燒洒一族 (顯徑街市)

營業中

休息中

燒洒一族係一間新派燒味鋪，佢除左常見嘅叉燒同燒腩仔之外，仲多左啲西式野同酒醉冷盤小食，好似德國咸豬手、法式燒春雞、花雕雞、酒醉腎片......等等。做冬冇得出去食飯，就去左親戚屋企一齊過節，佢地就住喺附近耐唔耐都有幫趁燒洒一族，所以今次都指定我黎哩度斬料加餸。德式燒豬手($95/大) - 豬手外賣返到黎個皮仲好脆，豬手肉質唔會太硬，帶少少咸味，我自己就鍾意蘸埋芥辣食，同出面餐廳一樣，哩度嘅豬手都有跟酸菜，一舊豬手一啖酸菜冇咁滯。慢煮醬烤豬肋骨($58/大) - 豬肋骨已經切好左一件一條骨方便食，醬汁甜甜地唔會太多醬食到滿頭滿面都係，肉質雖然唔算好腍離晒骨，但都唔會太韌唔會痴牙。香草法式燒春雞($65/隻) - 燒春雞一隻都幾大隻，雞件上面仲見倒少少香草，春雞醃得幾入味又唔會太咸，肥瘦適中肉質唔會太鞋。香甜蜜味烤雞脾($20/隻) - 雞脾啖啖肉加埋甜甜地嘅蜜糖基本上都冇得輸。酒醉溏心蛋($18) - 留意返溏心蛋係一份份買，冇得逐隻買。溏心蛋食倒少少酒味，不過蛋黃就熟左少少，如果再流心啲更好。

呢度十分方便，顯徑站A出口一出，行過對面就係，入左街市周圍望下好快就見到呢間舖頭。買左幾盒做家人既午餐，$18/3粒，酒醉糖心蛋，仲俾多包酒汁你點，佢好食程度值六蚊粒，都抵試。韓式豬手一隻，$58，超大一盒，好抵食，落左好多芝麻都幾香，爽脆嫩滑，有包甜豉油同醋俾你點，仲有埋豬骨，可以留黎煲粥。蒜香南乳春雞一隻，$65，好大一隻，仲有酸辣雞醬點。一條黑糖叉燒（瘦叉），$38。大慢燒醬烤豬肋骨$58總括來說，所有食物份量足，cp高，加餸新選擇。附近仲有個幾好玩既兒童公園，有時間可以黎行下呢個街市。

真係好味到要一次又一次嚟幫襯，因為呢度嘅各款精美燒烤食品真係好鬼正，當然一定會列入長期食單之中香辣烤雞肶飯，勁惹味，一打開盒就已經聞到勁香嘅燒烤味，再加上蒜茸汁及香甜粟米粒，簡直一流！蒜香五花腩飯又係店家另一款皇牌之作，真係香氣撲鼻，香到連樹上嘅雀鳥都要跌落嚟🤣，當然又係加上蒜茸汁及香甜粟米粒，認真正斗！備註：呢度設有加熱服務，可為顧客所購買嘅食品加熱，認真貼心！飯盒類可選汁類：黑椒汁、蒜茸汁及豉油汁飯盒款式頗多，未能盡錄燒烤食品款式一樣咁多，仲有其他酒醉系列食品，款式多到數唔哂！

第一次發現原來燒味係可以咁好食😋嗰日去街市見到燒洒一族排唒長龍所以又走去試下試過之後 感覺真係好味唔怪得之咁多人買啦招牌徳式燒豬手 $75/隻叫細size都已經好大隻性價比好高焗返熱真係好脆好入味但吾會太咸👍🏻👍🏻👍🏻推介日本岩鹽烤鯖魚柳 $25/條 $48/2條好入味加上檸檬汁開胃蜜糖黑椒煙鴨胸 $20/個好大塊 好滑 味道吾太咸 啱啱好酒醉薰碲(半隻) $38酒醉雞翼尖 $16酒醉麻辣雞軟骨 $28酒味唔會太重送酒又得送飯亦得 🥰🥰🥰疫情期間可以買返屋企慢慢食總括黎講 係高質之選會再幫襯燒洒一族 1. 馬鞍山恆安街市 H048 號鋪2. 藍田啟田商場地下 3 號鋪3. 沙田大圍顯徑街市 30 號鋪

