燈籠滷味 (登龍街) (已結業)

🏮5年前喺師大夜市食過燈籠滷味，已經覺得好回味，咁難得而家喺香港都有，一定要食吓啦！ 一直好鐘意台灣夜市嗰種又唔叫唔嬲嘅態度，嚟到香港都有超過30款餸可以揀。香港嘅燈籠滷味比記憶中台灣嘅版本冇咁重口味，略嫌欠缺花椒、甘草、桂皮等香味，不過滷汁依然好濃郁。建議大食嘅朋友可以叫個烏龍麵，索埋啲汁好好食🤤◆Check out the braised dishes (“Lo Mei”) all the way from the Taiwan’s Shida Night Market! The most entertaining part is you get to create your own bowl with over 30 types of dishes. The bowl is quite soupy with the soy-based sauce, still it lacks the aroma of some the herbs. Do remember to order noodles for your bowl to soak up the yummy sauce 🤤 燈

環境不錯，播住台灣青春有回憶既流行曲💭好有台灣既味道粉絲大大碗 一定夠飽味道正常，可能我唔太好滷味但加多左個蕃薯條OMG! 五星推介！熱辣辣❤️好香好脆🤤🤤推介推介 ！

逛街行經，臨時找間快靚正，食完繼續Shopping門口看以為是間車仔麵店，原來吃台灣菜?! 其實餐紙都係似車仔麵，任選餸＆麵底每款逐樣選都是10蚊至廿幾蚊不等； 剔選了蘿蔔、大豆皮、牛𦟌米線。上枱時，見冇乜湯，懷疑自己選左撈麵，望望隔離附近都好似係咁，大鄉里左☺️？！食唔出湯有咩特別噃，不過因為湯份量唔多而且唔太咸嘅關係，好似食掛麵咁，都ok喎😄牛𦟌鬆軟唔痴牙，有少少牛香味，$25有厚厚5塊，算抵食喇😋大豆皮$10就只得兩片，性價比，比牛𦟌低😐

唔入味嘅項目包括有: 牛腱肉、鴨血同雞腎。牛肚、大腸同雞翼都入味，唔錯。成碗面嘅調味就係得滷水嘅鹹，酸菜係唔酸嘅。覺得成碗麵嘅調味係冇乜用心，可以話係求其。叫咗烏冬，好似得半個烏冬咁🤷🏻‍♀️隻碗咁大真係好空虛。台式奶茶似乎溝咗好多水冇乜茶味。完全想像唔到點解會有人排隊。

而家疫情冇得去旅行搞到有啲掛住台灣嘅嘢食，知道燈籠滷味喺香港都開咗一段時間，趁而家冇乜人排隊終於可以試吓。認識就似香港嘅車仔麵，自己揀餸揀麵，叫咗喺香港冇食過嘅王子麵，配左招牌鴨血，甜不辣，花枝丸，百葉豆腐等等，小食就嗌咗招牌紫菜鹽酥雞。麵嘅份量睇落去比較少，但食落去正常，食完都幾飽肚，湯底濃郁，有好多香料嘅感覺，必叫鴨血同埋甜不辣，鴨血超級有味，濃郁。甜不辣煙韌有咬口，味道好豐富。紫菜髯鬚雞其實就同普通冇乜分別，不過紫菜粉都幾多，份量正常，味道都普通。😆

見到冇人排隊，可以試一次人氣滷味店。好似香港嘅車仔麵咁可以自由配搭，不過麵食嘅選擇比較少。附送海苔粉加埋入紙袋一齊搖，每一粒都沾滿海苔粉，呢個好推介，粉漿超級薄，每一粒雞塊非常鬆脆，好Juicy。主食就...有d失望，湯底偏鹹而且冇乜特別，烏冬浸到非常軟，冇咗稻庭烏冬應該有嘅口感。通常車仔麵嘅蘿蔔入晒味都唔係好好食，但呢度嘅蘿蔔好似得個鹹字，杏鮑菇剪得太薄，索晒啲鹹味。粉絲=冬粉，更加索哂湯汁，非常鹹，不過鴨血幾好，有台灣風味。

