煌極 (MOSTown新港城中心(5期))

營業中

休息中

其實呢間鋪見到好耐，一直都好想試，不過見佢價錢唔平，而且OpenRice的評價好像一般，所以一直冇試，直至今次有優惠券（係中電積分換返嚟的）所以可以免費食雞煲啦！諗住平日夜晚應該唔係好多人，所以冇book位，結果喺門口要等10分鐘，都OK嘅！入到去先叫咗個雞煲，因為我哋有小朋友，所以我哋叫唔辣，另外佢自動上左D小食(雞腳，當然要收費)。然後再睇下有乜嘢食。雞煲都好快上，我哋張優惠券四人可以有一隻雞，連骨連皮其實都幾大煲，裏面有好多香料雜菜，啲汁都幾惹味，可惜亞女唔係咁鍾意。由於個雞煲都幾多，我哋未食晒就已經「筆」起左，準備打邊爐。我哋唔係嗌咗好多嘢食，特別一讚係個手打墨魚丸($80/10粒)真係好彈牙，至於穀飼肥牛（我哋揀咗最平嗰隻$68）就相對多咗啲肥膏，唔算好靚。為咗餵飽啲小朋友，我哋仲叫咗白飯（價錢$12 ）服務方面，由於佢只得兩個阿姐+1個經理，所以真係唔係幾夠人手，有時叫極佢都唔過嚟，但係當落單之後，啲嘢其實又上得好快。免費左個雞煲(但要收手續費$26)，兩大兩小唔係食好多嘢，只係叫左6樣嘢，都要$362埋單.....所以...我應該唔會再來....

{ 麻 辣 雞 煲 }又係雞煲！去到馬鞍山都要食雞煲，發現正野！愛不釋手！小辣已經滿足唔到小妹嗱，愈食愈辣，超級惹味！啲雞好嫩好滑，仲有超多超甜洋蔥同芫茜！最喜歡這個特惠孖寶餐（半隻雞加牛頸脊$388）中辣加埋竹笙生菜，吸哂啲辣味精華，麻辣菊花的最高境界亦是最佳組合！麻辣菊花程度：🌶🌶🌶🌶🌶一食再食：★★★★★ ｛ 牛 頸 脊 🐂 }牛頸脊配打邊爐、雞煲都咁正！10、9、8、7、6、5、4、3、2、1！食得！仲要記得加杯大大檸茶解下辣，爽矣可能因為每次都平日6點零，未到晚市，所以得幾枱客，服務又唔錯噯！只是偶爾唔記得比飯我地，提一提好快到！不掃雅興！註：明明都係熟客仔，啲店員姐姐間唔中會更年期燥底冇嘜禮貌，念在啲雞好食唔怪佢地！

星期4晚 滿心觀喜食個放題雞煲見唔爆場 仲有幾張吉枱就入去啦入到去個講完2位個四眼妹就企埋一邊同人吹水算 我自己搵位坐左係度成5分鐘枱底餐單咩都冇 再出去叫人 先慢慢 set 枱算 落單落埋火鍋料 9:10坐到9:25先有個煲黎 算 食完個煲等火鍋料 煲水等到等到 9:50 仲未黎去催下單 四眼妹就黎料 你唔加水我自己加囉 又問我行出黎做咩 同你講好耐冇野黎 你大大聲爆我要等架 d 野要整架 ！已經唔多野啦 魚蛋你親手幫我打架？ 樣樣都現醒 黎既量又唔係多仲要漏單仲要大大聲講 任食好多野賣哂架啦 你賣哂 我入黎個陣唔同我講？等野黎個陣見到 任食同唔任食分別隔離枱唔係任食又唔見上得慢另一枱任食碟牛成半個鐘先黎 同佢眼神相接 明哂成晚唯一好聲好氣同主動就係推薦我叫個碟乾過佢塊面既安格斯牛 仲差過d 舊式酒樓水準

呢間雞煲我食咗好多次，依然覺得好好食。佢價錢亦非常便宜，$168任食加埋一都唔使$200。佢配嘅嘢飲亦都超級大杯好特別。我最鍾意食佢個薯粉，吸晒雞煲啲汁真係好好味。超級推介！

情人節要食飯搵位一定附帶挑戰，對於另一半來說，叮一下便想出來.....雞煲食過無數次，這間是第一次光顧，雞煲選了不辣，味道重、要不停飲水，適合重味的朋友仔光顧，雞是滑口的，無碎骨，刀功很好，手打丸值得一讚是彈牙的。

年初三晚收工同幾個同事宵夜，大家都想食雞煲，誤闖入呢間店！一入到去，有位態度勁差嘅阿姐安排我入座，我地覺得新年流流服務態度係咪應該要好少少呢！我地叫左個雞煲，幾蝶火鍋料，但埋單要成千蚊，我地覺得好奇怪，點解咁貴，一睇張單原來加左每位8蚊茶錢但從來冇攞過茶俾我地！都算，仲要加30%服務費，㩒住黎搶！我地當然問過究竟，服務勁差個阿姐答我地，新年已經冇加價架喇，依家收加三已經好好架喇我地同佢講收加三唔緊要，但我地入座時應該講清楚俾我地知加三囉，阿姐話門口有寫，你地自己睇唔到我地俾完錢出門口搵左好耐都搵唔到30%服務費字眼囉！以後都唔會去呢間店食

