熊拉麵 (蘇杭街)

營業中

休息中

大家冇睇👀錯條題，我亦冇表達錯。話說，我係响d拉麵關注群組睇返來，知道佢都係做博多風拉麵🍜因為我個女好鍾意食豬骨湯拉麵，所以即使响上環咁遠我都襯weekend帶個女來拍住拖一戰。《招牌熊🧸拉麵🍜》未講碗麵本身，先講講點解我會認為佢用心經營。我留意到呢間店，有別於一般博多風拉麵點，佢會比顧客自由選擇麵嘅粗度，同埋叉燒嘅種類，如下圖。而且，唔單止比你揀咁簡單，仲圖文並茂咁提供資訊，你想知又好，唔想知都好，我認為知多d，點都係醒d。再加上，佢有芽菜同高菜比你無限添加，有得揀，先至係老闆，咁啱兩款蔬菜我都係鍾意食，呢下未食碗麵，個印象分先加左。香味 (1/5) - 碗麵一到，睇個相頭，同我一聞落去，我其實心中有數，知道呢碗嘅大概去到咩級數。香味真係欠奉，而且個豬骨湯，百份之二百係業務用嘅現成野，所以就算齋聞個湯，都覺得佢個豬骨味假假地，唔係自己用新鮮豬骨淆嘅骨湯。湯 (2/5) - 同上，業務用嘅現成湯，去到我口中，我好難比得落一個正常嘅分數。不過咁，我本身認為，現成野同好唔好味，都頗係兩回事，而呢個湯個味道其實都幾好味（似杯麵d湯），而且熱度，濃度，䶢度都夠好。我認為 2 分算持平。湯上面有

呢間拉麵都好有人氣，無論嚟食lunch 定食dinner都要排吓隊。有時唔太肚餓，就會嚟排吓，成碗拉麵就夠飽。叫咗個招牌熊拉麵，配火炙肥叉燒同幼麵。佢嘅豬骨湯底係好濃厚，但就算食哂成碗麵都唔會覺得好滯。火炙肥叉燒夠香燒焦味，雖然係肥叉燒但又唔會成舊肥膏。其實嚟呢度最主要係為咗佢個芽菜嚟，辣辣哋好開胃，最正係放喺枱度俾你無限加，會成日不知不覺夾哂食兜芽菜，要佢再refill🤭芽菜加埋落啲麵度會多咗個口感，食吓食吓就好快食完碗麵。

今日已經係第二次去食。一入門口就聞到燒肉味，因為佢哋會燒肉另外冇試過佢嗰個餃子，下次可以試試流心蛋非常之好食。推介。你咬入去佢個流心係橙色，最好就係佢哋冇切開。至於面嘅份量嘅份量係唔會好飽嘅，但又唔會覺得好肚餓。如果真係唔夠食，可以加份量。兩次都會飲埋個湯，因為真係有好香嘅豬骨味。個湯嘅質地可以掛喺個面上面。另外一提個店員都好好比一個籃我裝住個手袋同書包。所以我真心覺得佢哋服務是不錯。我見有啲評語話佢哋服務麻麻。其實真係唔係。

這一間味道算ok既，前前後後來左幾次。但係今日哩件事之後我唔會再來幫襯。哩間鋪頭既員工真係死腦筋，唔識轉。今日我地來食午餐堂食，五個人唔可以做一張大桌四人位，老闆話甘樣坐危險，我唔明有咩危險，三個人坐一排，兩個人坐一排就得啦。根據我地就分開坐，兩個人坐係另一張台，甘我坐係果個走道就唔危險嗎？路過員工端的湯汁撒到我身上點訓？最後我換位置到吧檯，係五個人坐既size，但係員工又來話讓我往另一邊坐。我明明係跟住個number坐既，點解又要我挪。

拉麵OK服務一般喺上環附近一個人食lunch見呢間熊拉麵都有啲人排隊，抱住一試無妨嘅心態試一試叫咗個熊招牌拉麵佢係豬骨湯底，湯頭非常濃郁，係傳統日式拉麵豬嘅豬骨湯底，值得一讚面底方面，餐廳係選用幼面，軟硬度適中，亦都值得一讚但係火炙肥叉燒就略嫌唔夠入味，亦都係得一塊，份量唔算太足夠佢亦都有雪菜同辣芽菜，作為配菜可以自行加入整體嚟講食物都尚算OK 但係服務方面就真係差少少，店員感覺上唔算太有善，食完碗拉麵唔夠1分鐘，店員就已經好匆忙咁要收走我碗麵，好似好趕時間咁所以用餐體驗一般。(我食完已經係兩點後，有其他空位，出面無人排隊)

