煥林粉麵食店 (已結業)

去開中央圖書館，見有少少肚餓但又未到晚飯時間，就去食啲小食。沙茶魚蛋係我同年回憶，以前喺中央圖書館溫書肚餓必食，而家搬咗去隔離街營多舖入邊，味道依然～張梁點餐👦🏻🧒🏻1）$15 《沙茶魚蛋撈麵》評分（10分滿分）：8⃣食評💬：性價比算高，價錢平過七仔，仲要好食過七仔！沙茶醬即係沙嗲醬啲朋友，惹味啲～2）$16 《炸魚片頭撈麵》評分（10分滿分）：8⃣食評💬：炸魚片頭外脆內軟，好有魚蛋味。撈麵有得揀辣定唔辣，都係營多入面啲味粉，辣嘅話都幾辣！不過可以嗌少辣～煥林粉麵食店 (銅鑼灣)📍銅鑼灣信德街1-7號美蘭閣地下A舖營多店舖內

煥林雖然我未至於由細食到大，但的確睇住佢搬左幾次舖，曾經有一次搬左之後就無再開舖，好彩我朋友有佢FB，所以知老闆的近況，例如無開舖之後同老闆娘去玩等等，都可以知道，而最開心的消息就係佢地係銅鑼灣營多入面開左舖，煥林又重新了，所以好開心，我地又去左幫襯好多次，因為佢的沙茶醬撈面同格仔餅真係好正，我最愛的就係格仔餅，不過搬左去營多的煥林就變左星期一休息。今次我去煥林就叫左豬扒沙茶撈麵，再加左一個新產品鹽酥雞，先講下豬扒撈麵，塊豬扒真係好好味，而且佢煮的撈麵軟硬又適中，不會太淋，所以撈起來好好食，老闆亦會問埋你地要唔要加沙茶醬，加左真係好好味，不過上次老闆再加左隻泰式醬仲更加好食，如果今次有，五星推薦都可以有。之後就係鹽酥雞，係之前我嚟的時候未有的產品，當然我唔知佢推出左幾耐，畢竟呢排少左出銅鑼灣，但係呢個鹽酥雞真係好正，脆卜卜，調味都適宜，不會過鹹。以下評分以5⭐️為滿分推介⭐️⭐️⭐️⭐️

好多年前已經是煥林的fans......由中學吃到大學吃到出來工作，仍然最喜歡這家小店的撈麵和墨魚丸。每次煥林關店，我都超級擔心以後冇得食煥林撈麵！好開心今次雖換了地點，好味程度依然不變! 高度推介: 沙茶醬撈麵墨魚丸加泰式辣醬每次吃完都有幸福的感覺

喺天后出沒開嘅大家一定知道煥林小食， 喺十字路口而且夥記同老闆手腳又快， 醫肚 真係快靚正㗎。 新頂咗佢鋪喺嗰間就。。。。 煥林之前換個舖位去到 後巷，但最後呢就入咗去間印尼超市。 見返老闆真係好開心㗎即時買番個夾餅嚟慶祝。姐姐較定時間黎整，等左8分鐘左右。接到手 熱辣辣, 軟熟悉中 餡料絕不偷工減料， 咬落去有啲脆又有香軟， 真係好開心。不過可能隻袋嘅問題通唔到分好快 就淋咗lu。 另外如果我可以嘅話想叫多醬好鍾意好多砂糖喺口颯颯聲嘅聲音。我諗我哋要嘅唔單止係醫飽我哋嘅美食仲係嗰份人情味。

讀書時期，經常同老友去中央温書。温到餓餓地，梗要走過對面街揾煥林醫下肚。最岀名嘅食物非沙茶撈面莫屬。早兩年因為加租嘅關係，見證煥林結業一刻。最近老友話煥林重新開業，即刻約埋一齊去撐下場，回味一下沙茶撈面嘅味道！新地址其實就係舊址附近，但佢實際係搬左入去營多店裡面。環境當然比以前好，有冷氣有台，大熱天時食撈面都唔洗身水身汗。我叫左份撈面加多條司華力腸，保持一貫高質水準，我敢講呢個撈面係全香港最好食！以後落開銅鑼灣一定會去食，極力推薦！

煥林粉麵在天后區消失了好一陣子。每次走過已經易手的舊舗，總有一份唏噓的感覺。畢竟，又是土地問題，加租加到飛起，令小店站立不住。今天走過天后小街，看見一間營多集團開的小型超級市場，進去逛逛。誰知，看見了熟悉的臉孔-煥林的老闆和老闆娘！心中大喜，決定幫襯買了魚旦撈麵（$15）。撈麵的精隨在於那沙茶醬：很香，不會感到很油膩，相信是自家調製的。原來老闆休息了半年，才進駐這裏三個月。老闆娘說很多熟客仍未知此舖搬到這裡，相信生意跟以往比較差了。老闆與老闆娘的笑容和人情味現已買少見少。希望自己可以盡一點力幫幫他們。

上次食左個撈面加雞扒，20蚊，其實好唔夠，因為都細細份，雞扒份量係好多，不過撈面就唔係好夠，所以今次直情叫2份撈面放埋一齊，一份係配芝士腸，另一份係配雞扒，所以就有呢一盆咁大盆既雞扒芝士腸撈面啦!一如以往，雞扒份量好多，見到係醃好左好似係炸過再返炸，所以個皮都夠乾身微微地脆，好香口，另外加左啲沙嗲汁，但原來唔要沙嗲係可以加蜜糖的，可能係因為有芝士腸啦。芝士腸係烤既，所以出面係乾身啲，而因為烤過，芝士腸層皮無左平時烚芝之腸層皮既彈性，我覺得芝士腸烚既係最好食架!食完呢碗面其實頂到好多個鐘都唔肚餓啦，因為真係好大碗，而且好邪惡添呀!

近排多左過黎銅鑼灣，想食啲輕便啲既野，但係比呢間煥林撈面吸引左! 老闆勁nice勁好人，撈面好正，係印尼撈面，大家都知係咩味啦! 配埋一大塊煎到好香脆好厚既雞扒都只係20蚊，雞扒左啲沙茶醬，好好好好香啊! 個面得一包就好似唔係好夠，所以我加左8蚊沙茶魚蛋，好彈牙! 已經係第3次幫趁佢地，響銅鑼灣可以揾到呢啲咁有heart既小店好難得，而且佢地啲撈面既價錢咁親民，響銅鑼灣就係更加難得，希望大家都多啲幫襯呢啲小店，支持吓佢地!

想當年中學去中央圖書館溫書，一定會喺附近嘅小食鋪買返個沙茶魚蛋撈麵。早前佢執咗笠真係傷心到核爆，好似童年回憶冇咗咁。之前喺IG見到話佢終於強勢回歸！！重新開舖！！好開心呀！！🥳🥳🥳新鋪開咗喺舊舖附近嘅營多MARKET，依舊係熟悉嘅兩公婆，辛勤工作嘅背影。即刻叫返個最愛既沙茶魚蛋撈麵！！只係$15就要有六粒魚蛋同一個撈麵，銅鑼灣地帶來講真係絕無僅有！絕對冇偏心，佢嘅沙茶魚蛋煮得彈牙又入味，配埋撈左沙茶醬嘅撈麵超級夾！食落口係感動、係回憶、係童年呀！！！！🥰🥰🤩🤩大家都快啲支持下小店啦，希望佢哋會一直做落去呀，祝福佢生意興隆～🙌🏻🙌🏻-沙茶魚蛋撈麵 | $15-