燒洒一族 (大元街市)

營業中

休息中

呢段時間一直好忙 冇咩時間下廚係屋企附近搵到呢間外賣自取店 用黎加餸係一個唔錯既選擇😍主打食品就如店名一樣燒味 同酒醉小食佢地既燒味除左一般叉燒 燒腩仔之外仲有西式既燒豬手 燒春雞燒豬肋骨等等☺️酒醉小食都有十幾種 仲用左透明膠樽同鋁蓋密封即開即食又得 放係雪櫃口痕拎出黎先食亦得😋選擇好多 價錢好合宜勁抵食👍🏻食左呢幾款 覺得好唔錯 下次想試下佢其他菜式😝💥德式燒豬手🐽小店既招牌菜可以揀大或者特大 兩者價錢差10蚊即叫即斬 起骨拆肉拎到番屋企 外皮仲好香脆 啖啖肉 唔會太油好硬 仲跟埋D蜜糖芥末醬 好香口😎💥惹味燒春雞飯有3種醬汁可以揀 揀左黑椒汁估唔到叫個飯都有咁多件雞😍春雞燒得好好 皮脆不在話下雞肉嫩滑有肉汁😋飯既份量都好夠💥酒醉小食所有酒醉小食都用左黃酒 花雕酒同其他香料浸泡 酒味香濃食左2款都好入味 送酒既話更加一流🍺酒醉溏心蛋🥚雞蛋外觀都睇得出入哂味切開仲係好正既溏心好香既酒味😋酒醉雞卷🐤雞卷用雞下脾既肉🍗又係啖啖肉 口感嫩滑食落好入味😁

今日入大埔探屋企人 順便去大元街巿睇下買咩加餸，經過呢間燒洒一族，見啲酒醉系列好似幾吸引就買幾款試下。第一款：酒醉溏心蛋 $30 有4隻，蛋王流心，蛋白索晒酒味，必試！第二款：酒醉雞中翼$45，雞翼大大隻，雞皮入晒味，雞肉夠滑第三款：酒醉雞軟骨$45，份量十足第四款：酒醉花雕雞$50，同雞中翼一樣都係雞皮入晒味，雞肉滑，呢挴古就更加啖啖肉第五款：酒醉薰蹄$45，豬皮勁爽，份量又係勁多，食極都未完全部都好唔錯，值得一試，下次可以試埋佢啲燒味，正！

係open rice 落定單，去到可以免排隊，去到店員先即刻斬，返到屋企豬手皮仲好脆，好大份，而且係熱，店員好有禮貌，除左刀功上可以有待改善之外，其餘都可以，會再去幫襯。

招牌豬手飯$48就算係外賣回家食，豬手的脆皮依然保持脆卜卜，非常好食，而且份量都唔細，好抵食。另有醬汁選擇：蒜蓉汁、黑椒汁，蜜糖豉油。洒醉海蜇$68個人非常喜歡食海蜇，所以特意買來試試，相當有驚喜，首先一打開聞到濃郁的洒香味，海蜇入口爽脆，唔會好似橡筋咁，製作一啲都唔馬虎。總結來講非常抵食，平民價但食到高質素食物，見到佢不斷擴張緊店舖，有機會要買來試下佢。