上環打工仔食飯既選擇絕對唔算少, 不過我地個個隔一排一定會黎食下先滿足。而家雖然已經唔再係呢區返工，但間唔時黎開中上環又諗唔到食咩就一定會諗起佢。地方同其他拉麵館差不多， 都係較窄，不過佢地有個位放外套，枱下有勾掛袋，我覺得已經算係好好，可以輕輕鬆鬆食餐飯。職員態度亦好好，個個都主動及笑容滿面。麵既款式唔算多，不過每次唔同既期間限定食過幾次都有驚喜，唔岩心水既就可以叫返正常款式：招牌、黑熊、赤熊、魚介熊，本人認為每個都各有好食同特式。但自己食拉麵就鐘意重口味， 所以今次都係會點黑熊拉麵 – 黑蒜油，仲要配火炙肥叉燒先最岩我心意！麵底份量適中，湯底夠濃&杰身，口感好豐富，再加埋燒得岩岩好既叉燒食落有少少脆同油份，真係好好食！！！而店入面既配菜有薑、酸菜、芽菜，我就一定食芽菜，夠辣好開胃， 食完個麵再食多啖芽菜收尾係最滿足。佐敦同上環兩間都食過，我都覺得好好食。希望佢地Keep住做Keep住呢個水準，我一定再支持。

熊拉麵🍜好鍾意呢一間拉麵店裝修方面已經好有日本地道感覺仲要個拉麵真係好好食有提供冰水呢part已經好日本佢地啲配料仲要好食特別係個辣芽菜 配埋拉麵食好爽脆 仲要辣辣地好開胃 黑熊拉麵🍜見到個湯底就知好香濃濃濃嘅豚骨湯底加埋黑蒜油同炸蒜個湯底真係無得輸叉燒竟然有三款選擇咁多今次我揀左火炙肥叉燒其實佢嘅瘦叉燒同埋半肥瘦都好食但係我抗拒唔到邪惡的火炙肥叉燒表面焦香味再加埋肥美嘅肉香係口腔大爆發真係好好食 得一塊邊度夠㗎！！！

拉麵越開越多但係講到最愛最啱自己心水，就係呢間熊拉麵一諗起拉麵就會諗起佢食完每次隔一排又會好想再食每次都一定會叫佢嘅魚介熊拉麵仲有不得不提佢嘅辣芽菜一定一定一定要食每次食佢嘅糖心蛋都一定唔會撻Q 湯底係屬於濃厚嘅唔係清湯底而且每次都一定會飲晒佢果湯

餐廳地方淺窄， 坐得唔太舒服， 所幸服務員態度幾好，仲會特登攞籃畀你放下隨身物品同背囊。點咗個生滾廣島蠔豚骨湯拉麵。 面條有1.25mm幼面同埋1.5 mm中幼面兩種之分， 我要咗1.5 mm， 食落彈牙又掛湯 。蠔有四隻，粒粒都非常飽滿，肉貨鮮美。

中環的日式拉面店，12點前到不用等位亦都有幾枱人食緊叫左招牌的熊拉面，個樣就咁睇落有好有唔好。好係比起其他店佢係俾一隻完整半熟蛋你。不過叉燒就只有一片明顯較少，配菜亦都失色只有蔥花和木耳碎，個人比較喜歡有更多蔬菜和竹笋之類的配菜令成件事健康D，同埋蔬菜吸左面汁亦都好好味。試飲湯底飲落係OK GE，唔算係好濃好咸的味，口味較為清淡健康，但係豚骨味就唔太突出，不過不失。麵都係OK，叫左較粗的那款同埋普通硬度，但湯底不太掛麵所以食起上來會有少少淡，但就可以飲些湯來配搭。份量係足夠正常食量的人。總括來講味道OＫ，配料不足，價錢偏貴一碗＄９５性價比只是一般。

