煮你隻蜆 (已搬遷) 新店位置

#煮你隻蜆 葵廣新人氣小店✨終於去試了！不過間店有點偏僻 我喺地下個層搵咗好耐都搵唔到🤣店門口好得意 會放左一堆蜆😆而且有少少位可以企係到食 不過我都係外賣番屋企慢慢嘆🤓·花椒麻辣 ($43) +$5 配粉絲超中意佢呢個湯！！好重花椒味而且有好多蒜蓉辣椒🥰蜆嘅份量都不過不失啦 大概有10隻左右 蜆肉都有鮮味 配上佢嘅湯一流🤤如果外賣 可以同店員講分湯 咁就唔洗驚拎番屋企會淋曬😉粉絲都好好食 每條都掛湯同蒜蓉🥺不過如果係掃街食 價錢少貴🤑

-去到葵廣地下嗰層入少少，見到問卷再前啲轉入去就會見到呢間野，入面有枱可以堂食，睇佢ig就最詳細🐚原味爆蒜 $43 + $5粉絲 (分湯+$1) 7/10佢入面有十隻蜆，大大隻，配蒜好好食☺️,金菇比得好少，佢有得額外加$3再多啲金菇，粉絲數量都ok，個人覺得配粉絲好好食😚-📍 煮你隻蜆 葵芳葵涌廣場地下A73-1舖🕑Mon to Sun 13:00~21:00-

最近上網見到話葵廣有間蜆店好出名，所以今日經過就黎試吓。啲蜆到新鮮，不過一兜得十粒，感覺有啲少，啲粉絲同金菇都食到牛油同蒜味，好快就食哂，不過價錢有啲貴，咁就$51。仲要間店得細枱，塞得四個人，所以買完碗野冇位食好尷尬，最後要幫襯隔離唯一面家買杯豆漿先有位坐低食蜆同粉絲。同埋問職員拎多份餐具都好唔願意，最多比多對筷子你，匙羹都唔肯比。

見咁多YouTuber推薦諗住試下佢，叫左芫荽湯，味道芫荽加水，定唔評價好唔好食，一間專門買蜆嘅店，連食兩次都有沙，咁拎去換，諗住第二次會好啲，結果第二次，有11隻蜆，9隻都有沙。如果係啲大排檔抄蜆有沙我覺得無乜所謂，但一間主打賣蜆嘅店有沙，我覺得唔ok。好似48蚊買左兜沙番黎咁，換左第二次都有沙我認命。店員同我講啲蜆要吐沙要時間。我心諗咁關我咩事，吐沙你哋嘅事啦唔代表我買要食沙。

見到IG好多人洗版，去開葵廣就一於試一試。落到去買要等40分鐘😭以為煮蜆好快，唔買唔知要等咁耐。咁上去數住街先，落返去就真係差唔多，叫咗最原始嘅味道蒜蓉味，如果加粉絲要加$5定$10，買埋單都40幾蚊，已冇堂食黎講我覺得幾貴。。。。啲蜆幾新鮮，大粒，冇死蜆！一盒粉大概有六至七隻蜆，湯底唔太鹹，少少鮮味，合格啦可能期望太高，我只係覺得一般般，因為性價比唔高。不過因為係同路人店💛值得俾個機會試試掛住食都唔記得影相

​🤍煮你隻蜆​​∞ ∞ ∞ ∞ ∞ ∞ ​​◽️花椒麻辣 5/10（HKD 43 + HKD 5 粉絲）​​小妹我勁中意食麻辣粉絲，聽講葵芳新開左間好好味嘅麻辣粉絲，就梗係要試下啦！咁佢有五個味揀嘅，包括係：原味爆蒜、花椒麻辣、香濃芫荽、啖啖蕃茄同白酒牛油，但係43蚊只包個湯底、少少粉絲金菇同7-8隻蜆，平均5蚊一隻蜆，咁唔想得果幾隻蜆就要另加5蚊粉絲，咁勉強都叫有啲野食下嘅☹️！性價比尼講，我覺得勁唔抵！其他鋪頭賣一樣嘅食物正好多！（如：元朗花甲粉勁多配菜又大兜、18樓雞煲任加粉絲）​​咁食落其實都冇咩特別，就係又麻又辣，但麻嘅程度有令我嘴唇麻痺左，都ok嘅！蜆都叫新鮮，但絕對唔大隻。粉絲正常味，但係份量唔多！​​總括尼講，我食過一次就夠，絕對唔會encore😂！不推薦！​​∞ ∞ ∞ ∞ ∞ ∞ ​​💭評分​​味道 5/10​​∞ ∞ ∞ ∞ ∞ ∞ ​​📍地點​​煮你隻蜆 (📌葵芳)​葵芳葵富路7號葵涌廣場地下A73-1號舖​​∞ ∞ ∞ ∞ ∞ ∞ ​​

📍 煮你個蜆位於葵芳商場地下既一間小食店💛其實早係幾年前去台灣已經食過呢個小食，嗰啲蜆煮完嗰啲海水味索晒落去個面度，嗰種鮮味真係一試難忘😢所以知道香港竟然開咗，我一知道嗰日開始就已經好想好想好想去食😭😭😭其實之前都去過幾次不過就啲蜆全部都買晒，尋日早去所以就買到啦😎❤️❤️佢係外賣店黎，不過側邊有一張細細的枱仔你可以企喺度食，我太急不及待就食左先了🥺———————————————————-🍲 原味爆蒜 $43我加左$5要粉絲同$3要金菇😋 粉絲比勁多下～索哂啲湯簡直一流呀😍〰️〰️啲蜆係沙白黎，食唔到有沙，過程十分暢快🤤👍🏻 不過我就覺得嗰啲蒜頭味有啲重手，感覺蓋過左原本嘅鮮味🥺不過都是巧巧食的！金菇其實佢原本都有比一柱仔，我怕小先追加🤣🤣 一路食一路唔講嘢因為真係太好食，希望快啲放假又過嚟食🤣👍🏻🍲 白酒牛油 $43食落好似食緊清酒煮蜆咁！！！不過佢牛油味好出，勁夾個蜆😭 男朋友直情話想帶個湯番去打邊爐添😂 酒味都算出，唔會淡茂茂無味咁～同埋呢一碗冇追加其他餸，直接睇到其實佢一碗俾啲蜆都好多下！所以都係抵食嘅😎🤍cp值極高的小店〰️而且都唔算等太耐，都係等15至20分鐘就食得啦😆 附近仲有et

見佢新嘅黃店去支持下，但係好失望！$43蚊得10隻蜆（開頭以為幻覺嚟，但真係數左得10隻）。。味道不錯但真係太太太唔抵希望遲啲份量可以有調整，如果唔係都好難支持到