燒肉祭

營業中

休息中

尋日同老細過嚟九龍灣搵人～自不然會響啲工廈度搵嘢食，行過見到一間食牛肉飯嘅舖頭，佢主打除咗牛肉，竟然係蛋🥚？！仲要係蘭王～😍鬼咁肚餓，我哋一於入去試下啦！美國封門柳丼：老細平時打邊爐都鍾意食封門柳㗎喇～貪佢夠淋但係又有肉味～而家仲要加埋隻蘭王🥚睇佢個樣紅卜卜已經非常有食慾～一篤篤穿佢，啲蛋汁流曬落啲飯度，撈埋啲醬汁一啖過～美味嘅極限！！蘭王親子丼：唔想食生蛋，可以食滑蛋～雞肉都好嫩滑juicy，配埋滑蛋同埋醬汁，都非常惹味！店內仲有好多日本直送飲品任君選擇，我哋揀咗蜜瓜梳打同波子味汽水～夠飽又經濟！！

九龍灣工廈入面開咗間新嘅牛肉丼飯叫燒肉祭，主打牛丼，唔同部位嘅牛丼都有，如果唔食牛，餐廳亦有雞或豬供應，價錢仲好親民添。同同事是日來試下，點了丼飯同小食，加五蚊仲有汽水。⭐蘭王蛋慢煮牛舌丼叫了牛舌丼，牛舌厚切，燒得軟腍入味，丼飯上的醬油漬蛋用的是蘭王蛋，蛋味濃郁呢🤤⭐精選雙併燒肉丼另一碗叫了雙併丼，是牛肉片併豬腩片，用醬油煮過很香甜，滿滿一碗肉片食得好滿足呀。⭐章丸小丸子 & ⭐忌廉蟹肉可樂餅小食叫了小丸子同可樂餅，即叫即製熱辣辣好新鮮，小丸子軟綿綿加埋醬汁好好食，可樂餅炸得外脆內軟，正。⭐蘋果汁 & ⭐可樂小店有唔少日本罐裝飲品，是日先試試蘋果汁，仲有波子汽水、橙汁、提子汁等都想試下。聽店員講小店用的醬油全部都喺日本直送，真材實料㗎。

平時放飯嘅時候都成日會經過呢條街，近排突然間見到門口多咗一塊告示板，睇落餐牌都幾吸引，於是今日就同同事一齊上嚟食吓，點知真係有驚喜喎！呢間餐廳主打係牛肉don飯，全部都有120g，其實都算係抵食，對附近返工嘅打工仔嚟講都係一個幾好嘅選擇！呢到坐得都算好舒服，有卡位，枱同枱之間都有好多位，唔會好逼。今次我哋要咗一個蒜香和牛don同一個親子don。和牛don一上枱就比隻橙黃色嘅蘭王蛋吸引到。仲要有超多塊燒和牛，加埋蒜香味好足，超開胃，大大碗飯都食得晒。親子當日都絕對冇disappoint，比較濕潤，好下飯！呢到soda野飲都不錯，我鍾意提子味嗰個。

位於九龍灣鴻力工業中心內的「燒肉祭」，每到午飯時間好多在附近上班的人過來食，這裏的餐品選擇不算多，就是那幾款美味的特色丼飯吸引了眾多食客前來光顧，這店的丼飯本身已經夠大碗，所有餐點白飯還可以免費追加，真是很抵食👍我也是他們的粉絲🤭今日午飯又是不二之選😄我和同事點選以下兩款午市丼飯套餐，都是十分美味。蘭王牛丼，肥牛牛味濃，份量多，加埋醬油漬蘭王蛋配熱騰騰的日本白米飯，白米飯吸收了肉汁的精華，又好味又滿足😋蘭王親子丼，就是蘭王滑蛋雞肉蓋飯，雞肉嫩滑醃入味，半熟的蛋液，與白米飯撈埋一起，又是一道美味的傑作👍

燒肉祭 📍九龍灣宏冠道6號鴻力工業中心A座2樓A17號舖⭐️ 精選雙拼燒肉丼 $78 +$5蘋果汁放Lunch見到有間新開嘅牛肉丼飯，就同fd試試佢！ 落左單之後好快就整好，上枱仲新辣辣✨揀雙拼就係想一次過食到兩款肉😂 最驚喜嘅係佢超大碗😂😂 無論係飯定牛都好足料，仲有好多牛肉汁可以撈飯🍚，我一個女仔食一碗真係食唔晒，大食嘅朋友可以去試快，cp值幾高!🤣#燒肉祭 #九龍灣美食 #九龍灣好去處 #食肉獸之選

九龍灣工廠大樓也有好吃的這間工廠大樓裡的日式燒肉蓋飯性價比還不錯尤其下午茶時段來，大約四十蚊就可以解決一頓飯價錢這麼便宜，食材也沒有敷衍了事餐廳的蛋用的日本蘭王蛋，牛肉蓋飯的牛肉分量也很大牛肉味非常濃郁，醬汁味沒那麼重，只用了淡淡醬油+黑胡椒味調味飯也是粒粒分明，分量很大午餐來的話人均50-70r，豐儉由人，但我覺得最基本的蘭王牛丼已經很優秀了另外的親子雞丼也ok要是去附近不想吃商場裡的餐廳，可以試試看

呢間餐廳環境好似日式屋企feel甘響九龍灣工廠區入面，而且呢度營業時間係11:00-15:00嫁炸，想食真係要中午時間黎先食到，我地叫左一碗蘭王牛丼$58好抵食，即叫即整，蘭王蛋係比較金黃色，搞混入牛肉丼度食令牛肉更滑溜，蘭王蛋新鮮圓潤色澤好橙色，牛肉份量都算多，丼飯大碗用左珍珠米飯。蘭王親子丼配前菜沙律同汽水，汽水叫左日本蜜瓜汽水蜜瓜soda味濃郁，另一罐叫左提子，提子酸甜。親子丼即係滑蛋雞扒飯，雞肉份量都幾多，滑蛋拌飯蛋味濃。

