燉奶佬

營業中

休息中

長洲在離島中是最多美食，海鮮、甜品、台式飲品、中西韓等，令人目不暇給。今次反過來，嘗試最地道的街坊食物。長洲魚產豐富，「魚」一定是首選。燉奶佬是由甜品店轉營成售賣蒸魚餐的街坊名店，由中午至晚上九點不停供應蒸魚和蒸排骨和雞的套餐，魚餐的選擇是按漁民的魚獲而決定。店舖陳舊的裝修，魚名用大小不一，粗幼不同的字體，做成一張張咭字，貼在牆上白板貼上。我喜歡店員的態度，既熱情又有性格，不像一些虛假的熱情款待。看似平平無奇的紅蘿蔔、雞腳、豬骨湯，加上即叫即蒸的炸菜什魚和果皮泥猛魚，嘗辣的朋友可加辣椒蒸。什魚和泥猛都是2至4両大小，若是喜歡魚味重，便不會介意。飯後仍舊是大菜糕和海帶綠豆沙的選擇。多年來沒有變改的魚餐，反而有一種踏實感覺；家的味道。

我最鍾意吃魚，在長洲就喜歡吃燉奶佬的蒸魚飯。蒸魚套餐飯就由先有一碗大大本的例湯，然之後蒸魚要等10分鐘，飯有得揀大碗和小碗，細碗都係很多飯。今天我就點了一個來蚊魚套餐，先來一個大大碗紅蘿蔔雞腳湯，然後等了一下我問老闆娘今天來Man是大還是細，他說冇圖片睇，咁我就算啦，就點了這個來蚊魚。你買魚來到的時候，這一大碟我都覺得好似太多。與不算小型，但也不算大泥鯭，中型的與一共八條，很多果皮。八條例蚊真係好多，食埋個飯撈埋豉油，再吃一碗大菜糕的。非常豐富。但是我看到別人吃海蝦，我又覺得大蝶蝦好難送飯，而一大碟蝦又有啲麻煩，我就向老闆娘建議可不可以兩餸飯，他說不能。可惜。

天天在長洲搵食，的確很奄悶。今天來到街市這邊，其實街市內的熟食及大排檔我都試過，最近來到燉奶佬就試一試。燉奶佬的門口有顯示牌寫着不同的蒸餸。我喜歡吃魚，在家弄也麻煩。於是來了幾天都是吃魚了。今天有點忙時間趕，由於每天蒸的魚是不同的，今天的魚我都不認識，於是問老闆娘，話我唔夠時間食細魚，哪些魚是比較大。老闆娘就介紹我食雞魚。蒸魚套餐$50 ，一個大碗湯，佢碗湯次次都有一大舊豬骨，真材實料。即叫即蒸，即係要等。10分鐘後，一碟魚一碗白飯送到來，兩樣都熱辣辣，非常新鮮。魚鮮甜好味，豉油不多，剛好有剩可以糊飯吃。飯後一個甜品，可以選綠豆沙，或者大菜糕。我當然選大菜，加奶。簡簡單單。暫時在長洲要不自己煮，要不自己吃的話就這家了。唯一不好的是：不能打電話落單。老闆娘不肯。等十幾分鐘蒸魚都幾浪費時間。

星期六去左長洲，見到中午都好多人去食呢間餐廳！佢出名既係魚飯，所以叫左魚飯！一上枱，先黎爽碗既老火湯，都足料有雞腳，有花生眉豆，仲好入味！跟住一碟魚，都幾多下，飯又大碗！最後有埋碗甜品綠豆沙或者大菜糕！整體來講，好好味，好滿足！都只係$48！好抵！

一行4人坐中午船入長洲，諗緊食咩之時，腦海浮現燉奶佬。去到剛剛有位，營業至兩點半，我地1點半到，剛剛好。須然之前已經食過，不過真係有太多選擇，幾經考慮及照顧兩個比較唔識挑骨頭既朋友，我哋揀嘅蒸烏頭、鱭魚、敏魚、斑魚，再加一個炒椰菜。四款魚都係好鮮咪，真係好少機會全餐都主要食魚，但係大家都食得好滋味，好滿足。每一個套餐都包1碗湯、1大碗白飯，1個糖水。每個套餐只係$42 ，超值。

