燒肉 DON DON

營業中

休息中

初時係見到instagram有foodie話平靚正先食，點知完全中咗大伏😅😅😅完全無service可言，啲呀姐不停用普通話傾計，都無咩點理客，落單又係QR code落😅😅😅燒肉咁簡單一樣嘢都可以搞到極之難食，啲肉有種說不出的奇怪，同一般食燒肉嘅肉係有分別。個環境成個setting都似返咗大陸嘅小店，枱又油油地，食得唔係幾舒服。如果一定要揀，我認為去返連鎖燒肉店食差唔多價錢無咁嬲，服務亦會好啲。

晚飯時間遲左食，附近餐廳已經爆曬棚，要排隊，行下見到呢間野唔洗排隊，膽粗粗諗住試下燒肉實冇死，點知抽氣系統完全冇運作，得幾部垃圾風機，燒烤爐個抽風抽落去小腿位，啲風係熱嘅，夏天食完全唔OK，成間鋪勁大煙，食完只想快啲走。翻枱率係高，但無論幾時去見到都係冇人排隊，食過嘅全部都係一次性客人。再加上用合成牛肉，燒極都燒唔爛，個湯好足料，但係完全冇味，好似飲水一樣。想抄燒肉like，麻煩先去睇人地邊度入貨。

平安夜咁岩見呢間餐廳冇咩人就走左入去食。點知冇人原來係有原因。叫左個牛小排同牛肩肉套餐，的確價錢係扺，但真係好難食。前菜係泡菜冇咩問題，玄米茶茶包都唔錯，但個湯點解可以有咁多料都冇味咁淡口？重點係啲肉，到底比啲乜野質素我，肥牛咁款，啲肥膏仲多過啲肉，燒到我火燭咁，仲要一啲牛味都冇，另外一舊望落已經好唔新鮮，食落又鞋。到個醬汁，係有五六款既，但得個黑椒同鹽好食囉，個燒肉汁真係垃圾到，豉油黎，我去百佳買支燒肉汁都好食過佢。呢間野真係唔會有下次。

諗住近近地收工行過旺角見到有燒肉食咁就坐低咗 因為太夜燒肉like關咗門我叫左個$85同$135既套餐我想講佢啲肉全部都好韌咬唔落我食邊個個位都係一樣完全中伏 仲要係$2百幾蚊埋單真心好難食然後成間舖抽風系統唔好全部都係白煙拿拿林食完一分鐘都唔想留喺度全程上餐 燒完 食完只需用咗半個鐘開頭仲以為係合成牛肉 睇真啲原來應該係隔夜牛肉所以個部位會有少少黑色 我都係食完睇評價先知希望大家食之前記得睇評價係負評嘅評價再決定

見冇人排隊, 我入咗去呢間燒肉店, 但原來冇人排隊真係有原因的, 首先這店冷氣不足, 有幾部風機, 睇你運數,坐唔坐到附近, 吹到就可能好少少, 我就坐在樓梯對開嗰張枱,初時坐在靠牆那邊椅, 真係又熱又焗, 越食越熱, 可樂又唔夠凍, 想要冰佢又冇！唯有轉坐返對面櫈先感覺空氣流通返啲！今晚叫咗三個套餐500蚊, 價錢都唔平㗎, 分別有牛小排、牛肩肉、牛舌、牛胸腹, 澳洲M5, 套餐有泡菜及湯, 但都令人頗失望的！首先M5及牛小排,諗住會好味啲, 想不到每款牛都都差別不大, 牛舌也是硬, 所有肉質都較乾硬, 泡菜賣相就唔睇得㗎喇, 味道當然唔會有質素嗰啲啦, 湯就像淡淡的羅宋湯, 呢啲都唔會大寄望, 只係一心想食下燒肉當然冇諗過佢會咁差啫！