去街市除左買餸，自己都會特別留意街市內嘅外賣小店，唔知煮咩好嘅時候，直接現成買返屋企食😂早排去到大圍顯徑街市，經過「燒洒一族」依間新派燒味店，價錢亦真心抵，即刻比佢吸左埋去😍-冷盤有一系列酒醉小食🥂佢嘅醉酒汁好夠味，聞落已經陣陣酒香☺️✅汁底好之餘，食材浸得夠唔夠都好重要～🐔花雕雞 同🥚溏心蛋都浸得入晒味，而且份量方面十分有誠意，讚👍🏻💯-熟食方面就揀左2️⃣款喺屋企難啲煮到嘅～🍖德式燒豬手▫️招牌燒豬手有大隻/細隻可以揀，我要左隻大嘅🤗 依個份量平時喺德國餐廳食，無$200走唔甩，而家只係$88，師傅仲會即場幫我地起肉切件🔪，外脆內嫩，仲已經配埋黃芥辣同酸椰菜，真係必叫🥰🥰🥰🐷慢煮醬烤豬肋骨▫️醬汁比一般西餐廳食到嘅多一份酸酸甜甜嘅味道👅，由於係慢煮嘅關係肉質夠軟夠林唔會乾身，愈食愈開胃😋

燒洒一族，坐落喺大圍顯徑街市入面，地址相當容易揾，嚟到呢度～第一時間買盒惹味香辣烤雞肶飯，真係好抵食，$30元一盒(大大盒)，仲可以配埋黑椒汁，如果換轉係喺其他地區，例如油尖旺、或者係中上環區，食番同一樣嘅嘢，隨時都要$50－$60元，所以真心講句，真係堅抵！另外我又買咗一盒德國烤香腸，有黑椒腸同雞肉腸，兩款都非常好食，腸衣咬落好脆，肉質結實，肉味香濃，愛嚟做餐前小食最好不過，其實除咗我自己買呢兩款食品外，仲有其他好多款式嘅食品，例如：脆皮燒豬手、醬燒五花腩、燒排骨、各款精美飯盒及酒醉系列食品等，總之款式多到不能盡錄，順帶一提：呢度嘅環境真係相當乾淨同舒服，而且街市入面冷氣又夠凍，完全冇焗促嘅感覺，邨內街坊及其他外來顧客都可以喺一個好舒服嘅環境下盡情選購鍾意嘅食品，的確係一件賞心樂事！

今日係顯徑街市買餸返屋企食，街市好新淨，見到有燒味，就買咗幾樣！都好多選擇沖繩黑糖焗叉燒(一條)$38叉燒切到薄薄一片，唔似人哋求其斬到大大嚿，肉質好腍，黑糖唔算好突出，不過焗到甜甜地幾好食。價錢好抵，呢個份量比起其他餐廳算好多！蒜香南乳燒春雞$58雞件好大舊，咬落啖啖肉，肉質都幾滑。味道方面，南乳味比較出，味道適中唔會好鹹。酒醉花雕雞$58個人覺得呢個最好食😋一打開個盒，酒味好香，雞肉都有酒味，啲汁用嚟送飯唔錯😗酒醉燻蹄(半)$38返到屋企雪左一陣再食，食飯嗰陣做冷盤，都幾開胃！總括嚟講，呢間啲燒味份量好多，價錢好抵，間中買黎做餸唔洗煮好開心！下次要試吓個招牌燒豬手先😝

之前成日聽我朋友講，每次入 #大圍 都要去買豬手，我仲以為佢咁乖仔，特登買隻豬手返屋企俾阿媽做餸😅 呢日我哋又約埋 #游乾水，當然要有啲 #小食 嚟相伴啦🤤 原來佢哋已經買到熟曬，飲完茶落樓就轉入街市... 我真係大鄉里，原來而家啲 #街市 裝修得好鬼死靚，兩旁嘅 #小食店 都很骨子。行到嚟「燒洒一族」，一隻隻豬手、燒雞... 離遠已經向我哋打招呼😅 我朋友二話不說已經叫咗隻大豬手，另外加咗幾隻 #糖心蛋 打包外賣。入到門口冇幾耐，大家已經急不及待打開個盒嚟試食，味度比我想像中咸咗啲... 送酒應該一流！不過肉質都好有彈性，而且個 #燒豬皮 亦燒得好香脆，冇諗過地道小食都可以咁有水準😃 怪唔之得我班朋友次次都要嚟幫襯啦😉

成日都黎食呢間，真係大件夾抵食，是但叫都唔會中伏嘅一間餐廳，佢有好多選擇揀，仲有個menu比你customize自己既choice，有唔同醬汁俾你揀，例如有黑椒汁同蒜蓉汁等等😚🤤一盒飯都只係3x蚊！如果你係學生，仲有學生價添😝相當抵食👍🏻我今次就揀左醬燒五花腩飯配黑椒汁，呢個係我至愛🤣佢既五花腩燒得啱啱好，雖然係五花腩，但食落去又唔會覺得好肥膩，讚另外，佢有個招牌燒豬手飯同惹味燒春雞飯，我都十分推薦大家去試下😉

