燒夜

營業中

休息中

終於搵到一間炸物！外賣送到上嚟 都依然係咁脆卜卜超級推介！！！串燒既水準都好高 讚讚讚讚讚!！！炸物之魷魚鬚 真心講（而家真係好難搵到好食嘅炸魷魚鬚 ！）抵食！！仲有個蒜蓉娃娃菜 係極濃蒜香味 但係又唔會覆蓋到娃娃菜原本嘅甜味 正啊！最窩心既係 佢地仲送左一份小食比我地 ！thanks哈哈……..好耐無打食評既我….好食一定要打好評 支持下你地喇緊係！！！知道你地係新開既…….希望你哋日後都可以保持住咁好食嘅水準！……

【觀塘區】【燒夜】啱啱落機執緊行李，道歉哥話好掛住我，咁就去食宵夜啦。我冇稿，侷住食新嘢，WhatsApp 問到有位就去觀塘食呢間串燒。叫晒幾款小串，包括各 $38 嘅「孜然牛肉小串」同「孜然羊肉小串」、$30 嘅「梅花豬肉小串」。小串有三串，幾滋味嘅。叫返 $25 嘅「鹽燒一口牛肉串」都正，不過之後 $25 嘅「惹味厚燒牛舌」仲正，真係厚嘅。跟住 $10 嘅「脆脆炸雞皮」、$15 嘅「爽口雞腎」、$15 嘅「雞心」同 $38 嘅「紐西蘭羊架」都係一般。我食 $28 嘅「鹽燒秋刀魚」，道歉哥食 $14 嘅「脆燒豆卜」，大家嘅愛串嚟，哈哈。主食 $42 嘅「花甲粉」算可以，$28 兩串嘅「燒鰻魚串」幾好。而各 $15 嘅「玉子燒」同「炙燒燒珍寶蟹棒」都係加咗沙律醬嚟燒，好邪惡。之後 $18 嘅「蜜汁燒豬頸肉」同 $18 嘅「魷魚鬚串」都麻麻哋，唔夠 $24 嘅「炸脆皮牛丸」同 $22 嘅「波板糖五花肉串」正。飲埋 $10 嘅「罐裝可樂」同 $15 嘅「津路烏龍茶」各二，加上其他有啲嘢都有追加，埋單 $630，可以嘅。。。（地址：觀塘觀塘道436-484號觀塘工業中心第一期1樓F室）#1a

之前已經試過一次呢間串燒店嗰陣剩係得外賣冇堂食。嗰陣已經覺得好好食亦都推薦左好多朋友去食。呢排見到佢哋有開堂食就即刻再去食，一入到去冷氣夠晒大，環境好闊落。同朋友一共嗌咗差唔多$600嘢食。坐左冇耐啲嘢食就到咗，值得讚一讚佢哋出餐非常之快。仲有所有嘢食都熱辣辣，我哋食完1round，特別鍾意食牛扒同埋一口牛，跟住再嗌多左一round，超級惹味。仲有佢哋嘅招牌花甲粉，同朋友一人嗌咗一碗，好足料，湯底亦有好濃嘅花甲味，超級好食。走嗰陣我哋癲到再嗌多咗碗花甲粉，外賣俾屋企人食。觀塘人絕對要試嘅串燒店，就算唔係觀塘人都絕對值得去試！

一入到門面，就發現入面好大。都幾多客人。裝修風格比很多串燒店更好，有冷氣同埋坐得舒服。仲見到其他食客自己帶酒水嚟飲。嚟到呢度梗係一定要食佢招牌嘅，花甲粉。我會話佢各樣食品都有相關嘅特色。食物抵食，優質，食物夠熱。地點就腳。乾淨衛生。老闆同埋老闆娘都好好傾，有種賓至如歸嘅感覺。仲請我哋飲咗啲嘢飲，我哋傾開先發現原來佢哋開到三點，會適合附近玩完嘅人過嚟宵夜。絕對值得回頭再食！觀塘串燒，我只係認定呢一間！Siu Yeah