最近我光顧了位於旺角的燒肉餐廳——Dondon，這是一家以親民價格和美味燒肉聞名的地方。餐廳的環境簡單舒適，適合與朋友聚餐或獨自享用美食。我點了牛五花套餐，這個套餐包含100克的牛五花肉、珍珠飯、和風湯以及泡菜。牛五花肉的質量相當不錯，烤制後外焦內嫩，油脂分布均勻，吃起來非常香滑。搭配泡菜和珍珠飯，口感層次豐富，讓人一口接一口。此外，餐廳的服務也值得一提。服務員熱情友好，雖然人手不多，但他們總是能迅速回應客人的需求。餐廳內有不少靠牆的座位，即使是單獨用餐也不會感到尷尬。總體來說，Dondon是一個性價比高的燒肉選擇，非常適合想要享受美味燒肉而又不想花太多錢的食客。如果你在旺角附近，不妨親自去試試！

有一排成日都會經過旺角轉車，所以好鍾意喺呢一頭搵一啲小店去食，今日經過呢一間平民嘅餐廳，見佢一人燒肉餐都幾抵食，於是就試吓!地方都幾大，但係一人燒肉餐始終份量唔係太多，我見到前面個阿叔好似唔係太飽，佢真係嚟食燒肉啲飯同埋配菜都唔食嘅，呢度適合學生同埋啲女孩子唔想食太多肉嘅人，其實而家日本都好興呢一種一人燒肉，呢度有好多嘅醬汁可以選擇， 湯就自助形式去拎，如果以一個快食嘅餐廳來講，佢真係想得好快，速度有澳牛嗰種快嘅程度😂好少見一啲燒肉餐廳可以咁闊落，地段仲要係旺角，仲要係街鋪，作為食客我都有啲擔心佢！

香港地要搵一間既平得嚟又好食嘅餐廳並唔容易。旺角鬧市入面俾我搵到宜間，平之餘仲要唔加一，所以試下佢龍與鳳。去到我同朋友每日叫左個「牛五花套餐」($48)，有100克嘅牛五花肉，除咗牛五花，當然仲有其他肉類選擇....價錢貴少少。跟餐有大大碗日本珍珠米、和風湯，同泡菜/沙律，唔夠喉嘅話，可以用優惠價加配其他嘢食。想讚下佢個爐，平時去燒肉個爐點較都好易燒燶，但宜到個火又真係控制得好好，抽氣又重得好，燒完個人都冇燒肉味，舖入面冷氣又夠，絕對係比M記更窮人恩物

通菜街 💥平通街既菜式都係呢度搵到⁉️💥熱鬧既氣氛，店員大大聲於門外宣傳經濟套餐🤭：$48食到燒肉套餐⁉️又冇講錯喎，真係有$48😵，成間店最平夠經濟個餐🤫🔸️🔹️🔹️🔹️🔹️🔹️🔹️🔹️🔹️🔹️🔹️🔹️🔹️🔸️🌟牛五花100g 套餐🌟跟沙律、白飯、熱湯，有自助斟水，枱上有各款調味料自由選擇。➡️《一人飯堂經濟之選》D野上得都快，半個鐘食完一個燒肉餐😂😂😂

接近月尾想慳下錢, 向通菜街搵咗間一人燒肉, 本身冇特別期望, 但食落比想像中OK喎! 呢度其實係豐儉由人, 份量多少可以根據自己食量選擇要100g/200g/300g咁, 想食好D仲有M5牛胸腹, 黑毛和牛選擇。 唔係好餓, 所以同朋友小試牛刀, 叫咗一人一份100g嘅牛五花套餐 ($48) , 除咗肉, 佢仲配泡菜/沙律 + 和風湯 + 日本珍珠米飯.日式湯諗住9成都係味噌湯啦, 點知係蘿蔔湯嚟, 蘿蔔雖然未到季但都算甜, 同埋有俾少少肉 (都夠淋)。 牛肉雖然只係嗌咗100g, 但食落大概有7-8塊咁多, 質素都OK , 仲可以配搭多款醬汁: 海鹽/黑椒、鹽味醬、燒肉醬, 牛扒汁, 韓式辣醬同胡麻醬. 個人幾鐘意鹽味醬同 韓式辣醬, 點肉同撈飯食都一流, 估唔到幾十蚊都有大大碗珍珠米 (碗飯份量都多, 女生未必食得哂), 係驚喜嘅。

