如果煮得再淋d就更好😋一口西多士份量都唔係得一口咁少，睇圖都見到係大大件。西多士入面就係濃濃既花生醬，認真惹味！沙律應該用左罐頭雜果，但唔見有出水，沙律醬亦都調教得唔錯👍

灣仔附近返工成日食既茶記，覺得幾抵食又大份。平時食午餐多，今日叫左個常餐好吸引👍🏼.🍴鹹魚雞絲炒飯$64炒野幾唔錯，有鑊氣得黎多餸，雞絲同咸魚多到啖啖食到料，惹味又夠火喉，午餐時間凍飲+$6 。.🍴常餐$54 極級推介既常餐👍🏼👍🏼豬扒公仔麵🍜+炒滑蛋+麵包 ，轉多士+$2 ，豬扒煎過夠脆身，大大塊，公仔麵底係福麵，滑蛋夠滑嫩。.🍴奶油脆豬$36下午茶有奶油脆豬食，正常發揮，包皮最緊要烘得夠脆。.呢頭黎講好高性價比既冰室👍🏼

是日番工想係灣仔食個快速午餐，所以嚟到謝斐道搵食蒲燒鰻魚炒滑蛋飯冇諗到喺茶餐廳都可以食到日式野，鰻魚淋上既燒汁非常惹味，甜甜嘅口感，非常開胃。以茶餐廳質素嚟講，合格有餘😋極上蝦仁炒滑蛋飯朋友都點咗滑蛋飯，至於呢一款中式嘅選擇，對比日式甜甜嘅炒蛋，中式既炒蛋係鹹味，味道都OK 不過我個人就鍾意食日式炒蛋多啲😌黎到茶餐廳必點嘅就係奶茶，味道正常🙂食完快飯，急急腳返公司做嘢，大大份又抵食，成個下午都唔會肚餓😋

中午時間行過灣仔想食個tea，揀咗依間環境幾整潔，地理位置又方便既茶餐廳。一口花生醬西多士($40) +紅豆冰($9)紅豆冰用1664杯上，分量十足之餘好有feel😂😂😂 粒粒紅豆冰煮得好軟淋，有足食緊紅豆沙既感覺 好掂👍🏻 熱辣辣上枱既西多☺️🥰 入面係有粒粒花生，幾有口感，而且炸得幾有蛋香~~ 薯條亦香脆可口，性價比算幾高秘製豬軟骨($45)以依個價錢黎講份量算係好足了😂 煮得都幾入味同軟腍~ 應該要叫多碗白飯送就一流

近著灣仔站天橋的有很多茶餐廳，其中這間無極冰廳開了一段時間，午市套餐介乎$60內，非常經濟，也有部份菜式是全日供應。蒲燒鰻魚炒滑蛋飯 - $80連茶餐廳也有蒲燒鰻魚，雖然不是十分肥美，但勝在蒲燒醬汁濃郁，魚刺很少及很細根，幾近沒有魚刺；滑蛋有超多，完全掩蓋了下面的白飯，半熟的炒蛋有少少蛋汁，頗嫩滑。洋蔥安格斯肥牛飯 - $60肥牛的份量很多，幾近與白飯一比一的比例，安格斯的油花比較多，但勝在牛脂味重，加上醬汁好惹味，洋蔥有少少甜味。奶茶紅豆冰 +$9餐廳用的杯特別大，好抵飲。奶茶的茶味較濃郁，建議要求多奶，那麼奶香的順滑感會較重，底部的紅豆很多，還有少少起沙，頗甜。檸檬茶 +$6

今日係灣仔一間茶餐廳食飯～ 食物用料要新鮮，即叫即做，午飯時間超受歡迎，擠滿曬打工仔～我同2位同事去食～ 叫左3個常餐～ 其中一位同事叫左沙嗲牛肉公仔麵配滑蛋+多士，滑蛋真係好滑～～ 同事仲話沙嗲牛肉非常香滑～好夠味～另外我地仲叫左價廉物美既雞扒蕃茄通粉同埋豬蕃茄通粉～酸甜的番茄配煎得香脆的雞扒+爽滑的通粉再加一杯凍檸茶。酸甜開胃🍅 不得不提～ 不論係豬扒還是雞扒～ 都煎得非常香脆～外脆內滑！ 仲要大件+抵食！價錢超級抵食！餐廳職員友善，就算全場好多人都保持友善美好的態度～

