煌府婚宴專門店

營業中

休息中

而家煌府無咗片皮鴨，失色咗，好彩有其他新嘅嘅搭救。例牌燒鵝加醬油蝦甘叫，燒鵝皮夠脆，唔算好肥。蝦就比較細隻，但估唔到味道都幾唔錯。酸菜魚值得推介，魚夠滑，麻辣味唔算太濃，我覺得酸味較多，味道唔錯。沙拉骨就比較普通。希望遲吓有返片皮鴨，加分好多。

環境 酒樓地點唔算喺個好起眼嘅地方，喺個普通商場入面，門面唔算太闊，但係入到入邊裝修都可以，因為始終都係做婚宴場地，坐得都舒服企理，不過就平日人比較多，屯門區企理的酒樓不多，所以佢都好好生意食物：首先上菜速度不過不失，侍應服務員都足夠，禮貌都唔錯。炒飯新鮮份量多，食得出係即炒好香糕點類都是熱辣辣上枱，食落去都新鮮唔會太腍太黏口最出色係個蛋散，新鮮出爐非常脆口好味，蜜糖做點綴，好食總結：屯門區酒樓數量不多，所以呢間都算性價比高

訂左圍餐係度食隻乳豬真係夠脆😋😋😋其他就大大份不過不失咁12人圍多到食唔曬😂😂😂😂唔錯而環境都唔逼 幾好坐👍🏻👍🏻👍🏻👍🏻👍🏻👍🏻

早前和太太工作前預早了時間，經過附近決定入去嘆中式早茶😋我們不需等位，店員友善地帶我們入座，酒樓地方寬倘光潔明亮，我們叫了普洱茶醒醒神😋我們點了醒神優惠孖寶的家鄉炒米粉及蠔皇鮮竹卷，另外點了秘制牛孖筋😋炒米粉配菜都幾多，有西芹紅蘿白及蔥，再加上芝麻幾香口😋鮮竹卷有三件，香濃好入味，但略為細件，但勝在夠惹味😋牛孖筋唔多，但很爽口入味，再加上有芋頭吸曬啲汁液，份外香濃😋跟住再飲普洱茶消消滯，充滿力量再去工作😋

雅都Gogomall旁邊既 煌府疫情放寬後三年以黎第一次去飲茶🫖不過只有二個人 叫既點心唔係太多總共叫左六款點心一入到環境望落好闊落枱與枱之間 間隔都有一黎距離員工都好有禮貌😎環境指數： ⭐️⭐️⭐️⭐️⭐️食物指數：⭐️⭐️⭐️⭐️蟹籽燒賣⭐️⭐️⭐️⭐️⭐️山竹牛肉球⭐️⭐️⭐️⭐️⭐️鮑汁鮮竹卷⭐️⭐️⭐️⭐️流沙奶黃包⭐️⭐️⭐️ 蜜味乂燒腸⭐️⭐️⭐️⭐️⭐️六個點心 二個人埋單大約200$左右☺️

約媽咪食晚餐，今次特登入嚟屯門﹐求其搵咗間酒樓，點知性價比咁高咁好食。叫咗個酸菜魚，唔算辣，料好多，都幾好味。之後，片皮鴨超脆，好香好味，真係意想不到。另外，叫咗個薑蔥焗蠔，又係料非常多，味道正，一定會再次幫襯，性價比高，推介。

今晚同朋友食飯叫幾個小菜，而又見到有d promotion好似幾抵，所以試吓！ 手拍青瓜海蜇新鮮爽口，有點脆口嘅感覺，好食！ 海鮮稻庭烏冬一整窩烏冬，先睇個份量都已經覺得值，用料可以話係老實，有蝦，蚌，蜆等海鮮，加上蕃茄湯底，可以話好有鮮甜味，但又唔會好濟。 果皮蒸大連鮑鮑魚大細大概一隻手指公咁長，火口控制得唔錯，我咬落覺得爽同諗，唔會係好韌，咬唔開個種。加上果皮同香蔥放咗匙油清蒸，好有鮑魚原味。 椒絲腐乳西洋菜從來未見過出街食飯，炒菜會咁大碟。雖然簡單，但腐乳味充足 豉椒炒沙白蜆呢樣我同朋友真心覺得好食，豉椒味非常突出，正！蜆肉也不小而且食得出係新鮮，唔係梅同有浸雪味，食咗好耐先食哂，真係大碟！ 蒜蓉粉絲蒸元貝呢個係我同朋友一致認為最好食嘅，蒜蓉同元貝嘅味，連同醬油全部俾d粉絲吸收哂。。。無得輸！必食，帶子又新鮮，感覺非常良好。十分滿足！ 除咗食物，侍應服務亦唔錯，會主動換碟，仲要換咗幾次，態度亦友善。 總結整餐晚飯，由於酒家環境空間都俾我感覺舒服，食物質素不俗，性格比幾高，值得俾個like!