之前係社交平台見到佢地賣西式燒味，燒豬手、豬肋骨、燒春雞等產品，幾新穎，所以特登揸車入去試下四點附近到，店員話出爐個轉剛剛賣晒，要等15分鐘，於是買張飛，行個圈再返黎。15分鐘後，豬手剛剛出爐，店員話要等一陣先斬，唔係會甩晒皮。我地一拎上手，趁熱辣辣即刻試食，果然無令我地失望，皮脆肉嫩，好味過好多餐廳啲豬手，不過就咁食有少少偏咸，送飯或啤酒就一流。聽聞日賣過百隻，絕非浪得虛名一隻太多，我地兩個都食唔晒，拎到返屋企晏啲食已經無咁脆，可能熱辣辣焗住，最後拎黎炆冬瓜做晚餐

大圍顯徑新開街市，好寬敞，又唔會好似傳統街市咁濕笠笠，仲有冷氣添，最吸引係增設全新 #美食街，有掃街小食、東南亞風味、惹味米線、傳統糕點和台灣茶飲等等，即刻睇睇有咩美食啦😋見到呢間燒酒一族， 專做外賣燒味，睇落去好惹味，有曬紙盒同餐具，乾淨衛生。我哋買咗德式豬手和香茅雞中翼 今晚加餸。德國咸豬手豬手大大隻，肉質軟腍腍，豬皮卜卜脆，配埋個酸菜食，醒一醒味蕾，又可以解膩！香茅雞中翼每啖雞翼都食到香茅嘅淡淡清香味， 肉質嫩滑 有雞味，連雞翼控思思都食唔停口！

野幾好。就係d人正左d。愈黎愈唔憂做又串嘴。。疫情期間都仲串過澳牛一次串過一次前幾次己經夠串唔怪得愈來愈少人。加油啦街市疫情價三十幾叫做還好囉賣感情食你。換來一肚氣

今日落顯徑街市周圍望下，睇下有咩食甘啦，甘就行左一兩轉都無乜岩心水，而我成日都覺得賣豬手為主，而因為我又唔係甘好豬手，同埋以為佢係淨係小食，所以經常都直行直過多。而今次就因為自己又行晒街市，都無乜岩食，就停係到睇下個餐牌，一睇就發現，原來佢有叉燒，豬肋骨，雞脾等其他食物，而且仲有跟飯，最吸引我就係個燒春雞飯33蚊，燒春雞飯。可配四隻汁，蒜茸汁，黑椒汁，蜜味豉油，葡式咖喱汁。今次就點左黑椒汁，一個人食岩岩好，好夠飽。燒春雞係好脆身，而且真係啖啖肉，唔會⻣多過肉，雖然佢無跟其他飲品，但係33蚊一個飯，再睇埋個份量，真係好抵食，日後我又多左個選擇，不過可惜既係佢都係跟街市關門時間，晚上就關門了。但係我日後午市再覓食時，一定會再惠顧

專誠由屯門過嚟顯徑食呢間多人推介嘅食店， 排隊只係排咗五分鐘， 餐牌上面寫住40蚊一盒飯， 本來係去市炸豬手嘅， 去到咁啱炸豬手賣曬要等。 趕時間嘅關係冇等到，買咗兩個飯， 一個係辣腸飯配黑椒汁，另一個係燒腩仔飯配士汁， 兩個飯都咸到完全食唔到， 其中一個啲汁入面仲食到鹽粒… 腸太鹹，燒腩仔都係…雖然啲汁放埋一邊， 但因為沾到啲飯連啲飯都食唔到… 唔知點解啲食評話好好食… 大家去食嘅時候要記得喺其他舖頭買定食物， 如果唔係就會搞到好似我咁… 最後係乜都冇食過。

今天來買點外賣，為午餐加餸。顯徑站開通，相信是大圍居民一件大事，外出也不那麼遙遠了。而顯徑街市也來湊熱鬧，重新裝修，換來新景象。多了不少新店，也比以前闊落好行，始終新舊交替是必須。今天來到燒洒一族，我是冒名而來的。新店開張，頗有好評，說是燒味店，更像超市熟食檔位。冷盤凍食。外表精緻，有包裝有設計有擺盤，冷熱分開以免交叉感染。熱食也陳列有序。但以外表而言，靚仔係靚仔，但沒有燒的色彩，容後再說。買了一只香辣雞腿，由於碎上，也就不拍照了。包裝相當吸睛，內層是錫紙，有保暖隔汁功用。雞髀不是大號，主動翻熱。調味帶孜然粉，辣椒，蜜味，然而只在表面，中心的味道是淡淡的。也沒有燒的香味，雞皮依然肥膩。20元一隻。酒醉薰蹄，沒有為意有大小之分，隨便取了大盒。附上兩包醉汁，本身也略帶醉味，只是的確加一包比較好。薰蹄的底味滷水味單薄，薄片較好，頭尾較厚者見粗鞋，細嚼有豬燥味，前面手工處理馬虎。大份68元，真想試，建議買份小的就好。黑糖叉燒，店員有主動問半肥瘦，也有主動問這一條好不好，我沒為意就隨便。首先顔色，同樣沒有燒的色彩，自然也沒有香味，對比燒，更像用醬餣好，然後蒸焗而成。黑糖就不過是糖的一種，原材料羅