好耐都無同老公出去食飯啦，今次就陪佢去食佢最鍾意嘅茶餐廳啊，佢成日都話好想食常餐，點都要照顧下佢嘅心情嘅，行開附近出名多嘢食嘅灣仔，見到依間茶餐廳都有我最鍾意嘅鰻魚當然要試試！蒲燒鰻魚炒滑蛋飯估唔到佢哋嘅鰻魚都幾大條，配上滑蛋炒飯絕對係一流嘅感覺，食落鰻魚都唔錯，鰻魚大大條，配上日式照燒醬絕對一流！沙嗲牛肉通粉常餐去到茶餐廳食，點都要叫個常餐黎食，估唔到佢哋嘅沙嗲湯底都唔馬虎，絕對係濃郁嘅，粉有米線，通粉等等可以選擇。 炒蛋岩岩好， 滑得黎又唔會好油！

復活節假期第三日，琴日去咗「饒宗頤文化館」，見今日風和日麗，天朗氣清，決定嚟灣仔海濱長廊吹下海風！打完卡，又係時候食晏。揀咗謝斐道樂居樓地下呢間「無極冰廳」，門面以深黑色為主調，店內佈置非常用心，牆身上掛滿了小擺設，精巧美觀，配上長長嘅梳化座椅，感覺雅致舒服！先睇餐牌，有無極全日飯餐、牛魔王系列、無極越式系列、常餐、金牌滋味餐、煲仔麵、是日精選午餐、手工小食同飲品等，選擇極之豐富。點咗秘製金牌叉燒炒滑蛋飯 ($58)、撈豬軟骨稻庭烏冬 ($58) 同 秘製滷水雞翼 ($28) 各一，+$6 可配飲品一杯，冷熱同價。叉燒以豬頸肉炮製，大大塊，肉質爽彈、肥瘦均勻，咬下無渣又唔嚡口，加上件件都有燶邊位，食落多咗份香口嘅感覺。雞蛋超滑溜，唔會炒到老晒，飯粒圓潤，粒粒分明又唔會過乾，拌豐富嘅蛋汁吃，一流！另外碗烏冬賣相亦非常吸引，睇下啲豬軟骨份量幾多，勁足料，件件都好厚身兼大塊，肉質腍嫩，筋位軟糯富膠質，同爽脆嘅軟骨一齊咀嚼，口感甚佳。烏冬幼長扁身，入口滑溜有彈性，配上特製嘅金黃燒汁，好惹味！雞翼同樣值得一試，雖然 Size 唔算好大隻，但滷得非常到位，火候十足，入味又肉嫩。餐飲當然係點我倆至愛

一入去店員已經好熱情咁招呼我哋🥰，好好禮貌服務周到，卡位都好闊落，坐得舒服😛《🍱蒲燒鰻魚炒滑蛋飯》($80) ⭐️7/10比個鰻魚蛋飯吸引到而來🤤，見圖片係原條鰻魚咁上，$80嚟講又唔算貴喎🫢，而且鰻魚下面嘅蛋都幾厚，加埋鰻魚汁，好惹味😋，係茶餐廳食到鰻魚飯都幾特別🤣🤣，今次叫咗少飯，一個女仔食嘅話份量啱啱好☺️《🍜金牌滋味餐》($54) 凍飲+$3 ⭐️8/10叫咗芝士脆皮腸+雞扒+蕃茄濃湯公仔麵，值得一讚嘅係蕃茄湯非常濃味🤤！係用原個蕃茄熬出嚟🍅🍅！公仔麵好掛湯，呢個配搭好perfect🤣，雞扒煎到金黃色，外脆內嫩，唔錯！😛

呢間新型冰室地方頗大及闊落, 卡座位相當多, 感覺好舒適🥰店員的招呼,還相當有禮貌呢😍📒餐牌選擇相當多元化, 全日餐,中西式及串燒都有....特色飲品選擇多,價錢亦相當優惠👍🍜胡椒豬肚米粉 $52👍胡椒味濃的湯底😋煑得好淋身嘅豬肚及米粉爽口, 似吃粉絲的口感美味爆燈😍🍝日式芝麻醬手撕雞撈稻庭烏冬 $52🐔滿滿的雞肉嫩滑不柴口, 配合芝麻醬撈稻庭烏冬,口感煙韌彈牙, 令胃口大開😋🥬油菜 （菜心,生菜或椰菜）$32🧋奶茶紅豆冰 $32傳統港式口味嘅奶茶,茶味香濃滑口, 紅豆口感綿身唔硬,超大杯,好飲又抵飲👍

