影片
電話號碼
90276970 (WhatsApp)
開飯介紹
店內放滿土耳其杯具，精緻土耳其燈，非常有異國風情。更有特色土耳其咖啡，在烹煮熱沙咖啡時，需將咖啡壺放在已預熱沙堆中。另有自家製乳酪、土耳其軟糖、土耳其燒雞等，給你全面享受土耳其文化。
繼續閱讀
附加資料
一星期有一天休息，敬請預約。
營業時間
今日營業
11:30 - 21:00
星期一至五
11:30 - 21:00
星期六至日
09:00 - 21:00
公眾假期
09:00 - 21:00
公眾假期前夕
09:00 - 21:00
以上資料只供參考, 請與餐廳確認詳情
-
網上訂座服務暫停
同狗狗、狗狗爸爸喺馬灣staycation。以往去開Cafe Roma、Little Mario，食的都係薄餅、漢堡包，今次嚟呢度試下土耳其菜。欣賞餐廳係寵物友善，狗狗可入餐廳坐，唔需要坐室位區域（室外的櫈係高椅，唔方便照顧狗狗），仲可以隨意喺餐廳裡面行走添。餐廳提供「街坊價」餐點，經濟實惠，不過當中只有幾款土耳其食物。烤雞1/4隻（$98）：餐牌冇寫有配菜（沙律），我哋問店員係咪跟飯，最後，跟咗飯。其後聽到另一檯點烤餅，先知道可以揀飯/烤餅，建議大家可問下店員，跟烤餅有特色啲。烤雞色澤好靚，充滿油光，狗狗爸爸切落去時都感覺到雞肉好嫩滑。佢話雞件調味唔錯，而碟上的乳酪醬我哋唔確定係咪配烤雞，但狗狗爸爸話雞係熱，醬係凍，夾埋奇怪啲，所以最後冇醮嚟食。飯的份量唔多，半碗左右；沙律材料豐富，調味仲唔錯添鷹咀豆醬伊斯坦漢堡（$48）：抵食！賣相靚，漢堡大大個，店員都話打卡最啱；麵包烤焗得啱啱好，外脆內軟；跟餐的沙律份量幾多；漢堡入面的鷹咀豆醬搽得唔算好厚、好多，味道略鹹；漢堡的饀料仲有用沙律醬撈咗的紅蘿蔔絲，佢的味道幾特別，好食，加落個漢堡度，令漢堡的味道同層次更豐富；芝士細細件，冇乜特別；整體而言，呢個漢堡性價比極高，以呢個價錢可試到土耳其菜，超值~菠蘿蘋果沙冰（跟餐+$48）：飲品唔算好大杯，亦冇乜presentation，但絕對真材實料，似飲緊一啖啖蘋果蓉咁；感覺佢的甜味係嚟自鮮果，幾抵飲，值得一試嚟到馬灣，可以抱住度假心情，試下異國的食物，包括少接觸到的土耳其菜，好特別。加上狗狗嚟到，受到餐廳接納、歡迎，呢點都好重要。下次有機會再到馬灣，都會再幫襯。
繼續閱讀
📍「熱沙咖啡」- 馬灣今次食食食之旅嚟到馬灣😌平時weekend 係香港無咩節目，就諗住去吓馬灣玩，當去個小旅行，點知俾👧🏻搵到間好chill 嘅土耳其cafe ，仲可以試埋土耳其服飾同沖土耳其咖啡，超得意‼️‼️‼️📷Cafe裝修充滿土耳其🇹🇷風，店面唔算大但坐得幾舒服，唔單止有土耳其衫、首飾同帽，可以著住嚟打卡影相，仲有得參加咖啡工作坊，自己落手落腳沖咖啡，幾特別嘅嘢體驗🤩呢度仲有貓店長🐱「沙沙」同狗狗「啤啤」🐶，超可愛又親人🥰岩哂中意動物嘅朋友仔😇🍴土耳其烤雞飯1/2💰HK$178✨推薦指數：8.5/10半隻烤雞比想像中大隻，食落皮脆肉滑夠juicy，就算雞胸都唔會鞋，醃得好入味😋沙律份量好多，有紫椰菜、粟米、紅蘿蔔等，仲有白飯鋪底，夠哂balance 