主要幫襯嘅都係島上居民家庭式經營早好要到店前早兩天打電話一問當日會否營業🈺️原因假期日子，多數關門休息唔想摸門釘的話，就要問清楚囉店舖沒有特別裝修但勝在非常親民最滿意每日嘅海上鮮都不同滿有驚喜$4x-$5x蚊嘅價錢跟無味精嘅湯、一餸（🐟/🦐/🐷/🐥）、甜品/飲品超值套餐啦👍🏻👍🏻👍🏻

工作關係來到長洲，熟路的同事就話要帶我去燉奶佬食新鮮夾大件嘅蒸魚飯。餐廳門面裝潢老舊不起眼，貌似食頹飯的茶餐廳，點會估到裏面喺有即叫即蒸嘅新鮮海魚食。是日蒸魚套餐的款式都幾多，由比較常見大路的鱸魚、青根同鱭魚，到唔喺成日見到嘅青班都有。平日屋企唔會買撻沙嚟食，所以今次就叫左蒸撻沙飯試下。跟餐有碗青紅蘿蔔煲雞腳湯，味道清甜不油膩，一睇就知餐廳落左好足料去煲。因為係即叫即蒸嘅緣故，所以都要等一陣啲蒸魚先送到嚟。估唔到撻沙嘅份量都幾多，放滿一整碟，魚肉肉質嫩滑無泥味，豉椒味唔算好濃所以帶出魚鮮，最後當然要用蒸魚汁嚟撈飯食。同事就揀左蒸青班，一樣喺咁鮮味完全唔腥。最後就喺跟餐甜品，有大菜糕同埋海帶綠豆沙選擇。好耐都無食過大菜糕呢啲咁懷舊嘅甜品，冰凍爽甜，夏天食好消暑啊。$46蚊一個午餐有新鮮魚食之餘仲有埋湯同甜品，真喺非常抵食，下次嚟長洲都會繼續支持小店。

認真唔係咁中意蒸嘢食，但有住長洲同事強烈推介，去長洲做嘢就黎試吓！鋪頭由兩公婆打理，好明顯係街坊生意黎，好local 村民style, 態度就一定唔係咁好啦，去得食就融入啦🤣🤣鋪頭主打蒸餸，有好多魚揀，中意食魚嘅朋友一定超開心，每日新鮮魚獲，種類不定，保證新鮮！中湯好甜，明顯無落味精，無鹽，飲到紅蘿白嘅清甜，有驚豔到！賣相差唔代表味道差！雞亦排骨: 最難就係蒸到啱啱好，雞亦排骨都好滑，再加埋調味同榨菜，惹味到食兩碗飯都得！魚：唔記得係咩魚，蒸得過火小小，但新鮮已經贏！總括黎講，d嘢係好食嘅，街坊價，唔係味精湯，白飯任裝， 有機會會再幫襯！

嚟長洲燉奶佬食，當然為了蒸魚。這裡魚類多是小魚，而且常有驚喜。正如今天在此偶遇石九公! 間中聽過這名字，第一次見真身! 😄 真身與想象有點小出入。以為其貌與獅子魚相似，原來似石班仔多啲。味道也不錯。肉滑又實，帶少少鮮甜。偶有小骨。吃時小心，因小骨頗硬。燉奶佬的魚餐普遍有5、6款選擇，都是海中小魚。蒸法有辣椒豆豉或薑絲蒸，視乎甚乎甚麼魚類。若果什魚的話，是炸菜煮。不愛吃魚的，有蒸雞翼、肉餅或排骨選擇。這店沒有市區中的「x面」和「大爺」食客。小店是家庭式作業，食客多是街坊。都很親切。ps. 此燉奶佬 非 金裝燉奶佬。甜品只有大菜糕和海帶綠豆沙。

這餐廳環境不清潔, 不整齊, 而且吵鬧聲不斷, 桌椅又不舒適... 卻很多人光顧... 原因就是太太太(((便宜)))了!!! 一人晚餐包括: 湯 + 餸 + 白飯 + 甜品 /飲品, 一共四食, 只需HKD 41!!! 絕對是飽肚(((超值窮人恩物)))!!! 這裡的白飯是用湯碗盛著的... 份量驚人吧?!!! 炒菜: 椰菜加一點肉碎, 椰菜很"o林", 味道偏咸...肉餅排骨: 肉餅很鬆化, 很入味, 排骨也很入味, 份量很多!!! 肉餅雞翼: 同樣很入味, 且份量多!!! 雖然賣相是比較不堪入目... 蒸魚: 魚很新鮮, 非常便宜!!! 雖然這餐廳的蒸魚都比較迷你...