最近返工前都會去灣仔食早餐🥣灣仔有唔少冰室，呢間冰室嘅早餐選擇好多，有公仔麵、全日早餐、牛奶麥皮等等我揀咗仿鮑片火腿絲通粉 配北海道3.6牛乳西煎雙蛋，轉多士通粉好大碗啊，口感軟硬適中湯底加咗少少雞粉調味料，唔會淡茂茂冇乜味煎雙蛋同烘多士即叫即整，熱辣辣好好味呀！男朋友揀咗雙拼麵沙嗲牛肉、煙肉、太陽蛋出前一丁出前一丁嘅麻油真係好好味😋沙嗲牛肉份量好多沙嗲醬濃郁，牛肉淋身煙肉唔會煎到乾爭爭，好惹味啊配埋一杯醒神奶茶☕️好滿足

假期同阿女出灣仔行下書局，之後去咗附近嘅無極冰廳醫肚。呢間冰室好大間，好多位，而且布置好有心思，比一般茶餐廳更young。店員都好有禮貌，卡位坐得舒適。👍👍餐牌選擇好豐富，我哋決定叫全日飯餐。🐟蒲燒鰻魚滑蛋飯 $80幾抵食，有原條原條鰻魚，雞蛋炒得又香又滑，飽肚又美味。 呢度嘅餐具都好靚，碟飯好igable。❤️ 🍚無極頹飯 $ 54可以揀三款配料，再配豉油汁，女女揀咗煎蛋，厚切午餐肉同火腿，份量好多，賣相都好吸引，午餐肉真係超厚❤️😋

🇭🇰Hong KongAverage expense pp: HKD$50-80+📍Address: Cafe Wuji, Wan Chai估唔到茶餐廳都會有鰻魚蛋飯！相當有驚喜！個鰻魚蛋飯（$80）好嫩滑，係原條鰻魚咁上！份量真係好多，我地已經儘左力….但係都食唔哂啲飯🥺所以真係好推薦個鰻魚飯。之後我哋仲叫左去茶餐廳叫開既沙嗲牛肉公仔麵常餐，滑蛋依然唔錯，沙嗲牛好香😋食完之後又係好飽，飲番啖紅豆冰作為完美既結尾！值得一讚係，呢度服務態度真係好好，食飯都食得開心啲。Cha Chaan Teng is one of the most unique culture that can represent HK. We found this restaurant unexpectedly offer the eel rice with fried egg($80), the egg was smooth and eel was well marinated in sauce. We liked it so much!!🥰🥰 As usual, I ordered the Satay beef

抵食又高質茶餐廳唔咁易搵，今日就喺灣仔搵到呢間無極冰廳，最欣賞係佢嘅牛湯河 - 無極牛魔王($58)，一碗湯河有齊牛肚、牛腩、牛丸、肥牛、蘿蔔。 牛肚入曬味，牛腩肉厚美味，蘿蔔煮得好透，超高質。胡椒豬肚($38)，一向好鍾意食胡椒豬肚，但又唔係咁多地方整得好食，呢度嘅胡椒豬肚就相當抵食，$38一份都勁足料，豬肚大大塊，口感堅韌，胡椒味又夠濃。全日早餐($62) 魚塊炸到金黃色，熱辣辣香脆無比，炒蛋香滑，加杯冰凍奶茶就最夾。

餐廳位於灣仔，附近就是地鐵站，地理上還算方便快捷，這天早上來到了灣仔，餐廳主打的就說港式早餐，我也十分喜愛，不知不覺香港生活要那麼多年，還是最喜愛香港的地道美食。早餐當然就是要選套餐，麵食配蛋絕對是我的最愛。面的質感也做得十分好，軟硬適中，帶點彈牙，加上香濃的湯底，令整個麵食更為提升。飲品方面，我點選的就是奶茶，絕對是茶味香濃，帶有淡淡奶香，又不失幼滑，就是港式奶茶美味之處，在家也不是容易可以製作得到。