夜晚8點幾自己一個搵餐廳諗全試下，點知呢間野真心難食，個滷味好鹹，死鹹果種，叫哂佢啲所謂👍🏻👍🏻推介食材（水蓮、百頁豆腐、王子麵…），得個炸貢丸口感煙韌啲同個味道稍為驚喜小小，整體唔覺得有啲咩特色，香港啲牛什仲出色過佢。最後個甜品其實所有咬得既珍珠/芋圓/仙草都係好食同有咬口，唯獨加埋哂落碗野度就係得個甜字，似係就甘用砂糖溝水混合落去做底汁，變相得個甜字同係甘咬。最後我因為肚餓所以最後將全部食哂，真係唔好食，大家唔好比啲食評呃到👎🏻👎🏻

號稱美食天堂嘅台灣短期內都係無飛嘅希望唯有喺香港搵番心心念念嘅味道啦🥺燈籠滷味喺停晚市期間推出咗外賣加熱包快啲襯仲有優惠快啲買定幾包放屋企 隨時隨地加餸啦.🍴「醉翁」古法滷豬手 (350g） HKD$ 68 (原價 HKD$88) 食前要解凍 原包放落滾水浸大概20-25分鐘就食得入面附有好多招牌滷湯 攞嚟撈飯一流豬手切到細細嚿方便食用 而且軟嫩易甩骨 大人細路都食到有骨膠原得嚟又唔會好肥好滯推薦度：9/10🍴台式麻辣滷香豬耳朵 *普通版* (150g) HKD$ 28 (原價 HKD$48) 超方便 只要解凍當涼拌食就可以 份量仲足夠兩個人豬耳嚿嚿口感都極爽脆 加埋招牌滷水汁一口接一口呀真係！推薦度：9/10🍴台式麻辣滷香豬耳朵 *加辣版* (150g) HKD$ 28 (原價 HKD$48) 豬耳一樣爽脆惹味 花椒八角辣椒乾俾得好重手 夾豬耳嘅時候總會夾雜（圖二）重口味人士應該會歡喜但yo本人就推介普通版多啲喇 真係食到招牌滷水味嘛麻辣豬耳好多地方都有啦推薦度：7/10🍴「師大精選」滷味包 (700g) HKD$ 78選擇困難症發作就買綜合啦 一樣都係原包浸熱就食得有齊

疫情期間夜晚特等走黎哩間買外賣 門口都有香滷味飄過 平時都見到唔少人排隊 以為都幾好食啦 試問有幾間分店 平時都多人排隊既車仔麵 可以難食去邊 湯底完全好奇怪 開蓋就聞到類似塑膠味滷煮 完全唔係門口聞到個個味道 真係好難接受 見仁見智啦 大腸 牛肚 又鹹又臭 翠肉瓜 又冇味兩個餐都係食第一口就全部dum左曬落垃圾桶人生中最唔喜歡浪費食物 真係難食到食唔落口試過真係唔會翻轉頭 唔明點解咁多人排隊真係好想知道舖頭負責人有冇食過自己舖頭整出黎既嘢 又或者有冇人想改善下

買完pizza 覺得應該唔夠食 所以再買啲台灣野✨滷水蜂巢牛肚 豬耳 大腸 杏飽菇 $56➡️$50.4全部料都好食 不過係豬耳一啲爽一啲唔爽 啲滷水都幾入味同幾香👍 男朋友話係台灣嘅味道 但我覺得再濃少少就好✨Shake Shake 海苔鹽酥雞 $42➡️$37.8呢個鹽酥雞好正👍 好特別 之前都未食過鹽酥雞加其他口味 發現原來配海苔都幾襯😋😋 總括黎講呢間都唔錯 可以一試 外賣仲有九折添👍味道❤️❤️❤️❤️價錢❤️❤️❤️服務 (外賣）環境 (外賣）💰晚餐人均～$50

差唔多晏晝5、6點經過登龍街睇下有咩外賣買番歸食，發現原來燈籠滷味有出滷味外賣包，個姐姐喺門口同客人細心講解緊有咩食呀，點整呀，份量係幾多呀，我喺隔離偷聽都心郁想食。HK$78急凍包成兩人份量，入面有9款餸，包括蜂巢牛肚、鴨胗、豬耳、甜不辣、貢丸、百頁豆腐、麻吉燒、黑木耳、高麗菜，送一包王子麵同辣油。姐姐就咁推介下就吸引左幾個客買，而且整法好簡單，將急凍包放入滾水浸10-15分鐘就食得。份量激多，一個人食一定要分開兩次食，雖然係急凍包，但材料好入味，菜份量都幾多，會encore