喺Mega Box附近唔使十分鐘就到，燒肉祭嘅丼飯主打唔同產地、級數和部位嘅牛肉，性價比仲好高𠻹！.➜蘭王牛丼燒牛肉片鋪滿飯面，肉香同蛋汁流入飯，唔會太油，加埋清爽嘅蔥花，成個牛丼唔會太油膩，而且飯量好多，好有飽足感！.➜蘭王親子丼令人驚喜嘅係雞肉好嫩，醬汁滲透晒喺飯入面，每啖都食到香甜嘅蛋味.餐廳可能仲好新，唔算多人，坐得都好舒服，出餐夠快，食Lunch都唔驚等太耐呀！.午市同下午茶都好抵食！仲可以加飯！#msmessypig_food

今日又係公司附近搵嘢食，咁啱俾我搵到呢一間燒肉祭，工廠大廈2樓食飯時間應該會少人啲。都容易搵嘅𨋢口一左轉就係。呢度主要食佢嘅蘭王醬油漬燒牛肉飯🥚🍚。牛肉係牛胸腹，想食得好啲佢哋仲有牛脷、封門柳，連切片和牛佢哋都有。唔似得啲連鎖店，佢本身已經好大碗，牛肉片亦都比較厚，口感紮實。醬油漬蘭王蛋，撈埋白飯食嘅味道真係一流，加埋佢本身洋蔥牛肉汁，真係贏啲xx家幾條街。同埋我呢一碗都係$58，C P值高👍🏻

約左老公係九龍灣食lunch，而家好多工廠大廈入面都好多餐廳。叫左個滑蛋親子飯同埋燒肉雙併。佢既既滑蛋親子飯，都真係做到好滑，雞肉都唔鞋。可以用黎送飯。不過啲飯可以唔好咁淋就會好啲。評分：👍🏻👍🏻👍🏻/5燒肉雙併飯係燒豬肉同燒牛，佢兩款肉都好食，好淋，唔會咬唔開；不過如果啲汁多少少會好啲，因為可以送飯。評分：👍🏻👍🏻👍🏻/5個飯係餐，有氣水同沙律。整體味道指數：😋😋😋/5性價比：💰💰💰/5環境：❤️❤️❤️/5服務：✅✅✅/5

高質工廠日式燒肉丼！慢煮牛舌丼飯牛舌煮得啱啱好，勁軟！入面保留住原汁原味，咀嚼感十足。每一片牛舌唔會過老，反而好嫩滑，肉味濃郁。呢碗丼飯份量足夠，無論係食個主餐定係想輕鬆咁享受，都係一個唔錯嘅選擇。雙拼燒肉丼雙拼燒肉丼真係係肉食控嘅最愛！燒得香脆外焦內嫩。配搭住熱騰騰嘅米飯，每一口都係滿滿嘅肉香同米香，味道十分豐富。而且份量十足，食完之後唔單止滿足，仲好有飽足感，真係好適合大胃王或者喜歡食肉嘅朋友！

今日見派街招，上去試吓，四個都各自叫左封門柳，我嘅朋友就嫌汁唔夠，我就覺得還可以，蛋有輕微過熟，牛肉比較硬，暫時可能唔係好多人，環境可以接受，唔會太嘈，不過價錢比較貴

隱世工廈優質日式丼飯🎏主打不同產地、級數和部位的牛肉🐮價錢親民，份量夠大😃封門柳丼是必食推介🍚香煎至medium rare熟🔥呈淡粉紅色的牛肉🥩口感軟嫩，肉味濃郁🤩加上蘭王蛋撈飯，份外美味🍳牛舌丼經慢煮三個多小時而成🥘每片牛舌心極之厚切🔪口感很腍，肉汁豐富💦每一口都充滿了濃郁的牛肉香味😋老闆還送多一小碟「極品」給我們😙有全球最頂級牛肉美名的「鹿兒島A5和牛」😍肉質極優，肌肉纖維細膩，脂肪分布均勻👍

燒肉祭地址：九龍灣宏冠道6號鴻力工業中心A座2樓A17號舖Lunch 一於食新餐飯先😏塩蔥牛舌根丼🥩$78啲牛舌根軟嫩多汁，煮得啱啱好，啲味道夠香濃🤪，啲塩蔥令到個味更加突出😍！一碗飯飯食落去，啲肉啲飯啲汁完美配搭，令人一試難忘！👌🏻🥢蘭玉牛丼🥩$58啦呢碗牛肉飯將牛肉煮得咁嫩，啲肉汁都滲透晒入面😚，啲飯加上蛋汁又香又軟😜！飯底嘅味道吸引，令人一試難忘！#nicefoodie九龍灣-—————

這家餐廳的位置頗為隱蔽,讓人有種"隱世"的感覺。由於剛剛開張不久, 所以目前人流量仍然不算太多，不用搭枱。我點的是這家餐廳的蘭王蛋醬油漬牛肉飯，價格與連鎖店吉野家相當,但我個人認為這裡的燒肉飯完全是另一個檔次。醬汁很有分量, 搭配上鋪滿整個飯面的燒牛肉片, 整個視覺效果和味蕾體驗都非常誘人。這裡使用的是珍珠米,每一粒粒都被調好的油完全包裹著,口感非常好, 不會有過於油膩的感覺。就份量而言, 我覺得對於女性食客來說剛剛好。但如果是男性食客,可能會需要加錢添飯。食物用料上我覺得對比連鎖式快餐店可算是非常良心了。