影片
港鐵屯門站 C1 出口, 步行約9分鐘
繼續閱讀
付款方式
其他資料
加一服務費
以上資料只供參考, 請與餐廳確認詳情
食家推介
今曰去燒蝦蝦午市任燒任食任飲，食得好滿足呀！😋 我地2人午市過去食，人唔算好多，不用book位，來到店員還安排了4座的卡位給我們，坐的很舒適，燒左2個鐘明明都已經食到好飽，點知整左個丹麥麵包配雪糕，正到呢😜，一口氣整左三次先肯走 😂🤣
繼續閱讀
鍾意食海鮮嘅朋友，去呢間自助燒烤餐廳就啱晒啦😛。我地食早場時段，星期一至五下午五時至七時四十五分，每位成人$298。餐廳闊落、設有卡位，座位側邊有個魚缸放蝦蝦🦐，可以用夾喺魚缸即時夾起燒，超級新鮮。而每張餐枱都有通風系統，燒完冇異味。曾經都好怕去呢D燒海鮮，細細個爐覺得會燒得好慢等好耐都未有野食，呢度完全冇呢個問題呀👍🏻，因為外面放左好多前菜、熟食、甜品，而且款式都有好多，等待燒熟既途中可以出去夾吓雞翼、飲下湯，唔使怕等得耐。食海鮮最驚就係處理海鮮，成日要剝殼又要洗好煩。餐廳好貼心💕咁預先幫你處理好&調好味，亦都有整好曬一盤盤盒仔俾你成個盒燒，超方便，仲可以食到蒜蓉粉絲🤤。除咗海鮮🐟，當然唔少得雞、牛、串燒等肉類，仲有茄子🍆、粟米等其他蔬菜俾你選擇。燒到覺得熱氣唔緊要，雪櫃大量飲品俾你任飲，有菊花茶俾你下火🔥。食到飽飽哋當然唔少得甜品啦，呢度有好多款式嘅雪糕俾你揀，食完真係超級滿足呀😚。
繼續閱讀
流水蝦，夾入冰水，再烤熟，蝦好新鮮，有好多蝦膏！除咗蝦，就係海鮮，有蟶子、生蠔、花甲、沙白、桂花蚌、原條黃立倉⋯⋯大蜆、蟶子都鮮甜多汁！亦都有燒肉、蔬菜之類仲有各式啤酒任飲
繼續閱讀
好耐冇食放題，今次揀咗呢間餐廳係可以由11:30am食到15:30，慢慢燒慢慢食，唔洗食得咁急。流水蝦係賣點之一，新鮮的大頭蝦好生猛，即燒即食，味道、肉質都特別正，蝦肉肥大鮮嫩，頭大多膏，味道甘香濃郁！第二樣回本嘅係海鮮！種類繁多，鮑魚、生蠔、蜆、螺、原條魚等等都有，唔洗怕會缺貨，有專人快速補給！由於海鮮好快就燒熟，所以可以食多幾輪，好快回到本。肉類、丸類、蔬菜類、粉麵類、麵包類等都有提供！全部有蓋冚住，夠晒衞生。肉類已經醃製好晒，好入味。我最鍾意係佢有啲錫紙兜裝住不同配搭，可能有蒜蓉粉絲、雜箘等，岩晒我呢啲懶人唔洗睇火，唔洗驚燒燶。冇諗過燒嘢食都可以食到粉麵，包你食到勁飽。飲品方面，有室溫，有冰凍。除了大量紙包、樽裝、罐裝飲品，啤酒都係任飲👍🏻一邊燒嘢食，一邊飲啤酒，特別chill和有風味～甜品有雪條、雪糕、蛋糕。。。非常多選擇。假日午市價錢都係$298/人，物超所值，性價比高。
繼續閱讀
🍴🍽🍴🍽🍴🍽🦐🦐🦐🦐🦐🍴🍽🍴🍽🍴🍽-發現高質海鮮燒烤放題🤩！屯門區係遠咗少少，但週末11:30-15:30無限時任飲飲食都係$298，勁抵，最有驚喜係有晒大牌子tap beer 唔洗加錢任飲，原條鮮魚同貝類海鮮任食，勁滿足，嘢飲同甜品選擇超多，好啱一家大細過嚟又玩又食。🥢 流水蝦 🆙當日見到有好多枱都帶埋小朋友嚟，佢地着住圍裙捉蝦同燒蝦玩得超high😂。蝦喺魚缸入面行嚟行去好生猛，用長鉗去夾起佢地難度唔高，再浸佢地去冰水桶整暈佢地先擺去爐燒。食得到肉質好彈牙😍。🥢 扇貝、大硯、鮑魚 🆙海鮮洗得好乾淨，喺自助區拎完可以即燒，再有蒜蓉醬令海鮮燒得更惹味。鮑魚同扇貝好大隻，肉質都好鮮嫩。另外因為有free flow清酒，加咗啲去兜硯到做清酒煮硯，加埋任拎嘅蒜同蔥花味度超香濃惹味。🥢蒜蓉粉絲鮑魚 🆙一兜入面有4-5隻剝好咗嘅鮑魚，比起連殼食嘅方便好多，加咗蒜蓉醬同彈牙嘅粉絲好正😙。🥢 串燒任拎 🆙自助區食物擺得好衛生，全部都有膠蓋遮住，最中意拎雞軟骨串、多春魚同雞腎，烤到香脆之後因應自己口味加孜然粉同燒烤粉調味，拍得住喺居酒屋食嘅味道😋。另外亦有丸類同腸仔，可以烤到咁上下掃上蜜糖，同樣好味🥰。🥢 任食粉麵 🆙 自助區有煮麵機可以快快淥個麵食，我地煮咗兩個營多，好開心😂。📌 舖頭開到深宵時份，同樣都係任食任飲，星期五夜晚同朋友嚟隊啤酒都唔錯，佢地酒杯有雪住，tap beer勁新鮮，三百幾蚊一位好抵🤩。😇評價 𝗥𝗮𝘁𝗶𝗻𝗴𝘀😇食物 𝗙𝗼𝗼𝗱 8/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 7/10服務 𝗦𝗲𝗿𝘃𝗶𝗰𝗲 7.5/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 8.5/10整體 𝗢𝘃𝗲𝗿𝗮𝗹𝗹 7.75/10-🍴🍽🍴🍽🍴🍽🦐🦐🦐🦐🦐🍴🍽🍴🍽🍴🍽
繼續閱讀