到馬鞍山逛逛，見到有烤魚食，看看食評都說差，以為只是個別人問題，但真的中伏。服務差，唔抵食，煮法有問題。叫了烤海鱸魚，不知是否他們的特殊煮法，差不多把魚表面食完期間，發覺把盛載配料魚的碟也放在烤盤內。朋友說這個是可以的煮法，不知是真是假，見服務這麽差也不想吵架，留待日後查核煮法，但不會再來食。因我在其它地點也食了不少烤魚店也沒有這煮法，在中國重慶食也沒看見，深圳這麼多烤魚店也沒有遇見。

這間位於馬鞍山新港城中心的煌極，一開始不吸引我光顧因為裝修太普通，有次老公想打邊爐佢就話去迎海商場地下酒家打邊爐，我講唔好次次都就只會去那間吃，價錢又不是平為何不去馬鞍山行行看看還有其他，真心馬鞍山打邊爐地方太少，所以我就膽粗粗 帶左我老公去煌極試下，我睇左餐單我叫左個四川麻辣雞煲，老公好像叫左個鹹酸魚個名我不太記得，因為我唔食魚所以沒記下關係，之後就叫左佢地公司推介的牛肉真心好吃牛肉，肉質又嫩牛肉味又重我大女超級喜歡因為佢係牛肉魔戒之女冇牛不歡 而我個3小姐就最鍾意食，佢地個紅蕃粉和烏冬，其實整體嚟講佢哋啲食品質素和埋相都有88分，我個仔就最喜歡佢地出品汽水又大杯又搞笑，平日晚上去食飯其實不用等位，假日就排長龍人山人海佢地商店環境闊落~座位唔算擠迫服務員質素都不算太差，這間打邊爐真心推介價錢又唔算太貴，佢地大台比較多一家人吃飯會比較舒服，有小朋友嘅佢哋又有bb櫈提供朋友們記得開車去煌極吃飯，泊車泊在他們商店旁邊的停車場，食完飯都唔使行太遠拿車子

以前男店長服務還可以，最近換了女店長以後，對這餐廳感覺不太好了，態度極差，又串又冇禮貌，唔知咩事得罪佢，以後唔去了，俾錢買難受！其實本來餐廳食物質素唔差，性價比可以，但真係冇辦法忍受該名女店長既態度。

果味四眼妹服務態度不佳，超無禮貌，好似人地欠咗佢錢咁既款，語氣非常唔好，真係替老闆感到悲哀，請咗呢啲咁既員工， 趁早炒咗佢吧！！有咁既服務態度等於趕客！不會再光顧！！！！

長髮四眼女店員態度極差，由落單到埋單，完全係鄙視嘅眼神， 昨天我們四個人食飯都已經食咗千八元， 都唔算係低消費，但有咁嘅服務態度真係一啲都唔值， 以後唔會再幫襯， 亦都會通知各大好友不要去馬鞍山呢間王擊

落單等左半hour，催一催問幾時到，然後就繼續傾計等。。。突然店員放可樂係枱就走左，朋友問點解會有可樂？（同時間我見到隔離枱有人企係旁邊問另一個店員拿可樂）而佢話係我地叫，我話唔係我地，你係唔係聽錯人，頭先隔離有個人叫可樂，之後個店員就直接話我地好煩，話頭先又係我地......（頭先係指問d野幾時到），然後將可樂放係隔離枱就走左（隔離枱d人好無奈）其實我地無鬧佢，而且可樂都無開過，放番雪櫃就得，但我唔明點解可以咁個態度，我係黎吃飯，唔係受氣，因為以前吃過覺得好味，呢次先再黎，本身仲約左人sat再黎，但個刻即cancel88，請到d咁既店員，呢間店成為我第一次希望可以快點倒閉既店，態度差既店員見過，但吃咁多間都未遇過咁差ge

訂咗枱去到都冇枱比我，問接電話的服務員又唔我，態度差，都好難會再幫襯，如果冇枱比人，應該就唔接受電話訂枱，員工服務態度真係要檢討吓，簡直係趕客，從來未見過一間服務態度咁差的食店。

平時好怕食好辣既雞煲今次一行人都唔食辣好好😆-第一次食唔辣既雞煲估唔到都好惹味～仲出乎意料d雞好滑😍-條烤魚大條到嚇親我地肉質滑嫩 feel到好新鮮😂再試埋大大杯檸茶好吸引人眼球😛仲有肥牛同豬肉放題-Plus上www.imenu.hk 用$10買左$50 coupon 食呢個雞煲烤魚放題勁抵😛

去馬安山探朋友，好就腳落左樓下間煌極食雞煲放題，個套餐又有雞煲又有烤魚都係每位$268，我地上網用$10買左張coupon，仲可以每人平$50個雞煲揀左中辣非常惹味，雞肉又香滑，而烤魚配料都好足，魚肉鮮嫩。套餐價包兩碟<黑頸脊肥牛>🐂<梅花豚肉>🐖，真係估唔到質素相當高，脂肪均勻厚度合適又不會太韌，有驚喜！令人開心的是套餐內包的凍檸茶好似啤酒咁大杯🍺咁就可以盡情飲啦😄