去完文武廟，陪阿sir食佢至愛嘅《熊拉麵》，星期日中午12:30嚟到要排幾個，本身諗住食招牌同黑熊，點知見外牆貼住期間限定～牡 蠣 豚 骨～，阿sir即刻超興奮話佢終於返嚟，我哋一定要一齊試！! ！🥢熊手作餃子 $48 ⭐️⭐️⭐️⭐️如果一個人嚟就唔會叫，因為碗拉麵份量都唔惹小，女仕勉強先食得晒。講返呢個餃子都唔錯，外層煎得金黃，食落好香脆，裡面嘅豬肉同菜比例平均，餃子皮厚薄適中，似鍋貼口感，所以都幾實在，但我鍾意。🥢生滾廣島蠔豚骨湯拉麵 $126 ⭐️⭐️⭐️⭐️如果鍾意食蠔都應該要一試，問咗應該做到新年前，隻隻蠔都肥大飽滿有蠔味，再加一片火灸半肥瘦叉燒，都咪話唔滿足，叉燒睇落好似好肥，但入口一啲油膩感都無，火灸過仲非常香口，最利害係個豚骨湯濃郁之餘不帶半點油，所以我忍唔住飲晒啲湯，除此之外，拉麵粗幼同軟硬度都可以揀，點揀啲麵都同樣掛湯，所以阿sir咁鍾意嚟都係一個主要原因，期望下次試其他期間限定。二人共消費：$300

之前睇咗「衞食攻略」，知道上環蘇杭街一帶有好多平民小店，放工就約埋同事一齊，係西營盤行過嚟搵食。見呢間熊拉麵有介紹過，價錢亦唔算貴，就入去坐低咗。招牌熊拉麵 ($95)豬骨湯底，份量正常，最出色係隻溏心蛋魚介熊拉麵 ($97)比起中環嗰間鯛魚湯底，呢間比較濃，但都好味。叉燒得一片，係大片薄切。麵底可以揀軟硬度。可以追加其他配料及香味油。會有期間限定款拉麵，呢段時間係生蠔拉麵。不過我哋對生蠔無興趣就試番招牌款。可以encore再去既小店。

嚟到呢間熊拉麵，真係要置身其中先知有幾得！湯底嚟講，啖啖濃郁，飲落去好順喉，完全唔會膩口，真係滿足到成個味蕾🤤！而家講吓拉麵，中幼條條麵身彈牙得嚟，每條都分明，好有嚼頭，一啖咬落，麵香四溢。嗱，熊拉麵個招牌肥叉燒，實言相告，真係肥美又多汁，火炙過嘅邊緣微微的焦香味，食落去簡直係嘆為觀止！呢個溏心蛋，真係熱門擋唔住，蛋黃流心得啱啱好，咸香得嚟又唔舂喧賓奪主。哎呀，實話跟大家講，呢個是但揀㗎嘅素菜，竟然都可以爽口到不得了，脆口嘅木耳同爽滑嘅筍尖，涼拌得啱啱好，成盤都係清新味道。試過喇，下次真係要搞個拉麵團，再帶多啲朋友嚟飽餐一頓，唔使搵得咁辛苦，因為呢間熊拉麵，係一個可以喺味道上打個滿分嘅好地方，肚仔餓嘅時候憶起就會心癢癢，走過路過唔好錯過啊！

熊拉麵 上環又到熊拉麵新推出期間限定的日子，上次限定的冷麵真心唔錯，今次一於試下佢個新限定，登登登係蜆肉豬骨湯拉麵。 拉麵賣相方面同海報差唔多，湯汁入口是豬骨湯味加草青味，草青味濃厚。蜆肉的數量算不少，但較為細隻，蜆肉有蜆肉味但對比唔算突出，唔覺得對個拉麵有加成效果，是一碗正常豬骨味的拉麵。 個人口味較為偏向之前的冷麵限定及蠔限定之類，當然如果個蜆肉晌湯汁能出返多點味應該會更加好，感覺今次個蜆做唔到主角，只能是配角。

熊拉麵 上環又出了夏天限定冷麵-海之幸焙煎芝麻醬冷麵😋，芝麻醬配上甜蝦、筍絲、蟹柳絲、青瓜絲、火腿絲、蕃茄仔、蛋及三文魚子，材料非常豐富，整個配搭要咬感有咬感，要味道有味道，要爽脆有爽脆，凍凍的拉麵再加上開胃的芝麻醬。夏天就會是不太想吃熱的，冷麵的口感冰涼又清爽，份量亦都唔少。但是如果不夠吃的話，呢到亦可以好似普通拉麵咁，加點一個全部配料，配料入面有幾塊叉燒（可轉角切或炙燒的叉燒）、木耳絲、筍絲、流心蛋及紫菜。