燒肉LIKE (V Walk)

營業中

休息中

未夠鐘睇戲，所以搵嘢食醫肚，見到呢到有燒肉下午茶，價錢都係幾十蚊 !環境以木系裝修，都坐得幾舒服！套餐份量都幾多，有湯、前茶，仲有可樂飲，真係好抵食！最體貼係飯量有分150/200/300g, 可以因應自己食量揀，又唔怕食淨！！牛舌夠薄，放落去燒一燒就食得，牛五花油膩分佈平均，唔會過油！肉量一人剛好，夠入味，牛味濃，而調味都好多款，不過我就鐘意加黑椒同鹽就好夠！下午茶真係好抵食，幾十蚊就可以食到好飽！

性價比極高一人燒肉店燒肉LIKE‼️最平$48食到豬五花及牛五花腩套餐✨ 套餐包括白飯+和風湯+沙律/泡菜(⁎⁍̴̛ᴗ⁍̴̛⁎) 性價比極高！勁抵食啊！下午茶最平$38添炸！

想食呢間，真係要早少少拎位（特別係假期），又或者係gulu 拎左位，得住街等就最好！ 我哋要等100張飛，等左1.5小時！ 餐廳入面餐牌好簡單，選擇唔多，但係手機落單果時原來好多野揀，仲有有心理準備就係落order 時要比錢！ 係方便，但估唔到未食先比錢😂野食方面算係咁，有大份量餐，又有輕食，我叫左$48餐，都其實幾夠食，仲有個和牛餐。不過怕肥就小心，因為佢係五花腩（大家睇相就知有幾肥）！另外，佢都有幾多款唔同醬料，乾淨！枱唔多，服務幾好，食完直接走就得！