👍🏻🍴秘製雞肉烤餅💰HK$178✨推薦指數：7.5/10Kebab 好大份，入面包住有好多沙律菜、烤雞肉、番茄仔，用上千島醬甜甜哋幾夾，不過醬比較多，雞肉乾身咗啲😗每一啖都咬到好多料，層次幾豐富，不過大份到食個陣有少少狼狽🤣🍴土耳其開心果酥餅💰HK$68（主菜+HK$30)✨推薦指數：7/10印象中未食過土耳其甜品，所以嗌咗近期大熱嘅#開心果 味🤣甜品賣相好靚🤩蝴蝶酥放係雲尼拿雪糕上，旁邊放咗開心果酥，打卡一流📸食落蝴蝶酥幾厚身，口感酥脆香甜；雲尼拿雪糕口感幼滿唔算太甜，中間混合咗果仁碎增加口感😙主角開心果酥反而食落個底比較硬身，而且非常甜，👧🏻就唔係太接受到咁甜嘅酥🫣🍴土耳其咖啡💰HK$58（主菜+HK$30；教玩+$80）✨推薦指數：8/10呢度最特別係有得自己沖土耳其咖啡‼️Staff 會示範咗先，然後就教👧🏻點樣沖，成個過程仲可以著土耳其🇹🇷衫一路沖一路打卡，樂岩情侶去拍拖拖🥰自己沖嘅咖啡特別好飲，飲落比較苦，但佢會配埋土耳其軟糖，一邊食一邊飲，軟糖嘅甜中和咗咖啡嘅苦，岩岩好☕️😙🍴一生紫愛💰HK$68（主菜+HK$30；教玩+$80）✨推薦指數：8/10賣相幾靚，下面係紫薯奶，上面有雲尼拿雪糕，飲落紫薯味好濃，飲飲下仲食到紫薯粒同果仁粒，口感好豐富☺️
繼續閱讀
朋友👱🏻♀️帶咗我嚟呢間土耳其🇹🇷餐廳兼咖啡店等我試吓土耳其咖啡同料理🤣店長哥哥招呼好好，對土耳其🇹🇷咖啡同埋食物好 knowledgeable👍，仲同好多客人都有講有笑👍$48「鮮紅石榴特飲」：顏色紅卜卜，有淡淡的紅石榴味道，少少甜，夠清新😋$158「土耳其🇹🇷全日早餐」：應該有鷹嘴豆蓉、乳酪醬、白桃醬、漬紅蘿蔔絲、土耳其式 Tortilla、滑蛋煎牛肉腸、沙律菜，相當豐富😋；「土耳其🇹🇷全日早餐」嘅組合對我嚟講幾有趣，亦都好味😋$158「烤香草慢煮鴨（辣/不辣）½隻」：要咗唔辣😋；½隻鴨份量其實相當多，呢隻鴨大隻多肉，80°C慢煮之下鴨肉肉質軟熟，加咗香草煮當然就更加香啦🤣；仲配有沙律菜、車厘茄、珍珠米，同慢煮鴨一齊食，好夾又好食😋「香蕉🍌加牛油果🥑」：有好香香蕉同埋牛油果味，好滑好 creamy，好清新😋「香蕉🍌加芒果🥭」：有好香香蕉同埋芒果味，都係好滑好 creamy，都係好清新😋Turkish Coffee 教玩 跟主菜 +$80 ：店長哥哥教煮土耳其🇹🇷咖啡，好玩又好飲👍，咖啡係用喺土耳其🇹🇷烘焙同磨成極幼咖啡粉嘅咖啡煮成，味道唔酸亦唔苦，但係有香濃咖啡味，口感好乾淨，係一個獨特嘅味道😋仲見到有人客穿上餐廳提供嘅土耳其🇹🇷服裝沖咖啡，玩得好開心🤣仲有好可愛嘅貓咪🤣
繼續閱讀
