無肉食 (如心廣場二期)

營業中

休息中

約咗個朋友去食自助餐，我哋大家都鍾意食素咁梗係去冇肉食啦！！！😋😋😋😋嗰個齋叉燒真係一流，焗到又香又甜又鬆軟不過佢只會推出兩碟所以要快啲手先，呢一個係搶手貨！個炒河粉都幾好食不過就唔夠鹹，拔絲蘋果就麻麻哋比較硬。另外其他炸嘢都幾好食，有返一定水準，其實仲有好多好多嘢食，但係我本身細食就食唔多，真係試唔晒，佢會不停refill其他新種類。而且地方都幾舒服，可以encore 㗎😌不過個人就鍾意旺角多啲。

前幾日睇完馬田去食啦 諗住幾有驚喜點知俾左錢入去啲野又油 又唔熱俾左錢都要食啦 食左成個鐘啲野都冇咩點轉款 一直都係keep住同一樣嘅菜類根本冇馬田片入面咁多種類但係 食完之後番到屋企就嘔嘔都算仲要加埋肚柯第一次柯緊同時又嘔緊成晚發冷發熱又柯又嘔一個鐘基本上柯嘔一次仲要嘔到天光！從未試過食完一間餐廳會中如此大嘅伏同行人食完一樣又柯又嘔仲要一食完一個鐘內就皮膚敏感試問一間食齋菜嘅餐廳會用咩調味料用到會令人皮膚敏感？麻煩大家真係慎選餐廳！

好耐之前幫襯過另一間素食自助餐餐廳，感覺不錯！今日就同朋友講起，又想食返次素食，就黎左無肉食，朋友之前食過，我就第一次！星期一至四$129一位，沒有加一服務費。食物種類多，有各式各樣前菜，沙律，主食，炸物，湯品同生果最值得讚既係佢refill速度都幾快，同埋會refill不同品種的食物，會令人期待飲左椰子湯，都唔會好淡口或有味精！

同一個食物種類不停重複又重複，款色勁少，未食過一間素食好似呢間咁差，味道唔係好食，而係似新手煮嘅一樣，只係熟左甘，唔好求味道有咩特別，炒菜冇鑊氣，樣樣菜都好似白烚咁，煎炸嘢全部都係淋嘅，唔香口，上既粉漿全部一模一樣，勁似新手上嘅粉漿，一忽一忽咁，生果只有車厘茄，糖水只有腐竹薏米，呢個糖水勁難食，擺咗好多薏米但係唔多覺有腐竹，湯剩係得南瓜湯，飲品只有一兩樣，飲落唔知似咩，啲炒菜嘅菜葉黃黃地，睇見都唔會想食，總之就無下次！仲有阿姐服務態度麻麻哋，安排座位混亂，收銀嘅男仔態度正常。

回想起上一次來無肉食吃自助餐已經是兩年前, 當時吃星期六的自助午餐, 對無肉食的印象是雖然食物好味, 但是較油和REFILL速度慢。時隔兩年又想茹素, 就再訪無肉食的如心分店。星期五的晚市收費與星期六、日、公眾假期一樣, $159一位, 不設加一, 碗碟要自己收拾。星期五晚上相當旺場, 最好還是先預約, 用餐時間雖然規定90分鐘, 但因為小編7:15才入座, 其實吃到8:45 已經沒人等位, 也沒有職員會「趕」我們離開, 這點值得一讚。食物種類相當廣泛, 有冷盤類, 包括生果、鮮果沙律、醃蘿蔔、醃青瓜、秋葵等等, 一旁還有多種沙律醬供客人使用。主食類有飯、粟米粥和木瓜湯。木瓜湯相當清甜, 不油膩, 可以喝到紅蘿蔔和木瓜的甘香, 不錯。熱食類就相當多樣, 有炒菜、番茄炒蛋、炸菜豆腐、炒麵、炒年糕、炒烏冬等等, 每次REFILL的菜式都有所不同, 所以雖然看起來熱食的盤子未必很多, 但選擇陳出不窮, 每次有REFILL都要看看店員拿什麼出來, 頗有期待。最特色的是有炒西洋菜, 這款真的非常少見, 忍不住要試吃一下。炸物類獨占了一整個角落, 有Pizza, 韓式炸素雞、炸地瓜、炸蔬菜、蛋散等

諗住約位想食齋的屋企人食飯，打電話去訂位啦。打通左講左想訂位之後，我都未講完佢唔該都冇就叫我等一等，一等就等左成個字，個店員開始都好似同客人講緊嘢約莫一分鐘，之後就一直都係吹水☺️。如是者我就一直咁聽，直到唔而煩收線。之後既時間我都有再嘗試打，但都係掛起電話狀態。

这几天在酒店住下 突然跟朋友想吃素食 就过来这边吃素食自助餐 人非常多很热闹 价钱有一点贵 但是在香港还是合理的一行五个人安排了窗边位置 还挺舒服 菜式也蛮多的 吃了好几个凉菜 还有一些炸的东西 有一点油 蔬菜好吃 最后员工还告诉我可以免费打包 因为今天他们煮多了 我看到他最后还是要倒掉 我就不客气打了一点，回去明天吃