陪媽媽去完屯門覆診，之後黎左煌府飲茶，呢間煌府係近年我去過咁多間茶樓服務最好嘅一間。自動自覺加水唔在講，見我地想搵牙籤，都未開聲就即刻拎到黎，食物唔小心整污糟左件衫，亦馬上有濕紙巾，服務真係好到冇得彈，有機會一定會再黎呢度飲茶。講返食物，食物質素都幾高，全部都係即叫即製嘅。鮮蝦大春卷有爽口彈牙嘅鮮蝦喺入面。千島吉列蝦大大隻，配埋千島醬一齊食感覺就冇咁油。百花釀魚肚嘅魚肚厚身得黎好入味，蝦亦都彈牙。至尊燒鵝皇米線嘅燒鵝係脾嘅部分，肉質嫩得黎重鵝味，而且食嘅時候仲有溫度唔會冷冰冰。

表妹結婚搵場地，親朋好友都係住返本區，一於就大家方便，特意來Gogo mall 試下這間煌府😬地方就腳V city行過嚟5分鐘都唔使，地方無柱位超級大，乾淨企理，店員服務值得讚👍👍晚市有優惠，五人一款六人兩款點左薑蔥鮮蠔煲 $38 有超過10隻，外酥內嫩，用廣島，蠔味十足！伴啤酒一流，$20/3罐，平過超市🤣🤣孖寶海鮮套餐同樣抵食 波士頓新鮮龍蝦伊面 + 炸乳鴿2只 -＄298乳鴿熱辣辣，嫩滑juicy!真正皮脆內嫩，好細心配埋手套👍👍波龍新鮮大隻，伊面份量超級多，龍蝦🦞超彈牙又爽，未算好大只，勝在鮮味！兩個人三樣菜三罐啤酒🍻爽呀！食物質素ok ,服務抵贊，場地應該可以三、四十圍，住附近真係可以考慮係度擺😌😌

禮拜日上午九點幾十點攞飛，迫爆，要等位，唔算耐。知客都嚴謹，一定要check哂在座所有人已嘟安心出行，不過態度誠懇。酒樓裝修有啲娘娘地英式鄉村田園風味feel，分配咗角落張5-6人枱，坐得比較舒適。現場因為聲音嘈雜，所以大家講嘢都冇咩影響，啱哂一家大細嘈嘈閉、傾偈唔駛壓低聲底。口痕叫咗碟好耐冇食嘅擂沙湯丸，一碟四粒黑芝麻餡，輕輕一夾已唧咗啲餡出嚟，小甜，幾粒連環食唔覺漏。郊外油菜之生菜都幾大碟，走咗幾多油。抵食之選係個太極鴛鴦飯，超多汁，餸夠多，碟頭大又深，足夠5-6人食有餘。魷魚酥個脆漿就唔係我鍾意嗰種質地，件數亦偏小，魷魚亦太幼。以附近冇乜同類型大眾化酒樓嚟講係一個方便選擇。