搵到依間串燒店開到好夜 岩曬我😍首先坐低店員會比QR Code我哋落單落左單無耐 店員送左份魚蛋比我哋試下食🤩🤩好驚喜 魚蛋熱辣辣大大粒好彈牙口感好好😋👍🏻花甲粉花甲粉本身已經有金菇 娃娃菜，呢個價錢嚟講花甲同粉絲分量算多，花甲好肥美 湯底都好惹味好鮮甜😚👍🏻燒茄子茄子好大一條，加埋蒜蓉好好好夾😎啲茄肉仲大大條好滿足🤪👍🏻羊肉小串一份有3串，啲肉雖然細細粒，但配搭埋孜然香好好食🤤羊肉好嫩好有肉味🥺好正🥺👍🏻蜜汁雞中翼好大隻 睇得出師傅好用心慢慢燒 好嫩口🥳而且咬開隻腳翼仲出緊煙 熱辣辣 特別好食整體所有食物串燒都正 而且價錢都相當合理扺食，絕對值得回頭再食🥰

朋友聚會叫左一次串燒外賣🥳依到好好可以揀唔同辣又可以揀另上👍🏻👍🏻👍🏻👍🏻如果一大班朋友 好似我哋咁有啲食辣又有啲唔食辣就非常合適啦🤩佢哋辣粉有2種 一種係普通辣粉 另一種係秘製沾粉 秘制沾粉加串燒意外地好夾好出色😱🤭🤭全部串燒燒得好好 好惹味 肉質好好 我最鐘意既蝦都燒得好好食 蝦肉非常新鮮彈牙🤤🤤🤤🤤花甲粉都超好食🤪🤪好欣賞佢哋外賣包裝👍🏻係保溫袋 平時外賣最驚就係涷曬啲食物 佢哋真係好貼心會用保溫袋包裝 仲要好靚😎😎😎😎我哋8個人全部都食得好飽好滿足 全部朋友大贊🤘🏻

第一次食間串燒咁難食所有野食都燒到好乾完全唔知食緊咩大部分食物都係同一個味道，而食材感覺好唔新鮮，同環境感覺很不衛生食了一口牛，豬腩肉，羊肉，所有食物全部放在一起，全部同一個味道，好似食唔出分別，最緊要係所有食物都唔夠熱，食串燒唔熱真係好難食。見到ig有人介紹先過黎，但真係超級失望唯一比較好食的係花甲粉，而且分量幾多，但總括而言食物質素真的不好，唯一優勝之處是開到夜晚，但我寧願食個杯麵，都唔會再幫襯。

塘抵食串燒店🍢#燒夜#花甲粉($42/份）🍜#惹味香辣娃娃菜($28/份）🥬#秘製蒜蓉醬燒原條茄子($38/份）🍆#秘製蒜蓉醬燒大蝦($48/2隻）🦐#燒鰻魚串($28/2串）#玉子燒（$15/份）🧈#炸燒賣($28/8粒）🔥#炸雞軟骨($28/份）🐔#炸魚蛋(Free/ 3粒）< service 堂食暫時有4張枱，外賣自取仲有88折，而且每份都大大份，e個價錢真係幾抵食！店員好nice，仲送左魚蛋俾我地食！炸物唔會好dry，食落中間都係juicy👍！串燒味道都好夠，花甲粉就偏鹹辣，個人希望花甲粉可以少d湯，太多湯好難撈起食🤭

已經幫襯左好多次既燒夜 推薦左比好多朋友了之前一路叫開佢哋外送服務 但最近佢哋搬左新鋪仲近左我 所以可以自取有88折電話落完單20分鐘左右行到過去即刻有得拎 反到去真係熱辣辣推薦大家芝心丸真係必必必食 我次次都一定要食好食到我忍唔住影相之前要食反粒先另外佢哋蒜蓉生蠔都超超超正 生蠔燒得岩岩好 蠔味相當濃郁 而且生蠔次次都大大隻加埋表面鋪滿佢哋老闆自己整既秘製蒜蓉 我比100分其他食物一如既往好食 覺得搬左新鋪之後仲好食會一直支持