鹹青根係用鹽奄嘅青根魚。並非鹹魚那種，相信是用少少鹽奄帶出魚的鮮味。也可使肉質稍稍收緊。由於已用鹽奄，所以冇加豉油和辣椒已經夠味。肉質有點似黃花，不過輕輕實啲啲。骨不算太多，有少少細骨。骨質硬，小心哽骨。但，味道不錯。

天氣凍，最啱行島。長洲必到燉奶佬，原因已在之前食評提過。今晚，選了久違的烏頭。以前很愛它。肉厚，少骨，又肥美。但近期愛上細細海魚的鮮甜，肉滑。都因為這間燉奶佬所賜。"好大條呀~！” 一上枱，不禁想。有碗相較下更清楚本身條魚好肥。魚油從肉渗出。但，回不了頭。烏頭，你很肥美吸引，但我已愛上別“魚”。來吸引愛烏頭啖啖肉的食客吧！ps. 在此首見烏頭。

喜歡在此進餐，每次都有新嘢。今日，片板上有十款八款魚。點了一款未見過嘅 坑鐮。一上枱有點驚嚇，因為佢貌似塘蚤(我嘅克星)又有點似冇鳞魚(不能冇鳞魚)。煮到，便食！最初冇鱗有心理障礙，怕身痕。重點，佢個樣真係同我最怕白嘅塘蚤似了孖生！正夾走個頭，聽到老闆説: “個頭最好食” 我抬頭望向坐在幾張枱前嘅老闆，指指我自己個鼻示意: 我嗎？ 他輕點頭再說一遍。^.^” (真是我) 估中，我把那魚頭運送路線改到碗中，默默催眠自己。慢慢嚼下。滑。再試肉，鮮，冇咩骨。若非冇鱗和個樣，味道是不錯的。ps. $43 包魚，飯，湯，凍飲。

真係好喜歡黎食魚，因為每次都有不同魚穫。而且都是小魚，連骨咬埋。今日揀左南䱽【究竟同茶餐廳啲冇咩分別？】估唔到幾鮮甜，一啲都唔魚星，冇嘜骨。一碟新鮮嘅魚，一大碗飯，一柸凍飲/糖水，四十幾蚊。都好滿足。而且家族生意，好温暖~ ps. 蒸法簡單，有住家風味。街坊同店主都很友善。這便是自少認識的香港。

小時候，有時放假都會一家人來長洲玩一整天，甚至住一個晚上。晚上，或是在中午在島上想起甜品時，位於海傍路的這一家《燉奶佬》是必然之選。我說的，也是二十年的事，之後來長洲，這《燉奶佬》對我來說，已經沒有什麼吸引力了，甚至，我已經忘了她的存在。這日來到長洲，我依然沒有想起她，但我爸卻回想起這《燉奶佬》以前的風光來，午飯後，閒逛後，爸說要來食燉奶，就拋下我們，拉著媽子入去，而我們就行多一兩個街口，又因為熱而回來這小店一坐。同爸媽一樣，我們是為燉奶而來的；同爸媽一樣，我們是失望的；也同爸媽一樣，我們只叫了一碗椰汁西米露大家分。沒有了以前的色彩，因為這《燉奶佬》已經變成一家茶餐廳、小菜館，爸也說，早知這兒改了格局就來這兒午餐吧。面前的西米露並不出色，就是一般餐廳應付客人餐後甜品的那一種製作方法，椰汁不多，西米露感覺很稀，幸好是未至於稀如水的那一種西米露。我們為甜品而來，可是我們亦因為甜品而失落，下次有機會來《燉奶佬》，我應該會來食飯而不是食甜品。《燉奶佬》已沒有《燉奶》。