超少份量，適合減肥的心心小編，再配一支冷泡茶解膩。 讚喔！📍銅鑼灣登龍街#food #foodie #手機食先 #相機食先 #美食 #好味 #吃貨 #cook #delicious #tasty #oichiii #iger #youtuber #health #心心物語 #心心美食小本本 #心心 #1008sumqq

朋友慕名要去試這間台灣過江龍『燈籠滷味』, 其實我在台灣生活了數年, 其中一年就是住在師大夜市對面的大樓, 所以常常幫襯這間相當出名的路邊攤, 而且它還有一小攤擋在夜市內, 據說因為是兩兄弟拆夥, 所以有兩檔出現話說回來, 香港的這家選擇也很多 , 初次嘗試, 我們揀了個二人套餐 , 滷味選三款, 配襯烏龍麵(即香港的烏冬), 肉燥飯, 兩杯飲品 - 冬瓜茶和柚子綠茶, 一款小食- 酥炸鹽酥雞鹽酥雞酥酥脆脆, 不錯吃肉燥飯只能說中規中矩, 不要小看這個肉燥飯 , 畢竟它代表了台灣的特色食品反而主角滷味的味道普通, 烏龍麵也煮得太冧, 少了彈口, 有點失望不過對於懷念台灣夜市的香港朋友, 還是可以來嚐試一下, 找回台味

每次經過”燈籠滷味”都見大排長龍，究竟係咪真係咁好味呢？今次外賣返屋企試試佢，之前去台灣都食過一次滷味，真係人氣高企又抵食，不過台灣同香港食好唔同，最大分別係滷味同粉麵唔會裝响同一個碗度！🥢海苔鹽酥雞 $49⭐️睇返其他人食評，原來都有同一個問題，就係鹽酥雞無雞，細粒嗰啲全部係粉漿，大粒嗰啲粉漿好厚，超難食！🥢台式香蒜腸$36⭐️呢隻香蒜腸好鹹，又只得幾片蒜頭，太hea！🥢香炸花枝丸拼貢丸 $36⭐️⭐️⭐️炸丸不過不失，因為用紙袋裝所以焗腍晒，唔好食！🥢4餸麵 $72 (大腸、鴨血、百貢豆腐、鳥蛋、王子麵)⭐️⭐️王子麵外賣焗腍咗，啲面又吸晒啲滷水汁，搞到啲餸太乾唔好食，再加上啲滷味唔入味，非常失望！🥢4餸麵 $72 (大腸、鴨血、雞腎、香菇、米線)⭐️⭐️呢碗米線剛好相反，一定係未掠乾水就倒入碗，搞到水加滷水汁一齊變稀晒，餸份量多但都係果句滷得唔入味就係唔好味！二人共消費：$171 (外賣平台自取)

燈籠滷味疫情下既銅鑼灣真係好少人，即使係星期日既中午一點，街上面都冇乜人。 咁果日收工經過時代廣場，突然醒起燈籠滷味呢間台灣過江龍，見咁少人就去碰下運氣。大家經過登龍街，都會成日見到呢間野大排長龍，所以好多時我都直接放棄，食其實野算。但今日竟然唔洗排隊，可以直入，yeah！鋪頭主要都係用木枱木凳，都幾有台灣食肆既味道。咁我同男朋友就叫兩樣野食加杯野飲。香炸花枝丸拼貢丸 本身抱住好大期望，但呢2款丸都好普通，肉質好實下。花枝丸有啲普通既墨魚丸，雖然入面有一粒粒既花枝，但整體冇乜味道。貢丸好少少，咬開都有少少肉汁。招牌燈籠滷味由於我地2個比較懶，所以一張寫晒所有野，廢事煩😂我地叫咗甜不辣，水蓮菜，豬耳，百頁豆腐，大豆皮，王子麵同埋冬粉(漏單，所以另上咗)滷水味好香，聞得出滷水入面有好香藥材味。本身以為佢個味會好濃，但食落又係另外一回事。雖然食材都上晒食，但食落日滷水味好淡，連好索汁既百頁豆腐都吸唔到啲味。。。甜不辣同水蓮菜都幾好味，但整體偏淡。最後係茉香綠茶，一上枱見咁多冰，一摸杯野又咁熱就知中伏。冰溶得好快，成杯茶淡而無味，好失望。