燈籠滷味 (登龍街) (已結業)

而家疫情冇得去旅行搞到有啲掛住台灣嘅嘢食，知道燈籠滷味喺香港都開咗一段時間，趁而家冇乜人排隊終於可以試吓。認識就似香港嘅車仔麵，自己揀餸揀麵，叫咗喺香港冇食過嘅王子麵，配左招牌鴨血，甜不辣，花枝丸，百葉豆腐等等，小食就嗌咗招牌紫菜鹽酥雞。麵嘅份量睇落去比較少，但食落去正常，食完都幾飽肚，湯底濃郁，有好多香料嘅感覺，必叫鴨血同埋甜不辣，鴨血超級有味，濃郁。甜不辣煙韌有咬口，味道好豐富。紫菜髯鬚雞其實就同普通冇乜分別，不過紫菜粉都幾多，份量正常，味道都普通。😆