冬天一到，凍冰冰的天氣，又是食羊腩煲的好日子，補一補，暖一暖身。今晚又不想煮，又和囡囡到附近的煌府食晚飯，最近又再重推羊腩煲。羊腩煲羊腩煲選了貴價的黑山羊，沒有羊騷味，一煲有很多羊腩，十分足料，還有羊腩煲必備的炸枝竹，花菇，蓮藕，馬蹄。湯汁的味道不會死鹹，不是用了過重的味精。羊腩爽脆，肉嫩，配上腐乳醬，非常惹味。枝竹非常入味。柚子蝦球柚子醬非常清新，蝦彈牙，炸粉漿不會過厚，加上柚子醬汁，配上柚子粒，非常開胃。千層薑汁糕即叫即整，非常煙韌的千層糕，薑味濃郁，吃完後，身體非常胃，正。

近排工作超忙,今晚有得收早,要享受一下入座後睇下個餐牌,兩個人叫咗一個孖寶套餐(龍蝦伊麵+乳鴨)和一碟菜「上湯美國龍蝦伊麵龍蝦賣相唔錯, 油泡過嘅龍蝦肉質更香更爽口, 廚師仲爆好晒d殼, 扭一扭就食得, 全部都唔洗自己再鉗開伊麵吸收晒龍蝦精華, 食落更入味原隻龍蝦肉取出,啖啖肉爽口彈牙~yummy香燒皇子鴿(2隻)乳鴿皮脆肉嫩, 肉汁豐富, 點些准鹽, 令人吃不停口上湯蒜子浸豆苗豆苗非常新鮮嫩綠, 食咗咁多肉, 食個菜平衡下食完仲有兩碗糖水送, 紅豆沙超熱,煲到起晒沙而仲有粒粒好豆食, 甜度適中, 為呢餐劃上圓滿句號兩個人最後埋單唔洗$500,仲食到舉住個肚走。食物唔錯,而且服務又好。待應主動有禮, 上菜快又勤換碟, 值得下次回頭

最近老公轉左星期六日都放假可以陪我，最好既週末活動當然係去飲個茶食個包啦，今日簡左係gogo mall入面既煌府，地點方便食飽飽就可以去隔離街超市街市買餸，我地依日1430入座，可以享用下午茶價錢，由入紙都上菜既速度都好快，每件點心都係熱喇喇，侍應都好有效率同細心，難怪酒樓長期大排長龍，見好多都係熟客仔，同侍應有傾有講，依種熱訄真係疫情後好少見，叫到一台都係野食埋單都係二百蚊左右，價錢非常親民、味道又不錯！

難得有假期，回娘家跟媽咪出外飲茶🫖下午茶時段兩點開始，很多好味的優惠點心😋香麻綠茶餅賣相吸引，口感鬆脆，味道香濃金蒜灼娃娃菜分量頗大黃金流沙包甜度適中，流沙餡料一流海鮮福建炒飯足料好味，有蝦🍤、帶子、翠玉瓜等，媽咪吃都讚不絕口叉燒包餡料好味話梅豬手豬手炆得軟腍得來帶點煙靭，膠質豐富，跟酸酸甜甜的話梅汁簡直是絕配😋陳皮牛肉球新鮮出爐，香甜美味蜜味叉燒腸香濃美味的叉燒從腸粉軟薄鮮蝦腐皮卷皮薄餡靚，腐皮非常酥脆，口感層次豐富椰汁桂花糕賣相精美，甜度適中除了食物外, 最喜歡是防疫安排, 枱與枱之間用上落地膠簾幕, 安全度很高~

媽咪生日去了新墟的煌府飲茶，比較就腳，因為之前那天吃了buffet還很飽，所以我們特地等到下午茶特價時段才去，平日下午茶茶客不多，主要係老人家，下午茶除了點心是優惠價之外，還有一張藍色的點心紙，更優惠，我全都點那張，三個人吃十個點心，三百元都不用。蝦餃 $15.8👍兩件優惠裝，唔洗驚食剩燒賣 $15.8👍彈牙好食千層薑汁糕 $17.8👍好有薑味，口感強韌，必食！！話梅豬手 $20.8流沙包 $20.8👍好流心，偏甜，就係甜先好食嘛！！必食！！四寶滑雞扎 $23.8👍大件抵食。鮮蝦大春卷 $23.8👍多蝦好脆玫瑰霞豉油雞米線 $25.8✨抵食掛爐燒鵝米線 $38.8✨抵食紅燒皇子鴿 $40🙂略瘦，但唔肥膩。茗茶 $8