2024年3月11日食下午茶自助餐,負責收銀帶位的女侍應(男性髮型),招呼客人的態度不止是零培訓,直情當客人是她的下屬般呼喝,非常無禮粗魯,建議她去酒吧做更適合。幸好其他的服務員是正常人。交通便利,商場連接西鐵,步行十分鐘到達,全程天橋,打風落雨曬也不怕。餐廳環境不錯,座位空間正常,清潔勤快。價錢方面,以食物的質素來說是合理,款式選擇偏少,但補給很快,絕不拖延。當天有些食物不新鮮,味道變酸及怪,令人掃興及不想回頭,這點希望餐廳能改善。

第一次食素食自助餐，一入去坐低，就突然入左班長者，佔左9成座位，結果等左10分鐘先拎到野食，限時食75分鐘。 佢係全自助形式，食完要自己收拾。除左熟食，都有沙律，另外仲有雪糕，不過要俾3蚊先一杯。熟食有炒粉麵飯，炒菜，炸物。另有蘿蔔糕同紅豆糕。 88蚊一位真係唔係好抵，但對於食齋既人士，都算係一個唔錯既選擇。

光顧無肉食都係鐘意佢係又係素食又係自助，外面雖然現時選擇唔少，但自助餐選擇唔多，之前有光顧中環、旺角、北角(已結業)分店，每間各有特色，今次係選擇晚餐，每位158免加一，連收碟都是自助放到收集車內。最喜愛涼拌前菜是肉鬆凍豆腐、蘋果沙津、各款沙津菜、麻香黑木耳、珊瑚草等。炸物款式最多：有春卷、西多士、素雞塊、素蟹柳等熱食：蕃茄炒蛋、素叉燒、豆卜香芋、素餃炒手、豉油皇炒麵、炒雜蔬等飲品：洛神花茶、薑茶，熱湯：椰子湯 (味道較甜)有客人詢問有冇白飯，店員回覆白飯賣曬...第一次聽到7點幾白飯賣曬，因為有唔少熱盤餸汁撈白飯會更美味，有點可惜。總結：以中環分店比較，款式唔算特別&唔夠廣泛，而且又無白飯 & 甜品，唔會再光顧荃灣分店，同一價錢會返去中環分店，較高質及多款式。

不只一次到無肉食既分店，但荃灣店多次過門而不入後，今天第一次光顧。見前帖講服務，但普通自助餐，價錢$158(週末)，價錢正常，而且無加一，希望開心食。此分店在於食品質素而言，味道不錯，可惜與旺角/中環分店比較下，價錢差不多，但味道食品選擇少一半，而且沒有水果及甜品。最令人費解的是，原來晚市係無白飯，而且是日亦沒有炒飯。中式食品配上白飯/炒飯都是基本，可以有咖哩，亦沒有麵包，不太明白此分店的經營手法。其實係咪有分唔同老闆？

很久之前食過幾好食，再約朋友嚟呢度食，但係入場時職員冇提及限時90分鐘，我同朋友傾到得意忘形時，職員態度好差就喺7:45跟我們說你哋已經超左時15分鍾，（我們6時進歺）但朋友剛剛攞咗嘢食返嚟，佢諗住食埋先，但職員已經企喺隔離不友善咁催促快啲還枱，你哋已經超時😓其實做法可以好啲，應該係喺7:30時（夠90分鐘時）就通知我哋已經夠鐘，請盡快離開，但當時情況好尷尬，雖然我哋有唔啱嘅地方已經過時15分鐘，但非常尷尬下離開，明明開心飯敘變咗都唔開心 ☹️

咁既價錢吳寄望高今日星期三，但一開門入座！收錢先入座不在講。一開始巳叫人堆晒入面坐我地想轉出收銀面前大範圍冇人！甚至一個人都座4人枱！話吳得座番埋入面！冇人出面留黎自己座咩！全因比左錢吳係巳走頭九世。

又黎食齋啦, 上次食午餐, 今次食晚餐, 晚餐貴啲一個人要$138, 職員幾nice, 見我地係門口睇緊, 就同我地講可以入去行一圈望望啱唔啱食, 不過因為唔係第一次黎, 都大概知有啲咩食, 門口俾錢凈係收八達通或者現金. 一入去就見到涼拌嘢, 不過最近唔多想食凍嘢, 凈係拎佐一舊豆腐, 兩舊壽司, 兩舊茄子, 味道唔錯好多唔同種類既菜. 感覺非常健康, 樣樣都食少少, 最鍾意食個麵筋.見到炸物真係零舍興奮, 食齋食炸嘢, 咁仲算唔算健康呢? 每個款都拎一件試, 竟然有pizza, 真係好開心, 不過炸芋頭先係最好食.飲品係檸檬水同洛神花茶, 留意返, 洛神花茶係凍的, 之後見到有陳皮白粥, 有菜甫花生加.糖水係綠豆沙, 綠豆冰煲得好好啊, 有八寶粥既味道, 好想知點做到湯係紅菜頭加蘿蔔, 好飲, 够熱生果係哈蜜瓜, 不過個胃已經裝唔落啦食完記得自已執返啲餐具, 不過要留意下個地下有啲跣, 始終多老人家, 真係要小心啲

職員態度差，隔咗一段日子都仲覺得好嬲，其實我畀咗錢先入座，唔代表職員嘅態度就可以差 提醒我自己執碟可以，但係職員語氣極差，好似我係佢下屬咁。另外，食品款式唔太多，炸物係凍曬。