【假日好去處·土耳其咖啡工作坊☕️🤪】/////馬灣有間黃色小屋 去到揀件土耳其服飾體驗沖咖啡 土耳其燈工作坊(需預約!!)同店主養嘅貓貓同狗仔一齊玩吓 好寫意🥹交通方面由荃灣搭331/331S巴士到田寮新村只需15-20分鐘 仲快過出九龍🤣.｜土耳其全日早餐 ($158)個包充滿芝麻香 外脆内軟 食到停唔到😳配搭紅蘿蔔絲沙拉同蜂蜜醬組合係最夾 另外仲有新鮮沙律菜同雞蛋 非常豐富～｜秘製雞肉烤餅 ($178)烤餅質感濕潤鬆軟😁雞肉用土耳其調味料醃製過 調味適中保留到雞肉味道｜土耳其工作坊(主菜+$80）一對一沖咖啡體驗 用上熱沙煮熱 散發咖啡香氣 逐漸變得香濃🌬️易上手又飲到順滑清甜嘅咖啡 平衡到甜酸味 店員贈送土耳其玫瑰花糖以及明信片證書作為紀念🌹｜一生紫愛 (跟餐+$48）New!!💜用天然紫薯加乳酪制作出一杯美味紫薯飲品 仲食到香草杏仁粒雪糕｜土耳其開心果酥餅 (跟餐+$30)酥皮每層都脆卟卟 充滿開心果碎粒 甜度偏高 配香草雪糕中和番個味道～——--📍熱沙咖啡 (馬灣)馬灣大街村北335號地舖
繼續閱讀
自從上年去伊斯坦堡旅行之後，就愛上左土耳其呢個地方。聽朋友講馬灣有間隱世土耳其餐廳，今日放假就同朋友入去馬灣行下，順便試試呢間隱世餐廳。我哋嚮青衣站搭前往馬灣的NR330黃綠色巴士，巴士班次很密，上車後轉眼間就由繁忙的都市到達悠閑的小島。餐廳位置唔算難搵，嚮馬灣鄉事會路的村屋地下，門口放着一張圓枱同兩張高櫈，仲有啲花花草草同風車擺設，真的很有假日度假的感覺。推門入去後第一眼就見到一隻可愛的貓貓悠閑地午睡，可愛得很！令人回想起伊斯坦堡這貓咪天堂！我哋隨便選了個位置坐下，發覺周圍都很有伊斯坦堡的特色，牆上有大大塊的壁畫，畫了一些伊斯坦堡的著名景點，而附近的櫃都擺了不少貓貓或者是土耳其的擺設。餐廳角落有煮傳統的土耳其咖啡的爐同餐具。職員先同我地講起土耳其飲咖啡的歷史悠久，之後再親自示範煮土耳其咖啡 - “沙煮咖啡”。將咖啡粉和適量的水放進土耳其銅製咖啡壺中，接著開始加熱，加熱的過程會把銅壺的壺身埋進沙子裡，優雅的在沙堆上推個幾下。咖啡煮沸時會全部湧上來，這時候把上層煮沸的咖啡倒出來，再繼續加熱，這樣反覆幾次以後，一杯濃郁的土耳其咖啡就完成了。職員邊示範完之後，亦有俾我地嘗試推沙同煮咖啡。成個過程既有趣，我地亦從中學倒好多關於土耳其咖啡的知識！我地亦叫了兩份主食、土耳其咖啡同蕃石榴茶。土耳其烤雞飯有半隻烤雞，份量都唔少。烤雞燒得外脆內嫩，而且加咗香草等香料，非常惹味。烤雞放左係飯上面，令烤雞的味道滲入白飯之中！秘製雞肉烤餅雞肉、雜菜等混合了香草和沙律醬，來在烤餅之中。烤餅烤得香口，而香草提升左雞肉的風味。土耳其咖啡職員用正宗的煮法，煮出跟在土耳其旅行時喝的一模一樣的風味！蕃石榴茶土耳其的茶都很有名，我們叫了壺蕃石榴茶，酸酸甜甜的，得開胃！這次假日來到馬灣走走，彷如置身於離島一樣，感覺很寧靜，很relax。能夠在市區之中找到這份樂土，還有這間充滿土耳其特色的小店，的確是不錯的假日休閒活動！
繼續閱讀