.‼️❤️ 記得CLICK我PROFILE關注我呀 ❤️‼️.🔥 S̾o̾l̾o̾ ̾G̾r̾i̾l̾l̾ ̾a̾n̾d̾ ̾C̾h̾i̾l̾l̾ @ 🌟 燒肉 DON DON 🌟.💁‍♀️ 圖片展示美食為：Beef Short Plate 100g Set HKD 48.👽 天氣熱辣辣，又未夠約咗人嘅時間，最好就係行入舖頭食少少嘢嘆吓冷氣。經過呢一間有供應一人套餐嘅日式燒肉餐廳就真係最適合，價錢仲要好抵。.🐂 叫左呢個「牛五花套餐」，有100克嘅牛五花肉。.然後會跟日本珍珠飯、和風湯，同泡菜。烤肉配埋泡菜，再夾埋飯一齊食，係好味的。唔夠喉嘅話，可以用優惠價加配其他嘢食。.😝 一個人食飯都唔會尷尬，因為呢度有好多靠牆嘅位，自己慢慢爽住燒，冷氣足，價錢又抵，行經旺角可以試下呢。.📍 旺角通菜街35號地舖☎️ +(852)6160-3288.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.

香港有一人燒肉店好耐，但食真係第一次獨立位置原來唔多，大概只有5個，其餘都係👭 2人枱/ 👨‍👨‍👧‍👧 4人枱，以2個人用一個爐🍱 最平餐$48/100g，有齊餐湯、白飯、沙津初初以為餐湯同日式一樣用麵豉湯，但原來係西式羅宋湯，真係估佢唔到😂另外出面有自助水吧叫左份牛，肉質都幾嫩，有肉味反而覺得白飯食到好dry😂 最後自製咗韓式伴飯，或如果有飯素會開心好多利申正常食量，但建議叫150g以上份量好啲

在物價飛漲的當下,要找一間既平價又美味的餐廳并非易事。令我驚喜的是,這家日式燒肉店為用餐者提供了一個非常實惠的選擇。餐廳位於旺角鬧市中心,環境簡單樸實,有少少和風元素，整體十分整潔明亮。燒肉店點都有少少油煙味，重點最吸引我的是他們的套餐價格,僅48元就能可以食到一餐日式燒肉。套餐包括左100g的牛五花肉、一碗白飯、一份泡菜或沙律,以及一碗熱騰騰的味噌湯。份量最少100g,如果唔夠食，可以叫多啲，有200g及300g選擇，除咗牛五花，仲有其他肉類選擇～價錢高少少🤏牛五花肉質正常水平，自己燒～一人飯堂都唔尷尬,白飯柔軟,泡菜酸甜可口,既解膩又開胃。味噌湯濃郁醇厚,溫暖身心。整個套餐份量肉唔算多，食曬成碗飯+飲曬啲湯，咁就會飽～作為一個經濟轉型期的上班族,經常要在工作、生活、娛樂之間進行平衡。能夠在繁忙的日程中找到這樣一家性價比超高的餐廳,真係窮人恩店飯堂😂粑尾朋友人士都好適合去～

今日嚟試一試呢間主打一人燒肉餐嘅燒肉DON DON，餐廳位置喺女人街幾方便，門面都幾搶眼易搵一人餐好抵，呢個100g嘅牛豬五花餐只售$48，不設加一，份量夠飽肚，珍珠米一粒粒，有開胃前菜泡菜，又有蘿蔔牛肉湯火力、抽氣同冷氣都好勁，唔怕一陣味，又唔怕熱，牛同豬薄切，好易就燒到脆卜卜勁香口，食落勁滿足好多款醬料點肉食，仲提供檸檬水，唔怕熱氣唔怕口渴啲餐好抵食，種類同份量任君選擇，價錢公道裝修乾淨簡約好坐，值得推介

晏晝搵食見到間價錢咁親民嘅燒肉，一於入嚟試下牛五花&豬五花套餐(100g)($48)份量同味道唔失禮，具性價比，大大碗飯，前菜有沙律，仲有碗牛肉粒湯，飲落有住家湯嘅味道，阿晒飽肚爐火夠熱，牛同豬都可以燒到好脆好香口，啖啖肉幾滋味，冷氣同抽氣都夠，唔使㷫住咁食門面同裝修都新淨，座位乾淨闊落，肉嘅種類同份量選擇充足，又有好多醬汁配燒肉食，仲有鹽同黑椒調味，呢個價錢幾抵，位置方便，服務亦唔錯，有機會會再嚟